Tag: آسٹریلیا

سڈنی : پاکستانی کرکٹ ٹیم کے ہیڈ کوچ مکی آرتھر کا کہناہےکہ سیریز میں کامیابی کے لیے معمولی غلطیوں کی بھی کنجائش نہیں ہے۔

تفصیلات کےمطابق پاکستان کرکٹ ٹیم کے ہیڈ کوچ مکی آرتھرنے کہا کہ جنید خان نوبال کرنے کےعادی نہیں لیکن تیسرے میچ میں ان کی اس غلطی کی ٹیم نے بھاری قیمت چکائی۔

جنید خان نے آسٹریلیا کی جانب سے اپنا پہلا میچ کھیلنے والے بلےباز پیٹرہینڈزکومب کو آؤٹ کیا تھا لیکن نوبال کے باعث انھیں قیمتی موقع ملا جبکہ چار اوور بعد ان کی گیند پر ہینڈزکومب کا کیچ گرا دیا گیا جس میں ان کی جانب سے دوبارہ وہی غلطی دہرائی گئی۔

پیٹرہینڈز کومب نے 82 رنز بنا کر ٹیم کو جیت دلوانے کے لیے اسٹیو اسمتھ کا بھرپور ساتھ دیا تھا۔

مکی آرتھر کا کہناتھاکہ جنید خان کو تیسرے ون ڈے میں گراؤنڈ میں چلنے والی ہلکی ہواسے مشکل ہورہی تھی،لیکن اب بھی یہ کوئی قابل قبول وجہ نہیں ہے ہمیں اپنے پاؤں لکیر سے پیچھے رکھنے ہوں گے۔

مکی آرتھر نے کہا کہ ان کی ٹیم کو اگر سیریز میں حقیقی جیت حاصل کرنی ہے تو اس طرح کی معمولی غلطیاں برداشت نہیں کرسکتے۔

یاد رہے کہ آسٹریلیا نے تیسرے میچ میں پاکستان کو 7 وکٹوں سے شکست دے کر سیریز میں 2-1 کی برتری حاصل کی تھی۔

واضح رہے کہ پاکستان اور آسٹریلیا کے درمیان پانچ ایک روزہ میچوں کی سیریز کا چوتھا ون ڈے کل کھیلا جائے گا۔

پرتھ: پاکستان اور آسٹریلیا کے درمیان پانچ ایک روزہ میچوں کی سیریز کے تیسرے ون ڈے میں آسٹریلیا نے پاکستان کو بآسانی سات وکٹوں سے شکست دیکر سیریز میں 1-2 کی برتری قائم کر لی۔

تفصیلات کےمطابق پرتھ میں کھیلے جانے والے تیسرے ایک روزہ میچ میں پاکستان نے آسٹریلیا کو 264 رنز کا ہدف دیا جسے آسٹریلوی ٹیم نے اپنے کپتان کی شاندار سینچری کے باعث بآسانی تین وکٹوں کے نقصان پر مکمل کر کے پانچ میچوں کی سیریز میں 1-2 سے برتری حاصل کر لی۔

قبل ازیں تیسرے ون ڈے میں آسٹریلیا نے ٹاس جیت کر پہلے فیلڈنگ کا فیصلہ کیا، اس میچ کے لیے میزبان ٹیم میں دو تبدیلیاں کی گئی تھیں۔
تیسرے ون ڈے میں پاکستان کے خلاف اسٹیو اسمتھ (کپتان)، ڈیوڈ وارنر، عثمان خواجہ، پیٹرہینڈزکومب، ٹریوس ہیڈ، گلین میکسیویل، میتھیو ویڈ، جیمز فلکنر، پیٹ کمنز، جوش ہیزل ووڈ، بلی اسٹین لیک ٹیم کا حصہ ہیں۔

میزبان ٹیم آسٹریلیا کی جانب سے مچل اسٹارک اور مچل مارش کو آرام دیاگیاہے،جبکہ پیٹرہینڈز کب اور بلی اسٹین لیک آسٹریلو ی اسکواڈ کا حصہ ہیں۔پاکستان نے ٹیم میں کوئی تبدیلی نہیں کی ہے۔

