Tag: آرمی چیف

  • پاکستان افغانستان میں امن کے لیے کردار ادا کرتا رہے گا: وزیر اعظم کی زیر صدارت اجلاس

    پاکستان افغانستان میں امن کے لیے کردار ادا کرتا رہے گا: وزیر اعظم کی زیر صدارت اجلاس

    اسلام آباد: وزیر اعظم نواز شریف کی زیر صدارت سیکیورٹی امور پر اہم اجلاس منعقد ہوا جس میں آرمی چیف نے بھی شرکت کی۔ اجلاس میں فیصلہ کیا گیا کہ پاکستان افغانستان میں قیام امن کے لیے کردار ادا کرتا رہے گا۔

    تفصیلات کے مطابق وفاقی دارالحکومت اسلام آباد میں وزیر اعظم نواز شریف کی زیر صدارت سیکیورٹی امور پر اہم اجلاس منعقد ہوا۔

    اجلاس میں آرمی چیف جنرل قمر جاوید باجوہ، سربراہ پاک فضائیہ سہیل امان، سربراہ بحری افواج ایڈمرل ذکا اللہ، ڈی جی آئی ایس آئی لیفٹننٹ جنرل نوید مختار، ڈی جی ملٹری انٹیلی جنس، وفاقی وزرا اسحٰق ڈار، چوہدری نثار، خواجہ آصف، مشیر خارجہ سرتاج عزیز، اور مشیر قومی سلامتی ناصر جنجوعہ شریک ہوئے۔

    اس موقع پر وزیر اعظم نے کہا کہ دہشت گردی کے خلاف پاکستان نے سب سے زیادہ قربانیاں دیں اور کسی ملک نے پاکستان کی طرح سلامتی و عالمی تحفظ کے لیے کردار ادا نہیں کیا۔

    اجلاس میں دہشت گردی کے خاتمے اور ملکی سلامتی کے تحفظ پر تبادلہ خیال بھی کیا گیا اور قانون نافذ کرنے والے اداروں کی کاوشوں کو سراہا گیا۔

    اس موقع پر شرکا نے اس عزم کا اظہار کیا کہ علاقائی امن و ترقی مقبوضہ کشمیر کے دیرینہ مسئلے کے حل سے منسلک ہے۔

    اجلاس میں فیصلہ کیا گیا کہ پاکستان افغانستان میں امن اور ترقی کے لیے کردار ادا کرتا رہے گا۔


  • پاک فوج تمام ریاستی اداروں کی حمایت جاری رکھے گی، آرمی چیف

    پاک فوج تمام ریاستی اداروں کی حمایت جاری رکھے گی، آرمی چیف

    راولپنڈی: آرمی چیف جنرل قمرجاویدباجوہ نے کہا ہے کہ قانون نافذ کرنے والےادارے اپنی عملداری کو تیز کریں، پاک فوج تمام ریاستی اداروں کے لیے حمایت جاری رکھے گی، ریاست کی مؤثرعملداری ریاستی قوانین کےنفاذ سے ہی ممکن ہے۔

    ان خیالات کا اظہار انہوں نے سندھ ایپکس کمیٹی کے اجلاس میں کیا، پاک فوج کے شعبہ برائے تعلقات عامہ (آئی ایس پی آر ) کے مطابق آرمی چیف جنرل قمر جاوید باجوہ نے ایپکس کمیٹی اجلاس میں خصوصی طور پر شرکت کی۔

    اجلاس میں ڈی جی آئی ایس آئی، کورکمانڈر وزیراعلیٰ سندھ، سیکریٹری داخلہ اورآئی جی سندھ شریک ہوئے، ایپکس کمیٹی کا اجلاس پانچ گھنٹے تک جاری رہا، اجلاس میں قومی ایکشن پلان پر عملدر آمد اور کراچی آپریشن کا بھی جائزہ لیا گیا۔

    آرمی چیف نے مزید کہا کہ قانون کی عملداری کیلئے فوج ریاستی اداروں کی مدد کرے گی، دیرپا امن کا قیام ریاست کی رٹ سے ہی ممکن ہے، انہوں نے ہدایت کی کہ عوامی نمائندوں کےاحتساب کیلئےجلد فیصلےاور ردعمل کی صلاحیت کو بہترکیاجائے،۔

