Tag: آرام

شاہد آفریدی کا شاہین شاہ اور شاداب کو آرام دینے کا مطالبہ

سابق کرکٹ اسٹار شاہد آفریدی نے نیوزی لینڈ کیخلاف آخری ٹی 20 میچ میں شاہین شاہ آفریدی اور شاداب خان کو آرام دینے کا مطالبہ کیا ہے۔

پاکستان اور نیوزی لینڈ کے درمیان پانچ ٹی ٹوئنٹی میچوں کی سیریز میں کیویز نے تین ایک سے فیصلہ کن برتری حاصل کر لی ہے۔ آخری میچ بدھ 26 مارچ کو ویلنگٹن میں کھیلا جائے گا۔

پاکستان کے سابق کپتان شاہد آفریدی نے آخری میچ میں فاسٹ بولر شاہین شاہ آفریدی اور نائب کپتان آل راؤنڈر شاداب خان کو آرام دینے کا مطالبہ کیا ہے۔

شاہد آفریدی نے سماجی رابطوں کی ویب سائٹ ایکس پر ٹوئٹ کرتے ہوئے کہا ہے کہ آخری میچ میں بنچ پر بیٹھے کھلاڑیوں کو آزمایا جائے۔ اس میچ میں شاہین شاہ آفریدی اور شاداب خان کو آرام دیا جا سکتا ہے۔

سابق اسٹار آل راؤنڈر کا کہنا تھا کہ پاکستان سیریز تو ویسے ہی ہار چکا ہے۔ اس لیے بہتر فیصلہ یہی ہوگا کہ باقی کھلاڑیوں کو بھی موقع دیا جائے۔

واضح رہے نیوزی لینڈ کے خلاف رواں سیریز کے کھیلے گئے چار ٹی 20 میچوں میں شاہین شاہ آفریدی اور شاداب خان کی کارکردگی انتہائی مایوس کن رہی ہے۔ چوتھے میچ میں تو دونوں کرکٹرز نے بغیر کوئی وکٹ لیے 98 رنز مخالف ٹیم کو دیے تھے جب کہ بیٹنگ میں بھی کمال نہ دکھا سکے۔

چار میچز میں شاہین شاہ آفریدی نے 133 رنز دے کر صرف دو وکٹیں حاصل کیں جب کہ طویل عرصہ بعد بطور نائب کپتان ٹیم میں واپسی کرنے والے آل راؤنڈر شاداب خان نے 110 رنز دے کر صرف ایک وکٹ حاصل کی جب کہ بلے سے بھی وہ کارکردگی دکھانے میں ناکام رہے اور تین اننگز میں صرف 30 رنز ہی بنا سکے۔

مارچ 24, 2025
’بابر اعظم کو آرام دینے کا وقت آ گیا ہے‘

بابر اعظم جو ویسٹ انڈیز کے خلاف پہلے ٹیسٹ کی دونوں اننگز میں ناکام رہے انہیں آرام کے نام پر ڈراپ کرنے کی باتیں ہونے لگی ہیں۔

پاکستان کے اسٹار بیٹر بابر اعظم جو طویل عرصہ سے خراب فارم سے نکلنے کے لیے کوشاں ہیں تاہم اس میں مکمل کامیاب نہیں ہوسکیں ہیں۔ حال ہی میں ویسٹ انڈیز کے خلاف پہلے ٹیسٹ میچ کی دونوں اننگ میں بھی وہ ناکام رہے اور ڈبل فیگر میں بھی داخل نہ ہوسکے۔

اس کارکردگی کے بعد سابق ٹیسٹ کرکٹر باسط علی نے انہیں آرام دینے کا مطالبہ کر دیا ہے۔

اپنے یوٹیوب چینل پر باسط علی نے کہا ہے کہ چیمپئنز ٹرافی سے قبل ویسٹ انڈیز کے خلاف دوسرے ٹیسٹ میچ کے لیے بابر اعظم کو آرام دیا جائے۔

سابق اسٹائلش بلے باز نے کہا کہ سیریز جیتنے کے بعد بھی ہم ورلڈ ٹیسٹ چیمپئن شپ کے لیے کوالیفائی نہیں کر سکتے۔ اس لیے یہ بہترین وقت ہے کہ بابر اعظم کو وقفہ دیا جائے کیونکہ بیٹنگ میں مسلسل ناکامی سے ان کا اعتماد خراب ہو رہا ہے۔

ان کا کہنا تھا کہ اگر دوسرے ٹیسٹ میچ کی پچ پہلے میچ جیسی رہی تو دوسرے ٹیسٹ میں ناکامی سے ان کےاعتماد کو مزید نقصان پہنچ سکتا ہے۔ اس لیے بابر اعظم کو دوسرے ٹیسٹ میچ میں آرام دیا جائے تاہم پلیئنگ الیون کے ساتھ رکھا جائے

