ARYNews.tv | Urdu – Har Lamha Bakhabar

Tag: آصف زرداری

  • پاکستان سے باہر میری کوئی جائیداد یا بینک اکاؤنٹ نہیں، آصف زرداری کا بیان حلفی

    پاکستان سے باہر میری کوئی جائیداد یا بینک اکاؤنٹ نہیں، آصف زرداری کا بیان حلفی

    اسلام آباد : سابق صدر آصف علی زرداری نے این آراو کیس میں بیان حلفی جمع کرادیا، ان کا کہنا ہے کہ پاکستان سے باہر میری کوئی جائیداد یا بینک اکاؤنٹ نہیں ہے۔

    تفصیلات کے مطابق سپریم کورٹ اسلام آباد میں این آر او کیس کی سماعت ہوئی، چیف جسٹس ثاقب نثار کی سربراہی میں تین رکنی بنچ نے کیس کی سماعت کی۔

    اس موقع پر پیپلز پارٹی کے شریک چیئرپرسن آصف علی زرداری نے مقدمے میں بیان حلفی سپریم کورٹ میں جمع کرادیا، آصف زرداری کا بیان حلفی ایک صفحے پر مشتمل ہے جس میں کہا گیا ہے کہ میں حلفیہ کہتا ہوں کہ پاکستان سے باہر کہیں بھی میری کوئی جائیداد نہیں۔

    اس کے علاوہ میرا کوئی بینک اکاؤنٹ بھی پاکستان سے باہر نہیں ہے اور اس بیان حلفی میں جو بات کی ہے میں اس پرقائم ہوں،  مذکورہ بیان حلفی آصف زرداری کے وکیل فاروق ایچ نائیک نے جمع کرایا، این آراو کے مقدمے کی آئندہ سماعت کل ہوگی۔

  • آصف زرداری اور فریال تالپورکو ایف آئی اے نے آج چوتھی مرتبہ طلب کرلیا

    آصف زرداری اور فریال تالپورکو ایف آئی اے نے آج چوتھی مرتبہ طلب کرلیا

    اسلام آباد : ایف آئی اے نے جعلی اکاﺅنٹس سے متعلق پوچھ گچھ کیلئے سابق صدر آصف زرداری اور ان کی ہمشیرہ فریال تالپورکو آج چوتھی مرتبہ طلب کرلیا، دونوں کو ایف آئی اے کی جے آئی ٹی میں طلب کیا گیا ہے۔

    تفصیلات کے مطابق منی لانڈرنگ کیس میں ایف آئی اے نے آصف زرداری اور فریال تالپور کو آج بروز پیر27اگست کو طلب کرلیا ہے۔ پی پی رہنماؤں کو بھجوائے گئے نوٹس میں ہدایت دی گئی ہے کہ وہ 27 اگست کو ایف آئی اے ہیڈ کوارٹراسلام آباد میں 35ارب روپے کی منی لانڈرنگ کے معاملے میں پوچھ گچھ کیلئے متعلقہ تفتیشی افسران کے روبرو پیش ہوں۔

    ایف آئی اے ذرائع کا کہنا ہے کہ سابق صدر کے چار میں سے ایک اکاؤنٹ جو زرداری گروپ نامی کمپنی کے نام پر ہے اس کو جعلی بینک اکاﺅنٹس کے لین دین میں استعمال کیا گیا جس کے ثبوت بھی حاصل کرلیے گئے ہیں۔

    واضح رہے کہ کراچی کی بینکنگ عدالت 17 اگست کو منی لانڈرنگ کیس میں آصف زرداری سمیت دیگرملزمان کے ناقابل ضمانت وارنٹ گرفتاری جاری کرچکی ہے، عدالت نے ایف آئی اے کوحکم دیا تھا کہ تمام ملزمان کو 4 ستمبرتک گرفتار کرکے پیش کیا جائے تاہم آصف زرداری نے اسلام آباد ہائی کورٹ سے حفاظتی ضمانت کرارکھی ہے۔

