ARYNews.tv | Urdu – Har Lamha Bakhabar

Tag: آسٹریلیا

  • پاکستان جونیئرہاکی ٹیم آسٹریلیا روانہ

    پاکستان جونیئرہاکی ٹیم آسٹریلیا روانہ

    لاہور: پاکستان جونیئرہاکی ٹیم آسٹریلیاروانہ ہوگئی جہاں قومی ٹیم جونیئرچیمپیئن شپ میں حصہ لےگی۔

    تفصیلات کےمطابق پاکستان جونیئر ہاکی ٹیم جنید منظور کی قیادت میں لاہورایئرپورٹ سے آسٹریلیا کےلیےروانہ ہوگئی۔ قومی ٹیم 19 سے 29 اپریل تک ہوبارٹ میں ہونے والی آسٹریلیا کی انڈر 28 چیمپئن شپ میں حصہ لے گی۔

    آسٹریلیا میں ہاکی چیمپیئن شپ کےبعد مینجمنٹ کےاراکین وطن واپس آجائیں گے جبکہ ہاکی ٹیم کےکھلاڑی آسٹریلیا میں ہی قیام کریں گے۔

    قومی جونیئرہاکی ٹیم تین ماہ کے قیام کےدوران مختلف کلبوں کی جانب سے ٹریننگ پروگرام اور میچز میں حصہ لیں گے۔

    جونیئرہاکی ٹیم کے کوچ مدثرعلی خان کاکہناہےکہ اس طویل دورے سے نوجوان کھلاڑیوں کو جدید ہاکی سیکھنے کا موقع ملےگا۔

    یومِ پاکستان پرہاکی ٹیم کاہم وطنوں کوشاندار تحفہ

    یاد رہےکہ گزشتہ ماہ پاکستان اورنیوزی لینڈ کےخلاف پانچ میچوں کی سیریزمیں قومی ٹیم نے نیوزی لینڈ کو 1-2 سے ہرا کر سیریزاپنے نام کرلی تھی۔

    واضح رہےکہ پاکستان ہاکی فیڈریشن کےسیکرٹری شہبازسینئر کا کہناتھاکہ نیوزی لینڈ کے خلاف ہاکی سیریز کی کامیابی یوم پاکستان پر قوم کو تحفہ ہے۔

  • پاکستان ہاکی ٹیم آسٹریلیا پہنچ گئی

    پاکستان ہاکی ٹیم آسٹریلیا پہنچ گئی

    سڈنی : پاکستان ہاکی ٹیم نیوزی لینڈ کےخلاف پانچ میچوں کی سیریز میں کامیابی کےبعد آسٹریلیاں پہنچ گئی۔

    تفصیلات کےمطابق پاکستان ہاکی ٹیم نیوزی لینڈ میں پانچ میچوں کی سیریز جیتےنے کےبعد گزشتہ روز آسٹریلیا پہنچ گئی جہاں کھلاڑیوں نے پریکٹس کی۔

    قومی ہاکی ٹیم کے کھلاڑی نیوزی لینڈ کو سیریز میں شکست دینے کے بعد خاصے پُرامید ہیں کہ وہ آسٹریلیا کے خلاف بھی سیریز اپنے نام کرنے میں کامیاب ہوں گے۔

    پاکستان ہاکی ٹیم کے ہیڈ کوچ خواجہ جنید نےکہا ہے کہ آ سٹریلیا کےخلاف بھی اچھی پر فارمنس سےسیریز جیتنے کی کوشش کریں گے۔

    مزید پڑھیں:یومِ پاکستان پرہاکی ٹیم کاہم وطنوں کوشاندار تحفہ

    پاکستان اور آسٹریلیا کی ٹیموں کے درمیان چار ہاکی میچوں پر مشتمل سیریز کا پہلا میچ 28 مارچ کو کھیلا جائے گا۔

    یاد رہےکہ دو روز قبل پاکستان اور نیوزی لینڈ کےخلاف پانچ میچوں کی سیریز کا آخری میچ 1-1 گول سے برابر رہاتھاجس کے بعد قومی ٹیم نے نیوزی لینڈ کو 1-2 سے ہرار کر سیریز جیت لی تھی۔