واضح رہے کہ بابر اعظم نے پہلے ٹیسٹ میچ کی دونوں اننگز میں صرف 8 اور 5 رنز بنائے تھے۔ سیریز کا دوسرا اور آخری ٹیسٹ 25 سے 29 جنوری تک ملتان کرکٹ اسٹیڈیم میں ہی کھیلا جائے گا۔

سابق قومی کپتان کو اس سے قبل گزشتہ سال انگلینڈ کے خلاف ہوم سیریز کے دو ٹیسٹ میچوں سے بھی ڈراپ کیا گیا تھا۔

https://urdu.arynews.tv/ab-de-villiers-hints-at-return-to-cricket/

جنوری 23, 2025
درد شقیقہ یا مائیگرین میں آرام کے لیے موثر گھویلو ٹوٹکے حاضر ہیں

آدھے سر کا درد جسے درد شقیقہ یا مائیگرین بھی کہا جاتا ہے اکثر لوگوں کے لیے کافی تکلیف کا باعث بنتا ہے۔

درد شقیقہ کا شکار خواتین اور حضرات آدھے سر کا درد اٹھنے پر کافی تکلیف میں نظر آتے ہیں۔ اکثر درد کی صورت میں دوائیں کھانے کا انتخاب کیا جاتا ہے، تاہم اکثر اس میں فوری کمی نہیں آتی۔ مائیگرین میں آرام کے لیے ذیل میں کچھ ٹوٹکے بتائے جارہے ہیں جن کے استعمال سے فوری آرام آسکتا ہے۔

ادرک کی چائے کے ذریعے بھی مائیگرین میں کمی لائی جاسکتی ہے۔ آدھے سر درد سے نجات کے لیے ادرک کو بہترین چیز تصور کیا جاتا ہے۔ ادرک کا استعمال سر میں موجود خون کی شریانوں کی سوجن کو کم کرتا ہے جس سے درد سے نجات ملتی ہے۔

ادرک کے تین ٹکڑوں کو دو کپ کے قریب پانی میں ڈال دی۔ اس پانی کو آدھے گھنٹے تک ڈھک کر رکھیں، پھر اسے چائے کی شکل میں تیار کرکے استعمال کرلیں۔

اگر مائیگرین سے فوری آرام چاہتے ہیں تو یہ ٹوٹکا بھی فائدہ مند ہوسکتا ہے۔ کسی برتن میں پانی لے کر اس میں مسٹرڈ پاؤڈرملائیں اور اپنے دونوں پیر اس پانی میں ڈبولیں۔

پاؤں میں جو خون گردش کررہا ہوتا ہے وہ اکثر سر کی شریانوں میں خون کا بہاؤ کم کرنے کا سبب بنتا ہے۔ نیم گرم پانی میں مسٹرڈ پاؤڈر ڈال کر آدھے گھنٹے اپنے پاؤں اس پانی میں ڈبو دیں تاکہ خون کی گردش معمول پر آئے۔

درد شقیقہ کی کئی وجوہات میں سے ایک وجہ جسم میں پانی کی کمی بھی ہوسکتی ہے۔ اکثر خواتین و حضرات پانی پینا بھول جاتے ہیں۔
اگر آپ کے ساتھ ایسی صورتحال پیش آئے کہ اچانک سر میں درد اٹھ جائے تو ایک سے دو گلاس پانی پیئیں تاکہ جسم میں پانی کی کمی دور ہوسکے اور مائیگرین میں کمی آئے۔

نوٹ: ان ٹوٹکوں کے استعمال سے پہلے طبی ماہرین کی آرا بھی ضرور لیں۔ درد زیادہ شدید ہونے کی صورت میں فوری طور پر ڈاکٹر سے رجوع کریں۔

جنوری 18, 2024
بیمار ہونے کے بعد سب سے پہلا کام کیا کرنا چاہیئے؟

بدلتا ہوا موسم اور کام کی زیادتی اکثر اوقات ہمیں بیمار کرنے کا سبب بھی بن سکتی ہے، کیا آپ جانتے ہیں بیمار ہونے کی صورت میں سب سے پہلا کام کیا سرانجام دینا چاہیئے؟

بعض افراد کا خیال ہے کہ بیماری کی علامت محسوس ہوتے ہی فوراً دوا لے لینی چاہیئے تاکہ بیماری شروع ہونے سے پہلے ہی ختم ہوجائے، لیکن کیا یہ واقعی درست ہے؟

امریکی ماہرین اس کی جگہ ایک اور ترکیب بتاتے ہیں۔ ماہرین کا کہنا ہے کہ بیماری محسوس ہونے کی صورت میں آپ کو دوا لینے کے بجائے بستر پر لیٹ کر آرام کرنا چاہیئے۔