    اجلاس میں کراچی کی سیکیورٹی کی صورتحال پریفنگ دی گئی، ڈی جی رینجرز میجرجنرل محمد سعید اور سیکریٹری داخلہ سندھ نے بھی امن وامان پربریفنگ دی۔

    آئی ایس پی آر کے مطابق اجلاس میں پائیدارامن کیلئےمستقل کوششیں کرنے پراتفاق کیا گیا، اور ہائی پروفائل دہشت گردوں کے جیل سے فرار ہونے کا معاملہ بھی زیرغورآیا، اجلاس میں سندھ رینجرز،پولیس اور کراچی کور کی کارکردگی کوسراہا گیا۔

    آرمی چیف نے تمام اسٹیک ہولڈرزکو مل کرمزید کام کرنےکی ضرورت پرزور دیا،قانون نافذ کرنےوالے اداروں کی بر وقت کارروائی کی صلاحیت کوسراہا، اجلاس میں نیشنل ایکشن پلان کے تحت سیف سٹی منصوبے پرکام تیز کرنے پر اتفاق کیا گیا۔

  • پاراچنار: آرمی چیف کا مظاہرین پر فائرنگ کی تحقیقات کا حکم، کمانڈنٹ ایف سی تبدیل

    پاراچنار: آرمی چیف کا مظاہرین پر فائرنگ کی تحقیقات کا حکم، کمانڈنٹ ایف سی تبدیل

    پارا چنار: آرمی چیف جنرل قمر جاوید باجوہ پارا چنار پہنچ گئے جہاں انہوں ںے دھرنا دینے والے قبائل کے عمائدین سے ملاقات کی بعدازاں قبائل نے دھرنا ختم کرنے کا اعلان کردیا، آرمی چیف نے مظاہرین پر فائرنگ کی تحقیقات کا حکم دیتے ہوئے کمانڈنٹ ایف سی کو تبدیل کردیا۔

    پاک فوج کے شعبہ تعلقات عامہ کے مطابق آرمی چیف نے قبائلی عمائدین سے ملاقات میں کہا ہے کہ ہر پاکستانی ہمارا بھائی اور یکساں حقوق کا حامل ہے، ہر پاکستانی میرے لیے برابر ہے چاہیے وہ غیر مسلم ہی کیوں نہ ہوں۔

    فائرنگ کی تحقیقات جاری، کمانڈنٹ  تبدیل

    آرمی چیف نے کہا کہ ایف سی کی جانب سے مظاہرین پر فائرنگ کی تحقیقات کی جا رہی ہیں اور ذمہ داروں کے خلاف کارروائی کی جائے گی، ایف سی کمانڈنٹ کو تبدیل کر دیا گیا ہے، اس فائرنگ میں ہلاک ہونے والے 4 افراد اور دیگر زخمیوں کو ایف سی کی جانب سے علیحدہ معاوضہ دیا جائے گا۔

    پارا چنار پاکستان کا حصہ، یہاں کا ہر فرد پاکستانی

    آرمی چیف نے قبائلی عمائدین سے کہا کہ پارچنار پاکستان کا حصہ ہے، یہاں رینے والا ہر فرد دیگر پاکستانیوں کی طرح اہم اور عزیز ہے، ملک میں بسنے والے تمام پاکستانی ہمارے بھائی اور ہماری طاقت ہیں۔

    پارا چنار دھماکوں میں دشمن ملکوں کے ملوث ہونے کے واضح ثبوت ہیں

    جنرل قمر جاوید باجوہ نے کہا کہ پاک فوج پاکستان کے چپے چپے کی حفاظت یقینی بنائے گی، قوم کو تقسیم کرنے کی دشمن کی سازش کامیاب نہیں ہونے دیں گے، پارا چنار واقعے میں دشمن ملکوں کے ملوث ہونے کے واضح ثبوت موجود ہیں۔

