ARYNews.tv | Urdu – Har Lamha Bakhabar

Tag: آزادی

  • راشا تھاڈانی نے سلمان خان کے ساتھ پرانی تصویر کیوں شیئر کی؟

    راشا تھاڈانی نے سلمان خان کے ساتھ پرانی تصویر کیوں شیئر کی؟

    بالی ووڈ کی معروف اداکارہ روینہ ٹنڈن کی بیٹی راشا تھاڈانی نے بالی ووڈ اسٹار سلمان خان کے ہمراہ اپنی بچپن کی تصویر شیئر کی ہے۔

    حال ہی میں بالی ووڈ میں ڈیبیو کرنے والے اداکار راشا تھاڈانی اور امان دیوگن کو حال ہی میں سلمان خان کے شو ’بگ باس 18‘ کے  ویک اینڈ کا وار کے سیٹ پر دیکھا گیا، جہاں وہ اپنی آنے والی فلم ’آزادی ‘ کی تشہیر کر رہی تھیں۔

     

    View this post on Instagram

     

    A post shared by Rasha Thadani (@rashathadani)

    تاہم اب اداکارہ راشا تھاڈانی نے فوٹو اینڈ شیئرنگ ایپ انسٹاگرام پر شو کی تصویروں کی ایک سیریز شیئر کی ہے، اس سیریز میں اداکارہ نے سلمان خان کے ساتھ پرانی تصاویر بھی شیئر کیں۔

    تصاویر میں روینہ ٹنڈن کی بیٹی راشا تھاڈانی کو اداکار سلمان خان کی گود میں دیکھا جاسکتا ہے، اداکارہ نے تصاویر شیئر کرتے ہوئے کیپشن میں لکھا ’ فل سرکل موؤمنٹ‘۔

     

    View this post on Instagram

     

    A post shared by ColorsTV (@colorstv)

    دوسری جانب بگ باس شو کے میزبان سلمان خان کی ایک ویڈیو بھی وائرل ہورہی ہے جس میں انہیں روینہ ٹنڈن کی بیٹی راشا تھاڈانی اور امان دیوگن کو انٹروڈیوس کراتے ہوئے دیکھا جاسکتا ہے۔

    سلمان خان دونوں کیلئے نیک خواہشات کا اظہار کرتے ہوئے کہا کہ آپ دونوں آنے والوں وقت میں کئی سپر ہٹ فلمیں کریں گے، اور یہ یقین کرنا مشکل ہے کہ تم لوگ ہیرو اور ہیروئن بن گئے ہو اور میں اب بھی وہی کا وہی ہوں۔

    یاد رہے کہ کچھ مہینے پہلے اداکارہ روینہ ٹنڈن نے اپنے انسٹاگرام پر اسی تصویر کو شیئر کیا تھا، انہوں نے کیپشن میں لکھا تھا کہ ’ وقت کتنی تیزی سے گزرتا ہے، تصویر میں میری بیٹی راشا ہے، سلمان خان کے ساتھ تصویر  میں موجود راشا کی اس وقت عمر 5 سال تھی۔

    واضح رہے کہ فلم آزاد میں اجے دیوگن مرکزی کردار نبھاتے نظر آئیں گے جبکہ روینہ ٹنڈن کی بیٹی راشا تھڈانی اور اجے دیوگن کے بھانجے امان دیوگن اس فلم کے زریعے بالی ووڈ میں اپنا پہلا قدم رکھ رہے ہیں۔

    ایکشن اور تھرلر سے بھرپور فلم کا سنسنی خیز ٹریلر ریلیز کر دیا گیا ہے جس میں ڈیانا پینٹی بھی اداکاری کے جوہر دکھاتی دکھائی دے رہی ہیں۔

    فلم کی کہانی برصغیر میں انگریزوں کے قبضے اور ہندوؤں کے حالات کے گرد گھومتی ہے جس میں اجے دیوگن ایک باغی ڈاکو کا کردار ادا کر رہے ہیں۔

