Tag: آرمی چیف جنرل قمر جاوید باجوہ

راولپنڈی: آرمی چیف جنرل قمر جاوید باجوہ سے امریکی سینیٹرز نے ملاقات کی ہے جس میں اہم ملکی اور علاقائی معاملات پر گفتگو کی گئی۔

تفصیلات کے مطابق آئی ایس پی آر کے اعلامیے میں کہا گیا ہے کہ آج پاک فوج کے سربراہ جنرل قمر جاوید باجوہ سے امریکی سینیٹرز کی ملاقات ہوئی۔

ملاقات میں علاقائی سیکیورٹی کی صورت حال اور افغانستان میں مفاہمتی عمل پر بات چیت کی گئی، مسئلہ کشمیر اور مقبوضہ وادی کی تازہ صورت حال پر بھی گفتگو کی گئی۔

امریکی سینیٹرز نے کہا کہ خطے میں امن و استحکام کے لیے پاکستان کی کوششیں گراں قدر ہیں۔

تازہ ترین:  آرمی چیف جنرل قمر جاوید باجوہ سرکاری دورے پر چین پہنچ گئے

آئی ایس پی آر کے مطابق جی ایچ کیو کا دورہ کرنے والے امریکی سینیٹرز میں کرسٹوفر وان ہولین اور مس میگی حسن شامل تھیں۔

آرمی چیف نے کہا کہ مسئلہ کشمیر کے حل کی ضرورت اور سپورٹ پر امریکا کے شکر گزار ہیں۔

دریں اثنا، آرمی چیف جنرل قمر جاوید باجوہ نے افغانستان میں دیرپا امن کے لیے پاکستان کی کوششوں کے اعتراف پر اظہار تشکر کیا۔

ملاقات میں اس بات پر بھی اتفاق کیا گیا کہ پاک امریکا مضبوط باہمی تعلقات انتہائی ضروری ہیں۔

واضح رہے کہ آرمی چیف جنرل قمر جاوید باجوہ آج سرکاری دورے پر چین پہنچ گئے ہیں، آرمی چیف چین کی عسکری قیادت سے ملاقاتیں کریں گے۔

راولپنڈی: قومی ٹیم کے سابق جادوگر لیگ اسپنر عبدالقادر کے انتقال پر آرمی چیف جنرل قمر جاوید باجوہ، وزیراعظم عمران خان، نیول چیف ایڈمرل ظفر محمود عباسی اور صدر مملکت ڈاکٹر عارف علوی نے افسوس کا اظہار کیا ہے۔

تفصیلات کے مطابق قومی کرکٹ ٹیم کے لیگ اسپنر عبدالقادر کے انتقال پر آرمی چیف،وزیراعظم،  پاک بحریہ کے سربراہ اور صدر مملکت نے اظہار افسوس کرتے ہوئے مرحوم کے لیے دعائے مغفرت اور لواحقین کے لیے صبر جمیل کی دعا کی ہے۔

آرمی چیف جنرل قمر جاوید باجوہ نے کہا کہ پاکستان ایک عظیم اسپورٹس مین اور انسان سے محروم ہوگیا ہے۔ اللہ عبدالقادر مرحوم کو جوار رحمت میں جگہ دے ، آمین۔

COAS expresses heartfelt grief on demise of cricket legend Abdul Qadir.
“Pakistan has lost a great sportsman and a human being. May Allah bless his soul and gives strength to the bereaved family to bear this irreparable loss, Aamen”, COAS.

