ARYNews.tv | Urdu – Har Lamha Bakhabar

Tag: آصف زرداری

  • آصف زرداری کورونا میں مبتلا ہوگئے

    آصف زرداری کورونا میں مبتلا ہوگئے

    اسلام آباد : پیپلز پارٹی کے شریک چیئرمین اور سابق صدر آصف زرداری کورونا میں مبتلا ہوگئے، جس کے بعد انھوں نے خود کو گھر میں قرنطینہ کرلیا۔

    تفصیلات کے مطابق پیپلز پارٹی کے شریک چیئرمین اور سابق صدر آصف زرداری کا کورونا ٹیسٹ مثبت آگیا، چیئرمین پیپلز پارٹی بلاول بھٹو نے سماجی رابطے کی ویب سائٹ ٹوئٹر پر آصف زرداری کے کورونا میں مبتلا ہونے کی تصدیق کی۔

    بلاول بھٹو نے بتایا کہ آصف زرداری نے خود کو گھر میں قرنطینہ کرلیا، ان کو ہلکی علامات ہیں علاج جاری ہے اور ان کی جلد صحت یابی کیلئے دعا گوہیں۔

    دوسری جانب سابق صدر کی بیٹی بختاوربھٹو نے سماجی رابطے کی ویب سائٹ ٹوئٹر پر لکھا کہ "آصف زرداری دبئی پہنچے تو ان کا پی سی آرٹیسٹ پازیٹو آیا لیکن علامات ہلکی ہیں ، وہ آرام کر رہے ہیں اور چار دن سے قرنطینہ میں ہیں، صحت یاب ہونے پر جلد واپس آئیں گے ،سب کی دعاؤں کا شکریہ”۔

  • آصف زرداری اچانک دبئی کیوں گئے ؟ِ وجہ سامنے آگئی

    آصف زرداری اچانک دبئی کیوں گئے ؟ِ وجہ سامنے آگئی

    کراچی: سابق صدر  کی بیٹی بختاور بھٹو نے آصف علی زرداری کی دبئی آمد کی وجہ بتا دی.

    تفصیلات کے مطابق سابق صدر آصف علی زرداری کے اچانک دبئی روانگی کے معاملے پر ان کی بیٹی بختاور بھٹو زرداری نے کہا کہ آصف زرداری اپنے 9 ماہ کے نواسے کے ساتھ اپنی 67 ویں‌ سالگرہ منانے دبئی پہنچے ہیں.

    بختاوربھٹو نے سوال کیا کہ آصف زرداری 11 سال جیل سے نہیں بھاگے تو اب کیوں بھاگے گا؟ انھوں نے ہر دور حکومت میں عدالتوں کا سامنا کیا ، ڈکٹیٹرز کا بھی سامنا کیا لیکن آصف زرداری ملک سے بھاگے نہیں۔

    ان کا کہنا تھا کہ آصف زرداری کادورہ گزشتہ مہینے طبی وجوہات کے باعث نہیں ہوسکا تھا۔

    خیال رہے پیپلز پارٹی کے شریک چیئرمین آصف زرداری غیر ملکی ایئر لائن کی پرواز سے دبئی روانہ ہو گئے تھے۔

    ذرائع کا کہنا ہے کہ آصف زرداری چند دن دبئی میں قیام کرنے کے بعد وطن پہنچیں گے۔

  • ‘آصف زرداری نے عمران خان کو دن میں تارے دکھا دیے’

    ‘آصف زرداری نے عمران خان کو دن میں تارے دکھا دیے’

    کراچی : وزیر توانائی سندھ امتیاز شیخ کا کہنا ہے کہ آصف زرداری نے عمران خان کو دن میں تارے دکھا دیے۔

    تفصیلات کے مطابق وزیر توانائی سندھ امتیاز شیخ نے پی ٹی آئی رہنماؤں کے بیانات پر ردعمل دیتے ہوئے کہا کہ آصف زرداری نے عمران خان کو دن میں تارے دکھا دیے ، پی ٹی آئی رہنما اپنی خفت اورسبکی مٹانے کی ناکام کوشش کررہےہیں۔