    یاد رہے کہ فلم آزاد 17 جنوری کو بھارت سمیت دنیا کے کئی سنیما گھروں میں نمائش کیلئے پیش کی جائے گی۔

  • روس نے یوکرین کے 2 علاقوں کی آزادی تسلیم کرلی

    روس نے یوکرین کے 2 علاقوں کی آزادی تسلیم کرلی

    ماسکو: روس نے یوکرین کے 2 علاقوں کی آزادی تسلیم کرلی، مذکورہ علاقے یوکرینی علیحدگی پسندوں کے زیر کنٹرول ہیں، روسی صدر نے فوج کو دونوں علاقوں میں امن قائم کرنے کے لیے اقدامات کا حکم بھی دے دیا۔

    بین الاقوامی میڈیا کے مطابق روسی صدر ولادیمیر پیوٹن کا خطاب سرکاری ٹی وی پر نشر ہوا، روسی صدر نے یوکرینی علیحدگی پسندوں کے زیر کنٹرول 2 علاقوں ڈونیٹسک اور لوہانسک کی آزادی تسلیم کرلی۔

    پیوٹن اور یوکرینی علیحدگی پسند رہنماؤں میں باہمی امداد کے معاہدوں پر بھی دستخط ہوئے۔ پیوٹن نے روسی فوج کو دونوں علاقوں میں امن قائم کرنے کے لیے اقدامات کا حکم دے دیا۔

    پیوٹن کا کہنا ہے کہ انہوں نے روسی پارلیمنٹ سے کہا ہے کہ وہ جلد از جلد اس کی توثیق کرے۔

    دوسری جانب امریکی دفتر خارجہ کا کہنا ہے کہ روس کا اقدام منسک معاہدوں کی مکمل خلاف ورزی ہے، روس نے یوکرین کی خود مختاری اور علاقائی سالمیت پر حملہ کیا ہے۔

    ترجمان امریکی دفتر خارجہ کے مطابق ہم روسی اقدام کا مناسب اور مضبوط جواب دیں گے۔

    غیر ملکی میڈیا رپورٹ کے مطابق امریکا کی جانب سے روسی اقدام پر سخت معاشی پابندیاں متوقع ہیں ، جبکہ فرانسیسی صدر نے بھی اقوام متحدہ سے معاملے پر فوری اجلاس بلانے کی درخواست کی ہے۔

  • بھارت: 6 ماہ سے زنجیروں میں جکڑی خاتون کو آزادی کیسے ملی؟

    بھارت: 6 ماہ سے زنجیروں میں جکڑی خاتون کو آزادی کیسے ملی؟

    نئی دہلی: بھارتی دارالحکومت نئی دہلی میں 6 ماہ سے زنجیروں میں قید شوہر کے ظلم کی شکار خاتون کو آزاد کروا لیا گیا۔

    تفصیلات کے مطابق نئی دہلی کے علاقے ترلوک پوری میں گزشتہ 6 ماہ سے زنجیروں میں قید 32 سالہ خاتون کو دہلی خواتین کمیشن نے آزاد کروا لیا۔

    چیئرپرسن دہلی خواتین سواتی مالیوال کا کہنا ہے انہیں مقامی سطح پر کام کرنے والی مہیلا پنچایت کے ذریعے اطلاع ملی کہ ایک گھر میں شوہر نے گزشتہ 6 ماہ سے اپنی بیوی کو زنجیروں میں قید کر رکھا ہے اور اس پر تشدد بھی کرتا ہے۔

    انہوں نے بتایا جب میں کمیشن کے ممبر فردوس خان اور کرن نیگی کے ساتھ دیے گئے پتے پر پہنچی تو خاتون کی حالت دیکھ کر حیران رہ گئی۔

    سواتی مالیوال کا کہنا تھا کہ متاثرہ خاتون کی ٹانگوں کو زنجیروں سے باندھا گیا تھا اور اسے بہت بری حالت میں رکھا گیا تھا،خاتون پر تشدد کیا گیا جس سے اس کی ذہنی حالت بھی خراب ہوگئی۔

