Tag: آلو

  • آلو کی فصل کے حوالے سے اہم خبر

    آلو کی فصل کے حوالے سے اہم خبر

    فیصل آباد: کسانوں کو آلو کی موسم خزاں کی فصل دسمبر کے آخرسے جنوری کے آخرتک برداشت کرنے کی ہدایت کی گئی ہے۔

    ڈپٹی ڈائریکٹر محکمہ زراعت توسیع فیصل آبادعدیل احمد نے قومی خبر رساں ایجنسی اے پی پی سے گفتگو کرتے ہوئے کہا کہ کاشتکاروں کو آلو کی فصل کی برداشت سے کم از کم 2ہفتے قبل آبپاشی روک دینی چاہیے اور دوران برداشت اس امر کا بھی خیال رکھنا چاہیے کہ برداشت کے موقع پر آلو زخمی نہ ہو کیونکہ اس طرح جہاں سرد خانوں میں رکھے گئے آلو جلد خراب ہو جاتے ہیں وہیں منڈی میں بھی ان کی بہت کم قیمت حاصل ہو تی ہے۔

    پریشان حال چھوٹے کسان

    انہوں نے کہاکہ اگر آلو کو 2سے3 دن تک سایہ میں رکھا جائے تو ان کا چھلکا سخت ہوجائے گا اس طرح گریڈنگ اور بوریوں میں بھرائی کے دوران آلو کے چھلکے نہیں اتریں گے اورآلو خراب ہونے سے محفوظ رہے گا۔

    انہوں نے مزیدکہا کہ سرد خانوں میں بھیجنے والے آلوؤں کو صاف ستھرے کھلے سراخوں والی بوریوں میں رکھنا چاہیے تاکہ وہ کسی بیماری کے حملے سے خراب نہ ہوں۔انہوں نے کہا کہ کاشتکار آلو کی بھرائی کیلئے آٹے والی بوریاں ہرگز استعمال نہ کریں کیونکہ ان میں آلو خراب ہونے کا خدشہ ہوتاہے۔انہوں نے کہا کہ اس ضمن میں کسی بھی قسم کی معلومات، مشاورت یا رہنمائی کیلئے محکمہ زراعت کے فیلڈ سٹاف یا فری ہیلپ لائن سے بھی رابطہ کیا جا سکتاہے۔

    گندم کو اسپرے کرنے کے بعد یہ غلطی نہ کریں، کاشتکاروں کے لئے اہم ہدایت

  • آلو اور ٹماٹر کینسر کا علاج کرسکتے ہیں؟

    آلو اور ٹماٹر کینسر کا علاج کرسکتے ہیں؟

    آلو اور ٹماٹر ہمارے روزمرہ کھانوں کا حصہ ہے، حال ہی میں ماہرین نے ایک تحقیق میں بتایا کہ ان میں شامل ایک جز کینسر کے علاج میں معاون ثابت ہوسکتا ہے۔

    طبی جریدے فرنٹیئرز ان فارماکولوجی میں شائع تحقیق کے مطابق پولینڈ اور برطانیہ کے ماہرین نے مختلف تحقیقات کا جائزہ لیا، جن سے یہ دریافت ہوا کہ آلو اور ٹماٹر سمیت مختلف سبزیوں اور پودوں میں پائے جانے والے گلائیکول کلوئیڈز اجزا کینسر کے علاج میں مدد گار ثابت ہوسکتے ہیں۔

    گلائیکول کلوئیڈز دراصل نائٹروجن اور مختلف کیمیکلز کا ایک گروہ ہے جو کہ سبزیوں، پودوں اور جڑی بوٹیوں میں پائے جاتے ہیں۔

    گلائیکول کلوئیڈز عام طور پر پانچ مختلف کیمیکل کا گروپ ہوتا ہے، جن میں سولانائن، چاکونین، سولاسونین، سولا مارگین اور ٹماٹین شامل ہیں۔

    یہ اجزا عام طور پر ٹماٹر، آلو، بینگن اور کالی مرچوں میں پائے جاتے ہیں، تاہم یہ اجزا مختلف جڑی بوٹیوں اور پودوں میں بھی ہوتے ہیں۔

    ماہرین نے ان ہی اجزا کا کینسر کے علاج اور مرض پر اثر دیکھنے کے لیے تحقیق کی، جس سے معلوم ہوا کہ یہ اجزا موذی مرض کے علاج کے دوران فائدہ مند ثابت ہو سکتے ہیں۔

