ARYNews.tv | Urdu – Har Lamha Bakhabar

Tag: آزاد کشمیر

  • وزیراعظم کل آزاد کشمیر کا دورہ کریں گے

    وزیراعظم کل آزاد کشمیر کا دورہ کریں گے

    اسلام آباد: وزیراعظم عمران خان کل آزاد کشمیر کے متاثرہ علاقوں کا دورہ کریں گے، وفاقی وزیر علی امین گنڈاپور وزیراعظم کے ہمراہ ہوں گے۔

    تفصیلات کے مطابق وزیراعظم عمران خان نے برفباری اور لینڈ سلائیڈنگ سے ہونے والے نقصانات کے بعد اپنی تمام سیاسی مصروفیات ترک کر دی ہیں، وزیراعظم کل آزاد کشمیر کے متاثرہ علاقوں کا دورہ کریں گے۔

    ذرائع کے مطابق وزیر امور کشمیرعلی امین گنڈاپور بھی وزیر اعظم کے ہمراہ دورہ کریں گے وزیراعظم عمران خان متاثرہ علاقوں میں ریلیف سرگرمیوں کاجائزہ لیں گے۔ وزیراعظم متاثرہ خاندانوں سے ملاقات کریں گے۔

    آزاد کشمیر میں شدید برفباری، 62 افراد جاں بحق

    واضح رہے کہ آزاد کشمیر میں شدید برفباری کے دوران برفانی تودے گرنے سے 62 افراد جاں بحق جبکہ 47 افراد زخمی ہوگئے، 56 سے زائد مکانات مکمل تباہ ہو گئے۔

    این ڈی ایم اے کے مطابق ملک بھر میں برفباری وبارشوں سے اب تک 77 افراد جاں بحق ہوئے جن میں سب سے زیادہ ہلاکتیں آزاد کشمیر میں ہوئیں جبکہ بلوچستان میں 15 افراد جاں بحق ہوئے۔

    این ڈی ایم اے نے بتایا کہ 72 گھنٹے میں سب سے زیادہ 66.25 ملی میٹر بارش بانڈی عباس پور میں ہوئی، دارالحکومت اسلام آباد میں 31.75 ملی میٹر بارش ہوئی۔

  • آزاد کشمیر میں شدید برفباری، 62 افراد جاں بحق

    آزاد کشمیر میں شدید برفباری، 62 افراد جاں بحق

    مظفرآباد: وزیراعظم آزاد کشمیر راجہ فاروق حیدر کا کہنا ہے کہ آزاد کشمیر میں شدید برفباری کے باعث جاں بحق افراد کی تعداد 62 ہوگئی ہے۔

    تفصیلات کے مطابق آزاد کشمیر میں شدید برفباری کے دوران برفانی تودے گرنے سے 62 افراد جاں بحق جبکہ 47 افراد زخمی ہوگئے، 56 سے زائد مکانات مکمل تباہ ہو گئے۔ راجہ فاروق حیدر نے بتایا کہ وادی نیلم میں 59، کوٹلی، راولاکوٹ اور سدھنوتی میں ایک ایک شخص جاں بحق ہوا۔

    انہوں نے بتایا کہ پاک فوج کے ساتھ مل کر ریلیف و بحالی کا عمل مکمل کریں گے، متاثرین کی بحالی کے لیے وسائل بروئے کار لائیں گے، اولین ترجیح لوگوں کو محفوظ مقامات پر منتقل کرنا ہے۔

    قدرتی آفات سے نمٹنے والے ادارے نیشنل ڈیزاسٹر مینجمنٹ اتھارٹی این ڈی ایم اے نے ملک بھر میں برفباری و بارشوں سے ہونے والے نقصانات کی تفیصلات جاری کردی۔

    این ڈی ایم اے کے مطابق ملک بھر میں برفباری وبارشوں سے اب تک 77 افراد جاں بحق ہوئے جن میں سب سے زیادہ ہلاکتیں آزاد کشمیر میں ہوئیں جبکہ بلوچستان میں 15 افراد جاں بحق ہوئے۔

    این ڈی ایم اے نے بتایا کہ 72 گھنٹے میں سب سے زیادہ 66.25 ملی میٹر بارش بانڈی عباس پور میں ہوئی، دارالحکومت اسلام آباد میں 31.75 ملی میٹر بارش ہوئی۔

