Tag: آزادی مارچ

گوجرانوالہ: گورنر پنجاب چوہدری محمد سرور نے وزیراعظم کے استعفے اور حکومت گرانے کے مطالبہ کو نوگوایریا قرار دیتے ہوئے کہا ہے کہ اپوزیشن نےاحتجاج کےلئےجووقت چناوہ مناسب نہیں۔

تفصیلات کے مطابق گوجرانوالہ میں میڈیا سے بات کرتے ہوئے گورنر پنجاب چوہدری محمدسرور نے کہا کہ اپوزیشن کوحکومت بنانے کیلئے 2023 تک انتظارکرناہوگا، اپوزیشن کےدھرنے پرحکومت ٹکراونہیں چاہتی مگر اپوزیشن نےاحتجاج کےلئے جووقت چناوہ مناسب نہیں ہے۔

گورنر پنجاب نے کہا کہ وزیر اعظم کااستعفی اور حکومت گرانےکامطالبہ نوگوایریاہے، دھرنے پرجلد مثبت پیشرفت ہوگی اور امید ہے مولاناحکومت کےساتھ کیےمعاہدہ پرقائم رہیں گے۔

یہ بھی پڑھیں: مولانا جارہے ہیں اسلام آباد پرسکون ہوگا: شیخ رشید

سابق وزیراعظم کے بیرون ملک علاج کے سوال پر گورنر پنجاب نے کہا کہ نوازشریف بیرون ملک جانےکےلیےرابطہ کریں گے تو غور کیاجائےگا۔

ان کا مزید کہنا تھا کہ کرتارپورراہدری وزیراعظم کاتاریخی فیصلہ ہے ہم عالمی دنیامیں ملک کاامیج بہترکرنےکی کوشش کررہےہیں۔

واضح رہے کہ اس سے قبل وزیر ریلوے شیخ رشید احمد نے کہا تھا کہ ایک دو روز میں قوم کو آزادی مارچ کے حوالے سے اچھی خبر ملے گی۔ان کا کہنا تھا کہ مولانا فضل الرحمان واپس جانے والے ہیں۔

اسلام آباد: جمعیت علماء اسلام(ف) کے سربراہ مولانا فضل الرحمان نے آزادی مارچ کے شرکاء کو ڈی چوک جانے کا نعرہ لگانے سے روکتے ہوئے کہا ہے کہ جب تک ڈی چوک جانےکی پالیسی نہیں بنتی کارکن ایسا نہ کہیں۔

تفصیلات کے مطابق آزادی مارچ کے شرکاء سے خطاب کرتے ہوئے مولانا فضل الرحمان نے کہا کہ روزانہ کچھ لوگ یہاں آکر ڈی چوک کے نعرے لگاتے ہیں جب تک ڈی چوک کے حوالے سے کوئی پالیسی مرتب نہ ہو، کارکن نعرہ نہ لگائیں، بطورجماعت کارکنان کومستقبل کی پالیسی سے آگاہ کیاجائے گا۔

مولانا فضل الرحمان نے کہا کہ مطالبے کےتسلسل کو برقرار رکھتے ہوئے اسلام آبادمیں موجودہیں، کہاجاتاہےاس طرح ہمیشہ لوگ آئیں گے اورمطالبات کریں گےاس طرح تو توروایت بن جائےگی لیکن میں پوچھتاہوں 126 دن کےدھرنے پر کیوں اعتراض نہیں تھا؟

انہوں نے کہا کہ جب پی ٹی آئی اپوزیشن میں تھی اس وقت بھی تنہاتھی اور آج حکومت میں ہے پھربھی تنہاہے۔

جے یوآئی کے امیر نے کہا کہ 18سال سےآپ نےمذہب کودنیاکےسامنےغلط اندازمیں پیش کیااور موجودہ مارچ نےپاکستان کےسیاسی جمودکو توڑ ڈالا ہم نےدنیا کو بتادیا انتقام کے نام پراحتساب کاڈرامہ مزیدنہیں چلےگا، ہمارےمطالبات کومانناپڑے گاہم نےنظم وضبط کامظاہرہ کیا ہے۔