    تحقیق میں بتایا گیا کہ گلائیکول کلوئیڈز پر مبنی پانچوں اجزا کینسر کے مریض کو کیمو تھراپی کے دوران فائدہ پہنچا سکتے ہیں۔

    ماہرین کے مطابق یہ اجزا صرف کینسر کے سیلز کو نشانہ بناتے ہیں، تاہم یہ صحت مند سیلز کو کوئی نقصان نہیں پہنچاتے جبکہ کیمو تھراپی کے دوران دوا کینسر کے سیلز سمیت صحت مند سیلز کو بھی نشانہ بناتی ہے، جس کی وجہ سے مریض کمزور پڑ جاتا ہے۔

    ابھی مذکورہ تحقیق ابتدائی مراحل میں ہے، جس سے یہ معلوم ہوا ہے کہ یہ اجزا کینسر کے علاج میں مدد گار ہو سکتے ہیں۔ اس بات پر ابھی تحقیق ہونا باقی ہے کہ مذکورہ اجزا کو کس طرح استعمال کرنے سے کینسر کے علاج فائدہ ہو سکتا ہے۔

  • آلوؤں کی آڑ میں سیکڑوں کلو چرس دبئی بھیجنے کی کوشش

    آلوؤں کی آڑ میں سیکڑوں کلو چرس دبئی بھیجنے کی کوشش

    کراچی: اینٹی نارکوٹکس فورس نے آلوؤں کی آڑ میں سیکڑوں کلو چرس دبئی بھیجنے کی کوشش ناکام بنا دی۔

    تفصیلات کے مطابق اے این ایف انٹیلیجنس نے کراچی میں واقع پاکستان انٹرنیشنل کنٹینر ٹرمینل پر بڑی کارروائی کرتے ہوئے دبئی بھیجے جانے والے آلوؤں پر مشتمل کنٹینر سے بھاری مقدار میں چرس برآمد کر لی۔

    تلاشی لینے پر آلوؤں سے بھری 157 بوریوں سے مجموعی طور پر 315 کلو گرام چرس برآمد ہوئی، مذکورہ کنٹینر کراچی کی ایک نجی کمپنی کی جانب سے بک کروایا گیا تھا۔

    اے این ایف نے کراچی کے رہائشی عبدالقدیر بھٹی نامی ایک ملزم کو گرفتار کر لیا ہے، مزید ملزمان کی گرفتاری کے لیے چھاپا مار کارروائیوں کا سلسلہ جاری ہے۔

    ترجمان اے این ایف کے مطابق گرفتار ملزم کو اے این ایف پولیس اسٹیشن منتقل کر کے مزید تحقیقات کی جا رہی ہیں۔

  • آلوؤں میں کوکین بھر کر لے جانے والے اسمگلرز گرفتار

    آلوؤں میں کوکین بھر کر لے جانے والے اسمگلرز گرفتار

    کولمبیا میں انسداد منشیات کی پولیس نے آلوؤں میں بھر کے لے جائی جانے والی 13 ہزار کلو گرام کوکین ضبط کرلی۔

    بین الاقوامی میڈیا رپورٹ کے مطابق کولمبیا میں اسمگلرز نے آلوؤں اور فروزن چپس میں کوکین چھپا رکھی تھی، اینٹی نارکوٹکس پولیس نے ایک ویڈیو بھی جاری کی ہے جس میں پولیس اہلکار آلو کاٹ کر اس میں سے کوکین نکال رہے ہیں۔

    پولیس کے مطابق فروزن چپس کے پیکٹس پر ایکسپائری ڈیٹ نہیں تھی جس پر انہیں شک ہوا۔

    اس کے بعد 50 افراد اور منشیات سونگھنے والے کتوں کی ٹیم نے مل کر 13 ہزار کلو گرام کوکین برآمد کی۔

    کولمبین اینٹی نارکوٹکس پولیس کا کہنا ہے کہ یہ اسمگلنگ کا انوکھا ترین طریقہ ہے جو انہوں نے اپنے کیریئر میں دیکھا، مذکورہ شپمنٹ بھیجنے والے ملزمان کی تلاش جاری ہے۔

  • آبادی میں تیزی سے اضافہ: کیا فصلوں کی پیداوار بڑھانا ممکن ہے؟

    آبادی میں تیزی سے اضافہ: کیا فصلوں کی پیداوار بڑھانا ممکن ہے؟

    واشنگٹن: سائنس دانوں کو ایک تحقیق سے علم ہوا ہے کہ پودوں کے RNA میں تبدیلی سے ان کی پیداوار میں غیر معمولی اضافہ کیا جا سکتا ہے اور وہ خشک سالی کے حالات میں بھی زیادہ مزاحمت کر سکتے ہیں۔

