ARYNews.tv | Urdu – Har Lamha Bakhabar

Tag: آصفہ بھٹو زرداری

  • آصفہ بھٹو کا دبئی میں گلوبل ویمنز فورم سے خطاب

    آصفہ بھٹو کا دبئی میں گلوبل ویمنز فورم سے خطاب

    دبئی: خاتونِ اول اور رکنِ پارلیمنٹ آصفہ بھٹو زرداری نے گلوبل ویمنز فورم میں کہا کہ خواتین خود پر یقین رکھیں اور اپنی اقدار پر ثابت قدم رہیں۔

    تفصیلات کے مطابق خاتونِ اول اور رکنِ پارلیمنٹ آصفہ بھٹو زرداری نے دبئی میں گلوبل ویمنز فورم میں شرکت کی اور پاکستان میں خواتین کے مثبت کردار پر روشنی ڈالی۔

    بئی میں ہونے والے گلوبل ویمنز فورم سے خطاب میں آصفہ بھٹو نے اپنے پیغام میں کہا کہ نوجوان خواتین خود پر یقین رکھیں اور اپنی اقدار پر ثابت قدم رہیں اور اپنی آواز کی طاقت کو کبھی کم نہ سمجھیں۔

    رکنِ پارلیمنٹ نے دبئی کلچر اینڈ آرٹس اتھارٹی کی چیئرپرسن اور دبئی کونسل کی رکن، عزت مآب شیخہ لطیفہ بنت محمد بن راشد المکتوم کے ساتھ دوطرفہ ملاقات کی۔

    گذشتہ روز صدر مملکت آصف علی زرداری کی صاحبزادی اور رکن قومی اسمبلی نے اماراتی وزیراعظم شیخ محمد بن راشد المکتوم سے دبئی میں ملاقات کی ویڈیو شیئر کی اور ساتھ ہی لکھا تھا کہ شیخ محمد بن راشد المکتوم سے ملاقات اعزاز ہے۔

    انھوں نے بتایا تھا شیخ راشد المکتوم نے والدہ بینظیر بھٹو سے خوشگوار ملاقات کی احوال دہرایا اور بولے کہ انہیں وہ دن یاد ہیں جب میں اور میرے بہن بھائی چھوٹے تھے۔

  • پاکستان پیپلز پارٹی نے آصفہ بھٹو کی سیاست میں لانچنگ موخرکردی

    پاکستان پیپلز پارٹی نے آصفہ بھٹو کی سیاست میں لانچنگ موخرکردی

    پاکستان پیپلز پارٹی کی جانب سے آصفہ بھٹو زرداری کی سیاست میں لانچنگ موخر کردی گئی ہے۔ فی الحال وہ انتخاب نہیں لڑیں گی۔

    تفصیلات کے مطابق چیئرمین پیپلزپارٹی بلاول بھٹور زرداری کی ہمشیرہ آصفہ بھٹو کی سیاست میں لانچنگ کو موخر کردیا گیا ہے۔ آصفہ بھٹوزرداری قومی و صوبائی اسمبلی کی نشست پرانتخاب نہیں لڑیں گی۔

    آصفہ بھٹو نے کسی بھی حلقے سے کاغذات نامزدگی جمع نہیں کرائے۔ آصفہ کا نام پی پی کی جانب سے مخصوص نشستوں کی فہرست میں بھی نہیں ہے۔

    پیپلز پارٹی کا کہنا ہے کہ بلاول بھٹو زرداری کئی حلقوں سے الیکشن لڑ رہے ہیں۔ بلاول کی کامیابی کے بعد آصفہ بھٹوکی انتخابی سیاست میں انٹری کا فیصلہ ہوگا۔

    واضح رہے کہ پی پی چیئرمین بلاول بھٹو نے 8 فروری 2024 کا الیکشن لڑنے کے لیے اپنی والدہ سابق وزیراعظم بینظیر بھٹو کے روایتی حلقے این اے 196 لاڑکانہ کا انتخاب کیا ہے۔

    بلاول بھٹو زرداری آج لاڑکانہ پہنچ رہے ہیں جہاں وہ عام انتخابات کے سلسلے میں دو قومی حلقوں پر اپنے کاغذات نامزدگی فارم جمع کروائیں گے۔

    بلاول بھٹو زرداری نے اس بار انتخابات میں اترنے کے لیے لاڑکانہ اور قمبر شہدادکوٹ کا انتخاب کیا ہے۔ وہ قومی اسمبلی کے حلقے این اے 194 اور اپنی والدہ بینظیر بھٹو کے روایتی انتخابی حلقے این اے 196 سے فارم جمع کرائیں گے۔