  • ملک بھر میں بارشوں اور برفباری سے 75 افراد جاں بحق: این ڈی ایم اے

    ملک بھر میں بارشوں اور برفباری سے 75 افراد جاں بحق: این ڈی ایم اے

    اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) کا کہنا ہے کہ ملک بھر میں بارشوں اور برفباری سے 75 افراد جاں بحق اور 41 زخمی ہوئے جبکہ مختلف مقامات پر 35 گھر تباہ ہوئے۔

    تفصیلات کے مطابق بارش اور برفباری سے نقصانات پر نیشنل ڈیزاسٹر مینجمنٹ اتھارٹی (این ڈی ایم اے) نے رپورٹ جاری کردی۔ ملک بھر میں بارشوں اور برفباری سے 75 افراد جاں بحق اور 41 زخمی ہوئے۔

    این ڈی ایم اے کے مطابق بارشوں سے 35 گھر تباہ ہوئے، 72 گھنٹے میں صرف بلوچستان میں 20 اموات اور 23 افراد زخمی ہوئے۔ خیبر پختونخواہ میں 3 افراد زخمی اور 5 گھر تباہ ہوئے۔

    رپورٹ میں کہا گیا کہ آزاد کشمیر میں حالیہ بارشوں اور برفباری سے 55 افراد جاں بحق اور 12 زخمی ہوئے۔ سورنگن گاؤں میں 19 افراد برفانی تودے میں دب کر جاں بحق ہوئے۔ واقعے کے 10 افراد تاحال لا پتہ ہیں جبکہ 4 زخمیوں کو نکال لیا گیا ہے۔

    ترجمان این ڈی ایم اے کے مطابق زخمی افراد کو نکالنے کے لیے کوششیں جاری ہیں۔ برف میں پھنسے افراد کو بذریعہ ہیلی کاپٹر نکالنے کے لیے اقدامات جاری ہیں۔ آزاد کشمیر میں برفباری سے 30 گھر بھی تباہ ہوئے۔

    اسی طرح گلگت بلتستان میں 3 افراد زخمی ہوئے۔ رپورٹ میں کہا گیا کہ کوئٹہ سے خانوزئی جانے والے 300 افراد کو ریسکیو کر لیا گیا، چاغی اور مند میں پھنسے لوگوں کو 2 ہیلی کاپٹروں کی مدد سے نکالا گیا۔

    این ڈی ایم اے کے مطابق 72 گھنٹے میں سب سے زیادہ 66.25 ملی میٹر بارش بانڈی عباس پور میں ہوئی، دارالحکومت اسلام آباد میں 31.75 ملی میٹر بارش ہوئی۔

    رپورٹ میں کہا گیا کہ چکوٹی کے مقام پر 49.5 ملی میٹر بارش ہوئی۔

  • بھارت نے سرحد پر اینٹی ٹینک میزائل نصب کر دیے

    بھارت نے سرحد پر اینٹی ٹینک میزائل نصب کر دیے

    نئی دہلی: پڑوسی ملک بھارت نے سرحد پر اینٹی ٹینک میزائل سمیت دیگر میزائل نصب کر دیے ہیں۔

    تفصیلات کے مطابق پاکستان کے داخلی مسائل کے دوران دشمن کی شرپسندی کی سازشیں سامنے آنے لگی ہیں، بھارت شر انگیزیوں کے لیے پھر سے پر تولنے لگا، سرحدوں پر غیرمعمولی نقل و حرکت بڑھا دی گئی ہے۔

    بھارت نے پاک انڈیا بارڈر پر براہموس اور اسپائک میزائل نصب کر دیے ہیں، جس پر وزیر خارجہ شاہ محمود قریشی نے اقوام متحدہ کے سیکریٹری جنرل اور سلامتی کونسل کے صدر کو خط لکھ دیا ہے۔

    وزیر خارجہ نے خط میں اقوام متحدہ کو باور کرایا ہے کہ بھارت ایل او سی پر نصب میزائل آزاد کشمیر پر استعمال کر سکتا ہے، بھارت نے ایل او سی کے پانچ سیکٹرز میں باڑ کو جزوی طور پر ہٹا دیا ہے۔

