مظفر آباد : بجلی کی نئی قیمت کے مطابق بل جاری کردیئے گئے، صارفین سے ایک یونٹ بجلی کی قیمت تین روپے وصول کی جائے گی۔
تفصیلات کے مطابق آزاد کشمیر حکومت نے عوام کو سستی بجلی کی فراہمی کا وعدہ پورا کردیا اور بجلی کے بل نئے ریٹ کے مطابق جاری کردیے گئے۔
آزاد کشمیر حکومت کی جانب سے بل 3 روپے فی یونٹ کے مطابق جاری کئے گیے اور سرچارج بھی معاف کردیا گیا۔
آزاد کشمیر میں لگ بھگ ایک سال سے بل جمع نہیں کرائے گئے تھے، بل پر بقایا جات 12 اقساط میں وصول کیےجائیں گے
خیال رہے مئی میں حکومت اورجوائنٹ عوامی ایکشن کمیٹی کےدرمیان معاہدہ ہوا تھا، معاہدے کے مطابق بجلی کی قیمت فی یونٹ 3 روپے طے کی گئی تھی۔
بعد ازاں آزاد کشمیر حکومت نے بجلی کے نئے نرخ کے اطلاق کا نوٹیفکیشن جاری کیا تھا ، جس کے مطابق 100 یونٹ تک بجلی کی قیمت 3 روپے فی یونٹ مقررکی گئی تھی۔
نوٹیفکیشن میں کہا گیا تھا کہ 100 سے 300 یونٹ تک 5 روپے، 300 سے زائد یونٹ 6 روپے فی یونٹ مقرر کیے گئے ہیں۔
