ARYNews.tv | Urdu – Har Lamha Bakhabar

Tag: آرمی چیف

  • جنرل راحیل شریف کا کیلی فورنیا میں امریکی نیشنل ٹرینگ سینٹر کا دورہ

    جنرل راحیل شریف کا کیلی فورنیا میں امریکی نیشنل ٹرینگ سینٹر کا دورہ

    کیلی فورنیا: پاکستان کے آرمی چیف جنرل راحیل شریف نے کیلی فورنیا میں امریکی نیشنل ٹریننگ سینٹر کا دورہ کیا ہے اور امریکی فوجیوں سے ملاقات بھی کی ہے۔ آرمی چیف نے امریکی فوج کے تربیتی نظام کر سراہا ہے۔

    تفصیلات کے مطابق پاکستان کے آرمی چیف جنرل راحیل شریف ان دنوں امریکا کے دورے پر ہیں۔ جنرل راحیل شریف نے آج کیلی فورنیا میں امریکی نیشنل ٹریننگ سینٹر کا دورہ کیا ہے۔ جہاں انہوں نے امریکی فوجیوں سے بھی ملاقات کی ہے۔ آرمی چیف نے تربیتی مرکزمیں دی جانے والی سہولتوں کاجائزہ لیااورامریکی فوج کے تربیتی نظام کوسراہا ہے۔

    اس سے قبل چیف آف آرمی اسٹاف جنرل جنرل راحیل شریف نے امریکی فوج کے تربیتی مرکز فورٹ اِروین کا دورہ کیا، جہاں انہیں امریکی فوجیوں کےتربیتی اموراورجدید آلات حرب کےاستعمال پربریفنگ دی گئی ہے۔

    آرمی چیف جنرل راحیل شریف نے اپنے دورہ امریکا کے دوران سینٹ کام، پینٹاگون، امریکی سیاسی قیادت، واشنگٹن میں امریکی مشیر قومی سلامتی سوزن رائس، امریکی سینٹ کی خارجہ اور آرمز کمیٹیوں کے اراکین سے بھی ملے ہیں۔ آرمی چیف نے امریکی نمائندہ خصوصی برائے پاکستان اور افغانستان جیمز ڈوبنز سے بھی ملاقات کی ہے۔ آرمی چیف نے دورہ امریکا کے دوران پاکستانی سفارتخانے کی تقریب سے خطاب بھی کیا۔

  • آرمی چیف کی زیرِصدارت کورکمانڈرز کانفرنس

    آرمی چیف کی زیرِصدارت کورکمانڈرز کانفرنس

    راولپنڈی : آرمی چیف جنرل راحیل کی زیرِ صدارت کورکمانڈر کانفرنس میں آپریشن ضربِ عضب اور افغانستان میں نئی حکومت کے بعد کی صورتحال پرغور کیاجارہا ہے۔

    شمالی وزیرستان میں جاری آپریشن ضربِ عضب اور افغانستان میں نئی حکومت کے بعد حکمت عملی کیلئے آرمی چیف جنرل راحیل شریف کی زیرِ صدارت کورکمانڈرز کانفرنس میں مشاورت جاری ہے۔

    ذرائع کے مطابق کانفرنس میں امن و امان سمیت دیگر معاملات کا جائزہ بھی لیا جارہا ہے جبکہ اکتوبر میں ریٹائر ہونے والے کورکمانڈرز کو الوداع اور ان جگہ ذمہ داریاں سنبھالنے والے نئے کور کمانڈرزکو خوش آمدید کہا گیا۔