    چیئرپرسن دہلی خواتین نے بتایا کہ متاثرہ خاتون کے کپڑے پھٹے ہوئے تھے اور جہاں اسے رکھا گیا تھا وہاں کوئی پنکھا نہیں تھا اور اسے باتھ روم جانے کی بھی اجازت نہیں تھی۔

    خاتون نے بتایا کہ اس کی شادی کو 11 سال ہوچکے ہیں اور اس کے تین بچے ہیں، شوہر گھر کے قریب آٹے کی چکی چلاتا ہے۔

    سواتی مالیوال کے مطابق تفتیش کے دوران پتہ چلا کہ اس خاتون کی ذہنی حالت اس سے قبل ٹھیک تھی اور شوہر کی طرف سے ہراساں کیے جانے سے اس کی ذہنی صحت پر گہرا اثر پڑا۔

    دہلی خواتین کمیشن کی ٹیم نے متاثرہ خاتون کے بچوں سے بات کی تو انہوں نے بتایا کہ والد نے ماں کو بہت مارا اور اسے زنجیر سے باندھ کر رکھا ہے۔

  • آج اسلام آباد میں تاریخ کا سب سے بڑا کشمیرمارچ ہوگا: سراج الحق

    آج اسلام آباد میں تاریخ کا سب سے بڑا کشمیرمارچ ہوگا: سراج الحق

    اسلام آباد: امیر جماعت اسلامی سراج الحق کا کہنا ہے کہ آج دارالحکومت میں تاریخ کا سب سے بڑا کشمیر مارچ ہورہا ہے، لاکھوں پاکستانی اسلام آباد میں کشمیریوں سے اظہار یکجہتی کے لیے کھڑے ہیں۔

    تفصیلات کے مطابق میڈیا سے گفتگو کرتے ہوئے سراج الحق کا کہنا تھا کہ آج کے اس مارچ سے حکمرانوں کے ضمیر کو بھی جھنجھوڑنا ہے، کشمیر مقامی سیاسی مسئلہ نہیں بلکہ امت مسلمہ کا مسئلہ ہے، قومی کاز کے لیے ہم سب کچھ کررہے ہیں۔

    انہوں نے کہا کہ بےبس حکمرانوں کو کہنا چاہتا ہوں کہ اپنی اداؤں پر غور کریں، چارٹرڈ آف ڈیمانڈ ہم نے تیار کیا ہے آج پیش کریں گے، ہم نے دو باراسلامی کانفرنس بلانے کا فیصلہ کیا تھا پر ہو نہ سکا، انٹرنیشنل کشمیر کانفرنس ایجنڈے میں شامل ہے مناسب وقت پر کریں گے۔

    امیر جماعت اسلامی کا مزید کہنا تھا کہ اس وقت پرویزمشرف کو چھوڑیں وہ قصہ پارینہ ہے۔

    خیال رہے کہ مقبوضہ کشمیر میں بھارتی لاک ڈاؤن کو 140 دن ہو گئے، مظلوم کشمیری اپنے گھروں میں محصور ہیں، اشیاے خورونوش کی شدید قلت کا سامنا ہے، وادی میں موبائل اور انٹرنیٹ سروسز مسلسل معطل جا رہی ہیں، جب کہ قابض فورسز کا گھر گھر چھاپے مارنے کا سلسلہ بھی جاری ہے۔

  • 27 اکتوبر جموں وکشمیر کی تاریخ کا ایک سیاہ ترین دن ہے، عارف علوی

    27 اکتوبر جموں وکشمیر کی تاریخ کا ایک سیاہ ترین دن ہے، عارف علوی

    اسلام آباد: صدر مملکت ڈاکٹر عارف علوی نے کہا کہ 27 اکتوبر جموں وکشمیر کی تاریخ کا ایک سیاہ ترین دن ہے، اس دن بھارتی فوج جموں وکشمیر میں داخل ہوئی تھی اور کشمیریوں کی منشا اور تقسیم کے منصوبے کی خلاف ورزی کرتے ہوئے خطے پر قبضہ کیا تھا۔

