Tag: آصف زرداری

کراچی: پاکستان پیپلز پارٹی کی رہنما شہلا رضا نے کہا ہے کہ سابق صدر آصف علی زرداری کو ضمانت کے لیے راضی کرنے والی کوئی اور نہیں بلکہ ان کی صاحب زادی آصفہ بھٹو ہیں۔

تفصیلات کے مطابق شہلا رضا نے کہا ہے کہ آصفہ بھٹو نے آصف زرداری کو ضمانت کے لیے راضی کیا ہے، انھوں نے کہا کہ سابق صدر کی طبیعت ٹھیک نہیں ہے، علاج کی ضرورت ہے، ان کے باہر جانے کے حوالے سے ابھی فیصلہ نہیں کیا گیا۔

شہلا رضا کا کہنا تھا کہ الیکشن کمیشن سندھ اور بلوچستان کے نمایندوں کو حکومت نے نظر انداز کیا، پارلیمنٹ میں حکومت کا رویہ مناسب نہیں ہے۔

یاد رہے کہ گزشتہ روز پیپلز پارٹی نے آصف زرداری کی طبی بنیادوں پر ضمانت کرانے کا اعلان کیا تھا، چیئرمین پی پی بلاول بھٹو کا کہنا تھا کہ طبی بنیادوں پر آصف زرداری کی ضمانت کے لیے جلد درخواست دائر کی جائے گی۔

یہ بھی پڑھیں:  پیپلزپارٹی کا آصف زرداری کی طبی بنیادوں پر درخواست ضمانت دائر کرنے کا اعلان

اسلام آباد میں میڈیا سے گفتگو کرتے ہوئے بلاول بھٹو نے کہا تھا کہ آصف زرداری کا مؤقف تھا کہ ضمانت کے لیے درخواست نہیں دیں گے مگر اب آصفہ بھٹو نے ان کو طبی بنیادوں پر ضمانت حاصل کرنے پر آمادہ کر دیا ہے۔

خیال رہے کہ سابق صدر آصف زرداری نے درخواست ضمانت دینے سے روکا ہوا تھا البتہ اب وہ اس بات پر رضا مند ہو گئے ہیں کہ ان کی ضمانت کرائی جائے۔

لاہور: امیر جماعت اسلامی پاکستان سینیٹر سراج الحق نے پیپلزپارٹی کے چیئرمین بلاول بھٹوسے ٹیلی فونک رابطہ کرکے سابق صدر آصف زرداری کی خیریت دریافت کی۔

تفصیلات کے مطابق امیرجماعت اسلامی سینیٹر سراج الحق نے بلاول بھٹو کو فون کیا جس میں دونوں رہنماؤں نے ملکی سیاسی صورت حال پر تبادلہ خیال کیا۔

سراج الحق نےبلاول بھٹو سے آصف زرداری کی صحت سے متعلق دریافت کیا اور سابق صدر کے لیے نیک تمناؤں کا پیغام پہنچایا۔

سراج الحق نے کہا کہ آصف زرداری کی طبیعت خرابی کی خبروں پرتشویش ہے،آصف زرداری کی صحتیابی کےلئےدعاگوہوں۔

جس پر بلاول بھٹو کا کہنا تھا کہ سابق صدرنےطبی بنیادوں پرضمانت لینےسے انکارکردیاہےجب کہ سابق صدرکوذاتی معالج تک رسائی نہیں دی جارہی۔

چیئرمین پیپلزپارٹی کا کہنا تھا کہ آصف زرداری کی خیریت دریافت کرنےپرسراج الحق کامشکورہوں اور موجودہ ملکی حالات میں باہمی رابطےضروری ہیں۔

اسلام آباد: پاکستان پیپلز پارٹی نے مطالبہ کیا ہے کہ سابق صدر آصف زرداری کے علاج کے لیے نجی میڈیکل بورڈ بنایا جائے، سرکاری بورڈ نے آصف زرداری کی صحت کو لاحق سنجیدہ مسائل کی نشان دہی کی ہے۔

تفصیلات کے مطابق پی پی نے جیل حکام کو نجی طبی بورڈ کے لیے درخواست دے دی ہے، جس میں مطالبہ کیا گیا ہے کہ سرکاری بورڈ کی جانب سے آصف زرداری کی صحت کو لاحق سنجیدہ مسائل کی نشان دہی کے بعد خاندان اور پارٹی کے اطمینان کے لیے نجی ڈاکٹروں اور ماہرین کا بورڈ بنایا جائے۔

جیل حکام کو لکھے گئے خط کے متن میں کہا گیا ہے کہ نجی میڈیکل بورڈ کا مطالبہ سرکاری ڈاکٹروں کی سفارشات کی روشنی میں کیا گیا ہے، سرکاری بورڈ نے آصف زرداری کی صحت کے حوالے سے خطرے کا اظہار کیا، بورڈ نے کہا شریانوں میں خون کا جمنا آصف زرداری کی زندگی کے لیے خطرناک ہے، شوگر لیول بھی خطرناک حد تک اوپر نیچے ہو رہا ہے۔

تازہ ترین:  نواز شریف اور مریم نواز جاتی امرا پہنچ گئے

خط میں مزید کہا گیا ہے کہ آرتھو بیڈنگ نہ ملنے سے کمر کے دیرینہ مرض نے شدت اختیار کرلی ہے، سرکاری بورڈ نےعلاج کے لیے نیورولوجسٹ کی مدد لینے کی بھی سفارش کی ہے۔

دریں اثنا، بلاول بھٹو کے ترجمان مصطفیٰ نواز کھوکھر نے کہا ہے کہ قانون ہر شخص اور قیدی کے علاج معالجے کی ضمانت دیتا ہے، آصف زرداری کے علاج کا مطالبہ رعایت نہیں بلکہ قانونی حق ہے۔ ترجمان سندھ حکومت مرتضیٰ وہاب کہتے ہیں وفاق کو ہوش کے ناخن لینے چاہئیں، آصف زرداری کو ذاتی معالج سے ملنے کی اجازت دی جائے۔