    مزید پڑھیں: منی لانڈرنگ کیس: فریال تالپورنے زرضمانت جمع کرادی

    علاوہ ازیں پی پی رہنماؤں کے وکیل فاروق ایچ نائیک کا کہنا ہے کہ آصف زرداری پر1کروڑ 50لاکھ روپے کی کرپشن، جعل سازی کا الزام مضحکہ خیزہے۔ ایف آئی اے کے کیس میں منی لانڈرنگ کا الزام موجود ہی نہیں۔

  • ہر پاکستانی کو آزادی مبارک، سابق صدرآصف زرداری

    ہر پاکستانی کو آزادی مبارک، سابق صدرآصف زرداری

    اسلام آباد : سابق صدر اور پیپلز پارٹی کے شریک چیئرمین آصف زرداری کا کہنا ہے کہ ہر پاکستانی کو آزادی مبارک ہو، پاکستان کو جمہوری ترقی پسند اور فلاحی ریاست بنائیں گے۔

    تفصیلات کے مطابق سابق صدر اور پیپلز پارٹی کے شریک چیئرمین آصف زرداری نے 71 ویں جشن آزادی کے موقع پر اپنے پیغام میں کہا کہ پاکستان کوجمہوری ترقی پسنداورفلاحی ریاست بنائیں گے، قوم کو خوف کے حصار سے نکلنا ہوگا۔

    آصف زرداری کا کہنا تھا کہ ملک کے تمام شہریوں کےبرابرحقوق چاہتےہیں ، دہشت گردی کے خلاف جانیں قربان کرنے والوں کو سلام اور ہر پاکستانی کو آزادی مبارک ہو۔

    اس سے قبل پیپلز پارٹی کے چیئرمین بلاول بھٹو نے تمام اہل وطن کو یوم آزادی کی مبارکباد دیتے ہوئے کہا تھا کہ امن کے لیے دہشت گردی، انتہا پسندی کو جڑ سے اکھاڑ پھینکیں گے۔

    ان کا کہنا تھا کہ بطور قوم بنیادی اقدار کی حفاظت اور انہیں فروغ دینا ہوگا، جمہوری نظام اور دستور پسندی قوم کو مضبوط کر سکتی ہے۔

    یاد رہے ملک بھر میں اکہتر واں یوم آزادی ملی جوش وجذبے سے منایا جارہا ہے، یوم جشن آزادی کا آغاز وفاقی دارالحکومت میں اکتیس اور صوبائی دارالحکومتوں میں اکیس ، اکیس توپوں کی سلامی سے کیا گیا اور ملکی سلامتی اور ترقی کیلئے دعائیں کی گئی۔

    مزید پڑھیں : ملک بھرمیں یوم آزادی ملی جوش و جذبے سے منایا جارہا ہے

    اسلام آباد میں پرچم کشائی کی مرکزی تقریب ہوئی، جس میں صدر مملکت ممنون حسین اورنگران وزیراعظم جسٹس(ر)ناصر الملک نے سبز ہلالی پرچم لہرایا، پرچم فضا میں بلند ہوا تو شرکاء نے قومی ترانہ پڑھا۔

    آرمی چیف جنرل قمرجاوید باجوہ سمیت تینوں مسلح افواج کے سربراہان اور جوانوں نے قومی پرچم کو سلامی دی۔

  • آصف زرداری اور بلاول بھٹو کو حلف اٹھاتے دیکھ کر جو خوشی ہوئی وہ بیان سے باہر ہے، آصفہ بھٹو

    آصف زرداری اور بلاول بھٹو کو حلف اٹھاتے دیکھ کر جو خوشی ہوئی وہ بیان سے باہر ہے، آصفہ بھٹو

    اسلام آباد : سابق صدر آصف زرداری کی صاحبزادی آصفہ بھٹو کا کہنا ہے آصف زرداری اور بلاول بھٹو کو حلف اٹھاتے دیکھا،جو خوشی ہوئی وہ بیان سے باہر ہے۔