    امتیاز شیخ کا کہنا تھا کہ ایک زرداری سب سےیاری کا مطلب مفاہمت کی سیاست ہے، آئندہ انتخابات میں عوام گالم گلوچ کی سیاست کو مسترد کردیں گے۔

    یاد رہے وزیر جامعات سندھ اسماعیل راہو نے کہا تھا کہ آصف زرداری نے بڑا معرکہ فتح کیا ہے، جو کسی معجزے سے کم نہیں، خان کو اپنے ہی کھودے ہوے کھڈے میں منہ کے بل گرا کر اس کو سبق سکھایا ہے کہ ” بیٹا جو بَوگَے وہی کاٹَو گَے۔

    خیال رہے کہ پنجاب اسمبلی میں وزیر اعلیٰ کے انتخاب میں زرداری کی چوہدری شجاعت سے ملاقاتوں سے صورتحال تبدیل ہوگئی تھی۔

    وزیر اعلیٰ کے انتخاب کیلئے ووٹنگ ہوئی ، ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔

  • ‘آصف زرداری ملک کے آئین اور وحدت کے لیے خطرہ قرار’

    راولپنڈی : سابق وزیر داخلہ شیخ رشید نے آصف زرداری کو ملک کے آئین اور وحدت کے لیے خطرہ قرار دیتے ہوئے کہا وہ غیر ملکی ایجنڈے پر کام کر رہے ہیں۔

    تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ آصف زرداری ملک کے آئین اور وحدت کے لیے خطرہ ہیں ، وہ غیر ملکی ایجنڈے پر کام کر رہے ہیں۔

    شیخ رشید کا کہنا تھا کہ اسکا امیدوار بھی نہیں پھر بھی وہ شجاعت کے پاس 3 مرتبہ گیا، نوازشریف بھی اس سازش میں برابر کا شریک ہے ، اگر آئینی ادارے بھی اپنا کردار ادا نہ کرسکے تو پھر دمادم مست قلندر ہوگا۔

    اس سے قبل سابق وزیر داخلہ کا کہنا تھا کہ ضمیر کے سوداگر آصف زرداری نے سیاسی اور معاشی بحران خطرناک بنا دیا ہے، لوگوں کو ایسی سیاست سے نفرت ہے جہاں ممبروں کی خرید وفروخت کی منڈی لگتی ہے۔

    ان کا کہنا تھا کہ سپریم کورٹ آخری امید ہے،اس کے بعد مرکز اور صوبے میں عدم اعتماد لانا ہوگا، ڈالر 250کا ہو گیا تو 10 کروڑ پاکستانی غربت کی لپیٹ میں آجائیں گے۔

  • ‘آصف زرداری دھوکے سے چوہدری شجاعت سے خط لکھوا کر لے گئے’

    ‘آصف زرداری دھوکے سے چوہدری شجاعت سے خط لکھوا کر لے گئے’

    کراچی : تحریک انصاف کے رہنما علی زیدی کا کہنا ہے کہ کہ آصف زرداری دھوکے سے چوہدری شجاعت سے خط لکھوا کر لے گئے۔

    تفصیلات کے مطابق تحریک انصاف کے رہنما علی زیدی نے اپنے بیان میں کہا ہے کہ میں کل صبح سےآصف زرداری کوڈھونڈرہاہوں ، یہاں رش لگا ہوا تھا، شایدآصف زرداری یہاں ہوں گے۔

    علی زیدی کا کہنا تھا کہ اہلیان لاہورسے کہتا ہوں آصف زرداری سے سندھ کا پیسہ لے لو ، یہ سندھ کی زمینیں بیچ کر یہاں ضمیرخریدنے آجاتا ہے۔

    رہنما پی ٹی آئی نے کہا کہ آصف زرداری دنیا کا سب سے بڑا ڈاکو ہے، یہ لوگ عوام کامینڈیٹ اورپیسہ چوری کرتےہیں۔