    ویڈیو دیکھیں

    پارا چنار کے ایف سی کمانڈنٹ کو تبدیل کردیا گیا

    آرمی چیف نے کہا کہ دھماکے کے بعد مشتعل مظاہرین پر ایف سی اہلکاروں کی فائرنگ کی تحقیقات جاری ہیں، واقعے میں ملوث افراد کو نہیں چھوڑا جائے گا، پارا چنار کے ایف سی کمانڈنٹ کو ہٹا دیا گیا ہے۔

     آرمی اسکول کو کیڈیٹ کالج کا درجہ،کیمرے نصب ہوں گے

    انہوں نے کہا کہ ایف سی کی فائرنگ سے شہید ہونے والے 4 شہدا اور زخمیوں کو معاوضہ ادا کردیا گیا  ہے، آرمی پبلک اسکول پارہ چنار کو جلد کیڈٹ کالج کا درجہ دیا جائے گا، پاراچنارسول اسپتال کو بھی اپ گریڈ کیا جائےگا جبکہ سیف سٹی پروجیکٹ کےتحت سی سی ٹی وی کیمرے لگائے جائیں گے۔

    داعش پاک افغان سرحد کے ساتھ  قدم جمارہی ہے، بارڈر پر باڑ لگائی جارہی ہے

    آرمی چیف نے خدشہ ظاہر کیا کہ پاک افغان سرحد کے ساتھ داعش قدم جمارہی ہے، شدت پسندوں کے حملوں سے عوام کو بچانے کے لیے پاک افغان سرحد پر باڑ لگانے کا کام جاری ہے۔

    فوج کے ساتھ ہیں، دشمن کو گھسنے نہیں دیں گے، قبائل

    اس موقع پر قبائلی عمائدین نے آرمی چیف کو یقین دہانی کروائی کہ وہ اپنے علاقے میں کسی بھی صورت دہشت گردوں کو داخل نہیں ہونے دیں گے اور امن و امان کے لیے مقامی افراد سیکیورٹی فورسز سے تعاون کرتے رہیں گے۔

    قبائلی عمائدین نے آرمی چیف سے ملاقات میں کہاکہ بہادر افواج کی قر بانیوں کی قدر کر تے ہیں اورپاک فوج کے شانہ بشانہ کھڑ ے ہیں۔

    دھرنا آٹھویں روز ختم کرنے کا اعلان

    آرمی چیف سے ملاقات کے بعد قبائلی عمائدین نے پارا چنار میں 8 روز سے جاری دھرنا ختم کرنے کا اعلان کردیا۔

    قبل ازیں ڈی جی آئی ایس پی آر میجر جنرل آصف غفور نے کہا کہ دہشت گردی کی لعنت کو متحد ہوکر شکست دینی ہے، ہم کسی بھی فرقے سے بالاتر ہیں۔

    خیال رہے کہ آرمی چیف جنرل قمر جاوید باجوہ آج صبح پاراچنار پہنچے تھے جہاں انہیں سیکیورٹی صورت حال پر بریفنگ بھی دی گئی۔

    پارا چنار متاثرین سے اظہار یکجہتی کے لیے مختلف شہروں میں احتجاج ختم کرنے کا اعلان کردیا گیا۔


    پاراچنارا دھماکہ: وزیراعظم سمیت سیاسی رہنماؤں کی شدید مذمت


    یاد رہےکہ گزشتہ روز وزیراعظم محمد نواز شریف نے پارا چنار دھماکوں کے شہداء کے ورثا کےلیے 10 لاکھ روپے فی کس اور زخمیوں کےلیے پانچ لاکھ روپے فی کس امداد کا اعلان کیا تھا۔


    پاکستان پارہ چنار دھماکے: جاں‌ بحق افراد 70 ہوگئے


    واضح رہے کہ پارا چنار میں 23 جون کے روز یکے بعد دیگرے 2 دھماکے ہوئے تھے جس میں تقریباً  70 افراد شہید جبکہ درجنوں افراد زخمی ہوگئے تھے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • سانحہ پارا چنار کے ذمہ داران کو قانون کے کٹہرے میں لایا جائے گا: آرمی چیف