پاکستان کی جانب سے شرجیل خان اور محمد حفیظ نے اننگز کا آغاز کیاکپتان محمد حفیظ 4رنز کےانفرادی اسکور پرجوش ہیزل ووڈ کی گیند پر آؤٹ ہوئے۔

جب کہ پاکستان کی دوسری وکٹ 85رنزکےاسکور پرگری جب شرجیل خان 50کے انفرادی اسکور پرٹریوس ہیڈ کی گیند پر آؤٹ ہوئے۔قومی ٹیم کے تیسری وکٹ 98 پرگری،اسد شفیق 5رنز بناکرجیمز فلکنرکی گیند پرکیچ آؤٹ ہوئے۔

قومی ٹیم کی چوتھی وکٹ شعیب ملک کی گری،انہوں نے 41گیندوں پر 39رنزاسکور کیے اوربلی اسٹین لیک کی گیند پر کیچ آؤٹ ہوئے۔پاکستان کی جانب سےبابراعظم 84رنز بناکرجوش ہیزل ووڈ کی گیند پر آؤٹ ہوئے۔

عمراکمل 39رنزبناکر ہیزل ووڈ کی گیند پر کیچ آؤٹ ہوئے اس کے اگلے ہی اوور میں عماد وسیم 9رنز کے انفرادی اسکور پر آؤٹ ہوئے۔

پاکستان کی جانب سے محمدرضوان نے 19گیندوں پر14 اور محمد عامرنے 6گیندوں پر 4رنز اسکور کیے۔

یاد رہے کہ گزشتہ روز پرتھ کے ویسٹرن آسٹریلیا کرکٹ ایسوسی ایشن (واکا) گراؤنڈ میں پریس کانفرنس کرتے ہوئےقائم مقام کپتان محمد حفیظ کا کہنا تھاکہ آسٹریلیا کے خلاف پہلی ہار کےبعد دوسرے میچ میں جارحانہ کھیل کے لیے میدان میں آئے جس کو ہم اگلے میچ میں بھی جاری رکھیں گے۔

محمد حفیظ کا کہناتھا کہ آسٹریلیا کے خلاف آئندہ میچوں میں کامیابی حاصل کرنے کے لیے بلے بازوں کو بھی وہی کرنا ہوگاجو باؤلرز کر رہے ہیں۔

واضح رہے کہ آسٹریلیا نے سیریز کے پہلے میچ میں 92 رنز سے کامیابی حاصل کی تھی جبکہ پاکستان نے دوسرے میچ میں 6 وکٹوں سے میزبان ٹیم کو زیر کرکے سیریز کو 1-1 سے برابر کردیا تھا۔

میلبرن : پاکستان اور آسٹریلیاکےدرمیان ون ڈے سیریز کےدوسرےمیچ میں پاکستان کی بیٹنگ جاری ہے محمد حفیظ 72 رنز کی شاندار اننگز کھیلنے کے بعد آؤٹ ہوگئے، پاکستان نے 221 رنز کے ہدف میں تین وکٹوں کے نقصان پر 142 رنز بنا لیے ہیں۔

تفصیلات کےمطابق آسٹریلیا کے شہر میلبرن میں کھیلے جارہے دوسرے ون ڈے میچ میں مہمان ٹیم پاکستان نے شاندار آغازکیا۔

پاکستان کی جانب سےمحمد حفیظ اور شرجیل خان نے اننگز کا اچھا آغاز کیااور 68رنزکی شراکت قائم کی،تاہم شرجیل خان 29 رنز بناکر آؤٹ ہوگئے۔

قومی ٹیم کی جانب سے بابر اعظم نے 34رنزاسکور کیے اور آسٹریلوی فاسٹ باؤلر مچل اسٹراک کی گیند پر کیچ آؤٹ ہوئے۔قومی ٹیم کی جانب سے اس وقت کپتان شعیب ملک اور اسد شفیق کریز پر موجود ہیں۔

میزبان ٹیم آسٹریلیا کے خلاف پاکستان ٹیم کے کپتان محمد حفیظ نے 72رنزکی شاندار اننگز کھیلی۔

مزید پڑھیں:میلبرن ون ڈے: آسٹریلیا 220رنز پر ڈھیر

اس سے قبل میزبان ٹیم آسٹریلیا نے پاکستان کے خلاف بیٹنگ کرتے ہوئے 220رنز بنائے تھے،آسٹریلیا کی جانب سے کپتان اسٹیون اسمتھ نے65رنز اسکور کیےتھے۔