    پاکستان ہاکی فیڈریشن کےسیکرٹری شہبازسینئر کا کہناتھاکہ نیوزی لینڈ کے خلاف ہاکی سیریز کی کامیابی یوم پاکستان پر قوم کو تحفہ ہے۔

    واضح رہےکہ شہبازسینئر کا مزیدکہناتھاکہ ہاکی ٹیم کی بہترین کارکردگی سے لڑکوں کے اعتماد میں اضافہ ہوا،یقین ہےکہ اب آسٹریلیا کے خلاف سیریز میں بھی لڑکےاچھا پرفارم کریں گے۔

  • دوران پرواز ہیڈ فون کی بیٹری پھٹنے سے خاتون زخمی

    دوران پرواز ہیڈ فون کی بیٹری پھٹنے سے خاتون زخمی

    سڈنی: آسٹریلیا جانے والی فضائی پرواز میں ایک خاتون کا وائر لیس ہیڈ فون دھماکے کے ساتھ پھٹ گیا جس سے خاتون کا چہرہ اور ہاتھ بری طرح جھلس گئے۔

    بیجنگ سے میلبورن جانے والی پرواز میں یہ واقعہ اس وقت پیش آیا جب خاتون مسافر اپنے بیٹری سے کام کرنے والے وائر لیس ہیڈ فون میں موسیقی سن رہی تھیں۔ اس دوران ہیڈ فون کی بیٹری زور دار دھماکے کے ساتھ پھٹ گئی اور فوراً ہی اس میں آگ بھڑ ک اٹھی۔

    واقعے میں خاتون کا چہرہ اور ہاتھ بری طرح جھلس گئے اور انہیں فوری طور پر اسپتال منتقل کردیا گیا۔

    ایئر لائن انتظامیہ کا کہنا ہے کہ بیٹری سے چلنے والی اشیا کے مسلسل استعمال سے وہ گرم ہو کر پھٹ سکتی ہیں یہی وجہ ہے کہ وہ اپنے مسافروں کو بیٹری سے چلنے والا سامان طیارے میں نہ لانے کی ہدایت کرتے ہیں۔

    مزید پڑھیں: پاکستان میں بھی موبائل فون کی بیٹری پھٹنے کا واقعہ

    انتظامیہ کے مطابق جب واقعہ رونما ہوا اور خاتون نے ہیڈ فون کو فرش پر پھینک دیا تو عملے نے فوری طور پر پانی ڈال کر اس میں لگی آگ بجھانے کی کوشش کی لیکن اس کوشش میں بیٹری پگھل گئی جو طیارے کے فرش سے چپک گئی۔

    یاد رہے کہ کچھ عرصہ قبل بیٹری پھٹنے کے واقعات میں اچانک اضافہ ہوگیا تھا جب موبائل فون کمپنی سام سنگ کے ماڈل نوٹ 7 کی بیٹری استعمال یا چارجنگ کے دوران گرم ہو کر پھٹ جاتی تھیں اور آگ پکڑ لیتی تھیں۔

    ان واقعات کو دیکھتے ہوئے دنیا بھر میں فضائی سفر کے دوران نوٹ 7 جہاز پر لانے کی سختی سے ممانعت کردی گئی تھی۔ موبائل فون اور بیٹری پھٹنے کے ان واقعات کی وجہ سے سام سنگ کو کروڑوں ڈالر کا نقصان اٹھانا پڑا تھا۔

  • خواتین کی شبیہ والی ٹریفک لائٹس سگنلز

    خواتین کی شبیہ والی ٹریفک لائٹس سگنلز

    میلبرن : خواتین کے عالمی دن کے موقع پر آسٹریلیا کی سڑکوں پر ٹریفک سگنلزکی لائٹس پر خواتین کی ہیت والے نشان آویزاں کردیے گئے ہیں۔

    آسٹریلیا کی شاہراہوں پر پیدل چلنے والے راہگیروں کے لیے نصب ٹریفک سگنلز پر لائٹ جلنے پر عمومی طور پر کسی مرد کی شبیہ ابھرتی ہوتی ہے جس پر عمل کرتے ہوئے مرد و زن سڑک عبور کرتے ہیں۔