خارجہ پالیسی کو تنقید کا نشانہ بناتے ہوئے مولانا فضل الرحمان نے کہا کہ آج ہم داخلی طور پر غیر مستحکم اورخارجی سطح پرتنہاہیں، بھارت ہمارادشمن ہے افغانستان پر اعتماد نہیں ہے جب کہ ایران بھارت کوترجیح دےرہاہے۔

انہوں نے کہا کہ موجودہ حکومت نےچین کےاعتماد کوبھی ٹھیس پہنچائی ہے،آج ہم اس جگہ پھرکھڑےہیں جہاں کسی زمانےمیں کھڑے تھے، فیکٹریاں بندہورہی ہیں مزدور بے روزگار ہورہے ہیں، پیداواری ادارے بند ہوں گے تواشیائےضروریہ ناپیدہوں گی۔

جے یوآئی کے امیر نے کہا کہ آج کوئی غریب آدمی بجلی کابل ادانہیں کرسکتا،بجلی،گیس مہنگی اور اشیائے ضرورت بھی مہنگی ہوگئی ہیں، یومیہ بنیادپرہمارے قرضے بڑھےہیں اگر حکومت کومزید وقت دیں گے تو ہم مزید نیچےجائیں گے۔

پاک بھارت تعلقات اور کشمیر کی صورتحال پر ان کا کہنا تھا کہ ماضی کی غلط پالیسیوں کی وجہ سےبھارت نےہمارےپانی پرقبضہ کرلیا جب تک کشمیر کمیٹی ہمارے ہاتھ میں تھی کوئی مائی کالال کچھ نہیں کر سکتاتھا کشمیر کمیٹی سےہم ہٹےانہوں نےکشمیر کو ہی بیچ دیا۔

لاہور: مسلم لیگ (ن) کے قائد و سابق وزیراعظم نوازشریف کو ڈاکٹرز نے ڈسچارج کرنے کا کہہ دیا تاہم وہ آج شب سروسز اسپتال میں ہی گزاریں گے۔

تفصیلات کے مطابق لاہور کے سروسز اسپتال میں 15 روز زیرعلاج رہنے کے بعد ڈاکٹرز نے نوازشریف کو ڈسچارج کردیا، ڈاکٹرز سے اجازت ملنے کے باوجود سابق وزیراعظم اپنی صاحبزادی مریم نواز کے ہمراہ سروسز اسپتال میں ہی رہیں گے۔

ڈاکٹرز کی جانب سے ڈسچارج کرنے کی اطلاع پر شریف میڈیکل کمپلیکس کی ایمبولنس کو طلب کرلیا گیا تھا اور امکان یہی ظاہر کیا جارہا تھا کہ نوازشریف کچھ دیر بعد اسپتال سے شریف میڈیکل کمپلیکس روانہ ہو جائیں گے۔

اسی اثناء میں میاں شہبازشریف اسپتال پہنچ گئے اور نوازشریف سے ملاقات کے بعد فیصلہ کیا گیا کہ سابق وزیراعظم آج شب سروسز اسپتال میں ہی گزاریں گے۔

ذرائع کا کہنا ہے کہ چوہدری شوگر ملز میں ضمانت منظور ہونے کے بعد مریم نواز کے روبکار جاری ہونے کا انتظار کیا جارہا ہے ، مریم نواز کے روبکار جاری ہوتے ہی نوازشریف اپنی صاحبزادی کے ساتھ شریف میڈیکل کمپلیکس روانہ ہوجائیں گے۔

یہ بھی پڑھیں: نواشریف کا بلڈ پریشر کنٹرول ہے، شوگر کنٹرول کر رہے ہیں، ڈاکٹر محمود ایاز

قبل ازیں میڈیکل بورڈ کے سربراہ پروفیسرمحمود ایاز کا کہنا تھا کہ نوازشریف کو محدود چہل قدمی اور ورزش سمیت کھانے پینے کے حوالے سے اجازت دی گئی ہے۔

انہوں نے کہا کہ نواشریف کا بلڈ پریشر کنٹرول ہے، شوگر کنٹرول کر رہے ہیں جب کہ دوران علاج نوازشریف کودل کا اٹیک ہوا تھا۔

سربراہ میڈیکل بورڈ کا کہنا تھا کہ ہم نے کچھ جینٹک ٹیسٹ تجویز کیے ہیں، خون کی بند شریانوں کے لیے بھی ٹیسٹ تجویز کیے ہیں، ان کی تشخیص مکمل طور پر کرچکے ہیں اور آئی ٹی پی کا علاج ہو رہا ہے۔