  • آصف زرداری نے بھی کرونا ویکسین کی پہلی ڈوز لگوا لی

    آصف زرداری نے بھی کرونا ویکسین کی پہلی ڈوز لگوا لی

    کراچی: سابق صدر آصف علی زرداری نے بھی کرونا ویکسین کی پہلی ڈوز لگوا لی۔

    تفصیلات کے مطابق آصفہ بھٹو زرداری نے  ٹوئٹر اکاؤنٹ پر اپنے والد آصف زرداری کی تصویر شیئر کی ہے جس میں وہ کرونا ویکسین کا انجیکشن لگوا رہے ہیں۔

    آصفہ نے ٹوئٹ میں لکھا کہ میرے والد آصف زرداری نے کرونا ویکسین کی پہلی ڈوز لگوا لی، یہ کرونا ویکسین محفوظ اور کارآمد بھی ہے۔

    آصفہ بھٹو زرداری نے اپنے والد کو کرونا ویکسین لگنے پر اطمینان کا اظہار بھی کیا، انھوں نے لکھا آج اپنے والد کو ویکسین کی پہلی ڈوز لیتے دیکھ کر مجھے بہت اطمینان ہو گیا ہے۔

    انھوں نے ٹوئٹ میں یہ بھی کہا کہ اپنے والدین اور اپنے پیاروں کو کرونا ویکسین لگوانے پر راغب کریں، یہ محفوظ اور مؤثر ہے۔

  • سندھ اسمبلی: پیپلزپارٹی کی پارلیمانی پارٹی میں بڑی بغاوت کا امکان

    سندھ اسمبلی: پیپلزپارٹی کی پارلیمانی پارٹی میں بڑی بغاوت کا امکان

    سندھ اسمبلی: پیپلزپارٹی کی پارلیمانی پارٹی میں بڑی بغاوت کا امکان

    کراچی: سندھ اسمبلی میں لنکا ڈھانے کی گونج سنائی دینے لگی، سندھ اسمبلی میں پیپلزپارٹی کی پارلیمانی پارٹی میں بڑی بغاوت کا امکان ہے۔

    تفصیلات کے مطابق پیپلزپارٹی کے ارکان سندھ اسمبلی کی پارٹی مخالف سرگرمیاں جاری ہیں، پارٹی قیادت نے سندھ اسمبلی میں سنگین صورت حال کا نوٹس لے لیا۔

    [bs-quote quote=”آصف زرداری اور فریال تالپور جیل میں ہیں تو کوئی پارٹی کو لاوارث نہ سمجھے” style=”style-8″ align=”left” author_name=”آصفہ بھٹو”][/bs-quote]

    ذرائع کا کہنا ہے کہ اسپیکر سندھ اسمبلی اور پیپلزپارٹی کے سینئر رہنما آغا سراج درانی کے غیرمعمولی رابطوں، ارکان سے ملاقاتوں پر پارٹی قیادت پریشان ہے۔

    پیپلزپارٹی نے سندھ اسمبلی میں پارلیمانی پارٹی کے حوالے سے انتہائی فیصلوں پر غور شروع کردیا، اسپیکر سندھ اسمبلی کی تبدیلی اور دیگر اہم فیصلوں پر مشاورت کا سلسلہ تیز کردیا گیا ہے۔

    اس سلسلے میں آصفہ بھٹو نے بھی ارکان سندھ اسمبلی سے الگ الگ ملاقاتیں کی ہیں۔

    آصفہ بھٹو زرداری کا کہنا تھا کہ آصف زرداری اور فریال تالپور جیل میں ہیں تو کوئی پارٹی کو لاوارث نہ سمجھے۔

    آصفہ بھٹو نے کہا کہ پیپلزپارٹی کے کارکنان قیادت کے ساتھ متحد ہیں، سندھ اسمبلی میں جو کچھ ہورہا ہے سب علم ہے، بلاول بھٹو کل سندھ اسمبلی آرہے ہیں۔

  • عوام بلاول بھٹو میں پاکستان کا مستقبل دیکھتے ہیں، آصفہ بھٹو زرداری

    عوام بلاول بھٹو میں پاکستان کا مستقبل دیکھتے ہیں، آصفہ بھٹو زرداری

    کراچی : پیپلزپارٹی کی شہید رہنما بے نظیر بھٹو کی صاحبزادی آصفہ بھٹو زرداری نے کہا ہے کہ عوام بلاول بھٹو میں پاکستان کا مستقبل دیکھتے ہیں، بلاول بھٹو صرف میرا ہی نہیں بلکہ آپ سب کابھی بھائی ہے۔