    بین الاقوامی ویب سائٹ کے مطابق یونیورسٹی آف شکاگو، پیکنگ یونیورسٹی اور گوئی چو یونیورسٹی کی ٹیم نے آلو اور چاول کے پودوں میں ایک جین کا اضافہ کیا جسے ایف ٹی او کہا جاتا ہے۔

    اس کے نتیجے میں ان میں خوراک پیدا کرنے کا عمل یعنی فوٹو سینتھسس کا سبب بننے والے عوامل میں اضافہ ہوا اور نتیجتاً پودے زیادہ بڑے بھی ہوئے اور ان کی پیداوار بھی کہیں زیادہ ہوئی۔

    تجربہ گاہ میں انہوں نے اصل سے تین گنا زیادہ پیداوار فراہم کی جبکہ کھیتوں میں 50 فیصد زیادہ، ان کا جڑوں کا نظام بھی کہیں زیادہ بڑا نظر آیا جس کی وجہ سے وہ خشک سالی کی صورت میں زیادہ مزاحمت بھی دکھا رہے ہیں۔

    تحقیق میں شامل چوان ہی کہتے ہیں کہ یہ تبدیلی واقعی حیران کن ہے۔ اس سے بھی بڑھ کر یہ کہ یہ تکنیک اب تک ہر پودے پر کام کرتی دکھائی دے رہی ہے اور عمل بھی سادہ ہے۔

    کیمسٹری، بائیو کیمسٹری اور مالیکیولر بائیولوجی کے معروف پروفیسر چوان ہی کہتے ہیں کہ ہم پودوں پر بہت زیادہ انحصار کرتے ہیں، لکڑی کے حصول سے لے کر خوراک، ادویات، پھولوں اور تیل تک ، یہ طریقہ پودوں سے حاصل کردہ ان چیزوں کی پیداوار بڑھانے کا بھی ذریعہ بنے گا۔

    ان کے مطابق اس سے گلوبل وارمنگ کے اس ماحول میں پودوں کو بہتر بنانے کا موقع بھی ملے گا۔

    یاد رہے کہ دنیا کی تیزی سے بڑھتی ہوئی آبادی کے سبب اس وقت غذائی تحفظ یا فوڈ سیکیورٹی بہت بڑا مسئلہ ہے جو کلائمٹ چینج، عالمی حدت اور ماحولیاتی اثرات کی وجہ سے مستقبل قریب میں دنیا کو پیش آسکتا ہے۔

  • مزیدار فرنچ فرائز کھانے کا وہ نقصان جو آپ نہیں جانتے

    مزیدار فرنچ فرائز کھانے کا وہ نقصان جو آپ نہیں جانتے

    گرما گرم مزیدار فرنچ فرائز چاہے گھر کے بنے ہوں یا باہر کے، جب سامنے آتے ہیں تو بے اختیار دل للچانے لگتا ہے، لیکن یہ فرنچ فرائز آپ کو سخت نقصان پہنچانے کا سبب بھی بن سکتا ہے۔

    ماہرین کا کہنا ہے کہ آلو اور آلو سے بنی ہوئی اشیا بلند فشار خون یعنی ہائی بلڈ پریشر کے خطرے میں اضافہ کر سکتی ہیں۔ ایک تحقیق کے مطابق آلو کا استعمال ہائی بلڈ پریشر کے خطرے میں 11 سے 17 فیصد اضافہ کرسکتا ہے۔

    البتہ کرسپی چپس کھانے سے یہ خطرہ نہیں ہوتا کیونکہ اسے کیمیائی عمل سے گزار کر اس میں موجود نہ صرف مضر بلکہ مفید اجزا کو بھی ضائع کردیا جاتا ہے۔

    ماہرین کے مطابق آلو چونکہ تیزی سے توانائی میں اضافہ کرتا ہے اس لیے یہ ہائی بلڈ پریشر کا خطرہ پیدا کرتا ہے۔ صرف یہی نہیں بلکہ بلڈ پریشر کی وجہ سے ذہنی دباؤ میں اضافہ اور خلیوں کی کارکردگی میں کمی بھی واقع ہوسکتی ہے۔

    ایک اور تحقیق میں بتایا گیا کہ وہ خواتین جو اپنی غذا میں آلو کا زیادہ استعمال کرتی ہیں ان میں حمل کے دوران ذیابیطس کا خطرہ 50 فیصد تک بڑھ جاتا ہے۔

