Tag: آرٹیکل245

اسلام آباد: ہائی کورٹ نے غیر آئینی اقدامات کے خلاف دائر کی گئی درخواست کی سماعت کے دوران راستوں سے کنٹینرز ہٹانے کا حکم دے دیا عدالت نے دھرنے ختم کرنے کے لئے عمران خان اور طاہرالقادری کو ایک اور نوٹس بھیج دیا۔

اسلام آباد ہائی کورٹ نے حکم دیا ہے کہ کنٹینرز فوری طور پر ہٹائیں جائیں، جسٹس اطہر من اللہ کی سربراہی میں سماعت کے دوران درخواست گزار انجمن تاجران پاکستان کے صدر اجمل بلوچ کا کہنا تھا کہ دھرنوں اور مظاہروں کی وجہ سے بچوں کی تعلیم پر منفی اثرات مرتب ہورہے ہیں۔

لانگ مارچ کے دھرنے پر مامور سیکورٹی اہلکاراسکولوں میں رہائش پذیر ہیں،تمام اسکولوں کو فی الفور خالی کرایا جائے، درخواست پر عدالت نے طاہر القادری اور عمران خان کو ایک اور نوٹس بھیجتے ہوئے اگلی سماعت تک دونوں رہنماوں سے جواب نہ ملنےپرکاروائی کا عندیہ دے دیا،کیس کی سماعت بائیس ستمبر تک ملتوی کردی گئی ۔

اسلام آباد: اسلام آباد ہائی کورٹ نے دارالحکومت میں آرٹیکل دوسو پینتالیس کے معاملے کی سماعت کے لئےلاجر بینچ تشکیل دے دیا، مقدمے کی سماعت گیارہ اگست کو ہوگی۔

اسلام آباد میں آرٹیکل دو سو پینتالیس کے نفاذ سے متعلق درخواست کی سماعت جسٹس شوکت عزیزصدیقی نے کی، وفاق کی جانب سے ایڈیشنل اٹارنی جنرل طارق کھوکھر نےآرٹیکل دو سو پینتالیس کے نوٹی فیکشن کی کاپی اور تفصیلی جواب عدالت میں جمع کرایا۔

درخواست گزار کی جانب سے دلائل میں کہا گیا نوٹیفکیشن میں وجہ بتائے بغیر فوج طلب کی گئی، اس وجہ سے اس نوٹی فکیشن کی کوئی قانونی حیثیت نہیں۔ آرٹیکل دو سو پینتالیس پاکستان کے شورش زدہ علاقوں کی بجائے اسلام آباد میں کیوں نا فذ کیا گیا؟

جسٹس شوکت عزیز صدیقی نے دلائل سُننے کے بعد ریمارکس میں کہا یہ قومی معاملہ ہے، وہ مقدمےکی حساسیت کو سمجھ رہے ہیں، اس لئے سماعت کے لئے تین رکنی لارجر بینچ تشکیل دیا جارہا ہے ،جو گیارہ اگست کو سماعت کرے گا۔