Tag: آسٹریلیا

  • آسٹریلیا نے ایرانی سفیر کو ملک بدر کر دیا

    آسٹریلیا نے ایرانی سفیر کو ملک بدر کر دیا

    آسٹریلیا نے ایرانی سفیر کو یہودی مخالف حملے کے الزام کے باعث ملک بدر کر دیا۔

    بین الاقوامی خبر رساں ادارے کی رپورٹ کے مطابق آسٹریلیا نے الزام لگایا ہے کہ آسٹریلیا میں ہونے والے دو یہودی مخالف حملوں میں ایران ملوث ہے۔

    رپورٹس کے مطابق آسٹریلیا کے وزیر اعظم انتھونی البانیز کا اس حوالے سے کہنا تھا کہ تہران میں اپنے سفارت خانے کی کارروائیاں معطل کر دی ہیں۔

    انہوں نے یہ بھی کہا کہ ایران کے پاسداران انقلاب کو دہشت گرد تنظیم کے طور پر نامزد کرنے کے لیے قانون سازی کی جائے گی۔

    ایرانی سفیر اور 3 دیگر اہلکاروں کو ملک چھوڑنے کے لیے7 دن کی ڈیڈ لائن دی گئی ہے۔

    خامنہ ای نے امریکی مسئلے کو ’ناقابل حل‘ قرار دے دیا

    ایران کے سپریم لیڈر نے کہا ہے کہ موجودہ صورت حال امریکا کے ساتھ ”ناقابلِ حل“ ہے، ایران کبھی بھی واشنگٹن کے دباؤ کے آگے سر نہیں جھکائے گا۔

    روئٹرز کے مطابق مغربی طاقتوں کے ساتھ ایٹمی پروگرام کے تنازعے کے دوران اتوار کو سپریم لیڈر خامنہ ای نے کہا ہے کہ امریکا چاہتا ہے کہ ایران اس کا مطیع ہو، لیکن ایرانی قوم اپنی پوری طاقت کے ساتھ ان لوگوں کے خلاف ڈٹ کر کھڑی رہے گی جو ایسی غلط توقعات رکھتے ہیں۔“

    بیان میں خامنہ ای نے کہا امریکا چاہتا ہے ایران اس کی فرماں برداری کرے لیکن ایسا نہیں ہوگا۔ ایران امریکی فرماں برداری کے مطالبے کے خلاف مضبوطی سے کھڑا رہے گا۔ جو لوگ مسائل کے حل کے لیے واشنگٹن کے ساتھ براہِ راست مذاکرات کی وکالت کرتے ہیں وہ کم عقل ہیں۔

    انھوں نے کہا مخالفین ایران میں تفرقہ پیدا کرنے کی کوششوں میں مصروف ہیں لیکن قوم متحد ہو کر ان سازشوں کو ناکام بنادے گی۔

    یاد رہے کہ اسلامی جمہوریہ ایران نے امریکا کے ساتھ ایٹمی مذاکرات اس وقت معطل کیے جب جون میں 12 روزہ جنگ کے دوران امریکا اور اسرائیل نے اس کی ایٹمی تنصیبات پر بمباری کی۔ آیت اللہ علی خامنہ ای کے یہ ریمارکس اس وقت سامنے آئے جب ایران اور یورپی طاقتوں نے جمعہ کے روز اس بات پر اتفاق کیا کہ وہ مذاکرات دوبارہ شروع کریں گے تاکہ تہران کی یورینیم کی افزودگی کے کام کو محدود کرنے پر بات چیت بحال کی جا سکے۔

  • آسٹریلیا : چوری کی بڑی وارداتوں میں ملوث 19 بھارتی طلبا گرفتار

    آسٹریلیا : چوری کی بڑی وارداتوں میں ملوث 19 بھارتی طلبا گرفتار

    آسٹریلیا میں چوری کی بڑی وارداتوں میں ملوث بھارتی طلبا کو گرفتار کیا گیا ہے، جنہوں نے صرف 5 ماہ میں 10ملین ڈالرز سے زائد چوری کی وارداتیں کیں۔

    آسٹریلوی میڈیا رپورٹ کے مطابق ھارتی طالب علموں کا چوری کی وارداتوں میں بڑے پیمانے پر ملوث ہونے کا انکشاف ہوا ہے، اس گروہ نے بڑے ڈیپارٹمنٹل اسٹوروں سے 10 ملین ڈالرز سے زائد مالیت کا قیمتی اشیاء چُرائیں۔