دا جرنل آف ایکس پیری مینٹل میڈیسن میں چھپنے والی تحقیق کے مطابق اس کا تجربہ 10، 10 افراد کے 2 گروہوں پر کیا گیا۔ ایک گروہ کے افراد کو نصف رات تک جاگنے کو کہا گیا جبکہ دوسرے گروہ کے افراد نے معمول کے مطابق اپنی نیند پوری کی۔

بعض ازاں ماہرین نے ان کے قوت مدافعت کے خلیات (ٹی سیلز) کا تجزیہ کیا، ماہرین نے دیکھا کہ وہ افراد جنہوں نے اپنے نیند پوری کی ان کے ٹی سیلز نے بہتر کارکردگی کا مظاہرہ کیا جس کے نتیجے میں ان میں بیماری سے لڑنے کی صلاحیت میں اضافہ ہوا۔

اس کے برعکس وہ افراد جن کی نیند پوری نہیں ہوئی ان کے ٹی سیلز اتنے فعال نہیں تھے کہ بیماری کے جراثیم کا مقابلہ کرسکیں نتیجتاً ان کی بیماری میں شدت پیدا ہونے کا امکان بڑھ گیا۔

ماہرین کی تجویز ہے کہ بیماری محسوس ہونے کی صورت میں دوا لینے سے قبل کچھ وقت آرام کرنا چاہیئے، اس کے بعد بھی اگر بیماری برقرار ہو تو ڈاکٹر سے رجوع کرنا چاہیئے۔

اپریل 1, 2019
دفتر میں سونے کے لیے آرام دہ ڈیسک تیار

دفتر میں ایک طویل دن گزارنے کے دوران دن کے بیچ میں وقفہ کرنے اور آرام کرنے کا دل چاہتا ہے تاہم غیر آرام دہ کرسیاں ایسا کرنے میں رکاوٹ بن جاتی ہیں۔

تاہم اب ایک ایسی ڈیسک بنا لی گئی ہے جو آرام کرنے کی سہولت بھی فراہم کرسکتی ہے۔ یونانی ڈیزائنر نینسی لیواڈٹ نے لکڑی، دھات اور لیدر سے ایسی ڈیسک بنائی ہے جو ضرورت کے وقت بستر بھی بن سکتی ہے۔

یہ ڈیسک عام ڈیسکس کی طرح کام کرنے کی سہولت فراہم کرے گی، تاہم اس کے نچلے حصے میں آرام دہ بستر بھی موجود ہے جو تھکے ہوئے ملازمین کے آرام کرنے اور پھر سے تازہ دم ہونے کے لیے ہے۔

یہ ڈیسک دفاتر کے ساتھ گھر میں بھی خوبصورت لگ سکتی ہے۔

یاد رہے کہ ماہرین کا ماننا ہے کہ دن کو سونے والے افراد کے دفاتر کو چاہیئے کہ وہ انہیں دفتر میں سونے کا موقع دیں اور انہیں صبح اٹھ کر کام کرنے پر مجبور نہ کریں۔

ماہرین کے مطابق ایسے افراد صبح اٹھ بھی جائیں تو وہ اپنی تخلیقی صلاحیتوں کا مظاہرہ نہیں کرسکتے۔

اس کے برعکس جب وہ اپنی نیند پوری کر کے دن ڈھلے اٹھتے ہیں تب وہ اپنی بھرپور صلاحیتوں کا مظاہرہ کرنے کے قابل ہوتے ہیں۔

تحقیق کے مطابق راتوں کو جاگنے والے افراد کو زبردستی دن میں جاگ کر کام کرنے پر مجبور کیا جائے تو ایسے افراد میں قبل از وقت موت سمیت کئی امراض کا امکان بڑھ سکتا ہے۔

فروری 26, 2019
بیماری میں آرام کرنے کا نقصان جان کر آپ حیران رہ جائیں گے

آج کل سردیوں کا موسم ہے اور ہر دوسرا شخص نزلہ زکام کا شکار ہے۔ یہ نزلہ اور زکام بڑھ کر خطرناک صورت اختیار کرلیتا ہے اور آپ بخار یا سینے کے انفیکشن میں مبتلا ہوسکتے ہیں۔

ہوسکتا ہے آپ کو لگتا ہو کہ ایسی حالت میں آرام کرنا زیادہ مناسب ہے اور دفتر سے ایک دو دن کی چھٹی لے کر اسے بستر میں گزارنا چاہیئے۔ لیکن ماہرین کا کہنا ہے کہ اگر آپ ایسا سوچتے ہیں تو آپ اپنی زندگی سے کھیل رہے ہیں۔

برطانیہ سے تعلق رکھنے والے ایک ڈاکٹر کا کہنا ہے کہ اگر آپ نزلہ زکام یا سردی لگنے کی صورت میں آرام کرنا پسند کرتے ہیں تو آپ اپنی بیماری کو شدید بنا رہے ہیں۔