    چوہدری شجاعت کے خط کے حوالے سے ان کا کہنا تھا کہ آصف زرداری دھوکہ سےچوہدری شجاعت سےخط لکھوا کرلے گئے، چوہدری شجاعت اب اتنا ایکٹو نہیں رہے بزرگ ہوچکے ہیں۔

    علی زیدی نے مزید کہا کہ آصف زرداری کو مسٹر10 پرسنٹ کہتے تھے، یوایس سینیٹ میں اس پرانکوائری ہوئی ہے۔

  • وزیراعلیٰ کا انتخاب ! ‘آصف زرداری نے عمران خان کو اچھا سبق سکھایا’

    وزیراعلیٰ کا انتخاب ! ‘آصف زرداری نے عمران خان کو اچھا سبق سکھایا’

    کراچی : وزیر جامعات سندھ اسماعیل راہو کا کہنا ہے کہ آصف زرداری نے عمران خان کو اچھا سبق سکھایا کہ جو بَوگَے وہی کاٹَو گَے۔

    تفصیلات کے مطابق وزیر جامعات سندھ اسماعیل راہو نے حمزہ شہباز کے وزیراعلیٰ منتخب ہونے پر سماجی رابطے کی ویب سائٹ ٹوئٹر پر اپنے بیان میں کہا کہ آصف زرداری نے بڑا معرکہ فتح کیا ہے، جو کسی معجزے سے کم نہیں، خان کو اپنے ہی کھودے ہوے کھڈے میں منہ کے بل گرا کر اس کو سبق سکھایا ہے کہ ” بیٹا جو بَوگَے وہی کاٹَو گَے۔

    اسماعیل راہو کا کہنا تھا کہ عمران خان نےکبھی دستور،آئین اورعدالتی فیصلوں کی عزت نہیں کی، عمران خان نے ہر ناجائز فیصلے کو بھی اپنے لئے جائز سمجھا ہے۔

    خیال رہے کہ گزشتہ روز پنجاب اسمبلی میں وزیر اعلیٰ کے انتخاب میں زرداری کی چوہدری شجاعت سے ملاقاتوں سے صورتحال تبدیل ہوگئی تھی۔

    وزیر اعلیٰ کے انتخاب کیلئے ووٹنگ ہوئی ، ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔

  • آصف زرداری حمزہ شہباز کی حکومت بچانے کیلئے متحرک، آج پھر شجاعت حسین کو قائل کرنے کی کوشش کریں گے

    آصف زرداری حمزہ شہباز کی حکومت بچانے کیلئے متحرک، آج پھر شجاعت حسین کو قائل کرنے کی کوشش کریں گے

    لاہور: سابق صدر آصف زرداری آج پھر حمزہ شہباز کی حکومت بچانے کے لیے شجاعت حسین کو قائل کرنے کی کوشش کریں گے۔

    تفصیلات کے مطابق پنجاب میں سیاسی جوڑ توڑ تیز ہوگئی ، پیپلز پارٹی کے شریک چیئرمین آصف زرداری اور مسلم لیگ ق کے سربراہ چوہدری شجاعت کے درمیان آج پھر ملاقات ہوگی۔

    ملاقات لاہور میں چوہدری شجاعت حسین کی رہائشگاہ پر ہوگی، جس میں پنجاب میں حکومت سازی کے امور پرتبادلہ خیال ہوگا۔

    آصف زرداری حمزہ شہباز کی حکومت بچانے کے لیے شجاعت حسین کو قائل کرنے کی کوشش کریں گے۔

    گذشتہ روز بھی آصف زرداری نے چوہدری شجاعت حسین سے ملاقات کی تھی، جس میں آصف زرداری نے درخواست کی کہ اپنے ایم پی ایز کو کہیں حمزہ شہباز کو سپورٹ کریں، آپ سپورٹ کریں گےتوجیت یقینی ہوگی۔

    آصف زرداری نے چوہدری شجاعت کو حکومتی اتحاد کی مکمل حمایت کی یقین دہانی کرائی ، ذرائع نے بتایاکہ
    طارق بشیر چیمہ، سالک حسین معاملے میں اہم کردار ادا کررہےہیں۔