    آسٹریلوی نیوز ویب سائٹ ’آسٹریلیا ٹوڈے‘ کی رپورٹ کے مطابق پولیس نے 19 افراد پر مشتمل ایک منظم گروہ کو گرفتار کیا ہے۔ ان افراد میں بیشتر بھارتی طالب علم اور عارضی ویزوں پر رہائش پذیر افراد شامل ہیں۔

    پولیس کے مطابق بھارتی طالب علموں کی جانب سے چوری کیے گئے سامان میں بچوں کا فارمولا دودھ، وٹامنز اور الیکٹرک ٹوتھ برش بھی شامل ہیں۔ پولیس کے مطابق چوری کیے گئے سامان میں بچوں کا فارمولا دودھ، وٹامنز اور الیکٹرک ٹوتھ برش بھی شامل ہیں۔

    رپورٹ کے مطابق گرفتار افراد میں چھ مرد اور ایک خاتون شامل ہیں، جن کی عمریں 21 سے 54 سال کے درمیان ہیں۔ ان پر الزام ہے کہ وہ مختلف واقعات میں ملوث رہے

  • آسٹریلیا کے سابق کپتان اور کوچ باب سمپسن چل بسے

    آسٹریلیا کے سابق کپتان اور کوچ باب سمپسن چل بسے

    سڈنی: سابق آسٹریلوی کپتان اور معروف کوچ باب سمپسن کا ہفتے کے روز 89 سال کی عمر میں انتقال ہو گیا۔

    غیر ملکی میڈیا رپورٹس کے مطابق آسٹریلوی کرکٹ کی ایک با اثر شخصیت اور لیجنڈری کرکٹر باب سمپسن سڈنی میں چل بسے، ان کے انتقال کے ساتھ آسٹریلوی کرکٹ ایک عظیم ستون سے محروم ہو گئی۔

    باب سمپسن ایک کرکٹر ہی ںہیں بلکہ ایک ایسے رہنما بھی تھے جس کا اثر نسلوں تک پھیلا ہوا ہے، انھوں نے اپنے پیچھے ایک ایسا ورثہ چھوڑا ہے جسے عمروں تک یاد رکھا جائے گا۔ سمپسن کی کوچنگ میں آسٹریلیا نے 1987 میں پہلی بار ون ڈے کا ورلڈ کپ اور 1989 کی ایشز گھر سے دور جیتی۔کوچ باب سمپسن آسٹریلیا کرکٹ

    باب سمپسن نے اپنا ٹیسٹ ڈیبیو 1957 میں جنوبی افریقہ کے خلاف کیا، انھوں نے آسٹریلیا کے لیے 62 ٹیسٹ اور 2 ون ڈے کھیلے، اور آسٹریلیا کو بہترین ٹیم بنانے میں اہم کردار ادا کیا، وہ ٹیم کے پہلے کل وقتی کوچ بنے تھے اور انھوں نے ایلن بارڈر اور مارک ٹیلر کی کپتانی کے دوران 1980 اور 1990 کی دہائی کے آخر میں ٹیم کے دوبارہ ابھرنے میں مدد کی۔کرکٹر باب سمپسن آسٹریلیا کرکٹ

    باب سمپسن ایک کھلاڑی کے طور پر اپنے دور کے آسٹریلیا کے بہترین اوپنرز میں سے تھے، 1957 اور 1978 کے درمیان انھوں نے 62 ٹیسٹ کھیلے، جن میں انھوں نے 46.81 کی اوسط سے 4,500 سے زیادہ رنز بنائے، اس کے علاوہ بھی ان کی شارپ سلپ فیلڈنگ اور ہینڈی لیگ اسپن کی بھی بہت تعریف کی گئی۔باب سمپسن آسٹریلیا کرکٹ

    1964 میں مانچسٹر میں انگلینڈ کے خلاف ان کی 311 رنز ایشز کی بڑی اور یادگار اننگز میں سے ایک ہے، اگرچہ وہ 1968 میں ریٹائر ہو گئے تھے لیکن انھوں نے دس سال بعد پھر ایک شان دار واپسی کی، اور ’ورلڈ سیریز کرکٹ‘ کے دوران آسٹریلوی ٹیم کی رہنمائی کی۔ بہ طور کوچ انھوں نے ٹیم میں واقعی بڑی تبدیلی پیدا کر دی اور اسے ایک نہایت مضبوط ٹیم بنا دیا۔