    سانحہ پارا چنار کے ذمہ داران کو قانون کے کٹہرے میں لایا جائے گا: آرمی چیف

    راولپنڈی: آرمی چیف جنرل قمر جاوید باجوہ نے مختلف فرقوں کے علمائے کرام سے ملاقاتیں کرتے ہوئے انہیں یقین دہانی کروائی کہ سانحہ پارا چنار کے ذمہ داروں کو قانون کے کٹہرے میں لایا جائے گا۔

    پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور کی جانب سے جارہ کردہ بیان کے مطابق آرمی چیف جنرل قمر جاوید باجوہ نے مختلف فرقوں کے علمائے کرام سے ملاقاتیں کیں۔

    ڈی جی آئی ایس پی آر کے مطابق آرمی چیف کا کہنا ہے کہ سانحہ پارا چنار کے ذمہ داروں کو قانون کے کٹہرے میں لایا جائے گا۔ سانحہ پارا چنار کے متاثرین کی بلا تفریق مدد کی جائے گی۔

    آرمی چیف کا کہنا تھا کہ ہر شہید اور زخمی ہمارے لیے برابر ہے۔ ہم سب پاکستانی اور مسلمان ہیں جو ملک میں بسنے والی تمام اقلیتوں کے مذہبی حقوق کا احترام کرتے ہیں۔ دشمن اب ہمیں تقسیم کرنے میں ناکامی کے بعد فرقہ واریت کے ذریعے وار کر رہا ہے۔

    ان کا مزید کہنا تھا کہ دشمن سوشل میڈیا کے ذریعے بدنیتی پر مبنی مہم چلا رہا ہے جو قابل مذمت ہے اور ہم سب کو اس کا ادراک ہونا چاہیئے۔

    آرمی چیف نے کہا کہ فاٹاسمیت ملک بھر میں سیکیورٹی صورتحال بہتر ہوئی ہے اور اسے کسی بھی قیمت پر دوبارہ بگڑنے نہیں دیا جائے گا۔

    یاد رہے کہ 23 جون کو پارا چنار کی اکبر مارکیٹ میں 2 خود کش دھماکے ہوئے تھے جس کے نتیجے میں 50 افراد شہید ہوگئے۔


  • موسم کی خرابی، آرمی چیف کا ہیلی کاپٹر پارا چنار میں‌ لینڈ نہ کرسکا

    موسم کی خرابی، آرمی چیف کا ہیلی کاپٹر پارا چنار میں‌ لینڈ نہ کرسکا

    راولپنڈی: آرمی چیف پارا چنار کا دورہ نہ کرسکے، موسم خرابی کے سبب ہیلی کاپٹر لینڈ نہ کرسکا۔

    تفصیلات کے مطابق آرمی چیف جنرل قمر جاوید باجوہ نے عید کے دوسرے دن (آج ) پارا چنار میں ہونے والے دھماکوں میں شہید افراد کے لواحقین سے ملنے کا اعلان کیا تھا لیکن موسم کی خرابی کے سبب وہ پارا چنار پہنچ نہ سکے۔

    ڈی جی آئی ایس پی آر میجر جنرل آصف غفور کے مطابق موسم کی خرابی کے سبب آرمی چیف کا ہیلی کاپٹر پارا چنار میں لینڈنہیں کرسکا، موسم ٹھیک ہوتےہی آرمی چیف دوبارہ پارا چنار روانہ ہوں گے۔

    ڈی جی آئی ایس پی آر نے مزید بتایا کہ فوجی حکام پارا چنار واقعے کے لواحقین سے رابطے میں ہیں۔

    خیال رہے کہ آئی ایس پی آر نے کہا تھا کہ آرمی چیف عید کے دوسرے دن شہید افراد کے لواحقین کا دکھ بانٹنے پاراچنار جائیں گے، جہاں وہ مختلف مذہبی رہنماؤں علامہ ناصر عباس، علامہ افتخار نقوی سمیت دیگر علما سے ملاقاتیں کریں گے۔


