Tag: آصف زرداری

اسلام آباد: وزیر داخلہ شیخ رشید احمد نے کہا ہے کہ زرداری ووٹوں کی خریداری میں پی ایچ ڈی ہیں لیکن اس بار آصف زرداری کو مایوسی ہوگی۔

ان خیالات کا اظہار وہ ایک تقریب میں خطاب کرتے ہوئے کر رہے تھے، انھوں نے کہا سینیٹ انتخابات میں کوئی سرپرائز نہیں ہوگا، انتخابات میں کامیابی عمران خان کو ملے گی۔

شیخ رشید کا کہنا تھا سینیٹ میں عمران خان جیتنے جا رہا ہے، 3 مارچ سے اس ملک میں سیاست شروع ہوگی، اور 4 مارچ سے عمران خان کے سیاسی ستاروں کا عروج ہوگا، ہمیں پوری امید ہے سینیٹ انتخابات میں حفیظ شیخ جیتیں گے، جتنے مرضی سرپرائز ہوں، 4 مارچ کو عمران خان وکٹری سیٹ پر ہوگا۔

وزیر داخلہ نے کہا مریم اور نواز شریف نیب اور عدالت کے کہنے پر ای سی ایل لسٹ میں ہیں، نواز شریف کے پاسپورٹ کی مدت آج رات ختم ہو رہی ہے، واپس آنا چاہیں تو ایمرجنسی ٹریولنگ ڈاکومنٹ دیا جا سکتا ہے۔

حکومت مریم نواز کو بیرون ملک جانے کی اجازت نہیں دے گی: شبلی فراز

انھوں نے مزید کہا کہ لانگ مارچ کے لیے پی ڈی ایم اسلام آباد آنا چاہیے تو شوق پورا کرے، کچھ نہیں ہونا، آرام سے آئے تو کوئی رکاوٹ نہیں ہوگی، اسلام آباد والوں کو تنگ کریں نہ وہ آپ کو تنگ کریں گے۔

واضح رہے کہ وزیر اطلاعات نے بھی آج واضح کر دیا ہے کہ نواز شریف کو پاسپورٹ تو نہیں دیا جا سکتا، ہاں ٹریول ڈاکومنٹ دیا جا سکتا ہے، جب کہ مریم نواز کے بارے میں شبلی فراز نے حکومتی عندیہ دیا کہ انھیں باہر نہیں جانے دیا جائے گا۔

راولپنڈی:وزیرریلوے شیخ رشید کا کہنا ہے کہ آصف زرداری ابھی بھی کسی معافی اور این آر او کی تلاش میں ہیں، کل این آراو کو پاکستان میں ہمیشہ کیلئے دفن کردیا گیا ہے۔

تفصیلات کے مطابق وفاقی وزیرریلوے شیخ رشید نے ریلوےاسپتال ،نئےایمرجنسی بلاک کی افتتاحی تقریب سے خطاب کرتے ہوئے کہاریلوے اسپتال میں 14آپریشن تھیٹر قائم کئے گئے ہیں، راولپنڈی میں تعلیمی شعبے کی ترقی کیلئے اقدامات پر خوشی ہے ، ڈاکٹرز نے بہت بڑی قربانی دی میں خود موت کے منہ سے باہر آیاہوں، ایک نرس نے14دن قرنطینہ میں رہ کر آئی اور پھراپنی ڈیوٹی انجام دی۔

بھارت میں کورونا صورتحال کے حوالے سے وفاقی وزیرریلوے کا کہنا تھا کہ بھارت میں کورونا کی وجہ سے 24فیصد معیشت گر گئی ہے ، بھارت کا غرور اور تکبر اس کو لے ڈوبا ہے ، بھارت میں صرف آج کےدن 1300اموات ،90ہزار سےزائدکیسز ہیں۔

شیخ رشید نے کہا کہ تمام توجہ عوامی مسائل کے حل پر مرکوز ہے ، تمام اسپتالوں اور اسکولوں کو بھی پرائیوٹائز کیا جائے گا، چاہتے ہیں ریلوے مزدور کے بچوں کو بھی اسکول میں پڑھایاجائے۔

ان کا کہنا تھا کہ عمران خان نے بارگیننگ نہیں کی ، نیب کیسز پر جھکاؤ نہیں کیا، اپوزیشن 20تاریخ کو کوئی بڑا فیصلہ نہیں کرسکتی ، جو بل منظور نہیں ہونے والے تھے وہ بھی کل حکومت نے منظور کرالئے، قانون کونہیں روندا گیا ، تقریر وہ کرسکتا ہے جس نے ترامیم دی ہو، شاہدخاقان نے ترامیم دی تھی مگر انھوں نے تقریر کےبجائے دیگرچیزوں پر توجہ دی۔

وفاقی وزیر نے ایک بار پھر کہا کہ اپوزیشن کی 20تاریخ کی اےپی سی ناکام ہوگی، اپوزیشن احتجاج اور دھرنوں کے سوا کچھ نہیں کرے گی، کل شام بلاول اور شہبازشریف سے ملاقات ہوئی سب خوش باش ہیں ، شہبازشریف کا تھوڑا مورال کم ہے ، کوئی ریڈ لائن کراس نہیں کی گئی، مسلم لیگ(ن) سے ش کا نکلنا طے ہے۔

شیخ رشید کا مزید کہنا تھا کہ بھارت کی سازش تھی کہ پاکستان میں شیعہ سنی فساد کرائے ، ہمیں کسی عقیدے کو چھیڑنا ہے اور نہ اپنےعقیدے کو چھوڑنا ہے۔

انھوں نے کہا کہ پاکستانی عوام اور ادارے اپنےملک کا تحفظ کرنا جانتے ہیں، آصف زرداری ابھی بھی کسی معافی اور این آر او کی تلاش میں ہیں، کل این آراو کو پاکستان میں ہمیشہ کیلئے دفن کردیا گیا ہے۔