ARYNews.tv | Urdu – Har Lamha Bakhabar

Tag: آرمی چیف جنرل قمرجاویدباجوہ

  • متحدہ عرب امارات کا امدادی سامان سے بھرے 20 جہاز پاکستان بھیجنے کا اعلان

    متحدہ عرب امارات کا امدادی سامان سے بھرے 20 جہاز پاکستان بھیجنے کا اعلان

    راولپنڈی : آرمی چیف جنرل قمر جاوید باجوہ سے رابطے میں متحدہ عرب امارات نے امدادی سامان سے بھرے 20 جہاز پاکستان بھیجنے کا اعلان کردیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ آرمی چیف جنرل قمرجاویدباجوہ سے یواے ای حکام کا رابطہ ہوا۔

    آئی ایس پی آر کا کہنا ہے کہ رابطے میں یو اے ای حکام نے سیلاب متاثرین کیلئے امدادی سامان بھیجنےپربات کی۔

    ترجمان نے بتایا کہ یو اے ای نے امدادی سامان سے بھرے 20 جہاز پاکستان بھیجنے کا اعلان کردیا، امدادی سامان ملک بھرکےسیلاب متاثرین کو فراہم کیا جائے گا۔

    یاد رہے آرمی چیف جنرل قمرجاویدباجوہ کی سیلاب متاثرین کیلئے مدد کی اپیل کی تھی۔

    جنرل قمرجاویدباجوہ نے کہا تھا کہ سیلاب نے سندھ اور بلوچستان میں بڑی تباہی مچائی، متاثرہ علاقوں کی بحالی میں کئی سال لگیں گے۔

    ان کا کہنا تھا کہ وفاقی، صوبائی حکومتیں،پاک فوج اور فلاحی ادارے ریلیف کی کوشش کررہےہیں،مخیرحضرات بھی مشکل کی گھڑی میں اپنے بھائیوں کی مدد کے لیے آگےآئیں۔

  • پاک فوج کشمیر کاز اور کشمیریوں کی حمایت جاری رکھے گی، آرمی چیف

    پاک فوج کشمیر کاز اور کشمیریوں کی حمایت جاری رکھے گی، آرمی چیف

    راولپنڈی : آرمی چیف جنرل قمرجاویدباجوہ نے وزیراعظم آزاد کشمیر سے ملاقات کشمیریوں کے حق خودارادیت کیلئے سید علی گیلانی کو خراج عقیدت پیش کرتے ہوئے کہا کہ پاک فوج کشمیر کاز اور کشمیریوں کی حمایت جاری رکھے گی۔

    تفصیلات کے مطابق پاک فوج کے شعبۂ تعلقات عامہ (آئی ایس پی آر) کی جانب سے جاری بیان میں کہا گیا ہے کہ آرمی چیف جنرل قمرجاویدباجوہ سےوزیراعظم آزادکشمیرکی ملاقات ہوئی، ملاقات میں مقبوضہ کشمیرکی صورتحال اور بھارتی ظلم وجبر پر بات چیت کی گئی اور لائن آف کنڑول کی تازہ ترین صورتحال پرتبادلہ خیال کیا گیا۔

    آرمی چیف نے کشمیریوں کے حق خودارادیت کیلئے سید علی گیلانی کو خراج عقیدت پیش کرتے ہوئے کہا کہ پاک فوج کشمیرکاز اور کشمیریوں کی حمایت جاری رکھے گی۔

    جنرل قمرجاویدباجوہ نے وزیراعظم آزاد کشمیر کوعہدہ سنبھالنے پر مبارکباد بھی دی۔

    یاد رہے کہ یکم ستمبر 2021 کو تحریک آزادئ کشمیر کے بانی رہنما سید علی شاہ گیلانی 92 برس کی عمر میں طویل علالت کے باعث انتقال کر گئے تھے، سید علی گیلانی کے انتقال پر آزاد کشمیر حکومت نے ایک روز چھٹی اور3روزہ سوگ کا اعلان کیا تھا۔

