Tag: آصفہ بھٹو

ملتان: پیپلزپارٹی کی رہنما آصفہ بھٹو کا کہنا ہے کہ بلاول بھٹو گرفتار ہوں گے تو پیپلزپارٹی کی خواتین جدوجہد کے لیے تیار ہیں۔

اے آر وائی نیوز کی رپورٹ کے مطابق پیپلزپارٹی کی رہنما آصفہ بھٹو زرداری نے ملتان میں پی ڈی ایم کے جلسے سے خطاب کرتے ہوئے کہا کہ ان کو لگتا ہے ہم گرفتاریوں سے ڈر جائیں گے تو یہ ان کی بھول ہے، وعدہ کرتی ہوں میں بھی آپ کے ساتھ رہوں گی۔

انہوں نے کہا کہ یوم تاسیس پر پیپلزپارٹی کے تمام شہدا کو سلام پیش کرتی ہوں، آج آپ کے درمیان ایسے وقت میں آئی جب بلاول کورونا میں مبتلا ہیں، جس طرح دختر مشرق کا ساتھ دیا امید ہے آپ بلاول کا بھی ساتھ دیں گے۔

آصفہ بھٹو نے کہا کہ ذوالفقار بھٹو کے مشن اور محترمہ کے خواب کو پورا کریں گے، ملتان کی عوام نے آج اپنا فیصلہ دے دیا ہے، عوام کی شکر گزار ہوں کہ وہ باہر نکلے۔

مزید پڑھیں: نواز شریف جیسا فرمانبردار بیٹا پورے پاکستان میں نہیں، مریم نواز

واضح رہے کہ اس سے قبل مریم نواز نے حکومت پر تنقید کرتے ہوئے کہا تھا کہ کورونا پہلے پوچھتا ہے کہ یہ پی ڈی ایم کا جلسہ ہے تو میں اندر آجاؤں، کورونا پوچھتا ہے حکومتی جلسہ ہے تو میں واپس چلا جاؤں، پی ڈی ایم اور ن لیگ اور پی پی کے جلسے میں کورونا آتا ہے۔

ان کا کہنا تھا کہ ملکی معیشت، ملکی ترقی، روزگار، نظام عدل کو کون سا وائرس لگا ہے، گندم کی چوری، چینی کو کون سا وائرس لگا ہے، اس وائرس کا نام ملتان کی عوام جانتی ہے۔

کراچی: پاکستان پیپلز پارٹی کی رہنما شہلا رضا نے کہا ہے کہ سابق صدر آصف علی زرداری کو ضمانت کے لیے راضی کرنے والی کوئی اور نہیں بلکہ ان کی صاحب زادی آصفہ بھٹو ہیں۔

تفصیلات کے مطابق شہلا رضا نے کہا ہے کہ آصفہ بھٹو نے آصف زرداری کو ضمانت کے لیے راضی کیا ہے، انھوں نے کہا کہ سابق صدر کی طبیعت ٹھیک نہیں ہے، علاج کی ضرورت ہے، ان کے باہر جانے کے حوالے سے ابھی فیصلہ نہیں کیا گیا۔

شہلا رضا کا کہنا تھا کہ الیکشن کمیشن سندھ اور بلوچستان کے نمایندوں کو حکومت نے نظر انداز کیا، پارلیمنٹ میں حکومت کا رویہ مناسب نہیں ہے۔

یاد رہے کہ گزشتہ روز پیپلز پارٹی نے آصف زرداری کی طبی بنیادوں پر ضمانت کرانے کا اعلان کیا تھا، چیئرمین پی پی بلاول بھٹو کا کہنا تھا کہ طبی بنیادوں پر آصف زرداری کی ضمانت کے لیے جلد درخواست دائر کی جائے گی۔

یہ بھی پڑھیں:  پیپلزپارٹی کا آصف زرداری کی طبی بنیادوں پر درخواست ضمانت دائر کرنے کا اعلان

اسلام آباد میں میڈیا سے گفتگو کرتے ہوئے بلاول بھٹو نے کہا تھا کہ آصف زرداری کا مؤقف تھا کہ ضمانت کے لیے درخواست نہیں دیں گے مگر اب آصفہ بھٹو نے ان کو طبی بنیادوں پر ضمانت حاصل کرنے پر آمادہ کر دیا ہے۔

خیال رہے کہ سابق صدر آصف زرداری نے درخواست ضمانت دینے سے روکا ہوا تھا البتہ اب وہ اس بات پر رضا مند ہو گئے ہیں کہ ان کی ضمانت کرائی جائے۔