    مزید پڑھیں : سپہ سالار کی جوانوں کے ساتھ عید


    قبل ازیں آرمی چیف جنرل قمر جاوید باجودہ کا کہنا تھا کہ بطور پاکستانی اور مسلمان ہم سب متحد ہیں، دشمن کی فرقہ وارانہ بنیادوں پر ٹارگٹ کرنے کی سازش ناکام ہوگی، دہشت گردی پھیلانے کی دشمن کی کوششوں کو کامیاب نہیں ہونے دیں گے۔

    واضح رہے کہ پارا چنار سبزی منڈی میں ہونے والے دھماکوں کے نتیجے میں اب تک 55 افراد شہید ہوچکے ہیں۔

    دہشت گردی کے حالیہ واقعات اور سانحہ احمد پور شرقیہ کے بعد جنرل قمر جاوید باجوہ نے عید سادگی سے منانےکا اعلان کیا تھا، گذشتہ روز آرمی چیف نے لائن آف کنٹرول پر جوانوں کے ساتھ سادگی سے عید منائی، نمازِ عید ادا کی اور ان کے ہمت و حوصلے کو سراہا۔

    لائن آف کنٹرول پر ہونے والی نمازعید میں پاکستان کے استحکام کے لیے خصوصی دعائیں بھی کی گئیں، سپہ سالار نے جوانوں کو عید کی مبارک باد دی اور سب سے گلے بھی ملے۔ سپہ سالار کو اپنے درمیان پاکر نوجوانوں نے مسرت کا اظہار کیا اور انہیں عید کی مبارک باد پیش کی تھی۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاک فوج کا عید سادگی سے منانے کا فیصلہ

    پاک فوج کا عید سادگی سے منانے کا فیصلہ

    راولپنڈی : آرمی چیف جنرل قمرجاویدباجوہ نے کہا ہے کہ ملک میں ہونے والے حالیہ دہشت گردی اور سانحہ احمد پورشرقیہ کے متاثرین کے ساتھ ہیں۔

    تفصیلات کے مطابق آرمی چیف جنرل قمر جاوید باجوہ نے سانحہ بہاولپور کو مد نظر رکھتے ہوئے عید سادگی سے منانے کا فیصلہ کیا ہے۔

    پاک فوج کے شعبہ تعلقات عامہ آئی ایس پی آر کے ڈی جی کے مطابق آرمی چیف نے کہا ہے کہ غمزدہ خاندانوں سے اظہاریکجہتی کیلئے پاک فوج عید سادگی سے منا ئے گی، یہ بات انہوں نے عیدالفطر کا چاند نظر آنے کے بعد اپنے ایک پیغام میں کہی۔

    جنرل قمر جاوید باجوہ نے پوری قوم کو عید کی مبارکباد دیتے ہوئے کہا کہ تمام چیلنجزکایکجا ہوکر مقابلہ کریں گے، پاک فوج دہشت گردی سے متاثرہ خاندانوں کے غم میں برابر کی شریک ہے۔

  • پاکستان کی جیت: آرمی چیف کا قومی ٹیم کوعمرے پربھیجنے کا اعلان

    پاکستان کی جیت: آرمی چیف کا قومی ٹیم کوعمرے پربھیجنے کا اعلان

    اسلام آباد: آئی سی سی چپمپیئنز ٹرافی میں شاندار فتح پر وزیر اعظم نواز شریف، صدرممنون حسین، آرمی چیف جنرل قمرجاوید باجوہ اور سربراہ پاک بحریہ نے پاکستان ٹیم اورقوم کو مبارکباد دی ہے، آرمی چیف نے پوری ٹیم کو عمرے پر بھیجنے کا اعلان کردیا۔

    تفصیلات کے مطابق آئی سی سی چمپیئنز ٹرافی میں پاکستان کی شاندار فتح پر پورے ملک میں جشن کا سماں ہے، ملک کی سیاسی اور مذہبی جماعتوں کے رہنماؤں نے مسرت کا اظہار کرتے ہوئے قوم کو مبارکباد پیش کی ہے.

