Tag: آف شور کمپنیاں

اسلام آباد: سپریم کورٹ آف پاکستان نےتحریک انصاف کے سربراہ عمران خان اور جہانگیر ترین کوآف شورکمپنیوں کےحوالےسے نوٹسز جاری کردیے۔

تفصیلات کےمطابق سپریم کورٹ آف پاکستان میں مسلم لیگ ن کے رہنما حنیف عباسی کی جانب سے عمران خان اور جہانگیر ترین کے آف شور کمپنیوں کے خلاف درخواستیں جمع کرائیں جنہیں عدالت عظمیٰ کے دورکنی بینچ نے سماعت کے لیے منظور کرلیا۔

سپریم کورٹ میں حنیف عباسی کے وکیل اکرم شیخ نے درخواست میں استدعا کی ہے کہ عمران خان اور جہانگیر ترین سے پوچھا جائے کہ انہوں نے اپنی آف شور کمپنیوں کے متعلق حکام کو بتایا تھا؟۔

درخواست گزار نے عدالت سے التجاکی ہے کہ تحریک انصاف کے سربراہ اور جنرل سیکریٹری کی آف شور کمپنیوں کا کیس پانامالیکس کے ساتھ ہی سناجائے،عدالت نے عمران خان او رجہانگیر ترین کو نوٹسز جاری کرتے ہوئے سماعت 15نومبر تک ملتوی کردی۔

عدالت عظمیٰ کےباہر میڈیاسے بات کرتے ہوئے حنیف عباسی کا کہناتھا کہ عمران خان نے بے نامی زمین اور شوکت خانم اسپتال کے دستاویزات میں گڑ بڑ کی ہے،انہوں نے کہا کہ اب عمران خان اور جہانگیر ترین تلاشی کے لیے تیا ر ہو جائیں۔

مزید پڑھیں:پاناما لیکس: سپریم کورٹ کاتمام فریقین کو15نومبرتک دستاویزات جمع کرنے کا حکم

واضح رہے کہ اس سے قبل آج سپریم کورٹ میں پانامالیکس سے متعلق کیس کی سماعت ہوئی تھی جس میں عدالت نے تمام فریقین کو 15 نومبر تک متعلقہ دستاویزات جمع کرنے کی ہدایت کی تھی۔

اسلام آباد: وزیراعظم کے دامادکیپٹن صفدر نے اپنی اہلیہ مریم نواز کی آف شور کمپنی کی موجودگی سے انکارکرتے ہوئے کہا کہ عمران خان کے الزامات بے بنیاد ہیں۔

تفصیلات کےمطابق کیپٹن صفدر نے آف شور کمپنیوں کے حوالے سے لگائے گئے عمران خان کے الزامات پر سپریم کورٹ میں جواب جمع کرادیا ہے جس میں کہا گیا ہے کہ عمران خان کے الزامات جھوٹ پر مبنی ہے لہذٰا ان کی درخواستوں کو خارج کیا جائے۔

کیپٹن صفدر نے سپریم کورٹ میں جمع کرائے گئے جواب میں موقف اختیار کیا ہے کہ ان کی اہلیہ مریم نواز باقاعدگی سے ٹیکس اداکرتی ہیں اور انہوں نے اپنے ٹیکس ریٹرنز میں اپنے تمام اثاثے ظاہر کیے ہیں۔

انہوں نے اپنے جواب میں مزید کہا ہے کہ عمران خان نے میری نااہلی کےلیے اسپیکر کو کوئی ریفرنس نہیں بھیجا جبکہ دفعہ 62اور 63کے تحت نااہلی کا دائرہ کار بہت محدود ہے ۔

کیپٹن صفدر نے کہا ہےکہ الیکشن سے پہلے آرٹیکل 62کے تحت نااہلی کا سوال نہیں اٹھایا گیا،انہوں نے کہا کہ میرے خلاف عمران خان نے جھوٹا مقدمہ بنایا جسے خارج کیا جائے۔

مزید پڑھیں: پاناما لیکس: ذرائع آمدنی نہ بتانے پرجائیداد بے نامی ہونے کا امکان

واضح رہےکہ گزشتہ روزسپریم کورٹ کا کہناتھاکہ وزیر اعظم کے صاحبزادوں حسن نواز، حسین نوازاورصاحبزادی مریم صفدر کواپنی جائیداد بنانے کے ذرائع کی تفصیلات سے عدالت کو آگاہ کرنا ضروری ہوگا اگر ایسا نہیں ہوا تو نیب آرڈیننس کے مطابق ان کی جائیداد بے نامی قراردی جاسکتی ہے۔