    تفصیلات کے مطابق یوم سیاہ کشمیر کے موقع پر صدرِ پاکستان ڈاکٹر عارف علوی نے اپنے پیغام میں کہا کہ 72 سال قبل آج ہی کے دن بھارتی سیکیورٹی فورسز نے بین الاقوامی قوانین اور اخلاقیات کی دھجیاں بکھیرتے ہوئے نہتے اور بے گناہ کشمیریوں کی امنگوں کے برعکس جبر، ظلم وتشدد اور دہشت گردی کے ذریعے کشمیر پر قبضہ کیا تھا۔

    ڈاکٹرعارف علوی نے کہا کہ آج تک بھارت کشمیر میں وحشیانی کارروائیوں اور دھونس، دھاندلی کی راہ پر گامزن ہے انہوں نے کہا کہ یہ ایک تلخ حقیقت ہے کہ 5 اگست 2019 سے بھارت نے مقبوضہ جموں وکشمیر میں 80 لاکھ سے زائد افراد کو غیرقانونی طور پر محصور کیا ہوا ہے۔

    صدر مملکت نے کہا کہ بھارتی پالیسیوں اور تدابیر میں کتنا ہی ظلم وبربریت کیوں نہ شامل ہو، وہ کشمیری عوام کے جذبہ حریت کو کچل نہیں سکتا۔ انہوں نے کہا کہ آج ہم کشمیر کے شہداء کو خراج عقیدت پیش کرتے ہیں جنہوں نے جدوجہد آزادی کے لیے اپنی جانیں قربان کیں۔

    ڈاکٹر عارف علوی نے کہا پاکستان نے مقبوضہ کشمیر کے عوام کے ساتھ اپنی غیر متزلزل اخلاقی وسیاسی اور سفارتی حمایت کا پختہ عزم کر رکھا ہے، کشمیریوں کے حق خودارادیت کے حصول تک اپنی حمایت جاری رکھے گا۔

    واضح رہے کہ پاکستان سمیت دنیا بھر میں موجود پاکستانی و کشمیری شہری 27 اکتوبر 1947 کو کشمیر پر بھارتی غاصبانہ قبضے کے خلاف آج یوم سیاہ منائیں گے۔

  • کشمیری ہرقیمت پرآزادی چاہتے ہیں، عارف علوی

    کشمیری ہرقیمت پرآزادی چاہتے ہیں، عارف علوی

    اسلام آباد : صدرمملکت ڈاکٹر عارف علوی کا کہنا ہے کہ ظلم وسفاکی مقبوضہ کشمیرکے بھارت کے خلاف جذبات دبا نہیں سکتے۔

    تفصیلات کے مطابق سماجی رابطے کی ویب سائٹ ٹویٹر پر صدر پاکستان ڈاکٹر عارف علوی نے مقبوضہ کشمیرکی صورت حال کی ویڈیو ٹویٹ کردی۔

    ڈاکٹر عارف علوی نے کہا کہ پابندیوں، بلیک آؤٹ، فائرنگ اورآنسوگیس کے باوجود یہ سری نگر ہے۔

    صدر پاکستان نے کہا کہ ظلم وسفاکی مقبوضہ کشمیرکے بھارت کے خلاف جذبات دبا نہیں سکتے، کشمیری ہرقیمت پرآزادی چاہتے ہیں۔

    مقبوضہ کشمیر میں کرفیو کا مسلسل 20واں روز

    مقبوضہ کشمیر میں آج مسلسل 20ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

    کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

    یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

    راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

  • گوٹیرس کا تمام ممالک سے خلیج میں جہاز رانی کی آزادی یقینی بنانے کا مطالبہ

    گوٹیرس کا تمام ممالک سے خلیج میں جہاز رانی کی آزادی یقینی بنانے کا مطالبہ

    نیویارک:اقوام متحدہ کے سیکرٹری جنرل انتونیو گوٹیرس نے تمام ممالک پر زور دیا ہے کہ وہ خلیج کے علاقے میں جہاز رانی کی آزادی کو یقینی بنائیں، اس بات کا اعلان گوٹیرس کے ترجمان فرحان حق نے کیا۔

