ARYNews.tv | Urdu – Har Lamha Bakhabar

Tag: آسکر نامزدگی

  • آسکر نامزدگی کے بعد فلم ’لاپتہ لیڈیز‘ کو نیا نام مل گیا

    آسکر نامزدگی کے بعد فلم ’لاپتہ لیڈیز‘ کو نیا نام مل گیا

    بالی ووڈ کی مایہ ناز فلم ڈائریکٹر اور اداکار عامر خان کی سابقہ اہلیہ کرن راؤ نے اپنی فلم ’لاپتہ لیڈیز‘ کو آسکر میں نامزدگی کا اعزاز ملنے کے بعد فلم کا ٹائٹل تبدیل کردیا۔

    بھارتی میڈیا کے مطابق کرن راؤ کی فلم کو ’لاپتہ لیڈیز‘ کو بھارت کی  آفیشل سرکاری انٹری کے طور پر آسکر 2025 کیلئے منتخب کیا گیا تھا۔

     

    View this post on Instagram

     

    A post shared by Lost Ladies (@lostladiesfilm)

    آسکر ایوارڈز میں نامزدگی کے بعد ایوارڈ کی اہم شرائط میں سے ایک کو پورا کرتے ہوئے فلم ’لاپتہ لیڈیز‘ کے میکرز کی جانب سے فوٹو اینڈ ویڈیو شیئرنگ ایپ انسٹاگرام پر مداحوں کو فلم کے نئے نام اور  پوسٹر سے آگاہ کیا گیا۔

     فلم ’لاپتہ لیڈیز‘ کے میکرز عامر خان پروڈکشن کی جانب سے فلم کے نام کو ہندی سے انگریزی میں کنورٹ کرتے ہوئے آسکر 2025 کیلئے فلم کا نام لاپتہ سے‘لوسٹ لیڈیز‘ میں تبدیل کیا گیا ہے۔

    عامر خان پروڈکشن کی جانب سے انسٹاگرام پر شیئر کی گئی پوسٹ کو کیپشن دیتے ہوئے فلم لاپتہ لیڈیز کے میکرز کا کہنا تھا کہ ’انتظار کی گھڑیاں ختم ہوئیں، لوسٹ لیڈیز  کے نام سے فلم لاپتہ لیڈیز  کا نیا پوسٹر آسکر میں کمپیٹ کرنے کیلئے تیار ہے‘۔

    واضح رہے کہ فلم ’لاپتہ لیڈیز ‘ بپلاب گوسوامی کی ایک ایوارڈ یافتہ کہانی پر بنائی گئی ہے جس میں پرتیبھا رانتا، سپارش شریواستو، اور نیتانشی گوئل نے اداکاری کے جوہر دکھائے۔

    فلم میں ایک ایسے شخص کی کہانی بیان کی گئی ہے جس کی دلہن ٹرین سفر کے دوران گم ہوجاتی ہے، اور اس کا دلہا گھونگھٹ کی وجہ سے پہچان نہ پانے پر دوسری دلہن کو ساتھ گھر لے آتا ہے۔

  • آسکر نامزدگی نہ بھی ملے تو اچھے کام کو فرق نہیں پڑتا، وہوپی گولڈ برگ

    آسکر نامزدگی نہ بھی ملے تو اچھے کام کو فرق نہیں پڑتا، وہوپی گولڈ برگ

    اداکار وہوپی گولڈ برگ کا کہنا ہے کہ مارگوٹ روبی اور گریٹا گیروگ کو باربی کے لیے آسکر 2024 کی نامزدگی نہ ملنا کوئی بڑی بات نہیں۔

    امریکی اداکارہ اور کامیڈین کا خیال ہے کہ آسکر میں نامزدگی نہ بھی ملے تو آپ کے اچھے کام کو کوئی فرق نہیں پڑتا، وہوپی کا میڈیا سے گفتگو کرتے ہوئے کہنا تھا کہ ہر کوئی نہیں جیت سکتا، آپ کو وہ سب کچھ نہیں ملتا جو آپ حاصل کرنا چاہتے ہیں۔

    میں اس فلم کے بارے میں جانتی ہوں، جو کہ اچھی ہے اور اس نے کافی پیسے بھی کمائے ہیں لیکن ہر کسی فلم کے بارے میں ایک جیسا خیال نہیں ہوسکتا۔

    انھوں نے کہا کہ فلم کو نظر انداز کرنے جیسی کوئی چیز نہیں ہوتی اور آپ کو یہ بات ذہن میں رکھنا ہے کہ ہر ایک کو انعام نہیں ملتا ہے۔

    امریکی اداکارہ نے کہا کہ ہر فلم کا موضوع مختلف ہوتا ہے۔ آپ جو فلمیں پسند کرتے ہیں، ہوسکتا ہے کہ ووٹ ڈالنے والے لوگوں کو وہ فلمیں پسند نہ ہوں۔

    باربی نے آسکر کے لیے آٹھ نامزدگیاں حاصل کی تھیں لیکن کمائی اور تنقیدی لحاظ سے ایک ہٹ فلم ہونے کے باوجود وہ آسکر کی بڑی کیٹیگریز میں نامزدگی حاصل کرنے سے محروم رہی تھی۔

    واضح رہے کہ وہوپی کو نہ صرف فلم گھوسٹ کے لیے اکیڈمی ایوارڈ مل چکا ہے بلکہ انھوں نے چار بار اس باوقار تقریب کی میزبانی کے فرائض بھی انجام دیے ہیں۔ وہ اکیڈمی بورڈ کا حصہ بھی رہ چکی ہیں۔