اسلام آباد : احتساب عدالت نے صدر مملکت آصف علی زرداری اور نواز شریف کے خلاف توشہ خانہ گاڑیوں کا ریفرنس نیب کو واپس بھیجنے کے حوالے سے محفوظ فیصلہ کرلیا۔
تفصیلات کے مطابق احتساب عدالت اسلام آباد کی جج عابدہ سجاد نے نواز شریف، آصف علی ذرداری اور یوسف رضا گیلانی کیخلاف توشہ خانہ گاڑیوں کے ریفرنس پر سماعت کی۔
نواز شریف کے وکیل قاضی مصباح اور پلیڈر رانا عرفان جبکہ صدر مملکت کے وکیل فاروق ایچ نائیک بھی احتساب عدالت پیش ہوئے۔
فاروق ایچ نائیک نےکہاریفرنس میں مجموعی طور پر 5 ملزمان ہیں،نیب ترامیم کے بعد یہ کیس اس عدالت کا دائرہ اختیار نہیں بنتا، کیس 80.5 ملین کا ہے یعنی 500 ملین سے کم کا الزام ہے، کیس کو واپس چیئرمین نیب کو بھیج دیا جائے۔ جج نے ریمارکس دیےتمام فریقین اس نقطہ پر متفق ہیں کہ ریفرنس اِس عدالت کا دائرہ اختیار نہیں، جب یہ کیس آیا تھا اس وقت آصف علی ذرداری کو صدارتی استثنیٰ نہیں ملا تھا۔
فاروق ایچ نائیک کا کہنا تھا کہ آصف علی ذرداری پہلے بھی صدر بنے تو استثنیٰ لیا، آصف علی ذرداری جب صدارت سے اترے تو دوبارہ نیب میں پیش ہوئے تھے، احتساب عدالت ریفرنس واپس بھیج دے، آگے نیب کا اختیار کیس کس کو بھیجتی ہے،اب کیس جس کے پاس جائے گا وہاں سوال ہوگا کہ کیا آصف علی ذرداری پر کیس بنتا ہے یا نہیں۔
وکیل قاضی مصباح نے کہا اس سے قبل جب عدالت نے فیصلہ کیا تو کیس واپس نیب کو بھیجا گیا، سابق چیف جسٹس عمر عطا بندیال کے فیصلے کی روشنی میں کیس واپس احتساب عدالت میں آیا۔
وکیل کا کہنا تھا کہ نیب پراسیکیوٹر نےکہاالزام ہے آصف علی زرداری نے چیک دیا جو باؤنس ہوگیا، جب ایک کیس احتساب عدالت کا دائرہ اختیار ہی نہیں تو میرٹ ڈسکس نہیں ہوں گے، عدالت نے فیصلہ کرنا ہے کہ ریفرنس واپس نیب کو بھیجا جائے گا یا نہیں، صدر آصف علی ذرداری کو صدارتی استثنیٰ ہے، صدر کے خلاف کیس چل ہی نہیں سکتا۔
وکیل نے مزید کہا کہ آصف علی ذرداری کا کیس ایف آئی اے کو بھیج دیا جائے گا اور نواز شریف کا کیس الگ ہوگا اور آصف علی زرداری کا کیس الگ چلے گا،اس سے قبل جب کیس واپس بھیجا گیا تھا تو آصف علی ذرداری صدر نہیں تھے، عدالت صدر زرداری کو پہلے ہی استثنیٰ دے چکی ہے، یہ کیس یہی رکا رہے گا جب تک آصف علی زرداری صدر ہیں،عدالت نواز شریف کی حد تک ریفرنس واپس بیجھ دے آصف علی زرداری کی حد تک سٹے رکھے۔
فاروق ایچ نائیک نےکہااگر عدالت کیس واپس کرنے کی بجائے کسی اور عدالت بیجھے گی تو یہ میرٹ کو ڈسکس کرنے کے مترادف ہے،اس عدالت کے پاس کیس چلانے کا سٹے آڈر دینے کا بھی اختیار نہیں، آصف علی زرداری کے خلاف آڈر کرنے کا کوئی حق نہیں، عدالت یہ ریفرنس پاس رکھتی ہے تو یہ قانون کی خلاف ورزی ہے، عدالت نیب کے کالے کرتوت انہی کے حوالے کرے۔
نیب کو ریفرنس واپس بھیجنے سے متعلق درخواست پر احتساب عدالت نے فیصلہ محفوظ کرلیا جو 14 اکتوبر کو سنایا جائے گا۔