    تفصیلات کے مطابق اس حوالے سے فرحان کا کہنا تھا کہ سیکریٹری جنرل کا مطالبہ بالکل واضح ہے، انہوں نے تمام ممالک پر زور دیا ہے کہ جہاز رانی کی آزادی کو ہر جگہ یقینی بنایا جائے جس میں آبنائے ہرمز بھی شامل ہے۔

    غیر ملکی خبر رساں ادارے کا کہنا تھا کہ گوٹیرس اس بات کی تصدیق چاہتے ہیں کہ تمام ممالک خلیج کے علاقے میں جارحیت کم کرنے کی کوششیں کر رہے ہیں۔

    غیر ملکی میڈیا کا کہنا ہے کہ گوٹیرس ایسے کسی بھی اقدامات سے گریز کے خواہاں ہیں جن سے مستقبل میں کشیدگی میں مزید اضافہ ہو،خلیج کے علاقے میں کشیدگی میں اضافہ جاری ہے۔ امریکا کی جانب سے خلیج عربی میں بحری کمک کی دوسری کھیپ ارسال کرنے کا اعلان کیا گیا ہے۔

    خبر رساں ادارے کا کہنا تھا کہ یہ پیش رفت ایران کی جانب سے ایک برطانوی تیل بردار جہاز کو تحویل میں لینے کی ناکام کوشش کے بعد سامنے آئی ہے۔ اس دوران ایرانی ذمے داران اپنے ایک تیل بردار جہاز کے حراست میں لیے جانے پر بہت جلد برطانیہ کے خلاف انتقامی کارروائی کی دھمکی دے چکے ہیں۔

  • بریگزٹ کے باعث اسکاٹ لینڈ کی آزادی کی حمایت میں ریکارڈ اضافہ

    بریگزٹ کے باعث اسکاٹ لینڈ کی آزادی کی حمایت میں ریکارڈ اضافہ

    لندن : برطانیہ کے یورپی یونین سے آئندہ اخراج کی وجہ سے اسکاٹ لینڈ کی برطانیہ سے ممکنہ آزادی کی حمایت میں ریکارڈ اضافہ ہوا ہے۔ اس وقت اسکاٹ لینڈ کے انچاس فیصد باشندے برطانیہ سے آزادی کے حق میں ہیں۔

    تفصیلات کے مطابق ایک تازہ سروے میں بتایا گیا کہ برطانیہ کی اس ریاست کی باقی ماندہ برطانیہ عظمی سے ممکنہ آزادی کی سیاسی سوچ یوں تو کئی عشرے پرانی ہے لیکن اس سوچ اور اس کے لیے سیاسی حمایت میں گزشتہ چار برسوں میں اتنا زیادہ اضافہ دیکھنے میں آیا ہے، جتنا پہلے کبھی نہیں دیکھا گیا تھا۔

    اسکاٹش عوام میں لندن سے آزادی کی اس سوچ کی ایک بڑی وجہ یہ بھی ہے کہ ایسے اسکاٹش رائے دہندگان میں بڑی تعداد ان شہریوں کی ہے، جو چاہتے ہیں کہ انہیں مستقبل میں بھی یورپی یونین کا حصہ رہنا چاہیے۔

    سروے کے مطابق جون 2018 میں اسکاٹ لینڈ کے تقریبا 45 فیصد باشندے یہ چاہتے تھے کہ اسکاٹ لینڈ کو برطانیہ سے آزادی حاصل کر لینا چاہیے۔ اب لیکن نو ماہ بعد یہی شرح بڑھ کر 49 فیصد ہو چکی ہے۔

    مزید یہ کہ اسکاٹ لینڈ میں برطانیہ سے آزادی کے حامی ووٹروں کی یہ وہ زیادہ سے زیادہ شرح فیصد ہے، جو آج تک ریکارڈ کی گئی ہے۔

