Tag: آرمی چیف

سینیٹر فیصل واوڈا نے کہا ہے کہ شہباز شریف، نواز شریف، آصف زرداری اور بانی پی ٹی آئی سب حب الوطن ہیں، ہم کسی کی حب الوطنی پر بات نہیں کر سکتے۔

تفصیلات کے مطابق سینیٹر فیصل واوڈا کا کہنا تھا کہ عید سے پہلے بانی پی ٹی آئی کی رہائی نہیں دیکھ رہا، بانی پی ٹی آئی کی رہائی کی خبریں افواہیں ہیں،ایسی صورتحال نظرنہیں آتی، یہ پروپیگنڈہ اور فلاپ شو ہے، پاکستانی اب یہ سب سننا بھی نہیں چاہتے۔

بھارت کے خلاف پاکستانی افواج کی شاندار کامیابی کا حوالہ دیتے ہوئے ان کا کہنا تھا کہ اس وقت ملک آرمی چیف کی بدولت ملنے والی جیت کا جشن منا رہا ہے، اس وقت سیاست غیرمتعلقہ ہوچکی ہے، آرمی چیف کا جو کریڈٹ ہے وہ انھیں ملنا چاہیے۔

پاک فضائیہ نے دنیا بھر میں بھارتی فضائیہ کو شرمندہ کردیا، فیصل واوڈا

فیصل واوڈا نے کہا کہ مذاکرات بالکل ہونے چاہئیں آج کے بجائے ابھی ہونے چاہئیں، اڈیالہ میں بانی پی ٹی آئی کو بریفنگ کی خبریں بےبنیاد ہیں۔

انھوں نے کہا کہ اس وقت سب مضبوط ہیں کوئی عدم اعتماد نہیں آ رہی ، بجٹ میں حکومت کومسئلہ مسائل ہوسکتا ہے۔

سینیٹر فیصل واوڈا کا مزید کہنا تھا کہ کچھ دیں گے کچھ لیں گے کچھ آپ کی مانیں گے کچھ اپنی منوائیں گے، سیاست میں مذاکرات ہی راستہ ہے، مذاکرات کی باتیں خوش آئند ہیں۔

آرمی چیف جنرل عاصم منیر نے کمبائنڈ ملٹری اسپتال راولپنڈی کا دورہ کیا، انھوں نے کہا کہ ملکی فوجی تاریخ میں نیا باب رقم ہوا ہے۔

آئی ایس پی آر کی جانب سے جاری بیان میں بتایا گیا کہ چیف آف آرمی اسٹاف سید عاصم منیر نے کمبائنڈ ملٹری اسپتال راولپنڈی کے دورے میں آپریشن بنیان مرصوص اور معرکہ حق میں زخمی ہونے والوں کی عیادت کی، آرمی چیف جنرل عاصم منیر نے فرداً فرداً زخمیوں سے ملاقات کی۔

آرمی چیف نے بھارت سے واپس بھیجے گئے 2 بچوں کے علاج کی ذمہ داری اٹھالی

آرمی چیف نے جوانوں کی غیرمعمولی بہادری، ثابت قدمی کی تعریف کی، انھوں نے کہا کہ شہریوں جوانوں کی بہادری اور قربانیاں پاکستان کی سلامتی کی بنیاد ہیں

انھوں نے کہا کہ پوری قوم مسلح افواج کیساتھ ہے اور بھرپور یکجہتی کا اظہار کرتی ہے، پوری قوم مسلح افواج کے ساتھ پُرعزم یکجہتی کے ساتھ کھڑی ہے، کوئی بھی دشمن پاکستان کی مسلح افواج کےعزم کو ختم نہیں کرسکتا۔

جنرل عاصم منیر نے کہا کہ دشمن کی کوئی سازش مسلح افواج کے جذبے کو کم نہیں کرسکتی، معرکہ حق اور بنیان مرصوص میں ہر پاکستانی کا جذبہ قابل تعریف رہا۔

https://urdu.arynews.tv/army-chief-says-indias-1-3-million-strong-army-cannot-intimidate-or-threaten-us/

راولپنڈی : آرمی چیف جنرل عاصم منیر  نے دشمن کو خبردار کیا تھا کہ ملکی سالمیت کا دفاع کیسے کرنا ہے یہ ہم بخوبی جانتے ہیں، 13 لاکھ بھارتی فوج اپنے تمام تر ہتھیاروں سے ہمیں ڈرا اور دھمکا نہیں سکتی۔