    معروف امریکی باڈی بلڈر ہیلی میک نیف چل بسیں


    1986 میں جب آسٹریلیا کی ٹیم کا برا حال تھا، انھوں نے چارج سنبھالا، اور ایلن بارڈر کے ساتھ مل کر ایک نوجوان ٹیم میں نظم و ضبط، فٹنس اور پیشہ ورانہ مہارت پیدا کی، اور پھر اس ٹیم نے اسٹیو وا، شین وارن، اور گلین میک گرا جیسے کرکٹ اسٹار پیدا کیے، جنھوں نے 1980 اور 1990 کی دہائی کے آخر میں کرکٹ کی دنیا پر آسٹریلیا کے بے مثال غلبے کی راہ ہموار کی۔

  • آسٹریلیا جلد ہی فلسطین کو ریاست کو تسلیم کر لے گا، آسٹریلوی وزیراعظم کا اعلان

    آسٹریلیا جلد ہی فلسطین کو ریاست کو تسلیم کر لے گا، آسٹریلوی وزیراعظم کا اعلان

    برطانیہ، فرانس اور کینیڈا کے بعد آسٹریلیا نے بھی ستمبر میں فلسطینی ریاست کو تسلیم کرنے کے منصوبے کا اعلان کردیا۔

    غیر ملکی میڈیا رپورٹ کے مطابق  کینبرا میں پارلیمنٹ ہاؤس کے کابینہ اجلاس کے بعد میڈیا سے گفتگو کرتے ہوئے آسٹریلوی وزیر اعظم انتھونی البانی نے کہا کہ ستمبر میں اقوام متحدہ کی جنرل اسمبلی کے 80ویں اجلاس میں آسٹریلوی حکومت فلسطین کو ایک خود مختار اور الگ ریاست کے طور پر تسلیم کرے گا۔

    انہوں نے پیر کو کہا کہ مشرق وسطی میں امن اور غزہ میں تنازعات، مصائب اور بھوک کے خاتمے کے لیے دو ریاستی حل انسانیت کی بہترین امید ہے۔

    یاد رہے کہ برطانوی وزیر اعظم نے ایک پریس کانفرنس میں کہا تھا کہ ان کا ملک اس صورت میں اگلے ستمبر میں فلسطینی ریاست کو تسلیم کر لے گا اگر اسرائیل نے غزہ کی پٹی میں خوفناک صورتحال کو ختم کرنے کے لیے بنیادی اقدامات نہیں کیے۔

    فرانس کے صدر ایمانوئل میکرون نے 24 جولائی کو اعلان کیا تھا کہ ان کا ملک آئندہ ستمبر میں نیویارک میں اقوام متحدہ کی جنرل اسمبلی کے دوران فلسطین کی ریاست کو تسلیم کر لے گا۔

    28 مئی 2024 کو سپین، ناروے اور آئرلینڈ نے فلسطین کی ریاست کو تسلیم کرنے کا اعلان کیا۔ اس کے بعد اسی سال 5 جون کو سلووینیا نے ایسا ہی اعلان کردیا۔ یاد رہے اقوام متحدہ کی جنرل اسمبلی میں 193 میں سے 149 ممالک نے فلسطین کو تسلیم کر لیا ہے۔

    دوسری جانب حماس کے زیرانتظام وزارت صحت کے مطابق ہفتے کے بعد سے، غزہ میں غذائی قلت کے نتیجے میں پانچ افراد جاں بحق ہو چکے ہیں، جس سے بھوک سے ہلاکتوں کی کل تعداد 217 ہو گئی ہے۔

    رپورٹ میں مزید کہا گیا ہے کہ 2023 سے اب تک اسرائیل کی فوجی مہم کے نتیجے میں مجموعی طور پر 61,000 سے زیادہ افراد سہید ہو چکے ہیں۔

  • اسرائیل کا غزہ پر قبضے کا منصوبہ، برطانیہ اور آسٹریلیا کا بڑا بیان سامنے آگیا

    اسرائیل کا غزہ پر قبضے کا منصوبہ، برطانیہ اور آسٹریلیا کا بڑا بیان سامنے آگیا

    (8 اگست 2025): برطانوی وزیراعظم اور آسٹریلیا نے اسرائیل کے غزہ پر کنٹرول سے متعلق فوری نظر ثانی کی اپیل کی ہے۔

    برطانوی وزیر اعظم کیئر اسٹارمر نے ایک بیان میں کہا کہ اسرائیل کا غزہ شہر کا کنٹرول سنبھالنے کا فیصلہ غلط تھا اور اسرائیلی حکومت پر دوبارہ غور کرنے کی اپیل کی ہے۔