    خیال رہے عزم وہمت کا پیکر سید علی گیلانی 26 کشمیری سیاسی و سماجی جماعتوں کے اتحاد آل پارٹیز حریت کانفرنس کے طویل عرصے سے چیئرمین رہے۔ اس سے قبل وہ جماعت اسلامی جموں و کشمیر کے رکن رہے اور بعدازاں اپنی جماعت’ تحریک حریت’ کی بنیاد ڈالی۔

  • آرمی چیف کی سعودی ولی عہد محمد بن سلمان سے ملاقات

    آرمی چیف کی سعودی ولی عہد محمد بن سلمان سے ملاقات

    ریاض : آرمی چیف جنرل قمرجاویدباجوہ نے سعودی ولی عہد محمد بن سلمان سے ملاقات میں کہا پاکستان مقامات مقدسہ کےدفاع کویقینی بنائے گا جبکہ سعودی ولی عہد نے پاکستان کے خطے میں امن استحکام کیلئے کردار کی تعریف کی۔

    پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے بیان میں کہا کہ آرمی چیف کی سعودی ولی عہد محمد بن سلمان ، سعودی نائب وزیراعظم اور وزیردفاع سے ملاقات ہوئی۔

    ڈی جی آئی ایس پی آر کا کہنا تھا کہ ملاقاتوں کے دوران باہمی دلچسپی کے امور ، علاقائی سلامتی کی صورتحال سمیت افغان امن عمل میں حالیہ پیشرفت ، دوطرفہ دفاع ، سلامتی ، علاقائی امن کے لئے باہمی تعاون اور رابطوں پر تبادلہ خیال کیا گیا۔

    اس موقع پر آرمی چیف جنرل قمرجاویدباجوہ نے کہا کہ پاکستان سعودی جغرافیائی اورنظریاتی سرحدوں کےدفاع کیلئےپرعزم ہے،پاکستان مقامات مقدسہ کےدفاع کویقینی بنائےگا، سعودی ولی عہد نے پاکستان کے خطے میں امن استحکام کیلئے کردار کی تعریف کی۔

    سعودی ولی عہد کا کہنا تھا کہ دونوں ملکوں کے درمیان برادرانہ باہمی اعتماد پر قائم ہے، دونوں ممالک امن ،مسلم امہ کی بہتری کیلئےکرداراداکرتےرہیں گے۔

    دوسری جانب ڈپٹی ڈیفنس منسٹر سعودی عرب خالدبن سلمان نے کہا پاکستان کے آرمی چیف سےملاقات انتہائی شاندار رہی، جنرل قمر جاوید باجوہ میرے بھائی ہیں، ملاقات میں دفاعی تعلقات،خطے کےامن کیلئےدونوں ممالک کےعزم کااعادہ کیا۔

  • پاکستان مصر کیساتھ تعلقات کو خصوصی اہمیت دیتا ہے، آرمی چیف

    پاکستان مصر کیساتھ تعلقات کو خصوصی اہمیت دیتا ہے، آرمی چیف

    راولپنڈی : آرمی چیف جنرل قمرجاویدباجوہ نے مصر کے سفیر سے ملاقات میں کہا کہ پاکستان مصر کیساتھ تعلقات کو خصوصی اہمیت دیتا ہے اور ہر شعبے میں باہمی تعلقات کو مزید فروغ دینا چاہتے ہیں۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار کی جانب سے سماجی رابطے کی ویب سائٹ ٹوئٹر پر کہا گیا کہ آرمی چیف جنرل قمرجاویدباجوہ سے مصر کے سفیر کی ملاقات ہوئی ، ملاقات میں علاقائی سیکیورٹی ،دفاعی تعاون پرتبادلہ خیال کیا گیا۔

    آئی ایس پی آر کے مطابق اس موقع پر آرمی چیف جنرل قمرجاویدباجوہ نے کہا کہ پاکستان مصر کیساتھ تعلقات کوخصوصی اہمیت دیتاہے اور ہرشعبےمیں باہمی تعلقات کومزیدفروغ دیناچاہتے ہیں۔