    خیال رہے وزیراعلیٰ پنجاب کے انتخاب کیلئے طارق بشیر،سالک حسین کا پارٹی سربراہ چوہدری شجاعت پر دباؤ ہے ۔

    ذرائع کا کہنا ہے کہ طارق بشیر اور چوہدری سالک نے چوہری شجاعت سے کہا ہے کہ وہ خط کے ذریعےارکان کو پرویز الٰہی کو ووٹ دینے سے روکیں۔

    ذرائع کے مطابق آصف زرداری کےکہنےپرطارق بشیر اور سالک حسین نے چوہدری شجاعت پر دباؤ ڈالاہے۔

    ذرائع کا کہنا تھا کہ چوہدری شجاعت نے طارق بشیر اور سالک حسین کے دباؤ پر ق لیگ کے ارکان پنجاب اسمبلی کو خط لکھنےسےانکار کردیا ہے ، چوہدری شجاعت نے دوٹوک مؤقف اختیار کیا کہ ق لیگ کے ووٹ پرویزالٰہی کو جائیں گے۔

  • حمزہ شہباز اور آصف زرداری کی ملاقات ، بڑا فیصلہ سامنے آگیا

    حمزہ شہباز اور آصف زرداری کی ملاقات ، بڑا فیصلہ سامنے آگیا

    لاہور: وزیراعلیٰ پنجاب حمزہ شہبازاور آصف زرداری نے ضمنی انتخابات مشترکہ طور پر لڑنے پر اتفاق کرلیا۔

    تفصیلات کے مطابق وزیراعلیٰ پنجاب حمزہ شہبازاور آصف زرداری کےدرمیان بلاول ہاؤس میں ملاقات ہوئی ، ملاقات میں باہمی دلچسپی کےامور،سیاسی صورتحال اورورکنگ ریلیشن شپ پرتبادلہ خیال کیا گیا۔

    آصف زرداری نے حمزہ شہباز کو پنجاب کی وزارت اعلیٰ کا منصب سنبھالنے پر مبارکباد دی۔

    حمزہ شہبازاور آصف علی زرداری نے ورکنگ ریلیشن شپ کو مزید مضبوط بنانے پر اتفاق کیا اور ساتھ ہی عمران نیازی کے غیر جمہوری ہتھکنڈوں کا ملکر مقابلہ کرنے کے عزم کا اعادہ کیا۔

    ملاقات میں دونوں رہنماؤں نے ضمنی انتخابات مشترکہ طور پر لڑنے پر اتفاق کیا ، حمزہ شہباز نے کہا کہ عوام کی خدمت کےسفرمیں ایک ہیں اورایک رہیں گے۔

    وزیراعلیٰ پنجاب کا کہنا تھا کہ پیپلزپارٹی ہماری اتحادی جماعت ہے،ساتھ لیکرچلیں گے، ورکنگ ریلیشن شپ مزیدبہتربنانےکیلئےمشاورت جاری رہے گی۔

    آصف علی زرداری نےوزیراعلی ٰحمزہ شہباز کے اعزازمیں ظہرانہ بھی دیا۔

  • "بڑی محنت سے آپ کو وزیراعظم بنایا” آصف زرداری کا شہبازشریف کو حکومت نہ چھوڑنے کا مشورہ

    "بڑی محنت سے آپ کو وزیراعظم بنایا” آصف زرداری کا شہبازشریف کو حکومت نہ چھوڑنے کا مشورہ

    اسلام آباد : پیپلزپارٹی کے شریک چیرمین آصف زرداری نے وزیراعظم شہباز شریف کو فوری طور پر حکومت نہ چھوڑنے کا مشورہ دیتے ہوئے کہا بڑی محنت سے آپ کو وزیراعظم بنایا ہے۔

    تفصیلات کے مطابق وزیراعظم شہبازشریف سے دو بڑی اتحادیوں جماعتوں کے رہنماؤں آصف زرداری اور فضل الرحمان سے ملاقاتوں کی اندرونی کہانی سامنے آگئی۔