    تفصیلات کے مطابق شہید محترمہ بے نظیر بھٹو اور سابق صدر آصف علی زرداری کی صاحبزادی آصفہ بھٹو نے سماجی رابطے کی ویب سائٹ ٹوئٹر پر اپنے پیغام میں کہا آصف زرداری اور بلاول بھٹو کو قومی اسمبلی میں حلف اٹھاتے دیکھا، بطور خاندان اور پارٹی جو خوشی ہوئی، وہ بیان سے باہر ہے۔

    خیال رہے کہ سندھ سے پیپلز پارٹی کے چیئرمین بلاول بھٹو زرداری اپنے والد سابق صدر آصف علی زرداری کے ساتھ پہلی بار قومی اسمبلی میں قدم رکھا۔

    یاد رہے کہ افتتاحی اجلاس میں نو منتخب اراکین قومی اسمبلی نے حلف اٹھالیا، اسپیکرایاز صادق نےانتخابات میں کامیابی حاصل کرنے والوں سے حلف لیا۔

    آصف زرداری نے نئی اسمبلی میں سب سے پہلے ارکان کی فہرست میں دستخط کئے جبکہ بلاول بھٹو دستخظ کرنے آئے تو پی پی ارکان نے تالیاں بجائیں۔

    چیئرمین پیپلزپارٹی بلاول بھٹوزرداری پہلی بار قومی اسمبلی کاحصہ بنے ہیں۔

    مہمان گیلری میں آصفہ بھٹو اور بختاوربھٹو نے بھی اجلاس دیکھا اور خوش نظر آئیں نیٹ جبکہ ان کے پیچھے شیری رحمان اور رحمان ملک بھی مہمان گیلری کا حصہ بنے۔

  • پورے ملک سے انتخابی بے قاعدگیوں کی شکایات ملیں: پیپلز پارٹی

    پورے ملک سے انتخابی بے قاعدگیوں کی شکایات ملیں: پیپلز پارٹی

    اسلام آباد: پیپلز پارٹی کا کہنا ہے کہ پورے ملک سے انتخابی بے قاعدگیوں کی شکایات ملی ہیں۔

    تفصیلات کے مطابق سابق صدر آصف علی زرداری کے ترجمان کا کہنا ہے کہ پورے ملک سے انتخابی بے قاعدگیوں کی شکایات ملیں۔ اب تک ہر حلقے کے 25 سے 30 فیصد نتائج کا اعلان کیا گیا ہے۔

    ترجمان کا کہنا تھا کہ تمام امیدواروں کو فارم 45 فراہم کیا جائے۔

    انہوں نے کہا کہ 2 دن میں پیپلز پارٹی کی مرکزی مجلس عاملہ کا اجلاس ہوگا، اجلاس میں رد عمل اور لائحہ عمل کا فیصلہ ہوگا۔

    خیال رہے کہ گزشتہ روز منعقد ہونے والے عام انتخابات کے اب تک آنے والے نتائج پر کئی جماعتوں نے تحفظات کا اظہار کیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • پرویز مشرف کو اقتدار چھوڑنے پر مجبور کیا، آصف زرداری

    پرویز مشرف کو اقتدار چھوڑنے پر مجبور کیا، آصف زرداری

    نوابشاہ: پاکستان پیپلزپارٹی کے شریک چیئرمین آصف علی زرداری نے کہا ہے کہ جمہوریت کے لیے پیپلزپارٹی کی لازوال قربانیاں ہیں، پرویز مشرف کو اقتدار چھوڑنے پر مجبور کیا۔

    ان خیالات کا اظہار انہوں نے شہداد پور میں پارٹی کارکنان سے خطاب کرتے ہوئے کیا، آصف علی زرداری نے کہا کہ پی پی قیادت، کارکنان اپنی جانیں دے کر سرخرو ہوئے ہیں، قیادت، کارکنوں نے جمہوریت کے لیے آگ کے دریا عبور کیے۔