    انہوں نے ایک بیان میں کہا کہ اسرائیلی حکومت کا غزہ میں جارحیت کو مزید تیز کرنے کا فیصلہ غلط ہے، اور ہم اس پر فوری طور پر نظر ثانی کرنے کی اپیل کرتے ہیں، غزہ میں ہر روز انسانی بحران سنگین ہوتا جا رہا ہے فوری جنگ بند کی جائے۔

    دوسری جانب آسٹریلوی وزیرِ خارجہ پینی وونگ نے کہا اسرائیل غزہ پر فوجی قبضے کی جانب مت جائے، اس سے صورتحال مزید خرابی کی طرف چلی جائے گی۔

    آسٹریلوی وزیرِ خارجہ کا کہنا تھا کہ آبادی کو بےگھر کرنا بین الاقوامی قوانین کی خلاف ورزی ہے، انہوں نے مزید کہا دو ریاستی حل ہی پائیدار امن کو محفوظ بنانے کا واحد راستہ ہے۔

    ترکی کا اقوام متحدہ کی شمولیت کا مطالبہ

    ترکی کی وزارت خارجہ نے کہا کہ وہ غزہ شہر پر کنٹرول حاصل کرنے کے اسرائیل کے منصوبے کی سخت ترین الفاظ میں مذمت کرتے ہیں، اور بین الاقوامی برادری اور اقوام متحدہ کی سلامتی کونسل سے اس منصوبے پر عمل درآمد کو روکنے کے لیے کارروائی کرنے کا مطالبہ کرتے ہیں۔

    ترکی کی وزارت خارجہ نے کہا کہ اسرائیل کو اپنے جنگی منصوبوں کو فوری طور پر روکنا چاہیے، غزہ میں جنگ بندی پر اتفاق کرنا چاہیے، اور دو ریاستی حل کے لیے بات چیت شروع کرنی چاہیے۔

    https://urdu.arynews.tv/hamass-strong-response-to-israeli-declaration-of-control-over-gaza/

  • آسٹریلیا میں برفباری کا 20 سالہ ریکارڈ ٹوٹ گیا

    آسٹریلیا میں برفباری کا 20 سالہ ریکارڈ ٹوٹ گیا

    سڈنی : آسٹریلیا کے مشرقی علاقوں میں شدید برفباری نے گزشتہ 20 سال کا ریکارڈ توڑ دیا ، برفباری سے سڑکیں، گاڑیاں اور گھربرف سے ڈھک گئے۔

    تفصیلات کے مطابق آسٹریلیا میں وقفے وقفے سے جاری برفباری نے مشرقی علاقوں کو سفید چادر میں لپیٹ لے لیا اور مشرقی علاقوں میں برفباری کا گزشتہ 20 بیس سالہ ریکارڈ ٹوٹ گیا۔

    برف سے سڑکیں، گاڑیاں اور مکانات ڈھک گئے، جبکہ معمولاتِ زندگی بری طرح متاثر ہو کر رہ گئے۔

    حالیہ بارشوں اور برفباری کے باعث سڑکوں پر ٹریفک شدید متاثر ہوئی جبکہ متعدد گاڑیاں سیلابی پانی میں پھنس گئیں، ساؤتھ ویلز کے علاقوں میں20 انچ تک برف پڑچکی ہے۔

    شدید موسم کے باعث کئی پروازیں منسوخ کر دی گئیں ہیں، جبکہ موصلاتی نظام کی خرابی کے باعث شہریوں کو رابطوں میں مشکلات کا سامنا ہے۔

    موسمیاتی ماہرین کا کہنا ہے کہ اگلے چند روز تک خراب موسم کا سلسلہ جاری رہنے کا امکان ہے، اور شہریوں کو احتیاطی تدابیر اختیار کرنے کی ہدایت کی گئی ہے۔

  • آسٹریلیا میں 16 انچ کی ریکارڈ توڑ برفباری، سیکڑوں حادثات

    آسٹریلیا میں 16 انچ کی ریکارڈ توڑ برفباری، سیکڑوں حادثات

    سڈنی : آسٹریلیا میں برفانی طوفان نے تباہی مچادی، 16 انچ کی ریکارڈ توڑ برفباری سے زندگی مفلوج اور ہزاروں گھر بجلی سے محروم ہوگئے۔