    شاہ محمود کا کہنا تھا کہ بھارت جعلی بنیادوں پر کوئی فوجی آپریشن کر سکتا ہے، اے آر وائی نیوز سے گفتگو کرتے ہوئے وزیر خارجہ نے کہا کہ بھارت نے اگر ایل او سی پر کوئی حرکت کی تو پاکستان بھرپور، بر وقت اور مناسب جواب دے گا، بھارت کو 27 فروری کا دن یاد رکھنا چاہیے۔

    یہ بھی پڑھیں:  لائن آف کنٹرول پر حرکت کی گئی تو پوری طرح تیار ہیں، شاہ محمود قریشی

    یاد رہے کہ گزشتہ روز آزاد کشمیر کے صدر مسعود خان نے کہا تھا کہ بھارت 47 لاکھ افراد انتہا پسند گروپ کی صورت میں تیار کر رہا ہے، ہندوستان نے جو جرائم کیے ہیں صدیوں تک ان کا جواب دینا پڑے گا، بھارت کی کوشش ہے کشمیر کے لوگ آپس میں لڑ پڑیں، ان کی کوشش ہے آزاد کشمیر اور پاکستان کے درمیان کوئی تصادم ہو، لیکن ہم بھارت کی سازشوں کو کسی صورت کام یاب ہونے نہیں دیں گے۔

  • او آئی سی کشمیریوں کی مدد کرے، صدر آزادکشمیر کا مطالبہ

    او آئی سی کشمیریوں کی مدد کرے، صدر آزادکشمیر کا مطالبہ

    اسلام آباد: آزاد کشمیر کے صدر سردار مسعود خان نے مطالبہ کیا ہے کہ اسلامی تعاون کی تنظیم(او آئی سی) کشمیریوں کی مدد کے لیے مؤثر اقدامات کرے۔

    تفصیلات کے مطابق آزاد کشمیر کے صدر نے او آئی سی سمیت سعودی حکام پر بھی زور دیا ہے کہ وہ مسئلہ کشمیر کے حل کے لیے اپنا کردار ادا کریں۔ وادی میں بھارتی مظالم کا سلسلہ تاحال جاری ہے، کرفیو کے باعث نظام زندگی درہم برہم ہے۔

    مسعود خان کا کہنا تھا کہ یواین کی قراردادوں کے مطابق مسئلہ کشمیر کا حل نکلا جائے، بھارت کشمیر میں جاری مظالم بند کرے، کشمیری عوام خود کو یتیم نہ سمجھیں ہم ہر محاذ پر مدد کریں گے، او آئی سی کمیشن میں مسئلہ کشمیر تفصیل سے پیش کر چکا ہوں۔

    انہوں نے ایک بار پھر مطالبہ کیا کہ او آئی سی اور سعودی حکومت کشمیریوں کی مدد کرے۔

    آکسفورڈ کونسل میں کشمیر سے متعلق قرارداد متفقہ طور پر منظور

    خیال رہے کہ مودی اپنی جارحیت سے باز نہ آیا، آرٹیکل 370 کی منسوخی کے بعد مقبوضہ کشمیر میں کرفیو114 ویں روز بھی برقرار ہے، وادی میں اسکول، کالجز اور تجارتی مراکز بند ہیں، مقبوضہ وادی میں نظام زندگی پوری طرح مفلوج ہوچکا ہے۔

    دوسری جانب آکسفورڈ کونسل میں مقبوضہ کشمیر کی صورت حال پر قرارداد متفقہ طور پر منظور کرلی گئی ہے، وادی میں انسانی حقوق کی خلاف ورزیوں پر تشویش کا اظہار کیا گیا۔

  • آزاد کشمیر کے حلقہ ایل اے 3 میں ضمنی انتخاب کے لیے پولنگ جاری

    آزاد کشمیر کے حلقہ ایل اے 3 میں ضمنی انتخاب کے لیے پولنگ جاری

    میرپور: آزاد کشمیر کے حلقہ ایل اے 3 میں ضمنی انتخاب کے لیے پولنگ جاری ہے، مسلم لیگ ن کی جانب سے صہیب چودھری اور پی ٹی آئی کے بیرسٹر سلطان کے درمیان مقابلہ ہو رہا ہے۔