    سابق صدر نے کہا کہ کچھ لوگ کہتے ہیں روٹی، کپڑا، مکان کا وعدہ پورا نہیں کیا، پی پی جب اقتدار میں آتی ہے تو نوجوانوں کو نوکریاں دیتی ہے، روزگار ہو تو روٹی اور کپڑا میسر ہوتا ہے، مکان بھی بن جاتا ہے۔

    آصف زرداری نے کہا کہ بلاول بھٹو نے اپنے نانا اور والدہ شہید کا علم سنبھال لیا ہے، یقیناً بلاول بھٹو اپنی والدہ کے مشن کو پایہ تکمیل تک پہنچائیں گے۔

    انہوں نے کہا کہ وہ دن دور نہیں جب ہر نوجوان کو روزگار ملے گا، ریاست کے ثمرات ہر شہری کو ملیں گے، ملک کے تمام شہریوں کے ساتھ سماجی انصاف ہوگا۔

    واضح رہے کہ سابق صدر آصف زرداری کا کہنا تھا کہ ہم ہمیشہ عوام کی طاقت اور مخالفین چور دروازے سے اقتدار میں آتے ہیں، مخالفین الزام تراشیوں کے علاوہ کچھ نہیں کرسکتے۔

    ان کا کہنا تھا کہ پیپلزپارٹی نے ہمیشہ ملک اور عوام کی خدمت کی ہے، بینظیر بھٹو شہید کا فلسفہ ہمارے لیے مشعل راہ ہے، پیپلزپارٹی کا ہر کارکن عوام کی خدمت کا جذبہ رکھتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ایف آئی اے نے آصف زرداری اور فریال تالپور کو مفرور قرار دے دیا

    ایف آئی اے نے آصف زرداری اور فریال تالپور کو مفرور قرار دے دیا

    کراچی: فیڈرل انویسٹی گیشن ایجنسی (ایف آئی اے) نے آصف زرداری اور فریال تالپور کو اربوں روپے کی منی لانڈرنگ کیس میں مفرور قرار دے دیا۔

    تفصیلات کے مطابق منی لانڈرنگ کیس کا عبوری چالان کراچی سٹی کورٹ میں جمع کرا دیا گیا جس میں کہا گیا ہے کہ آصف زرداری اور ان کی بہن فریال تالپور مفرور ہیں۔

    کیس چالان کے مطابق مفرور افراد کی فہرست میں آصف علی زرداری اور فریال تالپور کا نام 19 اور 20 ویں نمبر پر درج کیا گیا ہے، مقدمے کا عبوری چالان سیشن جج جنوبی کی عدالت میں جمع کرایا گیا۔

    حسین لوائی و دیگر کے خلاف مقدمے کے چالان میں دونوں ملزمان کو مفرور ظاہر کیا گیا ہے، مفرور قرار دیے گئے دیگر ملزمان میں انور مجید اور ان کے بیٹے کا نام بھی شامل ہے۔

    چالان میں نجی بینک کے چیئرمین سمیت مجموعی طور پر 20 افراد کو مفرور قرار دیا گیا ہے، جن میں زرداری اور فریال تالپور کے نام آخری نمبر پر ہیں۔

    آصف زرداری اور فریال تالپور کا نام ای سی ایل میں ڈالنے کا حکم

    واضح رہے کہ ایف آئی اے نے ایک رپورٹ میں 3 بینکوں میں 29 جعلی اکاؤنٹس کی نشان دہی کی تھی جن کے ذریعے 35 ارب روپے کی منی لانڈرنگ کی گئی، اس کیس میں آصف زرداری کے قریبی ساتھی حسین لوائی کو گرفتار کیا گیا۔

    منی لانڈرنگ کیس: آصف زرداری کا سپریم کورٹ میں‌ پیش نہ ہونے کا فیصلہ

    منی لانڈرنگ کیس میں حسین لوائی سمیت 32 افراد کے خلاف بے نامی اکاؤنٹس کی تحقیقات جاری ہیں، یہ اکاؤنٹس 2014 میں چند ماہ کے لیے کھولے گئے تھے جن کی تحقیقات 2015 میں شروع کی گئیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آصف زرداری اور فریال تالپور کا نام ای سی ایل سے نکال دیا گیا، ذرائع