    مشرقی آسٹریلیا میں آنے والے شدید برفانی طوفان نے معمولاتِ زندگی درہم برہم کر دیے ہیں۔ مختلف علاقوں میں  20 سالہ ریکارڈ ٹوٹ گیا، برفباری اور طوفانی بارشوں کے بعد ہنگامی صورتحال پیدا ہو گئی ہے۔

    حکام کے مطابق برفباری نے جہاں کئی شہروں کو سفید چادر اوڑھا دی، وہیں سڑکوں اور بجلی کی بندش جیسے خطرناک حالات نے ہزاروں شہریوں کو متاثر کیا۔

    Australia snowfall

    آسٹریلوی میڈیا کے مطابق بارشوں کے بعد سڑکیں، گاڑیاں اور گھر برف سے ڈھک گئے، سیکڑوں گاڑیاں سیلاب میں پھنس گئیں، متعدد حادثات بھی رپورٹ ہوئے ہیں۔

    یہ شمال مغربی خطے کے کچھ حصوں میں 20 سالوں میں سب سے زیادہ برف باری ہوئی ہے۔ ریاست کوئنز لینڈ کے ایک علاقے میں 10 برسوں بعد پہلی بار برف پڑی ہے۔

     Australia Strom

    آسٹریلیا کے محکمہ موسمیات کے میٹرولوجسٹ نے بتایا کہ نیو ساؤتھ ویلز کے متعدد علاقوں میں ہفتے کو 16انچ برف پڑی ہے، جو 1980 کے وسط کے بعد سب سے زیادہ برف باری ہے۔

    ریاست نیوساؤتھ ویلز کی ایمرجنسی سروس نے بتایا کہ کئی علاقوں میں تیز بارش ہوئی ہے اور اب تک ایک ہزار 445 سے زائد حادثات رپورٹ ہوئے ہیں۔ بعض علاقوں میں برف کی موٹائی 50 سینٹی میٹر سے تجاوز کر گئی، جس نے ٹریفک اور بنیادی سہولیات کو مفلوج کر کے رکھ دیا۔

    Snowfall in Australia

    ایمرجنسی سروس کے مطابق تیز ہواؤں اور برفانی طوفان کے باعث متعدد عمارتوں کو نقصان بھی پہنچا، جس کے بعد کئی مقامات پر فلیش فلڈ وارننگز جاری کی گئی ہیں۔

     

  • پاکستان چیمپئنز نے اپنا آخری میچ بھی جیت لیا، آسٹریلیا کو 10 وکٹوں سے شکست

    پاکستان چیمپئنز نے اپنا آخری میچ بھی جیت لیا، آسٹریلیا کو 10 وکٹوں سے شکست

    لیسٹر: ورلڈ چیمپئن شپ آف لیجنڈز میں پاکستان چیمپئنز نے اپنا آخری میچ بھی جیت لیا، گرین شرٹس گروپ اسٹیج میں ناقابل شکست رہے۔

    تفصیلات کے مطابق پاکستان چیمپئنز نے شاندار کھیل کا مظاہرہ کرتے ہوئے آسٹریلیا چیمپئنز کو 10 وکٹوں سے شکست دی، پاکستان گروپ اسٹیج میں ناقابل شکست رہتے ہوئے پہلے ہی ناک آؤٹ مرحلےمیں پہنچ چکا ہے۔

    پاکستان چیمپئنز نے 75 رنز کا ہدف 8ویں اوور میں حاصل کیا، اوپنر شرجیل خان32 اور صہیب مقصود 28 رنز بناکر ناٹ آئوٹ رہے۔

    آسٹریلیا چیمپئنز نے پہلے کھیل کر صرف 74 رنز اسکور کیے، پوری آسٹریلین ٹیم 12ویں اوور میں ڈھیر ہوگئی، آسٹریلیا چیمپئنز کے 9 بلےباز ڈبل فگر میں بھی داخل نہ ہوسکے۔

    سعید اجمل نے کینگروز کےخلاف شاندار بولنگ کی، انھوں نے 16 رنز دیکر 6 وکٹیں حاصل کیں، عماد وسیم نے 2، سہیل تنویر اور سہیل خان نے ایک ایک وکٹ حاصل کی۔

    https://urdu.arynews.tv/wcl-2025-pakistan-champion-beat-westindies-champions/

  • آسٹریلیا نے ریکوڈیک میں مشترکہ منصوبوں پر توجہ مرکوز کرلی

    آسٹریلیا نے ریکوڈیک میں مشترکہ منصوبوں پر توجہ مرکوز کرلی

    اسلام آباد : آسٹریلیا نے ریکوڈیک میں مشترکہ منصوبوں پرتوجہ مرکوزکرلی اور پاکستانی اداروں کے ساتھ معدنیات کی جدید تربیت کے پروگرام کی تجویز دی۔