    سرحدوں کی حفاظت اور ملکی سلامتی کےلئے بیش بہا خدمات انجام دینے والے افواجِ پاکستان کے پانچ اہم سینئر افسران کی مدت ملازمت آج مکمل ہوگئی ہے، ریٹائرمنٹ کی عمر کو پہنچنے والوں میں ڈی جی آئی ایس آئی لیفٹننٹ جنرل ظہیرالسلام سمیت چار کور کمانڈر منگلا لیفٹیننٹ جنرل طارق خان، کور کمانڈر گوجرانوالہ لیفٹننٹ جنرل سلیم نواز، کور کمانڈر پشاور لیفٹیننٹ جنرل خالد ربانی، کور کمانڈر کراچی لیفٹننٹ جنرل سجاد غنی شامل ہیں۔

    سبکدوش ہونے افسران کی جگہ تھری اسٹار ترقی پانے والوں میں لیفٹنٹ جنرل رضوان اخترکو ڈی جی آئی ایس آئی مقررکیا گیا ہے جبکہ لیفٹیننٹ جنرل ہدایت الرحمان کورکمانڈر پشاور، لیفٹیننٹ جنرل نوید مختار کورکمانڈر کراچی، لیفٹیننٹ جنرل ہلال حسین کورکمانڈر منگلا ، لیفٹیننٹ جنرل غیور محمود کو کورکمانڈر گوجرانوالہ تعینات کیا گیا ہے۔

    لیفٹیننٹ جنرل نذیر بٹ انسپکٹر جنرل مواصلات اور انفارمیشن ٹیکنالوجی ذمہ داریاں نبھائیں گے۔

  • طالبان کےحملوں کی صلاحیت ختم کردی، آئی ایس پی آر

    طالبان کےحملوں کی صلاحیت ختم کردی، آئی ایس پی آر

    راولپنڈی: ڈی جی آئی ایس پی آرکاکہناہے کہ شدت پسندوں کی پاکستان میں منظم حملے کرنے کی صلاحیت ختم کردی ہے۔

    طالبان کی پاکستان میں منظم حملوں کی صلاحیت ختم کردی،طالبان کی دوسرے درجے کی قیادت ماری گئی یاگرفتارہوگئی۔ یہ کہناتھا ڈی جی آئی ایس پی آر میجرجنرل عاصم باجوہ کا، برطانوی خبررساں ایجنسی سے انٹرویو کے دوران پاک فوج کے ترجمان نے اس تاثر کوبھی غلط قراردیاکہ شدت پسند دوبارہ سر اٹھا رہے ہیں، طالبان بکھر جانے کے بعد ادھر ادھر حملے کر رہے ہیں۔

    میجرجنرل عاصم باجوہ نے بتایا کہ ملا فضل اللہ اپنے ساتھیوں سمیت آپریشن ضربِ عضب شروع ہونے سے پہلے ہی فرار ہوچکا ہے اور وہ کنڑ میں موجود ہے، ہم نے افغان حکومت سے اس کی حوالگی کی بارہا درخواست کی ہے۔

    ڈی جی آئی ایس ایس پی آرکاکہناتھا کہ فوج سیاسی بحران میں کسی فریق کی حمایت نہیں کر رہی نہ فوج سیاست میں ملوث ہے،شروع سےیہی مؤقف ہےکہ یہ سیاسی مسئلہ ہےسیاسی طورپر ہی حل ہوناچاہئے،انہوں نے یہ بھی کہا کہ فوج کسی فریق کا ساتھ دینے کی متحمل نہیں ہو سکتی کیونکہ یہ پوری قوم کی فوج ہے، پہلے کسی فریق کی حمایت کی نہ آئندہ کریں گے۔

  • پاک فوج کوسیاست میں ملوث کرنے پرافسوس ہوا، ڈی جی آئی ایس پی آر

    پاک فوج کوسیاست میں ملوث کرنے پرافسوس ہوا، ڈی جی آئی ایس پی آر

    راولپنڈی: ڈی جی آئی ایس پی آرکا کہنا ہے کہ ملالہ پرحملے کرنے والے دہشت گردوں کے گروہ کوگرفتارکرلیا گیا ہے۔

