راولپنڈی: چینی پبلک سیکورٹی کےوزیرنےآرمی چیف جنرل راحیل شریف سےملاقات کی ہے۔
چینی پبلک سیکورٹی کےوزیرگوشنگ کن نے آرمی چیف جنرل راحیل شریف سےراولپنڈی میں ملاقات کی،ملاقات میں باہمی اور پیشہ وارانہ دلچسپی کےامور،خطےمیں سیکورٹی کی صورت حال سمیت آپریشن ضرب عضب اورشدت پسندی کےخلاف دیگر کاروائیوں پرتبادلہ خیال کیا گیا۔
کراچی: سابق صدرپرویز مشرف کہتے ہیں مجھ سے بدلہ لیا جا رہا ہے، غداری کے الزامات سیاست زدہ ہیں، پاکستان میں مغربی جمہوریت نافذ نہیں ہو سکتی۔
سابق صدرجنرل ریٹائرڈ پرویزمشرف نے خود پر غداری کے الزامات کو سیاست زدہ اور انتقامی کارروائی قرار دےد یا۔کہتے ہیں الزامات تراشے گئے ہیں،برطانوی نشریاتی ادارے سے گفتگو کرتے ہوئے پرویزمشرف کا کہنا تھا پاکستان میں برطانیہ اورامریکا جیسی جمہوریت نافذ نہیں کی جاسکتی۔ مغربی نظام کو مقامی رنگ میں ڈھالنا ہوگا۔
سابق صدر کا کہناتھا انہوں نے اہم دہشت گردوں کی موجودگی کے شواہد دکھائے جانے پرصرف ایک ڈرون حملے کی اجازت دی تھی، پرویزمشرف نے بتایا وہ بھارت مخالف نہیں۔ ان کا کہنا تھا کوئی بھی یہ نہیں چاہتا کہ اس کی بے عزتی ہو، اس کی تذلیل ہو، اس کو تیوریاں دکھائی جائیں اور پھر بھارت کے ساتھ اچھے تعلقات ہوں فرق صرف اتنا ہی ہے۔
مٹیاری: سابق صدر پرویز مشرف نے کہا کہ موجودہ حکومت چند مہینوں کی مہمان ہے، انشاء اللہ عوام کی مدد سےجلد ملک میں آل پاکستان مسلم لیگ کی حکومت ہوگی اور ملک میں حقیقی جمہوریت اور عوامی حکومت قائم ہوگی۔
آل پاکستان مسلم لیگ سندھ کے ورکرکنوینشن سے ٹیلیفونک خطاب کرتے سابق صدر پرویز مشرف کا کہنا تھا کہ ہمارے دورے میں ملکی خزانہ بھرا ہوا تھا اور ملک ترقی پر گامزن ،عوام خوشحال اور ملک بھر میں امن تھا مگر میاں نواز شریف نے ملک کی حکمرانی سنبھالتے ہی ملکی خزانہ لوٹ کر بیرونی ممالک منتقل کرکے ملک کا دیوالیہ کردیااور ملک کے نام پر بیرون ممالک کے آگے کشکول اٹھاتے بیھک مانگنا شروع کردیا ۔
عمران اور قادری کے جلسوں میں عوام کی بڑی تعداد میں شرکت سے ظاہر ہورہا ہے کہ ملک کی عوام حکمرانوں سے خفا ہے انہوں نے کہا کہ آل پاکستان مسلم لیگ کے کارکن ملک بھر میں اپنی ورک تیز کردیں کیونکہ ملک میں انقلاب آنے والا ہے اور ملک میں عوامی حکومت بنے گی اور ظالم حکمرانوں سے حساب لیا جائیگا۔
پرویز مشرف نے کہا کہ پیپلز پاٹی سندھ میں سالوں سے حکمرانی کرتی آرہی ہیں مگر سندھ میں کوئی بھی ترقی نظر نہیں آرہی کراچی سمیت اندرون سندھ کی حالت دیکھ کر افسوس ہوتاہے،سندھ کا نوجوان ڈگریاں لیکر دربدر پھررہاہے اور پیسوں کہ عیوض نوکریاں فروخت کی جارہی ہیں عمران خان کے لاڑکانہ جلسے میں سندھ کے عوام کی بڑی تعداد میں شرکت کرکے انہوں نے پیپلز پارٹی کے خلاف اپنا فیصلہ دیدیا ہے۔
واشنگٹن: چیف آف آرمی اسٹاف جنرل راحیل شریف سات روزہ دورےپرواشنگٹن پہنچ گئے،جہاں وہ امریکی عسکری قیادت اوراوباماانتظامیہ میں شامل اہم عہدیداران سےملاقاتیں کریں گے۔