    تفصیلات کے مطابق آزاد کشمیر کے حلقہ ایل اے تین کے ضمنی انتخاب میں مسلم لیگ ن کے صہیب چوہدری اور پی ٹی آئی کے بیرسٹرسلطان کے درمیان مقابلہ ہے، سیکٹر ایف ون گرلز ہائی اسکول پولنگ اسٹیشن پر ن لیگی اور پی ٹی آئی کارکن آمنے سامنے آ گئے، فریقین میں تلخ کلامی کے بعد نعرے بازی ہوئی۔

    انتخابی حلقے میں 119 پولنگ اسٹیشنز قائم کیے گئے ہیں، رجسٹرڈ ووٹرز کی تعداد 59494 ہے، ضمنی انتخاب میں 8 امیدوار حصہ لے رہے ہیں، تاہم ن لیگ اور تحریک انصاف میں سخت مقابلہ متوقع ہے۔

    یہ بھی پڑھیں:  لاڑکانہ ضمنی انتخابات، پی پی کو ہوم گراؤنڈ پر شکست کا سامنا

    حلقے کے تمام پولنگ اسٹیشنز پر پولنگ کا عمل شروع ہو چکا ہے جو شام پانچ بجے تک بلا تعطل جاری رہے گا، سیکورٹی کے پیش نظر حلقے کے 8 زونز میں 2 ہزار 700 پولیس اہل کار تعینات کیے گئے ہیں جب کہ 61 پولنگ اسٹیشنز انتہائی حساس اور 50 کو حساس قرار دیا گیا ہے۔

    واضح رہے کہ 25 ستمبر کو سپریم کورٹ آزاد کشمیر نے چوہدری محمد سعید کو توہین عدالت کے جرم میں نا اہل قرار دیا تھا جس کے باعث یہ نشست خالی ہو گئی تھی۔

  • فاروق حیدر کی اراکین یورپی پارلیمنٹ سے ملاقات، کشمیر پر گفتگو

    فاروق حیدر کی اراکین یورپی پارلیمنٹ سے ملاقات، کشمیر پر گفتگو

    برسلز: وزیراعظم آزادکشمیر راجہ فاروق حیدر نے بیلجیم میں اراکین یورپی پارلیمنٹ سے ملاقات کی اس دوران کشمیر کی تازہ صورت حال پر تبادلہ خیال کیا گیا۔

    تفصیلات کے مطابق دارالحکومت برسلز میں راجہ فاروق حیدر نے اراکین یورپی پارلیمنٹ کو مقبوضہ کشمیر کی تازہ صورت حال سے آگاہ کیا، اور مودی مشن کے تحت وادی میں کرفیو کی شدید مذمت کی۔

    ملاقات کے دوران اراکین نے مقبوضہ کشمیر کی صورت حال پر تشویش کا اظہار کیا اور عالمی اداروں کی ثالثی میں معاملہ حل کرنے پر زور دیا، راجہ فاروق حیدر کی اراکین پارلیمنٹ سے ملاقاتیں کشمیر ای یو ویک کا حصہ ہیں۔

    اس موقع کشمیر کونسل یورپی یونین کے چیئرمین علی رضا سید کا کہنا تھا کہ کشمیر ای یو ویک کا آج آخری دن ہے۔ خیال رہے کہ یورپی پارلیمنٹ میں خصوصی طور پر کشمیر ویک کا انعقاد کیا گیا ہے جہاں مظلوموں پر ڈھائے جانے والے مظالم سے دنیا کو آگاہی دی جارہی ہے۔

    دوسری جانب وادی میں لاک ڈاؤن کے باعث کشمیریوں کو شدید مشکلات کا سامنا ہے۔ کرفیو اور پابندیوں کے باعث اب تک مقامی معیشت کو ایک ارب ڈالر کا نقصان ہوچکا ہے جبکہ ہزاروں لوگ بے روزگار ہوچکے ہیں۔