    تاہم خواتین کے عالمی دن کے موقع پر جنسی امتیاز ختم کرنے کے لیے ایسے ٹریفک سگنلز نصب کیے گئے ہیں جن میں لائٹ جلنے پر کسی مرد کے بجائے خاتون کی شبیہ آویزاں ہوتی ہے۔

    signle-post-2

    تجارتی بنیادوں پر ٹریفک سگنلز بنانے والی نجی کمپنی کا کہنا ہے کہ اس سے قبل ٹریفک سگنلز کی لائٹ جلنے پر مرد کی شبیہ ابھرتی تھی جس سے ایک جنس کی حاکمیت کا تصور ابھرتا تھا اس لیے ایسے نئے ٹریفک سگنلز تیار کیے جا رہے ہیں جن میں خواتین کی شبیہ آویزاں ہوتی ہے۔

    signle-post-1

    تجرباتی طور پر نصب کیے گئے ٹریفک سگنلز میں پیدل چلنے والوں کی رہنمائی کے لیے سڑک عبور کرنے کے لیے ہری لائٹ یا انتظار کرنے لیے لال لائٹ آویزاں ہو گی تو ساتھ ہی اس میں بہ طور نشان خاتون کی شبیہ ابھرے گی۔

    آسٹریلیا میں خواتین کی شبیہ رکھنے والے ٹریفک لائٹ کے آویزاں ہونے پر عوام نے ملے جلے رجحان کا اظہار کیا ہے جہاں خواتین نے اس اقدام کو سراہا ہے کہ اس طرح خواتین بھی خود کو نظام کا حصہ سمجھتے ہیں جب کہ کچھ حضرات کا کہنا ہے کہ یہ غیر ضروری عمل ہے جس کی چنداں ضرورت نہیں تھی۔

  • نیتن یاہومشرق وسطیٰ میں امن خراب کرنے کےذمہ دار ہیں‘کیون روڈ

    نیتن یاہومشرق وسطیٰ میں امن خراب کرنے کےذمہ دار ہیں‘کیون روڈ

    سڈنی : آسٹریلیا کے سابق وزیراعظم کیون روڈ کا کہناہےکہ اسرائیلی وزیراعظم نیتن یاہومشرقِ وسطیٰ میں امن مذاکرات کو خراب کررہے ہیں۔

    تفصیلات کےمطابق اسرائیلی وزیراعظم اس وقت چارروزہ دورے پر آسٹریلیا میں موجود ہیں جب سابق آسٹریلوی وزیراعظم کی جانب سے نیتن یاہوکو مشرق وسطیٰ میں امن خراب کرنے کا ذمہ دار قرار دیاہے۔

    اسرائیلی وزیراعظم نے کیون روڈ کےاس تنقیدی بیان پر اپنا ردِعمل ظاہر نہیں کیا۔ تاہم اس سے پہلے انہوں نے کہا تھا کہ آسٹریلیا کا فلسطین کو ریاست تسلیم کرنا اسرائیل کی تباہی کی کال ہوگی۔

    خیال رہےکہ اس وقت اسرائیل کے وزیراعظم آسٹریلیا کے چار روزہ دورے پر ہیں اور ان کے ہم منصب مسٹر میلکولم ٹرنبل ان کی میزبانی کر رہے ہیں۔

    یاد رہےکہ سابق وزیراعظم کیون روڈ نے 2010 کے ایک سفارتی واقعے کا حوالہ بھی دیا جس میں دبئی میں حماس کے ایک رہنما کے قتل میں چار بوگس آسٹریلیوی پاسپورٹ استعمال ہوئے تھےاور اس کے بعد مسٹر روڈ کی حکومت نے اسرائیلی سفارت کار کو ملک سے نکال دیا تھا۔

    مزید پڑھیں: اسرائیل طویل عرصہ فلسطین کی زمین پر قابض نہیں رہ سکتا، اوباما

    واضح رہےکہ سابق امریکی صدر براک اوباما نےگزشتہ سال ستمبرمیں کہاتھاکہ ’اسرائیل زیادہ لمبے عرصے تک فلسطین کی زمین پر قبضہ قائم نہیں رکھ سکتا،دنیا سمجھتی ہے کہ ہر مسئلے کا حل امریکا کے پاس ہےتاہم مسائل کا حل ممالک کو آپس میں باہمی اتفاق سے نکالنا ہوگا‘‘۔