    ڈی جی آئی ایس پی آرمیجرجنرل عاصم سلیم باجوہ نےکہا کہ ملالہ پرحملہ کرنےوالاشوریٰ نامی گروہ مولوی فضل اللہ کی ہدایت پرعمل کرتاتھاجنہیں گرفتارکرلیاگیاہے، انہوں نے بتایا کہ مولوی فضل اللہ پاکستان میں ہونے والے حملوں میں بھی ملوث ہے۔

    ڈی جی آئی ایس پی آر نے بتایا کہ نہ صرف زیارت ریذیڈنسی پرحملہ کرنے والے ملزمان کوگرفتارکیا گیا ہےبلکہ کوئٹہ اورڈاکیارڈ پرحملے بھی ناکام بنائےگئے ہیں، پاک فوج کے ترجمان نے حملے ناکام بنانے کوانٹیلی جنس کی اہم کاوش قرار دیا۔

    ڈی جی آئی ایس پی آر کا یہ بھی کہنا تھا کہ پاک فوج واضح طورپرملک میں جمہوریت کی حمایت کرچکی ہے،پاک فوج کوسیاست میں ملوث کرنے پرافسوس ہوا،جبکہ مسلح افواج سیلاب زدگان کی مدد کیلئے متاثرہ علاقوں میں موجود ہے اورریلیف کی ہرممکن کاوشیں جاری ہیں۔

    جنرل عاصم باجوہ کاکہناتھا کہ آپریشن ضرب ِعضب کامیابی سے جاری ہے، آپریشن دو محاذوں پر چل رہا ہے اوراب تک دتہ خیل اور میران شاہ کلیئر ہو چکے ہیں، شمالی وزیرستان کو غیر ملکی دہشتگردوں نے یرغمال بنایا ہواتھا، جبکہ آپریشن ضربِ عضب کے ساتھ ساتھ پورے ملک میں دہشت گردوں کے خلاف کارروائی کے لئے ایک میکینزم بنایا گیا تھا اوراب تک 134خطرناک دہشتگردپکڑے جاچکے ہیں۔

    فوج ہر جگہ الرٹ ہے، آخری دہشتگرد کے خاتمے یا پکڑے جانے تک آپریشن جاری رہے گا، ابھی تک 2200 سے زائد آپریشن کئے جا چکے ہیں اور یہ انٹیلیجنس کی کامیابی ہے کہ بعد میں کئے گئے آپریشن میں تخریب پسن عناصر  بہت بڑی تعداد میں پکڑے گئے ہیں۔

  • دہشت گردی ناکام بنادیں گے، جنرل راحیل شریف

    دہشت گردی ناکام بنادیں گے، جنرل راحیل شریف

    پشاور: آرمی چیف جنرل راحیل شریف یومِ دفاع کے موقع پر میرعلی پہنچے اور جوانوں کے ساتھ دن گزارا، جس کے بعد وہ متاثرین کےکیمپوں کا دورہ کرنے بنوں پہنچے۔

    پاک فوج کے ترجمان ادارے آئی ایس پی آر کے مطابق آرمی چیف جنرل راحیل شریف شمالی وزیرستان کے علاقےمیرعلی پہنچے اور یومِ دفاع فوجی جوانوں کے ساتھ گزارا، سپہ سالارِاعلیٰ کی آمد نے دہشت گردوں کےخلاف برسرِپیکارجوانوں کے حوصلے مزید بلند کر دیئے۔

    جنرل راحیل شریف شمالی وزیرستان کے دورے کے بعدبنوں میں نقل مکانی کرنے والوں کے کیمپ پہنچے اوربکا خیل آئی ڈی پیز کیمپ میں متاثرین سے ملے، اس موقع پر آرمی چیف جنرل راحیل شریف کا کہنا تھا کہ متاثرین وزیرستان کو جلدازجلد ان کے مقام پر منتقل کیا جا ئے، پاک فوج متا ثرین شمالی وزیرستان کی ہرطرح سے خدمت اورخیال رکھ رہی ہے۔