    یہ بات انہوں نے پہلی بارہولو گرام کے ذریعہ کارکنان سے خطاب کرتے ہوئے کہی، انہوں نے کہا کہ بینظیر بھٹو کی شہادت کے بعد میرے والد نے پاکستان کھپے کانعرہ لگا کر ملک کو بچایا، آصف زرداری نے اپنے دور صدارت میں عوامی اختیارات نچلی سطح پر منتقل کیے۔

    آصفہ بھٹوزرداری کا کہنا تھا کہ آج پاکستان بہت نازک دور سے گزر رہا ہے اور پیپلزپارٹی کے سوا کوئی بھی جماعت پاکستان کو بحران سے نہیں نکال سکتی، پی پی کو ہمیشہ اس وقت اقتدار ملاجب ملک بحرانوں کا شکار ہوتا ہے، پی پی نے انتقامی سیاست نہیں کی بلکہ ہمیشہ جمہوریت کی بات کی ہے۔

    انہوں نے کہا کہ بلاول بھٹو بھی بی بی شہید کی طرح عوام کا درد محسوس کرتےہیں، عوام بلاول بھٹو میں پاکستان کا مستقبل دیکھتے ہیں، پاکستان کے عوام بلاول بھٹوکی قیادت میں متحد ہیں۔

    پیپلزپارٹی کو صرف اور صرف عوام کا مفاد عزیز ہے، بلاول بھٹو صرف میرا ہی نہیں بلکہ آپ سب کابھی بھائی ہے، امید ہے آپ جوش اور ولولے کے ساتھ بلاول کے دست وبازو بنیں گے۔

    آصفہ بھٹو نے مزید کہا کہ پی پی کے بانی ذوالفقار علی بھٹو شہید نے پاکستان کو پہلامتفقہ آئین دیا، جتنا پی پی کو مٹانے کی کوشش کی گئی یہ اتنے ہی عزم سے ہم اٹھتی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • بختاور اور آصفہ بھٹو کی لیاری آمد،پرتپاک استقبال

    بختاور اور آصفہ بھٹو کی لیاری آمد،پرتپاک استقبال

    کراچی : پاکستان پیپلز پارٹی کی شہید چیرمین بے نظیر بھٹو زرداری کی صاحبزادیاں بختاور بھٹو زرداری اور آصفہ بھٹو زرداری نے لیاری کا دورہ کیا،عوام نے پرتپاک استقبال کیا۔

    تفصیلات کے مطابق پاکستان پیپلز پارٹی کی شہید سربراہ بے نظیر بھٹو کی دونوں صاحبزادیاں بختاور بھٹو زرداری اور آصفہ بھٹو زرداری نے بغیر پروٹوکول کے لیاری کا دورہ کیا،وہ عوام میں گُھل مل گئیں اور پیدل ہی عوام کے ہمراہ لیاری کے گلی کوچوں کا دورہ کیا۔

    رکن صوبائی اسمبلی جاوید ناگوری اور نادیہ گبول کے ساتھ عوام کی بڑی تعداد نے لیاری کے روایتی رقص ،موسیقی اور پارٹی نغموں کی دھنوں میں بختاور بھٹو اور آصفہ بھٹو پر گُل پاشی کرتے ہوئے شاندار استقبال کیا۔

    ppp-post

    اس موقع پر لیاری کی خواتین کا جذبہ دیدنی تھا انہوں نے دونوں بہنوں کو گلے لگایا ماتھے چومے اور دعائیں دیں،عوام کا کہنا تھا کہ دونوں صاحبزادیوں کی آمد نے شہید ذوالفقار بھٹو اور بے نظیر بھٹو کی یاد تازہ کردی۔

    اس موقع پر لیاری کے عوام نے آصفہ بھٹو اور بختاور بھٹو کو لیاری کے مسائل سے آگاہ کیا اور بلدیاتی محکموں،کے الیکٹرک،پولیس سمیت دیگر صحت کی ناکافی سہولیات سے متعلق تحریری شکایات پیش کیں۔

  • کراچی، بختاور اور آصفہ بھٹو زرداری کا ہیٹ اسٹروک کیمپ کا دورہ

    کراچی، بختاور اور آصفہ بھٹو زرداری کا ہیٹ اسٹروک کیمپ کا دورہ

    کراچی: بختاور بھٹو زرداری اور آصفہ بھٹو زرداری اچانک کراچی میں قائم ہیٹ اسٹروک کیمپ پہنچ گئیں۔

    کراچی میں گرم ی شدت کے باعث ہیٹ اسٹروک کیمپ قائم کئے گئے ہیں،بختاور بھٹو زرداری اور آصفہ بھٹو زرداری اچانک گزری میں قائم ہیٹ اسٹروک سینٹر پہنچ گئیں۔