  • آسٹریلیا: جہاز شاپنگ سینٹرمیں جا گرا، 5 افراد جاں بحق

    آسٹریلیا: جہاز شاپنگ سینٹرمیں جا گرا، 5 افراد جاں بحق

    میلبورن : چارٹر طیارہ اڑان بھرنے کے فوری بعد حادثے کا شکار ہو گیا جس کے نتیجے میں 5 افراد جاں بحق ہو گئے۔

    تفصیلات کے مطابق چارٹرڈ طیارے نے ایسنڈون ایئر پورٹ سے پرواز بھری ہی تھی کہ حادثے کا شکار ہوگیا اور قلابازیاں کھاتے ہوئے ایک شاپنگ سینٹر پر جا گرا جس کے نتیجے میں پانچ افراد ہلاک ہو گئے ہیں۔

    بین الاقوامی خبر رساں ایجنسی کے مطابق چارٹر طیارے میں اڑنے کے فورا بعد تباہ کن خرابی پیدا ہو گئی جس کے باعث وہ ایک شاپنگ سینٹر پر جا گرا تاہم خوش قسمتی اس وقت شاپنگ سینٹ بند تھا اس لیے زیادہ تباہی نہیں ہوئی لیکن طیارے میں سوار تمام افراد کے جاں بحق ہونے کا خدشہ پیدا ہوگیا ہے۔

    plane-post-3

    مقامی ریسکیو ادارے کا کہنا ہے کہ اب تک کی اطلاعات کے تحت طیارے میں موجود افراد کے علاوہ کسی اور شخص کی ہلاکت نہیں ہوئی کیوں کہ حادثے کے وقت شاپنگ سینٹر بند تھا تاہم اگر یہ واقعہ رات کو ہوتا تو ہلاک ہونے والے افراد کی تعداد میں اضافہ ہوسکتا تھا۔

    plane-post-2

    ریسکیو ادارے نے جائے وقوع پر پہنچ کر امدادی کاموں کا آغاز کردیا ہے اور شاپنگ سینٹر کو آمد و رفت کو ممکن بنانے کے لیے جہاز کا ملبہ اُٹھایا جا رہا ہے جب کہ اعلیٰ حکام جہاز کے باقی ماندہ پُرزوں کا جائزہ لے رہے ہیں تاکہ حادثے کی وجوہات کا تعین کیا جا سکے۔

    plane-post-1

    سیکیورٹی حکام نے ابتدائی طور پر حادثے میں دہشت گردی کے خدشے کو مسترد کرتے ہوئے کہا ہے کہ تحقیقات جاری ہیں تاہم اب تک ایسے کوئی شواہد نہیں ملیں ہیں جس سے کہا جا سکے کہ یہ حادثہ دہشت گردی کی کارروائی ہے۔

  • آسٹریلیا کے ساحل پر نیلی جیلی فش کا حملہ

    آسٹریلیا کے ساحل پر نیلی جیلی فش کا حملہ

    میلبرن: آسٹریلیا کے شہر برسبین کے ساحل پر لاتعداد جیلی فش پانی سے باہر آگئیں جس سے ساحل نیلگوں ہوگیا۔

    برسبین کے شہریوں نے یہ نظارہ دیکھ کر اس کی تصاویر کھینچیں اور فوراً اسے سوشل میڈیا پر اپ لوڈ کرنا شروع کردیا۔ کچھ نے ان نیلی جیلی فشز کو دیکھ کر ناک بھوں چڑھائی اور کوئی اس منظر کو دیکھ کر خوش ہوا۔

    jelly-2

    jelly-3

    ایک ماہر حیاتیات ڈاکٹر لیزا این کا کہنا ہے کہ اتنی بڑی تعداد میں ان جیلی فشز کا ساحل پر آنا دراصل ان کے حیاتیاتی چکر (لائف سائیکل) کا ایک حصہ ہے۔