    آصف زرداری اور فریال تالپور کا نام ای سی ایل سے نکال دیا گیا، ذرائع

    اسلام آباد : سابق صدر اور پیپلز پارٹی کے شریک چیئرمین آصف زرداری اورفریال تالپورکےنام ای سی ایل سے نکال دیئے گئے، منی لانڈرنگ کیس میں دونوں کا نام ایگزٹ کنٹرول لسٹ میں ڈالا گیا تھا۔

    تفصیلات کے مطابق سابق صدر اور پیپلز پارٹی کے شریک چیئرمین آصف زرداری اورفریال تالپورکےنام ای سی ایل سےنکال دیا گیا ، نام نکالنے کی منظوری وزارت داخلہ کی جانب سے دی گئی۔

    یاد رہے کہ ایف آئی اے کی جانب سے مبینہ جعلی اکاونٹس کیس میں آصف زرداری اور فریال تالپور کا نام ای سی ایل میں ڈالنے کے لئے وزارت داخلہ کو سفارش کی گئی تھی۔ سفارش میں بتایا گیا تھا کہ سپریم کورٹ نے نام ای سی ایل میں ڈالنے کا حکم دیا ہے۔

    ایف آئی اے نے بھی منی لانڈرنگ کے کیس میں آصف زرداری اور فریال تالپور کو پوچھ گچھ کے لئے طلب کیا تھا تاہم دونوں کی جانب سے وکلا پیش ہوئے تھے۔

    سابق صدر آصف علی زرداری اور فریال تالپور نے ایف آئی ا ے سے پیش ہونے کیلئے الیکشن کے ایک ہفتے بعد کا وقت مانگ لیا تھا اور جواب میں کہا تھا کہ آصف علی زرداری انتخابی سرگرمیوں کی وجہ سے مصروف ہیں، 25جولائی کے بعد تمام سوالوں کے جواب دیں گے۔

    مزید پڑھیں : ایف آئی اے آصف زرداری سمیت کسی سیاستدان کو 30 جولائی تک نہ بلائے، چیف جسٹس

    گزشتہ دنوں سپریم کورٹ میں جعلی بینک اکاؤنٹس کیس کی سماعت ہوئی تھی، سماعت میں پیپلزپارٹی کے شریک چیئرمین آصف زرداری اور فریال تالپور پیش نہیں ہوئے تاہم ان کی قانونی ٹیم عدالت میں پیش ہوئی تھی۔

    چیف جسٹس ثاقب نثار نے ہدایت کی تھی کہ وفاقی تحقیقاتی ایجنسی (ایف آئی اے) آصف زرداری سمیت کسی سیاستدان کو 30 جولائی تک نہ بلائے۔

    دوران سماعت چیف جسٹس کا کہنا تھا کہ سابق صدر آصف زرداری اور فریال تالپور کا نام اگزٹ کنٹرول لسٹ میں ڈالنے کا ہم نے نہیں کہا پھر ان کا نام ای سی ایل میں کیوں ڈالا۔ آصف زرداری اور فریال تالپور ملزم نہیں۔ عدالت نے صرف ملزمان کے نام ای سی ایل میں شامل کرنے کا کہا تھا۔

    عدالت نے ایف آئی اے کو الیکشن تک آصف زرداری اور فریال تالپور کو شامل تفتیش کرنے سے روکتے ہوئے کہا کہ کیس سے متعلق نیا وضاحتی حکم جاری کریں گے۔

    واضح رہے کہ سپریم کورٹ میں منی لانڈرنگ کیس میں ایف آئی اے کو مطلوب افراد سے متعلق رپورٹ پیش کی گئی تھی، آصف زرداری اور فریال تالپور کا نام بھی جعلی اکاونٹس ہولڈرز میں شامل ہے۔