— DG ISPR (@OfficialDGISPR) September 6, 2019

مزید پڑھیں: لاہور، سابق ٹیسٹ کرکٹر عبدالقادر انتقال کرگئے

عمران خان نے کہا کہ عبدالقادر کی وفات نے دوست سے محروم کردیا، جس کا صدمہ ہے، وزیراعظم نے غم زدہ خاندان کے لیے صبر جمیل کی دعا کی۔

دوسری جانب صدر مملکت عارف علوی نے بھی عبدالقادر کے انتقال پر اظہار افسوس کیا ہے اور کہا کہ اللہ تعالیٰ عبدالقادر کے درجات بلند فرمائے اور ان کو جنت الفردوس میں اعلیٰ مقام عطا فرمائے۔

صدر عارف علوی نے کہا کہ گگلی کے موجد عبدالقادر نے پوری دنیا میں پاکستان کا نام روشن کیا۔

پاک بحریہ کے سربراہ ایڈمرل ظفر محمود عباسی نے کرکٹر عبدالقادر کے انتقال پر اظہار افسوس کیا ہے.

نیول چیف نے کہا کہ پاکستان ایک عظیم انسان اور اسپورٹس مین سے محروم ہوگیا، اللہ عبدالقادر کو جوار رحمت میں جگہ دے، لواحقین کو صبر جمیل عطا فرمائے۔

واشنگٹن: امریکی صدر ڈونلڈ ٹرمپ نے وائٹ ہاؤس میں پاک فوج کے سربراہ جنرل قمر جاوید باجوہ سے ملاقات کی ہے۔

تفصیلات کے مطابق وزیر اعظم پاکستان عمران خان کی وائٹ ہاؤس میں صدر ٹرمپ سے ملاقات کے دوران امریکی صدر نے آرمی چیف جنرل قمر جاوید باجوہ سے بھی مصافحہ کیا۔

وائٹ ہاؤس پہنچنے پر آرمی چیف جنرل قمر جاوید باجوہ، ڈی جی آئی ایس آئی لیفٹیننٹ جنرل فیض حمید اور دیگر کا انتہائی پرتپاک استقبال کیا گیا۔

آرمی چیف پینٹا گون میں اہم ملاقاتیں کریں گے، ڈی جی آئی ایس پی آر کا کہنا ہے کہ آرمی چیف قایم مقام امریکی وزیر دفاع سے ملاقات کریں گے۔

COAS at Washington, DC. On 22 July 19, after the meeting at White House as part of Prime Minister’s delegation, COAS will visit Pentagon to interact with Acting Secretary Defence Mr. Richard Spencer, CJCS Gen Joseph Dunford and Chief of Staff of US Army Gen Mark A Milley.

— DG ISPR (@OfficialDGISPR) July 22, 2019

آرمی چیف امریکی ہم منصب سے بھی ملاقات کریں گے، یہ ملاقاتیں وزیر اعظم کی وائٹ ہاؤس ملاقات کے بعد ہوں گی۔

یہ بھی پڑھیں:  عمران خان ٹرمپ ملاقات، امریکی صدر نے کشمیر پر ثالثی کی پیش کش کر دی

خیال رہے کہ وائٹ ہاؤس میں گزشتہ روز وزیر اعظم پاکستان عمران خان اور امریکی صدر کے مابین تاریخی ملاقات ہوئی، جس میں چند اہم اعلانات کیے گئے۔

امریکی صدر نے پاکستان کے وزیر اعظم کو مسئلہ کشمیر کے حل کے لیے ثالثی کی پیش کش کی اور کہا کہ بھارتی صدر نریندر مودی بھی ان سے ثالثی کی بات کر چکے ہیں۔

وزیر اعظم عمران خان نے ملاقات میں کہا کہ پاکستان کی فوجی قیادت ان کے ساتھ ہے، اس لیے یقین دلاتا ہوں کہ ہم جو وعدہ کریں گے اسے پورا کریں گے۔

وزیر اعظم نے یہ بھی کہا کہ بات چیت سے افغانستان کے مسئلے کے حل کے لیے عسکری قیادت بھی ان کے ساتھ ہے۔

عمران خان نے کہا کہ ہمیشہ سے کہتا آیا ہوں افغانستان کا کوئی فوجی حل نہیں نکل سکتا، افغانستان میں امن کی پاکستانی خواہش پر کسی شک کی گنجایش نہیں، افغان امن کا زیادہ فائدہ افغانستان کے بعد پاکستان کو ملے گا۔