    صوبائی وزیر بلدیات جام خان شورو بھی ان کے ہمراہ تھے، جنہوں نے ہیٹ اسٹروک کے حوالے سے بریفنگ دی۔

    بختاور بھٹو زرداری کا کہنا تھا کہ ہیٹ اسٹروک سے بچاؤ کیلئے ہرممکن اقدامات اٹھائے جائیں۔

  • پاکستانی ہیروز کی وجہ سے مجھے پاکستانی ہونے پر فخر ہے، آصفہ بھٹو

    پاکستانی ہیروز کی وجہ سے مجھے پاکستانی ہونے پر فخر ہے، آصفہ بھٹو

    کراچی : سابق  صدر آصف علی زرداری کی صاحبزادی نے کہا کہ ملالہ ، اعتزاز حسن اور کئی لوگوں کی وجہ سے مجھے پاکستانی ہونے پر فخر ہے ۔

    سماجی رابطے کی ویب سائٹ ٹوئٹر پر اپنے ٹوئٹ میں آصفہ بھٹو ذرداری کا کہنا تھا کہ  ملالہ یوسفزئی  ، اعتزاز حسن سابق اقلیتی وزیر شہباز بھٹی اور سابق گورنر پنجاب سلمان تاثیر پاکستان کے ہیروز تھے۔

  • آصفہ بھٹو زرداری کا لیاری جنرل اسپتال کا دورہ،مریضوں سے ملاقات

    آصفہ بھٹو زرداری کا لیاری جنرل اسپتال کا دورہ،مریضوں سے ملاقات

    کراچی : آصفہ بھٹو زرداری نے مریضوں کو دستیاب صحت کی سہولیات کا جائزہ لینے کیلئے لیاری جنرل اسپتال کا دورہ کیا۔

    اس موقع پر انہوں نے خواتین اور بچوں کے وارڈ کے علاوہ مختلف وارڈزکا دورہ بھی کیا اورمریضوں سے ان کی صحت اور علاج سے متلعق احوال دریافت کیا۔

    آصفہ بھٹو زرداری نے لیاری آمد پر اسپتال کی عمارت کے باہرمریضوں کے عزیزوں سے ملاقات بھی کی۔ اس موقع پر لوگوں نے جئے بھٹو کے نعرے بھی لگائے۔

    آصفہ بھٹو کا کہنا تھا کہ لیاری کے لوگوں سے مل کر اپنائیت کااحساس ہوتا ہے ۔ انھوں نے غریب مریضوں کے لئے لیاری جنرل اسپتال میں پیشنٹ ویلفیئر سوسائٹی کے قیام کی یقین دہانی بھی کرائی۔

  • آصفہ بھٹو زرداری نے انسداد پولیو مہم کا آغاز کر دیا

    آصفہ بھٹو زرداری نے انسداد پولیو مہم کا آغاز کر دیا

    انسداد پولیو مہم کی سفیرآصفہ بھٹو زرداری نے انسداد پولیو مہم کا آغاز گذری کلفٹن سے کردیا،اس موقع پرانہوں نے بچوں کو پولیو کے قطرے پلا کرمہم کا آغاز کیا۔ آصفہ بھٹو زرداری نے پانچ سال کی عمر سے کم بچوں کو پولیو سے بچاؤ کے قطرے پلائے۔

    اس موقع پر آصفہ بھٹو زرداری نے ملک سے پولیو جیسے مہلک مرض کے مکمل خاتمہ کے لئے ہر ممکن اقدامات کرنے کی ہدایت کرتے ہوئے کہا ہے کہ ہمیں ملک کو پولیو سے پاک ملک بنانا ہے جیسا کہ شہید محترمہ بے نظیر بھٹو کے دور حکومت میں یہ ہدف حاصل ہوا تھا ۔

    انہوں نے کہا کہ ان کی والدہ شہید محترمہ بے نظیر بھٹو نے نے انہیں پولیو کے قطر ے پلا کر پولیو کے خلاف پہلی مہم کا آغاز کیا تھا اور آج میں اپنی والدہ کے نقش قدم پر گامزن ہوں۔ انہوں نے والدین پر زور دیتے ہوئے کہا کہ پولیو سے پاک پاکستان کے لئے اپنے بچوں کو پولیو کے قطرے ضرور پلوائیں۔

    اس موقع پر سندھ کے وزیر اطلاعات شرجیل انعام میمن رکن قومی اسمبلی محترمہ عذرا فضل پہیچوہو شہناز وزیر علی بھی موجود تھیں۔