امریکی فوج کےسربراہ جنرل مارٹن ڈمپسی کی دعوت پر چیف آف آرمی اسٹاف جنرل راحیل شریف واشنگٹن پہنچ گئے، ائیرپورٹ پر پاکستانی سفارتخانےکےعہدیداروں نےاستقبال کیا، آرمی چیف کے ہمراہ ڈی جی ملٹری آپریشن اورڈی جی آئی ایس پی آر بھی موجود ہیں،دورے میں جنرل راحیل شریف فلوریڈامیں امریکی سینٹرل کمانڈ کےہیڈ کوارٹر کا دورہ کریں گے، سکے علاوہ پاک فوج کے سربراہ پینٹاگون میں وزیر دفاع چک ہیگل ودیگر سے ملاقات کریں گے۔
آرمی چیف صدراباماکی قومی سلامتی کی مشیرسوزین رائس اورارکان کانگریس سے بھی ملیں گے،دفاعی تجزیہ نگارلیفٹیننٹ جنرل ریٹائرڈ طلعت مسعودکہتےہیں دورے میں افغانستان سے امریکی انخلاکے بعدکی صورتحال پر بات چیت ہوگی ۔
دفاعی ماہرڈاکٹرنثارچوہدری کاکہناہےجنرل راحیل شریف کا آرمی چیف کی حیثیت سے امریکاکاپہلادورہ انتہائی اہمیت کاحامل ہے،دفاعی ماہرین کےمطابق دورے میں پاک افغان اور بھارتی سرحد پردرپیش مسائل پربھی تفصیلی تبادلہ خیال کیاجائےگا۔
اسلام آباد: آئی ایس پی آرکی فلم”ڈیفنڈر”نے بہترین فلم کاایوارڈ جیت لیا ہے۔ آرمی چیف راحیل اور چیئرمین جوائنٹ چیفس آف سٹاف کمیٹی کی جانب سے فلم کی ٹیم کو مبارکباد دی گئی ہے۔
پاک فوج کے شعبہ تعلقات عامہ آئی ایس پی آر کی فلم”ڈیفنڈر”نے روم فیسٹیول میں بہترین فلم کاایوارڈجیت لیا ہے۔ ڈی جی آئی ایس پی آرمیجر جنرل عاصم سلیم باجوہ نے یہ خوشخبری ٹوئٹر کے ذریعے پاکستانی عوام کو سنائی ہے۔
آرمی چیف جنرل راحیل شریف اور چیئرمین جوائنٹ چیفس آف اسٹاف کمیٹی جنرل راشد محمود نے کامیاب ڈاکومینٹری بنانے پر آئی ایس پی آر کی ٹیم کو مبارکباد دی ہے۔
ڈی جی آئی ایس پی آرنے اپنے ٹوئٹ میں لکھا ایوارڈ جیتنا پاکستانی قوم کیلئےقابل فخرلمحہ ہے۔ عاصم باجوہ کے بقول دستاویزی فلم "ڈیفنڈر”تیارکرنیوالی ٹیم نے ہی ایوارڈ وصول کیا ہے۔
فلم ڈیفنڈر کی ٹیم میں کرنل صلاح الدین، میجر حسن معراج اورمیجرعمران رضا شامل ہیں۔
کراچی: سابق صدر پرویز مشرف کا کہنا ہے کہ دھرنے والے تبدیلی مانگ رہے ہیں اگر تبدیلی نہ آئی تو میں ملک کا مستقبل تاریک دیکھتا ہوں۔
جنوبی پنجاب کے ضلعی عہدیداران سے ٹیلی فونک خطاب کرتے ہوئے پرویز مشرف نے کہا کہ ملک میں خراب حالات دیکھ کر امیدوں کسیاتھ واپس آٰیا تھا۔ 2013 کے انتخابات میں سب کہہ رہے ہیں کہ دھاندلی ہوئی ہے حتیٰ کہ الیکشن کمیشن کے لوگوں نے بھی کہہ دیا ہے جس کے باوجود بھی دھاندلی کیبعد حکومت میں آنے والے لوگوں کا حال آپ کے سامنے ہے۔ ملک میں سیاسی محاذ آرائی کا سماں ہے۔ صحیح وقت پر قانونی پیچیدگیوں کو پورا کرنے کیبعد اپنی پارٹی کو لے کر لوگوں کی مدد کروں گا۔ جبکہ انہوں نے پارٹی عہدیداران کو مخاطب کرتے ہوئے کہا کہ آپسی اتفاق برقرار رکھیں اور مڈٹرم الیکشن اگر ہوتے ہیں تو ہمیں زیادہ محنت کرنا ہوگی۔
