میلبرن: آسٹریلیا کی دو مختلف ریاستوں میں 80 مقامات میں لگی آگ بے قابو ہوگئی، ایک ہزار فائر انجن آگ بجھانے میں مصروف ہیں۔
تفصیلات کے مطابق آسٹریلیا کی دو ریاستوں سڈنی اوربرسبن کے درمیان 80 مقامات میں لگی آگ پر قابو پانے کی کوشش کی جا رہی ہے، 1 ہزار فائر انجن اور 100 سے زیادہ طیارے اور ہیلی کاپٹر بھی آگ بجھانے میں مصروف ہیں۔
آسٹریلین حکام نے مقامی آبادی کے رہائشیوں کو نقل مکانی کے ساتھ علاقہ خالی کرنے کی ہدایات بھی جاری کی ہیں۔
آسٹریلیا کے وزیراعظم اسکاٹ موریسن نے سماجی رابطے کی ویب سائٹ ٹویٹر پر اپنے پیغام میں کہا کہ براہ کرم محفوظ رہیں اور ضلعی انتظامیہ کی ہدایات سنیں، اگر آپ کی زندگی خطرے میں ہے تو 000 پر کال کریں میں باقاعدگی سے اپ ڈیٹ حاصل کر رہا ہوں اور ہم کسی بھی قسم کی مدد کی پیشکش کے لیے تیار ہیں۔
Incredibly concerning there are a large number of bushfires burning at emergency levels in NSW & Qld. Please stay safe & listen to emergency services. If you’re life is at risk, call 000. I’m getting regular updates & we stand ready to offer any assistance needed.
— Scott Morrison (@ScottMorrisonMP) November 8, 2019
یاد رہے کہ گزشتہ سال نومبر میں آسٹریلیا میں پورٹ اسٹیفنس کے جنگلاتی علاقے میں لگی آگ نے ایک ہزار 5 سو ایکڑ کو اپنی لپیٹ میں لے لیا تھا۔ فائر بریگیڈ حکام نے آگ پر قابو پانے کے لیے ترمیم شدہ بوئنگ 737 مسافر بردار طیارے کے ذریعے آگ بجھائی تھی، جس میں 15 ہزار لیٹر کیمیکل ملا پانی موجود تھا۔
آسٹریلیا کے پاس ایسے 9 طیارے موجود ہیں جو جنگلات میں لگی آگ پر قابو پانے کے لیے استعمال کیے جاتے ہیں جن میں ایک طیارے میں 45 ہزار لیٹر پانی لے جانے کی گنجائش موجود ہے۔