    البتہ دالیں اور سبزیاں استعمال کرنے سے اس خطرے میں 9 سے 12 فیصد کمی ہوجاتی ہے۔

  • فرانس: کئی ماہ بعد لوٹنے پر خاتون گھر پر عجیب چیز کا قبضہ دیکھ کر خوف زدہ ہو گئی

    فرانس: کئی ماہ بعد لوٹنے پر خاتون گھر پر عجیب چیز کا قبضہ دیکھ کر خوف زدہ ہو گئی

    کان: فرانس کے شہر کان کے ایک علاقے میں گھر کی مالکن جب کئی ماہ بعد لوٹیں تو یہ دیکھ کر خوف زدہ ہو گئیں کہ گھر پر آلوؤں نے قبضہ جما رکھا ہے۔

    تفصیلات کے مطابق فرانس کے شہر کان (Caen) میں 22 سالہ خاتون ڈونا پوری 3 ماہ گھر سے دور رہیں، جب واپس آئیں تو گھر پر آلو کے پودے نے قبضہ جما لیا تھا، خاتون یہ دیکھ کر حیران رہ گئیں۔

    معلوم ہوا کہ ڈونا پوری نے مارچ میں سپر مارکیٹ سے ڈھائی یورو (210 روپے) کے آلو خرید کر گھر میں رکھ دیے تھے، جب ملک میں لاک ڈاؤن کا اعلان ہوا تو اس نے سیلف آئسولیشن کا یہ وقت شہرے کے دوسرے سرے پر رہائش پذیر دوست کے ساتھ گزارنے کا فیصلہ کیا۔

    ڈونا نے فلیٹ چھوڑنے سے قبل صرف ضروری سامان لیا اور باقی چیزیں چھوڑ دیں، کچن کے شیلف میں پڑے آلوؤں کی طرف اس نے کوئی توجہ نہیں دی، لیکن جب وہ تین ماہ بعد گھر لوٹ آئی تو دیکھا کہ فلیٹ اب اس کا نہیں رہا ہے، آلوؤں نے اس پر قبضہ کر لیا تھا۔

    ڈونا پوری کا کہنا تھا کہ جب اس نے دروازہ کھولا تو باورچی خانے کی پشت پر اس نے عجیب سی چیز دیکھی، اس وقت روشنی نہیں تھی اس لیے اسے پتا نہیں چلا کہ یہ آلو ہیں، اس لیے وہ ڈر گئی۔ ڈونا نے مسکراتے ہوئے بتایا کہ شاید آلوؤں کو اس طرح گھر میں اکیلا چھوڑ کر جانا پسند نہیں آیا اس لیے اس نے ٹہنیاں نکال کر گھر پر قبضہ کر لیا۔

    آلوؤں نے تھیلی سے پھوٹ کر لمبی گلابی ٹہنیاں نکال کر دیواروں کو حصار میں لے لیا تھا، انھوں نے فرنیچر کے جوائنٹس کو بھی توڑ دیا تھا۔ ڈونا کا کہنا تھا کہ یہ دیکھ کر پہلے تو وہ خوف زدہ ہو گئی تاہم جب سمجھ میں آیا تو ہنسنے لگی اور اس کی ویڈیو دوستوں کے ساتھ شیئر کی اور ٹوئٹر پر اس کی تصاویر ڈال دیں۔ ڈونا نے یہ پیغام بھی لکھا کہ تین ماہ کی غیر موجودگی کے بعد میرے آلوؤں نے فیصلہ کیا کہ وہ حدیں توڑ دیں گے، حتیٰ کہ فرنیچر کے جوائنٹس میں بھی سوراخ کر دیں گے۔

    ڈونا کو آلوؤں کے قبضے سے گھر کو واگزار کرانے میں کئی گھنٹے لگے، جس تھیلی میں آلو رکھے تھے اسے بھی طاق سے نکالنا مشکل ہو گیا تھا کیوں کہ ٹہنیوں نے اسے جوائنٹس میں جما رکھا تھا۔ ڈونا نے کہا کہ میں نے یہ سبق سیکھا کہ اگر آئندہ گھر چھوڑ کر جاؤ تو آلوؤں کو گھر میں نہ چھوڑو۔