    آئی ایس پی آر کا کہنا ہے کہ مصری سفیر نے علاقائی امن واستحکام کیلئےپاکستان کے کردار کی تعریف کی۔

    گذشتہ روز آرمی چیف جنرل قمرجاویدباجوہ سے امریکی ناظم الامور انجیلااگلر نے ملاقات کی تھی ، ملاقات میں باہمی دلچسپی کے امور سمیت افغانستان میں جاری امن عمل پر بھی بات چیت کی گئی۔

    اس موقع پر امریکی ناظم الامور نے کہا تھا خطے میں کشیدگی کم کرنے کے لیے پاکستان کا کردار قابل تحسین ہے۔

  • پاکستان قطر کے ساتھ تعلقات کو خصوصی اہمیت دیتا ہے، آرمی چیف

    پاکستان قطر کے ساتھ تعلقات کو خصوصی اہمیت دیتا ہے، آرمی چیف

    راولپنڈی : آرمی چیف جنرل قمرجاویدباجوہ نے کمانڈر قطر امیری ایئرفورس سے ملاقات میں کہا کہ پاکستان قطرکےساتھ تعلقات کو خصوصی اہمیت دیتا ہے۔

    پاک فوج کے شعبہ تعلقات عامہ (آئی ایس پی آر) کے مطابق کمانڈر قطر امیری ایئرفورس میجر جنرل سالم حمد عقیل النابت نے جی ایچ کیو کا دورہ کیا ، جہاں انھوں نے آرمی چیف جنرل قمرجاویدباجوہ سے ملاقات کی، ملاقات میں باہمی،پیشہ ورانہ دلچسپی،علاقائی سیکیورٹی صورتحال پرگفتگو کی گئی۔

    اس موقع پر آرمی چیف نے کہا کہ پاکستان قطرکےساتھ تعلقات کوخصوصی اہمیت دیتاہے، قطری مسلح افواج کیساتھ دفاعی وسیکیورٹی تعاون کو فروغ دینا چاہتے ہیں۔

    آئی ایس پی آر کے مطابق قطری کمانڈر نے امن واستحکام کیلئےپاک فوج کے کردارکی تعریف کی۔

    اس سے قبل کمانڈر قطر امیری ایئرفورس نے نیول ہیڈکوارٹرز میں نیول چیف ایڈمرل امجد نیازی سے ملاقات کی تھی ، ملاقات میں باہمی دلچسپی کے امور،سیکیورٹی صورتحال پر تبادلہ خیال کیا گیا۔

    ملاقات میں سربراہ پاک بحریہ نے سمندری تحفظ،امن کویقینی بنانے کے کردار پر روشنی ڈالی، اس موقع پر معزز مہمان نے بحری سیکیورٹی اور استحکام سے متعلق پاک بحریہ کی کا وشوں کو سراہا۔

  • امریکی وزیردفاع کا آرمی چیف سے رابطہ ، افغان امن معاہدے میں پاکستان کے تعاون کی تعریف

    امریکی وزیردفاع کا آرمی چیف سے رابطہ ، افغان امن معاہدے میں پاکستان کے تعاون کی تعریف

    واشنگٹن : امریکی وزیردفاع ڈاکٹر مارک ایسپر نے آرمی چیف جنرل قمرجاویدباجوہ سے ٹیلیفونک رابطہ کرکے افغان امن معاہدے کو حتمی شکل دینے کیلئے پاکستان کے تعاون کوسراہا ۔

    تفصیلات کے مطابق امریکی محکمہ دفاع پینٹاگون کے چیف ترجمان جوناتھن ہوف مین کا کہنا ہے کہ امریکی وزیر دفاع ڈاکٹر مارک ایسپر نے آرمی چیف جنرل قمر جاوید باجوہ سے ٹیلی فونک رابطہ کیا، بات چیت کے دوران دونوں ممالک کے مابین سیکیورٹی تعاون اور دیگر امور پر بات چیت ہوئی۔

    امریکی وزیر دفاع ڈاکٹر مارک ایسپر نےافغان مفاہمتی عمل کیلئے 29 فروری کو ہونے والے امن معاہدے کو حتمی شکل دینے کیلئے پاکستان کے تعاون کی تعریف کی اور پاکستان سےقریبی تعاون جاری رکھنے کے عزم کا اعادہ کیا۔