اسلام آباد: جے یو آئی ف کے سربراہ مولانا فضل الرحمان نے کہا ہے کہ دھرنا ختم ہو سکتا ہے لیکن ٹائم فریم نہیں دے سکتا، مذاکرات کے لیے ہر وقت تیار ہیں۔

تفصیلات کے مطابق مولانا فضل الرحمان نے اے آر وائی نیوز سے گفتگو کرتے ہوئے کہا ہے کہ ڈی چوک پر جا کر تصادم نہیں چاہتے، تمام فیصلے اپوزیشن کی مشاورت سے کر رہے ہیں، میں چاہتا ہوں مریم نواز کنٹینر پر آ کر عوام سے خطاب کریں تاہم اب تک ان سے کوئی رابطہ نہیں ہوا۔

انھوں نے کہا دھرنا ختم ہوگا یا نہیں یہ فیصلہ اجتماعی طور پر اور اپوزیشن سے مشاورت کے بعد کیا جائے گا، اپوزیشن جماعتیں پہلے بھی ساتھ تھیں اب بھی ساتھ ہیں، ڈی چوک جانے سے شہریوں کی مشکلات میں اضافہ ہوگا، مذاکرات کے دروازے بند نہیں کیے، سیاسی لوگ ہیں، مطالبات پیش کرنا ہمارا حق ہے۔

تازہ ترین:  مولانا مارچ آیندہ ایک دو روز میں ختم ہونے کا امکان

دریں اثنا، مارچ سے خطاب کرتے ہوئے جے یو آئی ف کے سربراہ نے کہا کہ آج یہاں ہر صوبے اور قومیت کے لوگ موجود ہیں، کبھی کسی نے سوچا ہوگا کہ جے یو آئی ایسا کردار ادا کرے گی؟ ہم وہ باتیں کر رہے ہیں جو آئین میں ہیں، جب غیر منتخب لوگ اقدار پر قابض ہوں گے تو اضطراب پیدا ہوگا، کون اسے دور کرے گا، ہمیں آئینی، سیاسی اور معاشی حوالے سے مطمئن زندگی چاہیے۔

مولانا نے اپنی رٹ دہراتے ہوئے کہا کہ حکمرانوں کو جانا ہوگا، اس سے کم پر بات نہیں ہوگی، ان کے ہوتے ہوئے معاملات ٹھیک نہیں ہوں گے، ہم بڑے تحمل کا مظاہرہ کر رہے ہیں، اس روش کے ساتھ آگے بڑھنا ہوگا، تصادم والی باتوں سے مستقل اجتناب کر رہے ہیں، اب یہ قوم کی آواز ہے اگر تصادم ہوگا تو قوم کے ساتھ ہوگا، پاکستانی شہری کی حیثیت سے حق رکھتا ہوں میرا اضطراب دور کیا جائے اور یہ اقتدار چھوڑنے سے دور ہوگا۔

مولانا کی تقریر کے دوران اس وقت دل چسپ صورت حال پیدا ہوئی جب دھرنا ختم کرنے پر آمادہ جے یو آئی سربراہ نے مارچ کے شرکا سے سوال کیا کہ آپ بتائیں آپ کا کیا ارادہ ہے تو کارکنوں نے ڈی چوک کے نعرے لگانے شروع کر دیے۔

اسلام آباد: جمعیت علماء اسلام (ف) نے اپنے 15 ارکان قومی اسمبلی سے استعفے طلب کرلیے، استعفےضرورت پڑنے پراستعمال کئےجائیں گے۔

تفصیلات کے مطابق جے یو آئی (ف) نے اسمبلیوں سے مستعفی ہونے کے آپشن پر غور کرنا شروع کردیا ہے،ذرائع کا کہنا ہے کہ پارٹی نے 15 ارکان قومی اسمبلی سے استعفے مانگ لیے ہیں جو بوقت ِ ضرورت استعمال کیے جاسکتے ہیں۔

ذرائع کا کہنا ہے کہ جےیو آئی کے متعدد ارکان مولانا فضل الرحمان کی رہائش گاہ پرموجود ہیں اور آئندہ کے لائحہ عمل سے متعلق مشاورت کا عمل جاری ہے۔