تفصیلات کے مطابق آپریشن بنیان مرصوص میں بھارت کومنہ توڑ جواب دیا گیا اور الحمدللہ افواج پاکستان نے جو کہا وہ کر دکھایا ، آرمی چیف جنرل عاصم منیر اور ڈی جی آئی ایس پی آر لیفٹننٹ جنرل احمد شریف چوہدری نے واضح کیا تھا کسی بھی جارحیت کا بھرپور جواب دیں گے۔

آپریشن بنیان مرصوص قوم سے کئے گئے اس وعدے کی تکمیل ہے، گزشتہ ایک ماہ کے دوران مختلف مقامات پر اپنے خطاب میں آرمی چیف جنرل عاصم منیر نے قرآن کا حوالہ دے کر کہا تھا اللہ کی مدد سے یہ کتنی بار ہوا چھوٹی طاقت نے بڑی طاقت کو شکست دی اور تاریخ نے ثابت کیا پاک فوج، قوم ہر جارحیت کیخلاف سےسیسہ پلائی دیوار ثابت ہوئے۔

جنرل عاصم منیر کا کہنا تھا کہ علاقائی سالمیت ،خودمختاری کےتحفظ کیلئےپاکستان میں بھرپوردفاعی صلاحیت ہے، ملکی سالمیت کا دفاع کیسے کرنا ہے یہ ہم بخوبی جانتے ہیں۔

انھوں نے مزید کہا کہ 13لاکھ بھارتی فوج اپنے تمام تر ہتھیاروں سے ہمیں ڈرا اور دھمکا نہیں سکتی، ہمارے آباؤ اجداد اور ہم نے ملک بنانے کیلئے بے پناہ قربانیاں دیں، ہم اپنے ملک کی حفاظت کرنا بھی جانتے ہیں۔

ڈی جی آئی ایس پی آر کا کہنا تھا کہ ہم بھارت کی مکاری اور جارحیت سے مرعوب ہونیوالی قوم نہیں، بھارت کو کہا تھا کہ اب ہمارے جواب کا انتظار کرو۔

سینیٹر فیصل واوڈا نے کہا ہے کہ اللہ کی رحمت ہے کہ پاکستان کو ایک قابل آرمی چیف ملے ہیں، پاکستان نے بھارتی پروپیگنڈے کا بھرپور جواب دیا۔

اے آر وائی نیوز کے پروگرام دی رپورٹرز میں گفتگو کرتے ہوئے فیصل واوڈا کا کہنا تھا کہ گولہ بارود روایتی جنگ ہے، اینٹ کا جواب پتھر سے دیا جاتا ہے، پاکستان نے بھارت کے پروپیگنڈے کا بھرپور جواب دیا، اب جدید دور ہے جنگیں تکنیکی لحاظ سے ہوتی ہیں اور جیتی جاتی ہیں۔

سینئر سیاستدان فیصل واوڈا نے کہا کہ آج قومی سلامتی کمیٹی کے اعلامیے پر کریڈٹ دیتا ہوں، فضائی حدود بند کرنا بھارت کو منہ توڑ جواب ہے۔

فیصل واوڈا نے کہا کہ کینیڈا اور امریکا میں بھارت نے جو سازشیں کیں دنیا آگاہ ہے، پاکستان نے اپنی فضائی حدود بند کرکے بھارت کو بھرپور جواب دیا۔

پاکستان نے بھارتی ناظم الامور کو ’ڈیمارش‘ حوالے کردیا

خیال رہے کہ پاکستان نے بھارتی پروازوں کیلئے فضائی حدود ایک ماہ کیلئے بند کردی ہیں جس کا نوٹم جاری کردیا گیا ہے، نوٹم میں کہا گیا کہ پاکستانی فضائی حدود بھارتی رجسٹرڈ سول اور ملٹری طیاروں کیلئے بند رہے گی۔

وہ طیارے جو بھارتی ایئرلائنز و آپریٹرز کی ملکیت یا لیز پر ہیں پاکستانی حدود استعمال نہیں کرینگے، پاکستان ایئرپورٹ اتھارٹی نے باقاعدہ نوٹم جاری کیا

ذرائع نے بتایا کہ پاکستانی فضائی حدود کی بندش سے بھارتی طیاروں کو اضافی 2 گھنٹے لگیں گے، 100 سے زائد بھارتی پروازیں روزانہ پاکستانی فضائی حدود استعمال کرتی ہیں۔

پاکستانی فضائی حدود کی بندش سے بھارتی پروازوں کور وزانہ لاکھوں ڈالرز کے اضافی اخراجات برداشت کرنا ہونگے۔

https://urdu.arynews.tv/pakistan-orders-indian-citizens-to-leave-the-country-within-48-hours/