    سمندر کی اونچی لہروں کے ساتھ یہ ساحل پر آجاتی ہیں، اور کچھ دن بعد جب دوبارہ اونچی لہریں ساحل پر آتی ہیں تو یہ ان کے ساتھ واپس سمندر میں چلی جاتی ہیں۔

    jelly-4

    واضح رہے کہ جیلی فش تقریباً 92 فیصد پانی کی بنی ہوتی ہے اور اس کی 85 مختلف اقسام پائی جاتی ہیں۔ اس جاندار کا دماغ، سانس، حسیات اور ہاضمے کا مکمل نظام موجود نہیں ہوتا اس کے باوجود جیلی فش دن کے 24 گھنٹے خوراک کھاتی ہے۔

    ماہرین کے مطابق جیلی فش آکسیجن کے بغیر، گندگی اور آلودگی میں بآسانی افزائش پاتی ہیں یہی وجہ ہے کہ گزشتہ کچھ عرصے میں بڑھتی ہوئی ماحولیاتی آلودگی کی وجہ سے دنیا بھر میں جیلی فش کی آبادی میں تیزی سے اضافہ ہوا ہے۔

    مزید پڑھیں: پاکستان میں غیر معمولی جسامت کی جیلی فش

    جیلی فش کے جسم پر موجود لمبے لمبے دھاگے اس کا ہتھیار ہیں۔ ان دھاگوں کے اندر چھوٹے چھوٹے کانٹے ہوتے ہیں جو وہ حملے کے لیے استعمال کرتی ہے۔ بظاہر خوشنما نظر آنے والی اس جیلی فش کا کاٹا بہت تکلیف دہ ہوتا ہے جبکہ اس کی بعض اقسام مہلک اور جان لیوا بھی ثابت ہوسکتی ہیں۔

    کوریا، جاپان اور چین میں جیلی فش کو سکھا کر بطور خوراک بھی استعمال کیا جاتا ہے۔

  • پرندوں کو کھانے والی جنگلی بلیوں کے ’قتل‘ کا فیصلہ

    پرندوں کو کھانے والی جنگلی بلیوں کے ’قتل‘ کا فیصلہ

    آسٹریلوی حکومت نے ملک کے گلی کوچوں میں پھرتی 20 لاکھ سے زائد جنگلی بلیوں کو مارنے کا فیصلہ ہے۔ آسٹریلوی حکام کا کہنا ہے کہ یہ بلیاں جنگلی حیات کو نقصان پہنچانے کا سبب بن رہی ہیں۔

    حکام کا کہنا ہے کہ یہ جنگلی بلیاں آسٹریلیا کی مقامی نہیں ہیں۔ ان کے آباؤ اجداد اس وقت یہاں آئے جب یورپی افردا نے یہاں آکر بسنا شروع کیا۔

    cat-3

    اب ان بلیوں کی تعداد 20 لاکھ سے زائد ہوچکی ہے اور یہ پورے آسٹریلیا میں پھیل چکی ہیں۔ صرف یہی نہیں بلکہ یہ فطرتاً خونخوار ہیں اور یہ آسٹریلیا کی مختلف جنگلی حیات اور نباتات کو تباہ کرنے کا سبب بن رہی ہیں۔

    ان حکام کا کہنا ہے کہ آسٹریلیا کی مقامی جنگلی حیات، پرندے اور چھوٹے جانور وغیرہ ان بلیوں کے مقابلے میں اپنا دفاع کرنے کی صلاحیت نہیں رکھتے اور باآسانی ان کا شکار بن جاتے ہیں۔

    cat-2

    لہٰذا حکومت نے فیصلہ کیا ہے کہ سنہ 2020 تک ان بلیوں کو مار دیا جائے، تاہم اس فیصلے کو نافذ کرنے میں حکومت ذرا سی ہچکچاہٹ کا شکار ہے۔

  • آسٹریلین اوپن فائنل:راجر فیڈرر اوررافیل ندال آمنے سامنے ہوں گے

    آسٹریلین اوپن فائنل:راجر فیڈرر اوررافیل ندال آمنے سامنے ہوں گے

    میلبرن : آسٹریلیا میں جاری سال کے پہلے ٹینس آسٹریلین اوپن کےفائنل میں رافیل ندال اور راجر فیڈرر کل آمنے سامنے ہوں گے۔