پارٹی رہنماؤں نے مختلف آپشنز پر غور شروع کردیا ہے جس میں سرفہرست اسمبلیوں سے مستعفی ہونا ہے اور اس حوالے سے تمام پہلوؤں کا باریک بینی سے جائزہ لیا جارہا ہے۔

گزشتہ روز جے یو آئی کےمجلس شوریٰ کےاجلاس میں تمام تر فیصلوں کا اختیار پارٹی کے امیر مولانا فضل الرحمان کو دے دیا گیا تھا۔

یہ بھی پڑھیں: دھرنا ختم کیا جائے یا نہیں؟ اپوزیشن سے مشورے کا فیصلہ، شوریٰ اجلاس کی اندرونی کہانی

ذرائع کا کہنا تھا کہ شوریٰ اراکین نے مشورہ دیا کہ احتجاج کو تحریک میں بدلنے کیلئے اپوزیشن کو اعتماد میں لینا بہت ضروری ہے، حکومت پر دباؤ بڑھانے کیلئے مؤثرحکمت علمی اپنائی جائے جب کہ اجتماعی استعفوں کا معاملہ بھی اپوزیشن جماعتوں کے ساتھ زیربحث لایا جائے گا۔

اجلاس کے بعد آزادی مارچ کے شرکاء سے خطاب کرتے ہوئے مولانا فضل الرحمان نے کہا تھا کہ ہمارے پاس پلان اے،بی اور سی بھی موجود ہے۔

اسلام آباد: اسپیکرقومی اسمبلی اسد قیصر نے اپوزیشن جماعتوں کوقومی ڈائیلاگ کی پیشکش کرتے ہوئے کہا ہے کہ قومی یکجہتی و ہم آہنگی کےفروغ کیلئےقومی مکالمےکےلیےتیارہیں۔

تفصیلات کے مطابق آزادی مارچ کے پر ُامن حل کے لیےوفاقی حکومت کی پیش قدمی جاری ہے، ایک جانب اپوزیشن سے بات چیت کے لیے مذاکراتی کمیٹی اپنا کام کررہی ہے تو دوسری جانب حکومت سیاسی معاملے کو پارلیمنٹ میں زیر بحث لانے کو تیار ہے۔

موجودہ سیاسی صورت حال میں اہم اوربڑی پیش رفت ہوئی ہے، اسپیکرقومی اسمبلی اسد قیصر نے اپوزیشن جماعتوں کوقومی ڈائیلاگ کی پیشکش کردی ہے۔

اسپیکر اسد قیصر کا کہنا ہے کہ ملک کواندرونی وبیرونی خطرات سمیت معاشی مسائل کاسامناہے، موجودہ صورتحال میں قومی یکجہتی اورہم آہنگی کافروغ ناگزیرہے اس لیےملکی سیاسی قیادت کامسائل کےحل کیلئےایک پیج پرہوناضروری ہے۔

اسپیکر قومی اسمبلی نے سیاسی قیادت کوتعاون کرنے اورتجاویزدینےکی درخواست کرتے ہوئے کہا کہ نیشنل ڈائیلاگ وقت کی اہم ضرورت بن چکےہیں۔

یہ بھی پڑھیں: حکومت کا آزادی مارچ کا معاملہ پارلیمنٹ میں اٹھانے کا فیصلہ

انہوں نے کہا کہ اعلیٰ عدلیہ اور اپوزیشن رہنماؤں نےبھی پارلیمانی سطح پرڈائیلاگ کی بات کی، عوام کاواحد نمائندہ ادارہ پارلیمان ہے جو قومی مکالمےکیلئے کرداراداکرنےکوتیارہے۔

قبل ازیں وفاقی حکومت نے مولانا فضل الرحمان کے آزادی مارچ کا معاملہ پارلیمنٹ میں اٹھانے کا فیصلہ کیا ہے اور اس سلسلے میں قومی اسمبلی کا اجلاس کل ہوگا۔

ذرائع کا کہنا ہے کہ وفاق نےقومی اسمبلی کااجلاس سات نومبر کی شام چار بجے طلب کرلیا ہے جس میں مولانا فضل الرحمان کے آزادی مارچ کا معاملہ اٹھایا جائے گا۔