راولپنڈی : آرمی چیف جنرل راحیل شریف کی زیرصدارت کور کمانڈر کانفرنس میں ایک بار پھر عسکری قیادت نے دہشت گردوں کے مکمل خاتمے کاعزم دہرایا ہے۔ آرمی چیف نے کہا کہ دہشت گردوں کو منظم نہیں ہونے دیا جائے گا، جوانوں کی قربانیاں قابل قدر ہیں۔۔
آرمی چیف جنرل راحیل شریف کی زیرصدارت ایک سو چھہترویں کورکمانڈرکانفرنس میں ایک بار پھردہشت گردی کے مکمل خاتمےکا عزم دہرایا گیا، کانفرنس میں آپریشن ضربِ عضب اور خیبرایجنسی میں جاری آپریشنز پرتفصیلی بریفنگ دی گئی۔
کانفرنس میں عزم ظاہر کیا گیا کہ دہشت گردوں کو دوبارہ منظم نہیں ہونے دیا جائے گا،آرمی چیف نے دہشت گردوں کیخلاف برسرپیکار جوانوں کی ہمت ا ور حوصلے کو خراج تحسین پیش کیا اور کہا کہ شدت پسندی کیخلاف جوانوں کی قربانیوں کوقابل قدر قراردیا۔
آرمی چیف نے آپریشن متاثرین کی بحالی اور جلد گھروں کو واپسی یقینی بنانے کی بھی ہدایت کی۔
راولپنڈی: آرمی چیف جنرل راحیل شریف نے آئی ایس آئی ہیڈکوارٹر کا دورہ کیا ہے، لیفٹیننٹ جنرل رضوان اختر نے آرمی چیف جنرل راحیل شریف کا استقبال کیا۔
آئی ایس پی آر سے جاری بیان کے مطابق ڈی جی آئی ایس آئی نے آرمی چیف کو ملک کی موجودہ سکیورٹی صورتحال پر بریفنگ بھی دی۔ آرمی چیف نے ملکی سلامتی میں آئی ایس آئی کے کردار کو سراہا اور خفیہ ادارے کے اہلکاروں اور افسران کی قربانیوں کو سلام پیش کیا۔
انہوں نے لیفٹیننٹ جنرل رضوان اختر کو ڈی جی آئی یس آئی تعینات کئے جانے پر مبارکباد بھی پیش کی۔
اسلام آباد/راولپنڈی: پاکستان اورافغانستان کےلئےامریکہ کے خصوصی نمائندے ڈنئیل فیلڈ مین نے آرمی چیف جنرل راحیل شریف اور وزیر داخلہ چوہدری نثار علی خان سے ملاقات کی ہے۔
آرمی چیف سے ملاقات میں امریکی نمائندے کا کہنا تھا مریکہ پاکستان کی دہشتگردی کیخلاف دی گئی قربانیوں کوقدرکی نگاہ سے دیکھتاہے۔ آئی ایس پی آر کے مطابق ملاقات میں افغانستان کی صورتحال سمیت خطے کی مجموعی صورتحال بھی زیر غور آئی ۔ ڈینیل فیلڈمین کی قیادت میں امریکی وفد نے وزیرداخلہ چوہدری نثارعلی خان سے بھی ملاقات کی ۔
چوہدری نثار علی خان کا امریکی وفد سے کہنا تھا پاکستان اورامریکہ مشکل حالات میں پرتپاک تعلقات کیلئے کوشاں ہیں۔ پاک امریکہ تعلقات کومتاثر ہونے سے بچانے کیلئے امریکہ ڈرون حملے مستقل بنیاد پربند کرے۔
مظفرآباد: پاک فوج کے سربراہ جنر راحیل شریف کاکہناہے لائن آف کنٹرول پرکسی بھی اشتعال انگیزی کابھرپوجواب دیاجائےگا۔
آرمی چیف جنرل راحیل شریف نے لائن آف کنٹرول کا دورہ کیا اور جوانوں سے ملاقات کی،آرمی چیف کاکہناتھا لائن آف کنٹرول پر کسی بھی جارحیت کاموثرجواب دیاجائے گا، پوری قوم کو مادر وطن کا دفاع کرنے والے جوانوں پرفخر ہے،پاک فوج کے شعبہ تعلقات عامہ کے مطابق آرمی چیف جنرل راحیل شریف نےایل او سی پرتعینات جوانوں کی آپریشنل تیاریوں کوسراہااوراطمینان کا اظہار کیا۔