  • سندھ کو پیپلز پارٹی سے آزاد کرائیں گے: مراد سعید

    سندھ کو پیپلز پارٹی سے آزاد کرائیں گے: مراد سعید

    اسلام آباد : وفاقی وزیر پوسٹل اینڈ سروسز مراد سعید نے پی پی چیئرمین بلاول بھٹو کی گفتگو پر ردِ عمل ظاہر کرتے ہوئے اعلان کیا ہے کہ سندھ کو پیپلز پارٹی سے آزاد کرایا جائے گا۔

    تفصیلات کے مطابق وفاقی وزیر مراد سعید نے کہا ہے کہ سندھ میں مداخلت نہیں کریں گے بلکہ پیپلز پارٹی سے اسے آزاد کرائیں گے، بلاول بھٹو سندھ کو ذاتی جاگیر سمجھنا چھوڑ دیں۔

    وفاقی وزیر مراد سعید کا کہنا تھا کہ وزیر اعظم نے ہر کرپٹ شخص کو کٹہرے میں لانے کا عزم کر رکھا ہے، کراچی سے تھر تک عوام بنیادی سہولتوں کے لیے سسک رہے ہیں۔

    انھوں نے کہا ’بلاول جان لیں سندھ کو ان کے چنگل سے آزاد کروائیں گے، کیسے سوچ لیا کہ آپ سندھ کے عوام پر جبر کریں اور کوئی آپ کا ہاتھ نہ پکڑے۔‘

    یہ بھی پڑھیں:  ہم صرف ٹویٹ نہیں کرتے کام بھی کرتے ہیں: بلاول بھٹو زرداری

    مراد سعید کا کہنا تھا کہ وہ دور گزر چکا ہے جب آپ لاہور کے شریفوں سے مک مکا کر کے لوٹ مار کیا کرتے تھے، سندھ کے عوام پر ایسا ظلم ڈھایا گیا کہ کئی نسلیں تک غربت کی دلدل میں دھنس گئی ہیں۔

    وفاقی وزیر نے مزید کہا کہ چاہے آپ کے دماغ پر سندھ کارڈ کھیلنے کا خبط سوار ہو، تاہم پھر بھی رعایت نہیں ملے گی، بچنے کا ایک طریقہ ہے کہ ابا جی کو لوٹی دولت واپس کرنے پر رضامند کریں۔

    خیال رہے کہ آج کرچی میں میڈیا سے گفتگو کرتے ہوئے بلاول بھٹو نے کہا ’حکومت کو مشورہ دیتا ہوں ہوش کے ناخن لے، ہم صرف ٹویٹ نہیں کرتے کام بھی کرتے ہیں، غیر جمہوری اقدام اٹھائیں گے تو آپ کا حال بھی مشرف جیسا ہوگا۔‘

  • مقبوضہ کشمیرکی ہرعورت انصاف چاہتی ہے‘ مشعال ملک

    مقبوضہ کشمیرکی ہرعورت انصاف چاہتی ہے‘ مشعال ملک

    اسلام آباد: حریت رہنما یاسین ملک کی اہلیہ مشعال ملک کا کہنا ہے کہ کشمیرکی تحریک آزادی میں شریک خواتین کومظالم کا سامنا ہے۔

    تفصیلات کے مطابق چیئرمین جموں وکشمیر لبریشن فرنٹ یاسین ملک کی اہلیہ مشعال ملک نے خواتین کےعالمی دن پراپنے پیغام میں کہا کہ مقبوضہ کشمیرکی ہرعورت انصاف چاہتی ہے۔

    انہوں نے کہا کہ مقبوضہ کشمیرمیں بھارتی فوج عصمت دری کوبطور ہتھیاراستعمال کرتی ہے، مقبوضہ کشمیرمیں سب سے بڑی تعداد میں آدھی بیوہ خواتین ہیں۔

    مشعال ملک نے اپنے پیغام میں مزید کہا کہ کشمیرکی تحریک آزادی میں شریک خواتین کومظالم کا سامنا ہے، مقبوضہ کشمیرمیں خواتین کوحقوق کب ملیں گے۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