    ذرائع کا کہنا ہے کہ پیپلزپارٹی کے شریک چیرمین آصف علی زرداری سے ملاقات میں وزیراعظم شہباز شریف نے بتایا کہ نواز شریف اور ان کی جماعت چاہتی ہے کہ سخت فیصلوں کےلیے فریش مینڈیٹ اور لانگ ٹرم حکومت چاہیے ہوگی۔

    جس پر آصف زرداری نے کہا ابھی فوری طور پر حکومت نہیں چھوڑنی چاہیے، آپ کو بڑی محنت سے وزیراعظم بنایا ہے اب اپ حوصلے سے بڑے فیصلوں کے لیے درمیانی راستہ نکالیں ، جس کے لیے ہم آپ کا ساتھ دیں گے۔

    دوسری جانب مولانا فضل الرحمان نے اپنی پارٹی پالیسی کے مطابق فوری انتخابات کےحوالے سے نوازشریف کےموقف کی مشروط حمایت کردی۔

    مولانا فضل الرحمان نے کہا کہ اگر فوری انتخابات میں جانا ہے تو نیا مینڈیٹ ہوناچاہیے مگر کچھ ضروری یقین دہانیاں بھی لینا پڑیں گی جبکہ دوسری جماعتوں میں بھی اتفاق رائےپیدا کرنےکےبعد ہی ایسا فیصلہ لینا چاہیئے۔

  • ”لوگ پاگل ہیں جو مجھے ووٹ دیتے ہیں“

    ”لوگ پاگل ہیں جو مجھے ووٹ دیتے ہیں“

    نوابشاہ: سابق صدر اور شریک چیئرمین پاکستان پیپلز پارٹی آصف علی زرداری کا کہنا ہے کہ کہا جاتا ہے سندھ میں کوئی کام نہیں ہوتا، میں کہتا ہوں اگر کام نہیں ہوتا تو لوگ پاگل ہیں جو مجھے ووٹ دیتے ہیں۔

    شریک چیئرمین پاکستان پیپلز پارٹی آصف علی زرداری نے نواب شاہ کے گاؤں لعل محمد بروہی میں جیالوں سے خطاب کرتے ہوئے کہا کہ پیپلز پارٹی کے ورکر میرے پاس امانت ہیں، اب یہ امانت بلاول کے حوالے کردی ہے، آپ لوگ 1970 سے پیپلز پارٹی کو ووٹ دے رہے ہیں، آپ کے بڑوں نے، آپ نے ہمیشہ پیپلز پارٹی کا ساتھ دیا۔

    انہوں نے کہا کہ میں الیکشن کے دوران پولنگ کو چیک کرنے نکلا، تو دیکھا کہ مائیں، بہنیں سخت گرمی میں ووٹ دینے کیلئے لائنوں میں لگی ہوئی تھیں، سندھ کی ماؤں، بہنوں اور عوام سے دل سے پیار کرتا ہوں، عوام نے مجھے بہت پیار دیا، عوام سے محبت کا رشتہ ہے، یہ پیار کا رشتہ بھٹو صاحب کے دور سے چل رہا ہے، عوام نے مجھے بہت کچھ دیا ہمیشہ احسان مند رہوں گا۔

    یہ بھی پڑھیں: اگلا صدر کون ہوگا؟ زرداری یا مولانا فضل الرحمان، بڑی پیش گوئی

    سابق صدر نے کہا کہ دنیا والے سوال کرتے ہیں آپ کا کیا فائدہ ہے، میں نے کہا یہ میری دھرتی ہے ہمارے بڑے یہیں دفن ہیں، 300 سے 400 سال گزر گئے ہم اسی دھرتی کا اناج کھا رہے ہیں، میں خود کو بلوچ کہلواؤ یا کچھ اور مگر نہیں کہلواتا میں صرف سندھی ہوں۔

    آصف زرداری نے کہا کہ مجھے کہا جاتا ہے سندھ میں کچھ نہیں ہے، میں پوچھتا ہوں کہ کیا لوگ پاگل ہیں جو مجھے ووٹ دیتے ہیں، ہم اگرکچھ کام نہیں کرتے تو لوگ ووٹ کیسے دیتے ہیں۔