میلبورن : دنیائے ٹینس کے نمبر ون کھلاڑی سربیا کے نوواک یوکووچ نے آسٹریلین اوپن کا ٹائٹل جیت لیا ہے۔ فائنل میں اینڈی مرے کو تین ایک سے شکست ہوئی۔
تفصیلات کے مطابق میلبورن میں کھیلے گئے آسٹریلین اوپن مینز سنگلز کے فائنل میں سربیائی ٹینس اسٹار نوواک یوکووچ اور انگلش حریف اینڈی مرے کے درمیان مقابلہ ہوا جو تین گھنٹے اور انتالیس سیکنڈ تک جاری رہا ۔
ٹرائی بریکر پوائنٹ پر یوکووچ نے پہلا سیٹ سات چھ سے جیتا، لیکن دوسرے سیٹ کا فیصلہ بھی ٹائی بریکر پر ہوا جو اینڈی مرے نے سات چھ کے فرق سے اپنے نام کیا۔
آخری دو سیٹس یوکووچ نےچھ تین اور چھ صفر سے جیت کر پانچویں مرتبہ آسٹریلین اوپن کا ٹائٹل اپنے اکاؤنٹ میں شامل کرلیا۔