واضح رہےکہ پاکستان کی جانب سے محمد عامر نےتین،جنیدخان،عماد وسیم نےدو،دوجبکہ حسن علی اورشعیب ملک نے ایک،ایک کھلاڑی کو آؤٹ کیاتھا۔

میلبرن : پاکستان اور آسٹریلیا کے درمیان دوسرے ون ڈے میں میربان ٹیم 220 رنز بناکر آؤٹ ہوگئی۔

تفصیلات کےمطابق آسٹریلیا کی جانب سے ڈیوڈ وارنز اور ٹریوس ہیڈ نے اننگز کا آغاز کیا اور پہلی وکٹ کی شراکت میں 31 رنز بنائے۔

پاکستان کو پہلی کامیابی اس وقت ملی جب جنید خان نے آسٹریلیا کے ان فارم بیسٹمین ڈیوڈ وارنر16رنز کےاسکور پر آؤٹ کیا۔

جنید خان نے اپنی عمدہ بولنگ کا سلسلہ جاری رکھا اور اپنے اگلے ہی اوور میں عثمان خواجہ کو17رنز کے اسکور پراپناشکار بنایا۔

آسٹریلیا کی تیسری وکٹ 40 رنز کے مجموعی اسکور پرگری جب محمد عامر نے مچل مارش کوصفر پر آؤٹ کیا۔حسن علی نےٹریوس ہیڈ کو 29 رنز پرآؤٹ کرکے پاکستان کو 86رنز پرچوتھی کامیابی دلوائی۔

گلین میکس ویل گزشتہ میچ کی طرح اس میچ میں بھی زچھی فارم میں نظر آئے اور انہوں نے اسمتھ کے ساتھ پانچویں وکٹ کےلیے 42 رنز جوڑے لیکن عماد وسیم نے23 کے انفرادی اسکور پر انہیں بولڈ کردیا۔

عماد وسیم نے آسٹریلوی کپتان کو 42ویں اوور میں 60 کے انفرادی اسکور پر آؤٹ کردیا۔پاکستان کی جانب سے ساتویں وکٹ شیعب ملک نے لی،انہوں نے میتھیو ویڈ کو 35رنز پرآؤٹ کرکےپویلین کی راہ دکھائی۔

آسٹریلیا کی آٹھویں وکٹ 206رنز پرگری جب مچل اسٹراک 3رنز کے انفرادی اسکور پر جنید خان کی گیند پر رن آؤٹ ہوئے۔

پاکستان کی جانب سے محمد عامر نےتین،جنیدخان،عماد وسیم نےدو،دو جبکہ حسن علی اورشعیب ملک نے ایک،ایک کھلاڑی کو آؤٹ کیا۔

دوسرے ون ڈے میچ کے لیے پاکستانی ٹیم میں تین جبکہ آسٹریلیا کی ٹیم میں دو تبدیلیاں کی گئی ہیں۔

میزبان ٹیم میں بِل اسٹین لیک کی جگہ جوش ہیزل ووڈ اور کرس لین کی جگہ پاکستانی نژاد عثمان کی ٹیم میں واپسی ہوئی ہے۔

دوسری جانب پاکستانی ٹیم میں اظہر علی جگہ اسد شفیق، وہاب ریاض کی جگہ جنید خان اور محمد نواز کی جگہ شعیب ملک کو ٹیم میں شامل کیا گیا ہے۔

یاد رہے کہ پانچ ایک روزہ میچوں کی سیریز میں آسٹریلیا کو ایک صفر کی برتری حاصل ہے۔

مزید پڑھیں:پہلا ون ڈے : آسٹریلیا نے پاکستان کو 92 رنز سے شکست دے دی

واضح رہےکہ برسبین میں کھیلے جانے والے پہلے ایک روزہ میچ میں آسٹریلیا نے پاکستان کو 92 رنز سے شکست دی تھی۔

لاہور: آل راؤنڈر محمد حفیظ کو آسٹریلیا کے خلاف پانچ ایک روزہ میچوں کی سیریز کے لیے ٹیم میں شامل کر لیا گیا۔