     وزیر اعظم نواز شریف، صدرممنون حسین، آرمی چیف جنرل قمرجاوید باجوہ، نیول چیف، چیئرمین پیپلز پارٹی بلاول بھٹو زرداری، سربراہ عوامی مسلم لیگ شیخ رشید احمد اور دیگر نے پاکستان ٹیم اور پوری قوم کو مبارکباد دی ہے۔

    پی ٹی آئی کے چیئرمین عمران خان نے میچ کے دسویں اوور میں ہی پاکستان کو میچ میں فتح کی ایڈوانس مبارکباد دے دی تھی۔

    نواز شریف کا کہنا ہے کہ قومی ٹیم نے بھارت کو بڑے فرق سے ہرایا جو بہت خوش آئند بات ہے، آرمی چیف جنرل قمرجاوید باجوہ نے پاکستان کی پوری ٹیم کو جیت کی خوشی اور سجدہ شکر ادا کرنے کیلئے عمرے پر بھیجنے کا اعلان کیا ہے۔

    آرمی چیف کا کہنا تھا کہ ٹیم ورک کو کوئی شکست نہیں دے سکتا، بھارت کے خلاف تاریخی فتح پر ہمیں پاکستان ٹیم پرفخر ہے۔

    قومی ٹیم کی آئی سی سی چمپیئنز ٹرافی میں شاندار فتح پر مبارکبادوں کا سلسلہ جاری ہے، گورنرسندھ محمد زبیر، صوبائی وزیر داخلہ سندھ سہیل انورسیال، وزیر بلدیات سندھ جام خان شورو چیف جسٹس لاہورہائیکورٹ اور دیگر نے بھی قومی ٹیم کوفتح پرمبارکباد پیش کی ہے۔

    گورنرسندھ محمد زبیر نے کہا کہ فائنل میں180رنز سےکامیابی پرٹیم مبارکبادکی مستحق ہے، سہیل انور سیال نے کہا کہ کھلاڑیوں نےشاندارکاکردگی سےقوم کاسرفخرسےبلندکردیا، جام خان شورو نے کہا کہ پاکستانی ٹیم نےقوم کوعید سےپہلے عیدی دیدی۔

     چیف جسٹس لاہورہائیکورٹ کا کہنا ہے کہ قومی ٹیم کی کامیابی بہترین ٹیم ورک کانتیجہ ہے، ٹیم نےقوم کا سر فخر سے بلند کردیا ہے،

  • افغانستان دھمکیوں کے بجائے اندرونی خلفشار دور کرے، کور کمانڈرز کانفرنس

    افغانستان دھمکیوں کے بجائے اندرونی خلفشار دور کرے، کور کمانڈرز کانفرنس

    راولپنڈی : آرمی چیف جنرل قمر جاوید باجوہ کی زیر صدارت خصوصی کور کمانڈرز کانفرنس کا انعقاد کیا گیا.اجلاس میں علاقائی سیکیورٹی اور افغانستان میں ہونیوالے حالیہ دہشت گردی کے بڑے واقعات کا جائزہ لیا گیا،شرکاء نے افغان عوام اور سیکیورٹی فورسز سے اظہاریکجہتی کیا۔

    پاک فوج کے شعبہ تعلقات عامہ آئی ایس پی آر کے ترجمان کے مطابق کانفرنس کےدوران افغانستان میں دہشت گردی میں انسانی جانوں کے ضیاع پر افسوس کا اظہا ر کیا گیا۔

    کانفرنس میں قیام امن اور دہشت گردوں کے خلاف تعاون جاری رکھنے کے عزم کا بھی اظہار کیا گیا۔ کورکمانڈرز نے پاکستان پر عائد کیے جانے والے دہشت گردی کے الزامات کو رد کر دیا۔

    کور کمانڈرز نے کہا کہ افغانستان ہمیں دھمکیاں دینے کی بجائے اپنے ملک کے اندر جاری خلفشار دور کرے ۔ کانفرنس کے دوران پاکستان کے خلاف کسی بھی قسم کی جارحیت کا منہ توڑ جواب دینے کے عزم کا اظہار کیا گیا۔