ان کا کہنا ہے کہ ایسی حالت میں آپ کو سارا دن بستر میں گزارنے کے بجائے ہلکی پھلکی ورزش یا چہل قدمی کرنی چاہیئے۔

اس بارے میں ڈاکٹر ایرک بتاتے ہیں کہ نزلے کی حالت میں آرام کرنا آپ کے گلے میں موجود بلغم کو سخت کردیتا ہے جس کے بعد یہ سینے میں جم جاتا ہے اور یہ چیسٹ انفیکشن اور نمونیا کا باعث بھی بنتا ہے۔

مزید پڑھیں: نمونیا اور اس کی علامات سے آگاہی حاصل کریں

اس کے برعکس اگر ہلکی پھلکی ورزش یا چہل قدمی کی جائے اور جسم کو متحرک حالت میں رکھا جائے تو بلغم جمتا نہیں اور یہ بآسانی جسم سے باہر نکل آتا ہے۔

ڈاکٹر ایرک کہتے ہیں، ’ضروری نہیں کہ آپ جم جائیں اور بھاری بھرکم وزش کریں۔ اس کے لیے اپنے روزمرہ کے کام انجام دینا جس میں آپ کا جسم حرکت میں آئے، یا صرف چہل قدمی کرنا بھی کافی ہوگا‘۔

تو اگر آپ بھی نزلے کا شکار ہیں تو آرام کرنے کا خیال دل سے نکال دیں اور اپنے روزمرہ کے معمولات جاری رکھیں۔

جنوری 29, 2019
سوتے ہوئے بلندی سے نیچے گرنے کا احساس کیوں ہوتا ہے؟

کیا آپ کو نیند کے دوران کبھی ایسا محسوس ہوا ہے کہ آپ بہت گہرائی میں نیچے گرتے جارہے ہیں؟ اور اس کے بعد ایک جھٹکے سے آپ کی آنکھ کھل جاتی ہے؟

نیند کے دوران ہمیں مختلف کیفیات کا سامنا ہوتا ہے جن میں سے ایک یہ بھی ہے۔ ماہرین کے مطابق اسے ہائپنک جرک کہا جاتا ہے۔

مزید پڑھیں: نیند لانے کے 5 آزمودہ طریقے

یہ اس وقت محسوس ہوتا ہے جب ہم گہری نیند میں نہیں ہوتے اور ہمیں سوئے ہوئے تھوڑا ہی عرصہ ہوا ہوتا ہے۔ اس کیفیت کے دوران آپ کو ایسا لگتا ہے کہ آپ کسی اونچے پہاڑ کی چوٹی، آسمان یا کسی اور بلند جگہ سے نیچے گر رہے ہیں۔

ماہرین کے طابق اس کی کوئی حتمی وجہ تو نہیں، تاہم اس کے بارے میں کئی نظریات ہیں۔

ایک نظریے کے مطابق یہ اس وقت ہوتا ہے جب آپ بہت زیادہ تھکے ہوئے، تناؤ زدہ ہوں یا آپ کی نیند پوری نہ ہوئی ہو، تب آپ کا دماغ شدت کے ساتھ سونا چاہتا ہے لیکن آپ کا جسم اس سے مطابقت نہیں کر پاتا۔

ایک اور نظریے کے مطابق جب ہمارے اعصاب دن بھر کے تھکے ہونے کے بعد رات میں سکون کی حالت میں آتے ہیں تو اس وقت ایسا محسوس ہوتا ہے۔ یہ ایک قدرتی عمل ہے تاہم اس کے دوران بعض اوقات آپ کو یوں محسوس ہوتا ہے جیسے آپ کسی اونچی جگہ سے نیچے گر رہے ہیں۔

مزید پڑھیں: دماغ کو آرام پہنچانے کے طریقے

ماہرین کے مطابق ایسی صورتحال پیش آنے کی وجوہات میں بہت زیادہ کیفین کا استعمال، بے چینی اور دماغی تناؤ بھی شامل ہے۔ اس صورتحال کا صحت مند لوگوں کو بہت کم سامنا ہوتا ہے۔

ماہرین کا کہنا ہے کہ اس سے بچنے کا طریقہ یہ ہے کہ رات سونے سے قبل کیفین پینے کی عادت ختم کی جائے، جسم اور دماغ کو سکون پہنچانے والے طریقے جیسے مراقبے سے مدد حاصل کی جائے، اور سونے کی جگہ اور بستر کو صاف ستھرا اور آرام دہ رکھا جائے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 21, 2018

Tag: آرام

مزید پڑھیں: نیند لانے کے 5 آزمودہ طریقے

مزید پڑھیں: دماغ کو آرام پہنچانے کے طریقے