    مزید پڑھیں : امریکا کا پاکستان کو ایک ملین ڈالرز فراہم کرنے کا اعلان

    یاد رہے امریکی نائب وزیرخارجہ برائےجنوبی ایشیاایلس ویلز نے کروناوائرس کیخلاف جنگ میں پاکستان کی مددکرنےکااعلان کرتے ہوئے کہا تھا کہ یوایس ایڈکےذریعےپاکستان کوایک ملین ڈالرزفراہم کر رہے ہیں۔

    ایلس ویلز کا کہنا تھا کہ فنڈنگ کروناوائرس کی نگرانی اور تیز ردعمل کیلئے کی گئی،سینٹرل ڈیزیزکنٹرول کےتربیت یافتہ سو پاکستانی گلگت اور پنجاب میں کرونا کیسز کی تحقیقات کررہے ہیں۔

    خیال رہے کہ وزیر سائنس و ٹیکنالوجی فواد چوہدری امریکا دورے پر ہیں، انھوں نے آج نیویارک میں میڈیا سے گفتگو کرتے ہوئے کہا تھا کہ کرونا وائرس کی ٹیسٹنگ کٹس مقامی طور پر تیار کر رہے ہیں، آیندہ ہفتے سے کٹس کی تیاری شروع ہو جائے گی جبکہ حکومت کی طرف سے سینیٹائزر کی سپلائی پیر سے شروع ہو جائے گی۔

  • چین کا آرمی چیف جنرل قمرجاویدباجوہ کی مدت ملازمت میں توسیع پر بیان

    چین کا آرمی چیف جنرل قمرجاویدباجوہ کی مدت ملازمت میں توسیع پر بیان

    بیجنگ : چینی وزارت خارجہ نے کہا قمرجاویدباجوہ غیرمعمولی قائدانہ صلاحیتوں کےمالک اور چین کے پرانے دوست ہیں ، ان کی قیادت میں پاکستان کے استحکام کیلئے پر امیدہیں۔

    تفصیلات کے مطابق چینی وزارت خارجہ کے ترجمان نے آرمی چیف جنرل قمرجاویدباجوہ کی مدت ملازمت میں توسیع پر اپنے بیان میں جنرل قمرجاویدباجوہ غیر معمولی قائدانہ صلاحیتوں کے مالک ہیں اور چین کے پرانے دوست ہیں۔

    ترجمان کا کہنا تھا کہ پاک چین دوستی میں جنرل قمرجاوید باجوہ نے مثبت کردار ادا کیا، پاک فوج خطے میں امن کیلئے کردار جاری رکھے گی۔

    چینی وزارت خارجہ نے مزید کہا کہ جنرل قمرجاوید باجوہ پاک فوج کے غیر معمولی لیڈرہیں ، ان کی قیادت میں پاکستان کےاستحکام کیلئے پر امیدہیں ، یقین ہے پاک فوج علاقائی امن اورسیکیورٹی کیلئے کوششیں جاری رکھےگی۔

    مزید پڑھیں : جنرل قمرباجوہ مزید تین سال کے لیے آرمی چیف مقرر

    یاد رہے کہ حکومتِ پاکستان نے آرمی چیف جنرل قمر جاوید باجوہ کو مزید تین سال کے لیے پاک فوج کا سالار مقرر کرنے کا نوٹی فکیشن جاری کردیا تھا۔

    زرائع کا کہنا تھا کہ وزیراعظم عمران خان نے جنرل قمر باجوہ کی مدت ملازمت میں توسیع کا فیصلہ ملک کی مشرقی سرحد کی موجودہ صورتحال ، بدلتی ہوئی علاقائی صورتحال،خصوصاًافغانستان اور مقبوضہ کشمیر کے حالات کے تناظرمیں کیا۔

