Tag: آسٹریلین اوپن

آسٹریلین اوپن میں ناقابل شکست رہنے والے ٹینس اسٹار نواک جوکووچ سیمی فائنل میں انجری کے باعث کورٹ چھوڑ گئے۔

سربین ٹینس اسٹار نواک جوکووچ کو کوارٹر فائنل میں ٹانگ میں تکلیف ہوئی جب وہ سیمی فائنل کھیلنے اترے تو تکلیف کے باعث گیم مکمل نہ کرسکے اور کورٹ چھوڑ کر چلے گئے۔

نواک کے جانے کے بعد واک اوور ملنے پر الیگزینڈر زیوریو نے فائنل میں انٹری دے دی۔

میچ کے بعد تماشائیوں نے جوکووچ پر جملے کسے جس پر الیگزینڈر زیوریو نے سپورٹ کرتے ہوئے کہا کہ براہ مہربانی جب کوئی کھلاڑی انجرڈ ہوجائے تو اس پر تنقید نہ کریں۔

انہوں نے کہا کہ سب نے ٹکٹ خریدا تھا اور سب میچ دیکھنا چاہتے تھے لیکن جوکووچ نے گزشتہ بیس برسوں میں اس کھیل کے لیے بہت کچھ کیا ہے۔

جوکووچ نے بدھ کو سائٹ پر پریکٹس نہیں کی پھر جمعرات کو ایک سیشن منسوخ کردیا تھا جبکہ میچ سے کچھ دیر پہلے ہی وارم اپ ہوا تھا۔

آسٹریلین اوپن میں خواتین کی عالمی نمبر ایک ٹینس پلیئر ایگا شیواٹک کا قصہ تمام ہوگیا، نوعمر کھلاڑی نے انھیں اپ سیٹ شکست دی۔

چیک ری پبلک سے تعلق رکھنے والی 19 سالہ غیرمعروف پلیئر لینڈا نوسکووا نے خواتین کی عالمی نمبر ایک پلیئر ایگا شیواٹک کو تیسرے راؤنڈ میں شکست سے دوچار کیا۔ مردوں میں عالمی نمبر ون ٹینس پلیئر برطانیہ کے کیمرون نوری چوتھے راؤنڈ میں پہنچنے میں کامیب ہوگئے

تیسرے راؤنڈ میں عالمی نمبر پولش خاتون کھلاڑی ایگا شیواٹک اور چیک ری پبلک کی ان سیڈڈ کھلاڑی لینڈا نوسکووا کے درمیان مقابلہ تھا۔ تاہم چیک کھلاڑی ان کے لیے مشکل حریف ثابت ہوئیں۔

ایگا نے پہلا سیٹ باآسانی 3-6 کے اسکور سے جیتا لیکن پھر لیندا نوسکووا نے واپسی کرتے ہوئے مضبوط حریف کو بقیہ دونوں سیٹ میں 3-6 اور 4-6 سے مات دے کر اگلے مرحلے میں جگہ بنائی۔

مردوں میں برطانیہ کے عالمی نمبر ایک کیمرون نوری کوارٹر فائنل میں پہنچنے میں کامیاب ہوگئے۔ اُنھوں نے نمبر 11 سیڈ کیسپر رووڈ کو شکست دے کر ایونٹ میں پہلی مرتبہ پری کوارٹر فائنل میں جگہ بنائی۔ نوری کی جیت کا اسکور 4-6، 6-7، 4-6 اور 3-6 رہا۔

اس کے علاوہ اسپین سے تعلق رکھنے والے کارلوس الکاریز بھی پہلی مرتبہ چوتھے راؤنڈ میں پہنچ گئے، اُن کے مدمقابل شینگ جن چینگ انجری کا شکار ہونے کے سبب تیسرے راؤنڈ کے دوران میچ سے دستبردار ہوگئے۔

معروف بھارتی بیٹر ویرات کوہلی اور ٹینس سپراسٹار نوواک جوکووچ سالوں سے ایک دوسرے کے ساتھ ٹیکسٹ پیغامات کے ذریعے رابطے میں ہیں۔

سربین ٹینس اسٹار اور 24 گرینڈ سلم جیتنے کا اعزاز رکھے والے نوواک جوکووچ نے گزشتہ دنوں ایک انٹرویو کے دوران خود اس بات کا انکشاف کیا ہے۔ انھوں نے بتایا کہ ویرات اور میں کئی برس سے ایک دوسرے کو پیغامات بھیجتے رہے ہیں لیکن ابھی تک ملنے کا موقع نہیں مل سکا۔

ٹینس لیجنڈ جوکووچ 36 سال کی عمر میں آسٹریلین اوپن 2024 جیتنے کا عزم لیے آسٹریلیا میں موجود ہیں اور اپنی فٹنس اور عزم کی وجہ سے توجہ کا مرکز بنے ہوئے ہیں۔

ان کا کہنا تھا کہ بھارتی کرکٹ لیجنڈ کوہلی کے ساتھ اچھی دوستی ہے اور وہ ان کے ساتھ کئی سالوں سے بات کر رہے ہیں۔ جوکووچ نے کوہلی کے شاندار کیریئر پر ان کی تعریف بھی کی۔

بھارتی چینل سے بات کرتے ہوئے جوکووچ نے کہا کہ ہمیں کبھی ذاتی طور پر ملنے کا موقع نہیں ملا لیکن یہ واقعی ایک اعزاز ہے کہ وہ میرے بارے میں اچھی سوچ رکھتے ہیں۔

25 ویں گرینڈ سلیم ٹائٹل کے حصول کے لیے کوشاں سربین اسٹار نے کہا کہ میں نے تقریباً 10 سال پہلے بھارت کا دوراہ کیا تھا۔ امید ہے کہ میں مستقبل قریب میں جلد بھارت جاؤں گا۔

واضح رہے کہ 10 بار آسٹریلین اوپن کے فاتح نوواک کا اتوار کو آسٹریلین اوپن کے پہلے راؤنڈ میں کروشین ڈینو پرزمک سے مقابلہ ہوگا، اس سال نوواک گولڈن سلم جیتنے کے لیے بھی بھرپور کوشش کررہے ہیں۔