  • یومِ دفاع، آرمی چیف جنرل راحیل شریف کا میرعلی اور بنوں کا دورہ

    یومِ دفاع، آرمی چیف جنرل راحیل شریف کا میرعلی اور بنوں کا دورہ

    میر علی : آرمی چیف جنرل راحیل شریف یومِ دفاع کے موقع پر میر علی پہنچے اور جوانوں کے ساتھ دن گزارا، جنرل راحیل شریف نے بنوں میں متاثرین کے کیمپوں کا دورہ بھی کیا اور متاثرین کی جلد از جلد بحالی کی ہدایات دیں۔

    آئی ایس پی آر کے مطابق آرمی چیف جنرل راحیل شریف میر علی پہنچے اور یومِ دفاع فوجی جوانوں کے ساتھ گزارا، دہشتگردوں کے خلاف بر سر پیکار جوانوں کے یومِ دفاع کی آمد اور سپہ سالار کی فرنٹ لائن پر موجودگی سے حوصلے مزید بلند ہوگئے۔

    آرمی چیف جنرل راحیل شریف نے بنوں میں شمالی وزیرستان سے نقل مکانی کرنے والوں کے کمپوں کا دورہ کیا، جنرل راحیل شریف بکا خیل آئی ڈی پیز کیمپ میں متاثرین سے ملنے کے لئے پہنچے، اس موقع پر آرمی چیف کا کہنا تھا کہ متاثرین وزیرستان کو جلد از جلد ان کے مقام پر منتقل کیا جائے گا، پاک فوج متا ثرین شمالی وزیرستان کی ہر طرح سے خدمت اور خیال رکھ رہی ہے۔

    دوسری جانب یومِ دفاع پر اپنے پیغام میں ایئر چیف مارشل طاہر رفیق بٹ کا کہنا تھا کہ مغربی سرحدوں پر دہشتگردوں کیخلاف آپریشن جاری ہے، جس میں پاک فضائیہ اپنا بھر پور کردار ادا کررہی ہے، آپریشن میں بے گناہ لوگوں کی جانوں کا خیال رکھتے ہوئے ملکی اور غیر ملکی دہشتگردوں کا خاتمہ کیا جا رہا ہے۔

  • اسلام آباد دھرنوں کے پیچھے فوج یا آئی ایس آئی کا ہاتھ نہیں، آئی ایس پی آر

    اسلام آباد دھرنوں کے پیچھے فوج یا آئی ایس آئی کا ہاتھ نہیں، آئی ایس پی آر

    راولپنڈی: پاک فوج کی جانب سے واضح کیا گیا ہے کہ پاک فوج میں اتحاد اور یکجہتی ہی اس کی قوت ہے، جو پاک فوج کے لئے باعث فخر ہے ۔

    آئی ایس پی آر کے ایک ترجمان نے پاک فوج اور آئی ایس آئی پر لگائے گئے ان الزامات کی سختی سے تردید کی جس میں الزام عائد کیا گیا ہے کہ موجودہ سیاسی بحران میں دونوں قومی ادارے پاکستان تحری انصاف اور پاکستان عوامی تحریک کی حمائیت اور مدد کررہے ہیں۔

    ترجمان نے ان الزامات کی سختی سے تردید کرتے ہوئے واضح کیا کہ پاک فوج ایک غیر سیاسی ادارہ ہے اور پاک فوج نے ہمیشہ جمہوریت کے فروغ اور استحکام کیلئے غیر مشروط حمائیت کی ہے، یہ نہائیت افسوسناک ہے کہ پاک فوج کو ان تمام تنازعات میں گھسیٹا جا رہا ہے ، پاک فوج میں اتحاد اور یکجہتی ہی اس کی قوت ہے، جو پاک فوج کے لئے باعث فخر ہے ۔