    خیال رہے جنرل قمر جاوید باجوہ کو سابقہ وزیر اعظم نواز شریف نے انہیں29 نومبر 2016 کو پاکستان کا 16واں سپہ سالار مقرر کیا تھا اور ان کی مدت ملازمت 29 نومبر 2019 کو ختم ہونا تھی۔

  • وقت آگیا ہے کہ معاشی صورتحال میں بہتری کیلئے ایک قوم بن کرسوچیں ، آرمی چیف

    وقت آگیا ہے کہ معاشی صورتحال میں بہتری کیلئے ایک قوم بن کرسوچیں ، آرمی چیف

    اسلام آباد : آرمی چیف جنرل قمرجاویدباجوہ نے کہا مشکل فیصلے نہ کرنےکی وجہ سے مشکلات بڑھیں، وقت آگیا ہے کہ ایک قوم بن کر سوچیں، معاشی کاوشیں کامیاب بنانے کیلئے سب کواپنی ذمہ داری پوری کرنی ہوگی۔

    تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ پر کہا آرمی چیف جنرل قمر جاوید باجوہ نے قومی معیشت پر نیشنل ڈیفنس یونیورسٹی میں سیمینار سے خطاب کیا۔

    آرمی چیف اپنے خطاب میں کہا قومی اہمیت کےامورپرکھل کر بات چیت ضروری ہے، حکومت واسٹیک ہولڈرز کی قومی اہمیت پربات چیت ضروری ہے، ملکی استحکام معاشی خود مختاری کے بغیر ممکن نہیں۔

    جنرل قمرجاویدباجوہ کا کہنا تھا ہم اس وقت مشکل معاشی صورتحال سےگزررہےہیں، ہم سب کو اپنی ذمے داریاں نبھانے کی ضرورت ہے، تاکہ مشکل حکومتی اقدامات کامیاب ہوسکیں، وقت آگیا ہے کہ ہمیں ایک قوم بن کر سوچنا ہوگا۔

    سربراہ پاک فوج نے کہا مشکل معاشی حالات سے متحد ہوکر نکلنا پڑے گا، معاشی خود مختاری کے بغیر کوئی دوسری خود مختاری ممکن نہیں، ملک نہیں بلکہ خطے ترقی کرتے ہیں، معاشی کاوشیں کامیاب بنانے کے لئے سب کو ذمے داری پوری کرناہوگی۔

    ان کا کہنا تھا انشااللہ ہم ان مشکلات سےسرخروہوکرنکلیں گے، مشکل معاشی فیصلے نہ کرنے سے مشکلات بڑھیں، مشکل معاشی صورتحال مالیاتی بدانتظامی کا نتیجہ ہے، مسلح افواج نے اقتصادی محاذ میں اپنا حصہ ڈال دیا اور بجٹ میں سالانہ اضافہ نہیں لیا۔

    آرمی چیف نے کہا معیشت کو سدھرانےکیلئے مشکل فیصلے کرنے ہونگے ، مشکل معاشی فیصلوں سے قوموں کی کامیابی کی مثالیں موجود ہیں، معیشت اور سیکیورٹی کا آپس میں گہرا تعلق ہے ، اس وقت مشکل اقتصادی صورتحال کا سامنا ہے ، مشکل معاشی حالات سے نکلنا کسی اکیلے شخص کے بس کی بات نہیں۔

    جنرل قمرجاویدباجوہ نے مشکل ملکی معاشی حالات سے کامیابی سے نکلنے کے لیے عزم کا اعادہ کرتے ہوئے کہا سب کومشکل حکومتی اقدامات کی کامیابی کیلئےاپنی ذمہ داریاں نبھاناہوگی۔

  • دہشت گردی کیخلاف جنگ میں آرمی ایئرڈیفنس کاکردارقابل تحسین ہے، آرمی چیف

    دہشت گردی کیخلاف جنگ میں آرمی ایئرڈیفنس کاکردارقابل تحسین ہے، آرمی چیف

    کراچی : آرمی چیف جنرل قمرجاویدباجوہ نے ایئرڈیفنس سینٹرکراچی کادورہ کیا اور کہا دہشت گردی کیخلاف جنگ میں آرمی ایئرڈیفنس کا کردار قابل تحسین ہے۔

    پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمرجاویدباجوہ نے ایئرڈیفنس سینٹرکراچی کادورہ کیا اور لیفٹیننٹ جنرل حمود زمان خان کوکرنل کمانڈنٹ آرمی ایئرڈیفنس کور کے بیجز لگائے، تقریب میں افسران اورجوانوں کی بڑی تعداد نے شرکت کی۔

    اس موقع پر آرمی چیف نے کہا دہشت گردی کیخلاف جنگ میں آرمی ایئرڈیفنس کاکردارقابل تحسین ہے۔

    یاد رہے چند روز قبل ڈی جی آئی ایس پی آر میجر جنرل عاصف غفور نے اسلام آباد میں صحافیوں سے گفتگو کے دوران آرمی چیف کا قوم کے نام پیغام بھی پڑھ کرسنایا۔

    مزید پڑھیں : پاکستان میں آئین کے مطابق قانون کی حکمرانی چاہتے ہیں: آرمی چیف

    آرمی چیف جنرل قمر باجوہ نے اپنے پیغام میں کہا ہے کہ ملک کوایک ایک اینٹ لگاکردوبارہ بنارہےہیں، پاکستان کی ترقی کے لیے سب مل کر اپنا کردار ادا کریں۔

    ان کا مزید کہنا تھا کہ پاکستان میں آئین کےمطابق قانون کی حکمرانی چاہتےہیں ، پاکستان کو ایک ایساملک بنائیں جہاں کوئی شخص اورادارہ ملک سےبالاترنہ ہو۔

  • آرمی چیف جنرل قمرجاویدباجوہ کاحاجی عبدالوہاب کےانتقال پرتعزیت کااظہار

    آرمی چیف جنرل قمرجاویدباجوہ کاحاجی عبدالوہاب کےانتقال پرتعزیت کااظہار

    راولپنڈی: آرمی چیف جنرل قمرجاویدباجوہ نے حاجی عبدالوہاب کے انتقال پر اظہارتعزیت کرتے ہوئے دین کے لیے ان کی خدمات کوخراج تحسین پیش کیا۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاویدباجوہ کی حاجی عبدالوہاب کے انتقال پراظہارتعزیت کرتے ہوئے مرحوم کی دین کے لیے خدمات کو خراج تحسین پیش کیا اور کہا اللہ مرحوم کوجنت الفردوس میں اعلیٰ مقام نصیب کرے۔

    یاد رہے گذشتہ روز تبلیغی جماعت کے امیر حاجی عبد الوہاب طویل علالت کے بعد 95 برس کی عمر میں انتقال کرگئے تھے، وزیر اعظم پاکستان، چیف جسٹس آف پاکستان نے اُن کے انتقال پر افسوس کا اظہار کیا اور اہل خانہ سے تعزیت کی۔

    مزید پڑھیں : تبلیغی جماعت کےامیرحاجی عبدالوہاب انتقال کرگئے

    وزیر اعظم عمران خان نے اپنی تعزیتی بیان میں افسوس کا اظہار کرتے ہوئے کہا تھا کہ حاجی عبدالوہاب کی شخصیت اور دینی خدمات کو ہمیشہ یاد رکھا جائے گا، دعا ہے ’اللہ تعالیٰ مرحوم کو جنت الفردوس میں اعلیٰ مقام عطاء فرمائے اور درجات بلند کرے‘۔

    واضح رہے مولانا حاجی عبدالوہاب یکم جنوری 1923 کونئی دہلی میں پیدا ہوئے، مولاناعبدالوہاب نے اسلامیہ کالج لاہور سے گریجویشن کیا، تقسیم ہند سے پہلے مولانا عبدالوہاب نے بطور تحصیل دار فرائض انجام دیے، مولانا عبدالوہاب تحصیل دارکاعہدہ چھوڑکرتبلیغی سرگرمیوں میں مصروف ہوئے اور قیام پاکستان کے بعد مولانا عبدالوہاب نے اہل خانہ کے ہمراہ بھارت سے ہجرت کی۔