    یورپی پارلیمنٹ میں کشمیر ویک کی تیاریاں، فاروق حیدر افتتاح کریں گ

    مواصلاتی نظام کی بندش سے کشمیری شدید ذہنی اذیت کا شکار ہیں جبکہ گھروں میں ادویات اور کھانے کا ذخیرہ ختم ہونے کے باعث موت آہستہ آہستہ کشمیریوں کی طرف بڑھ رہی ہے، کشمیر میڈیا سروس کا کہنا ہے کہ قابض انتظامیہ نے 5 اگست کے بعد سے مقبوضہ علاقے کی مساجد میں نماز جمعہ کی ادائیگی کی اجازت نہیں ہے۔

  • لائن آف کنٹرول فائرنگ، وزیراعظم آزاد کشمیر کا یو این سیکریٹری جنرل سے نوٹس لینے کا مطالبہ

    لائن آف کنٹرول فائرنگ، وزیراعظم آزاد کشمیر کا یو این سیکریٹری جنرل سے نوٹس لینے کا مطالبہ

    مظفرآباد: آزاد کشمیر کے وزیراعظم راجہ فاروق حیدر نے کہا ہے کہ لائن آف کنٹرول پر بھارتی فوج کی فائرنگ سے 6 شہری شہید ہوئے، اقوام متحدہ کے سیکریٹری جنرل عالمی قوانین کی خلاف ورزی کا نوٹس لیں۔

    وزیر اعظم آزاد کشمیر کا کہنا تھا کہ بھارتی فوج کی فائرنگ سے 8 افراد زخمی جبکہ کئی مکانات تباہ ہوئے، شہریوں پر فائرنگ عالمی قوانین کی خلاف ورزی ہے لہذا اقوام متحدہ کے سیکریٹری جنرل اس کا فوری نوٹس لیں۔

    یاد رہے کہ لائن آف کنٹرول سے ملحقہ شہری آبادی پر گزشتہ شب بھارتی فوج نے بلااشتعال فائرنگ کی جس کے نتیجے میں فوجی جوان سمیت پانچ شہری شہید ہوئے، پاک فوج نے جوابی کارروائی میں بھارت کے کئی بنکرز تباہ کیے اور 9 بھارتی فوجیوں کو ٹھکانے لگایا۔

    مزید پڑھیں: بھارت کو منہ توڑجواب، وزیراعظم کا پاک فوج کی جرأت کو سلام

    وزیراعظم عمران خان نے لائن آف کنٹرول پر بھارتی دراندازی کی شدید الفاظ میں مذمت کی اور فائرنگ سے شہید ہونے والے جوان و شہریوں کے بلند درجات اور  زخمیوں کی جلد صحت یابی کے لیے دعا کی۔

    عمران خان نے بھارت کا ڈٹ کر مقابلہ کرنے اور انہیں مؤثر انداز  سے بھرپور جواب دینے پر پاک فوج کی جرأت و بہادری کو سلام بھی پیش کیا۔

    علاوہ ازیں وزیراعلیٰ پنجاب عثمان بزدار نے بھارتی فوج کی ایل اوسی پربلااشتعال فائرنگ کی شدید الفاظ میں مذمت کی اور شہدا کی عظیم قربانیوں کو خراجِ عقیدت پیش کیا۔ اُن کا کہنا تھا کہ شہری آبادی کونشانہ بنانابھارت کی بوکھلاہٹ کانتیجہ ہے، بھارتی فوج آبادی کو نشانہ بناکر انسانی حقوق کی سنگین خلاف ورزی کررہی ہے۔

  • آزادکشمیر میں ایک بار پھر زلزلے کے جھٹکے

    آزادکشمیر میں ایک بار پھر زلزلے کے جھٹکے

    میرپور: آزاد کشمیر میں ایک بار پھر زلزلے کے جھٹکے محسوس کیے گئے جس کے باعث شہریوں میں خوف وہراس ہے۔

    تفصیلات کے مطابق آزاد کشمیر کے شہر میرپور میں زلزلے کے جھٹکوں سے عمارتیں لرز اٹھیں، جبکہ علاقے میں تاحال خوف وہراس پایا جاتا ہے۔

    زلزلہ کوہ پیما مرکز کا کہنا ہے کہ زلزلے کی شدت 3.1 ریکارڈ کی گئی۔ البتہ زلزلے کا مرکز اور زمینی گہرائی کا تاحال تعین نہیں کیا جاسکا۔