    تفصیلات کے مطابق توار کو میلبرن میں اسپین کے رافیل ندال کا فائنل میں سابق عالمی نمبر ایک اور سب سے زیادہ گرینڈ سلیم مقابلے جیتنے کا اعزاز رکھنے والے سوئٹزرلینڈ کے راجر فیڈرر سے ہوگا۔

    خیال رہےکہ سیمی فائنل میں رافیل ندال نے گریگور دیمیتروف کو 6-3 5-7 7-6 (7-5) 6-7 (4-7) سے شکست دی۔

    گریگور دیمیتروف کو نہ صرف رواں سال کی پہلی شکست کا سامنا کرنا پڑا بلکہ پہلی بار کسی گرینڈ سلیم مقابلے کے فائنل میں پہنچنے میں ناکام رہے۔

    دونوں نویں بار کسی گرینڈ سلیم مقابلے کے فائنل میں مدمقابل ہوں گے۔اس ٹونامنٹ کی اور خاص بات یہ ہو گی کہ فائنل میں پہننچے والے چاروں کھلاڑیوں کی عمریں 30 برس یا اس سے زیادہ ہیں۔

    واضح رہےکہ امریکہ سے تعلق رکھنے والی ٹینس سٹار بہنیں 36 سالہ وینس اور 35 سالہ سرینا ولیمز فائنل میں آئیں گی تو یہ نواں موقع ہو گا کہ وہ کسی گرینڈ سلیم مقابلے کے فائنل میں آمنے سامنے ہوں گی۔

  • ٹیم کوفیلڈنگ میں بہتری لانا ہوگی ‘مکی آرتھر

    ٹیم کوفیلڈنگ میں بہتری لانا ہوگی ‘مکی آرتھر

    آسٹریلیا : پاکستانی ٹیم کے ہیڈ کوچ مکی آرتھر کا کہناہےکہ ٹیم کو جیت کےلیے فیلڈنگ میں بہتری لانے کی ضرورت ہے۔

    تفصیلات کےمطابق مکی آرتھر نے آسٹریلیا کے خلاف سیریز کے آخری ایک روزہ میچ کے بعد کہا کہ ہم فیلڈنگ پر بہت زیادہ کام کرچکے ہیں۔

    پاکستانی ہیڈ کوچ کا کہناتھاکہ میں اور میرا اسٹاف 7ماہ سے فٹنس کی سطح پر توجہ مرکوز کیا ہوا ہے اور ہماری روزانہ کی رپورٹس کے مطابق فٹنس میں بہتری ہوئی ہےلیکن ہم دیگر ٹیموں سے بہت پیچھے ہیں۔

    مکی آرتھرکا کہنا تھا کہ ویسٹ انڈیز جانے سے قبل ایک مرتبہ پھر فٹنس اور فیلڈنگ ہمارا ہدف ہوگا۔

    ویسٹ انڈیز کے دورے کی تیاریوں کے حوالے سے ان کا کہنا تھا کہ ہمیں کیمپ کے لیے پی ایس ایل کے بعد وقت ملے گا اور ہم اس حوالے سے سخت کام کریں گے کیونکہ ہم اس میدان میں ہدف حاصل نہیں کرپائے ہیں۔

    مزید پڑھیں:ہماری فیلڈنگ انتہائی ناقص تھی، اظہرعلی کا اعتراف

    یاد رہےکہ اس سے قبل قومی ٹیم کے کپتان اظہر علی نے کہاتھاکہ فیلڈرز کیچز پکڑ لیتے تو نتیجہ مختلف ہوسکتا تھا،انہوں نے اعتراف کیا تھاکہ ہماری فیلڈنگ انتہائی ناقص تھی۔

    واضح رہےکہ پاکستانی ٹیم کو آسٹریلیا میں ٹیسٹ اور ایک روزہ سیریز میں بری طرح شکست کا سامنا کرنا پڑا تھاجہاں فیلڈنگ کا معیار انتہائی ناقص رہا تھا۔