  • آرمی چیف جنرل قمرباجوہ سے روس کے سفیرکی ملاقات

    آرمی چیف جنرل قمرباجوہ سے روس کے سفیرکی ملاقات

    راولپنڈی : آرمی چیف جنرل قمرجاوید باجوہ سے روس کے سفیر نے ملاقات کی ، ملاقات میں علاقائی سیکیورٹی اور باہمی فوجی تعاون پرتبادلہ خیال کیا گیا۔

    آئی ایس پی آر کی جانب سے تفصیلات کے مطابق روسی سفیر ایلیکسی ڈیون نے آرمی چیف جنرل قمرجاوید باجوہ سے جی ایچ کیو راولپنڈی میں ملاقات کی۔

    ملاقات میں خطے کی سیکورٹی کی صورت حال سمیت دیگر دفاعی امور پرتبادلہ خیال کیا گیا۔ آرمی چیف اور روسی سفیر کی ملاقات میں دونوں ملکوں کی افواج کے تربیتی امور بھی زیربحث آئے۔

    روس کے سفیر نے پاکستان میں دہشت گردی حالیہ کارروائیوں کی مذمت کی اور روس کی جانب سے متاثرہ خاندانوں کے ساتھ دلی ہمدردی اورافسوس کا اظہار کیا۔

    روس کے سفیر نے دہشت گردی اور معاشی ترقی کے حوالے سے پاکستان کی کاوشوں کو سراہا۔

  • دشمن قوتیں سوشل میڈیا سے نوجوانوں کو پراگندہ کر رہی ہیں: آرمی چیف

    دشمن قوتیں سوشل میڈیا سے نوجوانوں کو پراگندہ کر رہی ہیں: آرمی چیف

    راولپنڈی: پاک فوج کے سربراہ جنرل قمر جاید باجوہ کا کہنا ہے کہ دشمن قوتیں سوشل میڈیا سے نوجوانوں کو پراگندہ کر رہی ہیں۔ نوجوان نسل ملک کے مستقبل کا سرمایہ ہیں۔

    تفصیلات کے مطابق پاک فوج کی جانب سے ’شدت پسندی کے سدباب میں نوجوانوں کا کردار‘ کے مضوع پر سیمینار کا انعقاد کیا گیا۔

    سیمینار سے چیف آف آرمی اسٹاف جنرل قمر جاوید باجوہ نے خطاب کرتے ہوئے کہا کہ دشمن قوتیں سوشل میڈیا سے نوجوانوں کو پراگندہ کر رہی ہیں۔ نوجوان نسل ملک کے مستقبل کا سرمایہ ہیں۔

    آرمی چیف کا کہنا تھا کہ سیکیورٹی خطرات ختم کر کے ترقی کی راہیں کھول دیں۔ آپریشن رد الفساد سے نئے دور کا آغاز ہوا ہے۔

    انہوں نے اس بات پر زور دیا کہ دہشت گردی کے خلاف جنگ ریاست اور عوام کو مل کر لڑنی ہے۔ انہوں نے کہا کہ دنیا میں صرف پاک فوج نے ہی اس نوعیت کی دہشت گردی کو شکست دی۔

    سیمینار میں آرمی چیف سے قبل پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل آصف غفور نے بھی خطاب کیا۔

    ان کا کہنا تھا کہ داعش کا ہدف ہمارے نوجوانوں کو گمراہ کرنا ہے۔ نوجوانوں کو دہشت گردی سے بچانا اجتماعی ذمے داری ہے۔

    مزید پڑھیں: داعش کا ہدف نوجوانوں کو گمراہ کرنا ہے، ڈی جی آئی ایس پی آر

    پاک فوج اور ہائیر ایجوکیشن کمیشن کے تعاون سے ہونے والے اس سیمینار کا مقصد نوجوانوں میں روا داری اور ہم آہنگی اجاگر کرنا ہے۔

    سیمینار میں ملک بھر کی جامعات کے وائس چانسلرز، ماہرین تعلیم، طلبا، مدارس کے مہتمم اور طلبا شریک ہیں۔

    اس سے قبل یہ سیمینار 8 مئی کو ہونا تھا جسے ملتوی کردیا گیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