    ملک میں آنے والے حالیہ زلزلے کے متاثرین کو بھی ہرممکن امداد اور سہولیات فراہم کی جارہی ہیں، جبکہ متاثرین کی مدد کے لیے پاک فوج کے جوان بھی پیش پیش ہیں۔

    خیال رہے 24 ستمبر کو ملک کے بیشتر شہروں میں 5.8 شدت کے زلزلے کے جھٹکے محسوس کیے گئے تھے، زلزلے سے آزاد کشمیر میں شدید تباہی پھیل گئی تھی، متاثرہ علاقوں میں امدادی کاموں کا سلسلہ جاری ہے، زلزلے سے مرنے والوں کی تعداد انتالیس ہوگئی ہے۔

    یورپی یونین کا پاکستان کے زلزلہ متاثرین کے لئے بڑی امداد کا اعلان

    وزیراسٹیٹ ڈیزاسٹرمنیجمنٹ اتھارٹی آزاد کشمیر کے مطابق زلزلے سے سولہ سو انیس مکانات مکمل طور پر تباہ اورسات ہزار ایک سو مکانات کو جزوی نقصان پہنچا جبکہ پانچ سو اسی مال مویشیوں کے باڑوں کو نقصان بھی ہوا۔

    بعد ازاں متحدہ عرب امارات نے پاکستان اور آزاد جموں و کشمیر میں آنے والے تباہ کن زلزلہ متاثرین کے لئے بھرپور امداد کا اعلان کیا تھا جبکہ اس سے قبل جاپانی سفیر نے زلزلہ متاثرین کے لیے امداد کی پیشکش کی تھی۔

  • آزاد کشمیرکا دفاع کرنے پر پاک فوج کےمشکور ہیں، مسعود خان

    آزاد کشمیرکا دفاع کرنے پر پاک فوج کےمشکور ہیں، مسعود خان

    اسلام آباد: آزاد کشمیر کے صدر مسعود خان نے کہا ہے کہ بھارت کشمیروں کے مابین اختلافات پیدا کر کے انہیں پاکستان کے خلاف کرنا چاہتا ہے، پاک فوج نے آزاد کشمیر کا دفاع کیا جس پر اُن کے شکر گزار ہیں۔

    اسلام آباد کی نیشنل ڈیفنس یونیورسٹی کےزیراہتمام کشمیرسیمینار منعقد کیا گیا جس میں صدر آزاد کشمیر نے خطاب کرتے ہوئے کہا کہ کشمیرپاکستان اوربھارت کےمابین دوطرفہ مسئلہ نہیں بلکہ کشمیری بھی اس کے فریق ہیں۔

    اُن کا کہنا تھا کہ بھارت کشمیریوں کےمابین اختلافات پیداکر کے انہیں پاکستان کے خلاف کرنا چاہتا ہے تاکہ تحریک آزادی کو کمزور کرسکے، کشمیر کا مسئلہ شہداء کی قربانیوں اور پاکستان کی ثابت قدمی کےباعث زندہ ہے۔

    مسعود خان کا کہنا تھا کہ بھارت نےمقبوضہ کشمیرکوقبرستان بنادیا، بھارتی مظالم پر دنیاخاموش ہے، کشمیرکی صورتحال پرسلامتی کونسل کاکردارمایوس کن ہے۔

    مزید پڑھیں: کشمیر بھارت کے رحم وکرم پر رہا تو جنگ کو کوئی نہیں‌ روک سکے گا، سردار مسعود خان

    صدرآزادکشمیرنے کشمیر کی حریت قیادت کو شاندارالفاظ میں خراج تحسین پیش کرتے ہوئے کہا کہ ’’مقبوضہ کشمیرمیں حریت کی شمع جلانےوالےقائدین عظیم ہیں، آزادکشمیرکادفاع کرنےپرپاک فوج کےمشکورہیں‘‘۔

    واضح رہے کہ چند روز قبل مسعود خان کا کہنا تھا کہ عالمی برادری بھارت پر دباؤ ڈالے، عالمی برادری بھارت پر تجارتی و اقتصادی پابندیاں عائد کرے۔