  • کورکمانڈرزکانفرنس : مزید طاقت کا استعمال نہ کیا جائے، آئی ایس پی آر

    کورکمانڈرزکانفرنس : مزید طاقت کا استعمال نہ کیا جائے، آئی ایس پی آر

    راولپنڈی: پاک فوج کے سربراہ جنرل راحیل شریف کی سربراہی میں کور کمانڈرز کانفرنس میں جمہوریت کیلئے مکمل حمایت کے عزم کا اعادہ کرتے ہوئے حکومت پر زور دیا ہے کہ موجودہ سیاسی بحران کے حل کیلئے مزید طاقت کا استعمال نہ کیا جائے اور وقت ضائع کئے بغیر اس مسئلے کو سیاسی طور پر حل کیا جائے۔

    جنرل ہیڈ کوارٹرز راولپنڈی میں منعقد ہونے والے غیر معمولی کور کمانڈرز اجلاس میں موجودہ سیاسی بحران پر شدید تشویش کا اظہار کیا گیا ، جس میں صورتحال پرتشدد ہونے کے بعد کئی قیمتی جانوں کے نقصان کا باعث بنی اور اس میں کئی لوگ زخمی ہوئے ۔

    کانفرنس میں زور دیا گیا کہ اس صورتحال میں طاقت کا مزید استعمال صورتحال کو مزید سنگین کردے گا ، اس لئے ضرورت اس امر کی ہے کہ مزید وقت ضائع کئے بغیر بحران کے حل کئے سیاسی راہ اپنائی جائے ، کانفرنس میں اس عزم کا اعادہ کیا گیا کہ پاک فوج ریاست میں سکیورٹی کے حوالے سے اپنا کردار ادا کرتی رہے گی اور قومی امنگوں کو پورا کرنے میں کوئی کسر نہیں چھوڑے گی۔

  • کورکمانڈرزکانفرنس کل کے بجائے آج شام طلب

    کورکمانڈرزکانفرنس کل کے بجائے آج شام طلب

    آرمی چیف جنرل راحیل شریف نے غیرمعمولی کورکمانڈرزکانفرنس کل کے بجائے آج شام طلب کرلی، آئی ایس پی آر کے مطابق کورکمانڈرزکانفرنس میں ملک کی موجودہ سیاسی صورتحال پر غور کیا جائے گا۔

    مذکورہ کانفرنس کل ہونا تھی، جو اسلام آباد کی کشیدہ صورتحال کو مد نظر رکھتے ہوئے آج شام ہی طلب کر لی گئی،آئی ایس پی آر کے مطابق کور کمانڈرز کانفرنس جی ایچ کیو راولپنڈی میں چیف آف آرمی اسٹاف جنرل راحیل شریف کی صدارت میں ہوگی۔

  • یوم دفاع پرجی ایچ کیو میں کل اہم تقریب،آرمی چیف مہمان خصوصی ہونگے

    یوم دفاع پرجی ایچ کیو میں کل اہم تقریب،آرمی چیف مہمان خصوصی ہونگے

    اسلام آباد: یوم دفاع کے حوالے سے جی ایچ کیو میں کل اہم تقریب ہوگ، اہم ملکی اور غیر ملکی شخصیات شرکت کریں گی۔

    تقریب کے مہمانِ خصوصی پاک فوج کے سربراہ جنرل راحیل شریف ہونگے، تقریب میں مسلح افواج کےسربراہان، مختلف ممالک کے سفیر اورغیرملکی مہمان شریک ہوں گے، متعدد وفاقی وزرا کو بھی تقریب میں شرکت کے دعوت نامے جاری کر دیئے گئے ہیں۔

    یوم  دفاع  کی مناسبت سے ہونے والی اس تقریب میں دفاع  وطن کے لیے جانوں کے نذرانے پیش کرنے اور جرات و بہادری کی داستان رقم کرنے والوں کی شخصیت پر روشنی ڈالی جائے گی۔