تفصیلات کے مطابق ہیڈ کوچ مکی آرتھر اور کپتان اظہرعلی سمیت ٹیم انتظامیہ نے سلیکشن کمیٹی سے درخواست کی کی گئی کہ آل راؤنڈر محمد حفیظ کوون ڈے سیریزکےلیےآسٹریلیا بھیجاجائے۔

سلیکشن کمیٹی نے ٹیم مینجمنٹ کی درخواست کو قبول کرتے ہوئے محمد حفیظ کو 16 رکنی سکواڈ میں شامل کر لیا ہے اور بی سی پی کے چیئرمین نے بھی اس کی منظوری دے دی ہے۔

خیال رہےکہ سال2016 میں محمد حفیظ نے جنوری میں دورہ نیوزی لینڈ کے دوران دو میچ کھیلے اور اگست میں انگلینڈ کے دورے میں تین ایک روزہ میچوں میں پاکستان کی نمائندگی کی تھی۔

یادرہے کہ 17 نومبر 2016 کو آسٹریلیا میں محمد حفیظ کے باؤلنگ ایکشن کا ٹیسٹ ہوا تھا جس کے بعد ان کےباؤلنگ ایکشن کو قانونی قرار دیتے ہوئے آئی سی سی نےانہیں بین الاقوامی میچوں میں باؤلنگ کی اجازت دے دی تھی۔

آسٹریلیا کے خلاف پاکستان کا ایک روزہ اسکواڈ میں اظہرعلی،شرجیل خان،بابراعظم،شعیب ملک،اسد شفیق، عمراکمل،سرفراز احمد،محمد رضوان،عماد وسیم،محمد نواز،وہاب ریاض،محمد عامر، حسن علی،محمد عرفان،راحت علی اورمحمد حفیظ شامل ہیں۔

واضح رہےکہ پاکستان اور آسٹریلیا کے درمیان پانچ میچوں پر مشتمل ون ڈے سیریز کا پہلا میچ 13 جنوری کو برسبن میں کھیلا جائے گا۔

سڈنی : سڈنی میں کھیلے جانے والے تیسرےٹیسٹ میچ کے پانچویں دن آسٹریلیا نے پاکستان کو220 رنز سے شکست دے کر تین میچوں کی سیریز تین صفر سے جیت لی۔

تفصیلات کےمطابق سڈنی کرکٹ گراؤنڈ میں کھیلے گئے سیریز کے آخری ٹیسٹ میچ میں آسٹریلیا نے پاکستان کو جیت کے لیے 465 رنز کا ہدف دیا تھا،تاہم پاکستان کی پوری ٹیم 244رنز بنا کر ڈھیر ہوگئی۔

ٹیسٹ میچ کے پانچویں روز پاکستان نے اپنی دوسری اننگز کا آغاز ایک وکٹ کےنقصان پر55 رنز سےکیا تواظہرعلی 11رنز پر ہی ہیزل ووڈ کی گیند پر کیچ آؤٹ ہو گئے۔

بابر اعظم ایک بار پھر صرف 9 رنز بنا سکے۔پہلی اننگز میں 175 رنز بنانے والے یونس خان دوسری اننگز میں 13 رنز پر ہی ڈھیر ہوگئے۔انہیں نیتھن لیون نے اپنا شکار بنایا۔یاسر شاہ 13رنز بنائےانہیں اسٹیو او کیفے نے آؤٹ کیا۔

اسد شفیق 30 رنز بنا کر مچل اسٹارک کی گیند پر بولڈ ہوئے جبکہ کپتان مصباح الحق ایک بار پھر چھکا لگانے کی کوشش میں اوکیفے کی گیند پر لیون کو کیچ دے بیٹھے، انہوں نے 38 رنز کی اننگز کھیلی۔

وہاب ریاض نے3 چوکوں کی مدد سے 12 رنز بنائےاور اوکیفے کی گیند پر وکٹوں کے پیچھے کھڑے میتھیو ویڈ نے کیچ کی اپیل کی جسے امپائر نے مسترد کر دیا جس پر آسٹریلوی کپتان اسٹیون اسمتھ نے ریویو لےلیا جس پرانہیں آؤٹ قرار دیا گیا۔

واضح رہے کہ آسٹریلیا میں پاکستان کو یہ مسلسل چوتھا وائٹ واش اور لگاتار 12ویں شکست ہے۔