  • وزیرِ اعظم عمران خان نے آلو کی قیمتوں میں کمی کا نوٹس لے لیا

    وزیرِ اعظم عمران خان نے آلو کی قیمتوں میں کمی کا نوٹس لے لیا

    اسلام آباد: وزیرِ اعظم عمران خان نے آلو کی قیمتوں میں کمی کا نوٹس لے لیا، اس سلسلے میں وزیرِ اعظم نے وزیرِ اعلیٰ پنجاب عثمان بزدار سے اہم ملاقات کی۔

    تفصیلات کے مطابق وزیرِ اعظم نے آلو کی قیمتوں کی کمی کا نوٹس لیتے ہوئے وزیرِ اعلیٰ پنجاب عثمان بزدار سے اہم ملاقات کی ہے۔

    [bs-quote quote=”ضرورت پڑی تو پنجاب حکومت کاشت کاروں سے آلو خریدے۔” style=”style-7″ align=”left” color=”#dd3333″ author_name=”وزیر اعظم کی ہدایت”][/bs-quote]

    وزیرِ اعظم نے وزیرِ اعلیٰ پنجاب کو خصوصی اقدامات کی ہدایت کر دی، کہا کہ آلو کے کاشت کاروں کے مسائل 5 دن میں حل کیے جائیں۔

    وزیرِ اعظم عمران خان نے عثمان بزدار سے کہا کہ اگر ضرورت پڑی تو پنجاب حکومت کاشت کاروں سے آلو خریدے۔

    دریں اثنا وزیرِ اعظم کی ہدایت پر کاشت کاروں کے مسائل حل کرنے کے لیے اجلاس طلب کر لیا گیا، اجلاس پیر کو منعقد ہوگا، جس کی صدارت وزیرِ خوراک کریں گے۔

    یہ بھی پڑھیں:  زراعت ملکی معیشت کی ریڑھ کی ہڈی ہے، بھرپور توجہ دی جائے، ڈاکٹر مرتضیٰ مغل

    خیال رہے کہ پاکستان اکانومی واچ کے صدر ڈاکٹر مرتضیٰ مغل نے کہا ہے کہ زراعت ملکی معیشت کی ریڑھ کی ہڈی ہے اسے بھرپور توجہ دی جائے اور کاشت کاروں کی کاروباری لاگت بڑھنے نہ دی جائے۔

    ان کا کہنا تھا کہ اگر کاشت کاروں کو جدید طریقوں کی طرف راغب کیا جائے تو ملکی جی ڈی پی میں زراعت کا حصہ بڑھایا جا سکتا ہے، ماضی میں شعبہ زراعت کو مسلسل نظر انداز کیا گیا۔

  • مزیدار فرنچ فرائز آپ کو بلڈ پریشر کا شکار بنا سکتے ہیں

    مزیدار فرنچ فرائز آپ کو بلڈ پریشر کا شکار بنا سکتے ہیں

    کون ہوگا جسے فرنچ فرائز پسند نہیں ہوں گے؟ گرما گرم، خستہ فرنچ فرائز کیچپ کے ساتھ بہت لذیذ لگتے ہیں۔ لیکن کیا آپ جانتے ہیں کہ یہ فرنچ فرائز آپ کو ہائی بلڈ پریشر کا مریض بنا سکتے ہیں؟

    ایک تحقیق کے مطابق آلو اور آلو سے بنی ہوئی اشیا بلند فشار خون یعنی ہائی بلڈ پریشر کے خطرے میں اضافہ کر سکتی ہیں۔

    تحقیق کے مطابق آلو کا استعمال ہائی بلڈ پریشر کے خطرے میں 11 سے 17 فیصد اضافہ کرسکتا ہے۔

    p2

    البتہ کرسپی چپس کھانے سے یہ خطرہ نہیں ہوتا کیونکہ اسے کیمیائی عمل سے گزار کر اس میں موجود نہ صرف مضر بلکہ مفید اجزا کو بھی ضائع کردیا جاتا ہے۔

    ماہرین کے مطابق آلو چونکہ تیزی سے توانائی میں اضافہ کرتا ہے اس لیے یہ ہائی بلڈ پریشر کا خطرہ پیدا کرتا ہے۔ صرف یہی نہیں بلکہ بلڈ پریشر کی وجہ سے ذہنی دباؤ میں اضافہ اور خلیوں کی کارکردگی میں کمی بھی واقع ہوسکتی ہے۔

    chips-2

    اس سے قبل کی جانے والی ایک تحقیق کے مطابق وہ خواتین جو اپنی غذا میں آلو کا زیادہ استعمال کرتی ہیں ان میں حمل کے دوران ذیابیطس کا خطرہ 50 فیصد تک بڑھ جاتا ہے۔