    سابق صدر آصف زرداری اور فریال تالپور پر ڈیڑھ کروڑ کی غیر قانونی منتقلی کا الزام ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایف آئی اے کسی سیاستدان کو 30 جولائی تک نہ بلائے: چیف جسٹس

    ایف آئی اے کسی سیاستدان کو 30 جولائی تک نہ بلائے: چیف جسٹس

    اسلام آباد: سپریم کورٹ میں جعلی بینک اکاؤنٹس کیس کی سماعت کے دوران چیف جسٹس ثاقب نثار نے کہا کہ وفاقی تحقیقاتی ایجنسی (ایف آئی اے) آصف زرداری سمیت کسی سیاستدان کو 30 جولائی تک نہ بلائے۔

    تفصیلات کے مطابق سپریم کورٹ میں چیف جسٹس میاں ثاقب نثار کی سربراہی میں دو رکنی بینچ نے جعلی بینک اکاؤنٹس سے متعلق کیس کی سماعت کی۔

    دوران سماعت چیف جسٹس نے ریمارکس دیتے ہوئے کہا کہ ہر شخص کا اپنا وقار اور حرمت ہے۔ کسی کی تضحیک نہیں ہونے دیں گے۔ ایسا حکم نہیں دیں گے جس سے کسی کا حق متاثر ہو۔

    چیف جسٹس کا کہنا تھا کہ سابق صدر آصف زرداری اور فریال تالپور کا نام اگزٹ کنٹرول لسٹ میں ڈالنے کا ہم نے نہیں کہا پھر ان کا نام ای سی ایل میں کیوں ڈالا۔ آصف زرداری اور فریال تالپور ملزم نہیں۔ عدالت نے صرف ملزمان کے نام ای سی ایل میں شامل کرنے کا کہا تھا۔

    مزید پڑھیں: آصف زرداری اور فریال تالپور کا نام ای سی ایل میں ڈالنے کا حکم

    چیف جسٹس نے ریمارکس میں کہا کہ کیا ہم نے آصف زرداری کا نام ای سی ایل میں ڈالنے کا حکم دیا؟ اعتزاز احسن نے پریس بریفنگ کی۔ عدالت نے پیرا گراف نمبر 4 کے ملزمان کے نام ای سی ایل میں ڈالنے کا حکم دیا۔ پیرا گراف 4 میں صرف ملزمان کے نام ہیں۔ اگر عدالتی حکم میں ابہام تھا تو عدالت سے رجوع کر لیتے۔

    سماعت کے دوران آصف زرداری کے وکیل نے ایف آئی اے کی تحقیقاتی ٹیم کے سربراہ نجف مرزا کو تبدیل کرنے کی استدعا کی جس کو عدالت نے مسترد کردیا۔

    چیف جسٹس نے ریمارکس میں کہا کہ کرپشن ہوئی ہے تو سامنے آنی چاہیئے، نجف مرزا کو تبدیل نہیں کریں گے۔

    چیف جسٹس نے ریمارکس دیے کہ یہ تحقیق کرنا چاہتے ہیں کہ 35 ارب کے بوگس بینک اکاؤنٹ کیوں کھولے گئے۔ زرداری گروپ کے اکاؤنٹ میں ڈیڑھ کروڑ کس نے ڈالا، اگر ڈیڑھ کروڑ رقم کے ذرائع لیگل ہیں تو بتا دیں، ہمارا مقصد یہ ہے کہ ایف آئی اے صاف شفاف تحقیقات کرے۔

    چیف جسٹس نے مزید کہا کہ آصف زرداری کو نہ ذاتی حیثیت میں طلب کیا نہ ہی ان کا نام ای سی ایل میں ڈالا۔

    عدالت نے ایف آئی اے کو الیکشن تک آصف زرداری اور فریال تالپور کو شامل تفتیش کرنے سے روکتے ہوئے کہا کہ کیس سے متعلق نیا وضاحتی حکم جاری کریں گے۔

    عدالت نے کیس کی مزید سماعت 6 اگست تک ملتوی کردی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