    تفصیلات کے مطابق ایس آئی ایف سی کے تعاون سے پاکستان میں معدنیات کے شعبے میں سرمایہ کاری کی راہ ہموار ہوگئی۔

    آسٹریلیا نے پاکستان کے معدنی وسائل، خاص ریکو ڈیک میں مشترکہ منصوبوں پر توجہ مرکوز کرلی۔

    پاکستان اور آسٹریلیا کے درمیان توانائی، معدنیات اورآبی وسائل کےانتظام میں اقتصادی شراکت داری پراتفاق ہوا ہے۔

    پاکستان نےآسٹریلیا کی جانب سے کان کنی میں مہارت کے لیےادارہ جاتی روابط بڑھانے پر زور دیا۔

    آسٹریلیاکی جانب سے پاکستانی اداروں کے ساتھ معدنیات کی جدید تربیت کے پروگرام کی تجویز دی گئی۔

    ایس آئی ایف سی کا آسٹریلوی کمپنیوں کے لیے کان کنی،توانائی شعبےمیں عمل کو آسان بنانے میں اہم کردار ہے۔

    ریکوڈیک میں 65 ارب ڈالرمالیت کے ذخائر موجود ہیں، جن میں 2 ارب ٹن کاپر،20 ملین اونس سونا شامل ہیں۔

    ایس آئی ایف سی کی معاونت سے کان کنی شعبے میں مشترکہ منصوبوں کے لیے کاروبار دوست ماحول کو فروغ ملے گا۔

  • اڑان بھرنے کو تیار جہاز میں اچانک سانپ نکل آیا پھر کیا ہوا؟

    اڑان بھرنے کو تیار جہاز میں اچانک سانپ نکل آیا پھر کیا ہوا؟

    آسٹریلیا میں پرواز سے قبل لوگوں کو خوفناک تجربے کا سامنا کرنا پڑا جہاز میں اچانک سانپ نکلنے کی وجہ سے مسافروں کی گھگھی بندھ گئی۔

    آسٹریلیا کے شہر میلبورن میں ہوائی جہاز اڑنے کےلیے تیار کھڑا تھا، تاہم اچانک وہاں موجود سانپ نے خود کو ظاہر کرکے لوگوں کے ہوش اڑاد یے جس سے نہ صرف فلائٹ میں 2 گھنٹے کی تاخیر ہوئی بلکہ مسافروں کو بھی شدید پریشانی کا سامنا کرنا پڑا۔

    میلبورن ایئرپورٹ پر جہاز کے عملے کو بورڈنگ سے قبل جہاز کے لینڈنگ گیئر کے قریب ایک زندہ سانپ نظر آیا جس کے بعد انھوں نے فوری طور پر اسے پکڑنے کا فیصلہ کیا۔

    پائتھن سانپ 8 مرغیوں کو سالم نگل لیا، ہولناک ویڈیو وائرل

    ہوائی جہاز میں سانپ کی موجودگی نے مسافروں اور عملے کی سلامتی کے حوالے سے خدشات پیدا کیے جس کے بعد ایئرپورٹ سیکیورٹی اور وائلڈ لائف حکام کو فوری طور پر طلب کرلیا گیا کہ وہ سانب کو قابو میں کریں۔

    سیکیوٹی ٹیم نے بڑی مشکل سے 2 گھنٹوں کی محنت کے بعد سانپ کو پکڑا کیوں کہ وہ جہاز کے نچلے حصے میں چھپ گیا تھا۔

    سانپ کو پکڑنے اور ہوائی جہاز کا حفاظتی معائنہ مکمل ہونے کے بعد ہی جہاز کو اڑان بھرنے کی اجازت دی گئی، اس دوران مسافروں کو ایئرپورٹ لاؤنج میں انتظار کرتے رہے۔

    آسٹریلوی میڈیا پر آنے والی خبروں کے مطابق اس سانپ میں زہر نہیں تھا اور یہ پائتھن کہلاتا ہے۔ آسٹریلیا میں سانپوں کی کئی اقسام عام ہیں اور اکثر گرمیوں میں ہوائی اڈوں کے آس پاس بھی سانپ نکل آتے ہیں۔

    https://urdu.arynews.tv/snake-entered-ground-sri-lanka-bangladesh-match/