    البتہ دالیں اور سبزیاں استعمال کرنے سے اس خطرے میں 9 سے 12 فیصد کمی ہوجاتی ہے۔

  • ان غذاؤں سے اپنا بلڈ پریشر گھٹائیں

    ان غذاؤں سے اپنا بلڈ پریشر گھٹائیں

    بلند فشار خون یا ہائی بلڈ پریشر ایک ایسی بیماری ہے جو دیگر کئی امراض اور خطرات کو پیدا کرنے کا سبب بن سکتی ہے۔ یہ دماغ کی رگ پھٹنے یا دل کے دورے کا سبب بن سکتی ہے جس سے فوری طور پر موت واقع ہونے کا خدشہ ہوتا ہے۔

    تاہم ماہرین کا کہنا ہے کہ کچھ غذائیں ایسی ہیں جن کے باقاعدہ استعمال سے ہم اپنا بلڈ پریشر قابو میں رکھ سکتے ہیں۔ اگر آپ ہائی بلڈ پریشر کے مریض ہیں تو آپ کو ان غذاؤں کا باقاعدہ استعمال کرنا چاہیئے۔


    کیلا

    2

    ماہرین کا کہنا ہے کہ روزانہ 2 کیلے کھانا آپ کے بلڈ پریشر کو معمول کی سطح پر رکھتا ہے، جبکہ 3 کیلے فالج سے بھی حفاظت فراہم کرتے ہیں۔

    کیلوں میں پوٹاشیم کی بڑی مقدار موجود ہوتی ہے جو ان دونوں امراض سے حفاظت فراہم کرتی ہے۔

    علاوہ ازیں یہ آسانی سے ہضم ہونے والی غذا ہے جو دن کے کسی بھی حصے میں کھائی جاسکتی ہے۔


    تربوز

    watermelon

    تربوز میں موجود عناصر جسم کی مختلف رگوں کو آرام دہ حالت میں لاتے ہیں جس سے بلڈ پریشر نارمل رہتا ہے۔

    طبی ماہرین کی تجویز ہے کہ ناشتے میں تربوز کا استعمال دن بھر آپ کو مختلف اقسام کے تناؤ سے محفوظ رکھتا ہے۔


    خشک میوہ جات

    nuts

    خشک میوہ جات کی مناسب مقدار جسم میں شوگر اور فشار خون کی سطح کو معمول کے مطابق رکھتی ہے تاہم اس کا زیادہ استعمال صحت کے لیے سخت نقصان دہ ہے کیونکہ یہ چکنائی سے بھرپور ہوتے ہیں۔


    نارنگی

    oranges

    سردیوں کا خاص پھل نارنگی نہ صرف قوت مدافعت کو مضبوط اور کئی بیماریوں سے تحفظ فراہم کرتا ہے بلکہ یہ بلڈ پریشر کو بھی قابو میں رکھتا ہے۔

    مزید پڑھیں: سردیوں میں نارنگی کھانا بے شمار فوائد کا باعث


    دلیہ

    oatmeal

    ماہرین کے مطابق ناشتے میں دلیہ کھانا جسم میں خون کی سطح کو معمول پر رکھنے میں مدد گار ثابت ہوتا ہے۔

    لیکن خیال رہے کہ اس کے لیے سادہ دلیہ استعمال کیا جائے، مختلف فلیورز کے دلیہ میں شوگر کی غیر ضروری مقدار شامل کی جاتی ہے جو جسم کو نقصان پہنچا سکتی ہے۔


    ٹماٹر

    tomatoes

    کچے ٹماٹر کھانا نہ صرف بلڈ پریشر میں کمی کرتا ہے بلکہ یہ جلد کو بھی جوان اور خوبصورت رکھتا ہے اور جھریوں سے تحفظ فراہم کرتا ہے۔


    گاجر

    carrot

    گاجر میں موجود پوٹاشیم اور اینٹی آکسیڈنٹس بلڈ پریشر کو معمول کی سطح پر لانے کا اہم ذریعہ ہیں۔ گاجر کا جوس ہائی بلڈ پریشر کے مریضوں کے لیے نہایت فائدہ مند ہے۔


    آلو

    potatoes

    زیادہ آلو کھانا ویسے تو موٹاپے کا سبب بنتا ہے لیکن یہ خون کے بہاؤ کو نارمل رکھتا ہے لہٰذا کبھی کبھار آلو کھا لینے میں کوئی حرج نہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