Tag: آلودہ ترین شہروں

لاہور/ کراچی : دنیا کے آلودہ ترین شہروں کی فہرست میں لاہور دوسرے اور کراچی چوتھے نمبر پر آگیا ، لاہور میں ایئرکوالٹی انڈیکس 371 اور کراچی میں 237 رہا۔

تفصیلات کے مطابق صوبائی دارالحکومت لاہور میں ماحولیاتی آلودگی میں کمی نہ آسکی،لاہور کا فضائی معیارآج صبح بھی خطرناک درجے تک مضر صحت ہے، جہاں پارٹیکولیٹ میٹرز کی تعداد تین سو اکہتر ریکارڈ کی گئی، جس کے بعد دنیا کے آلودہ ترین شہروں میں لاہور دوسرے نمبر پر ہے۔

کراچی کا فضائی معیار بھی آج انتہائی مضرِصحت ہے، ائیرکولٹی انڈکیس کے مطابق کراچی آلودہ ترین شہروں کی فہرست میں چوتھے نمبر پر رہا، جہاں فضا میں آلودگی دوسو پچپن پرٹیکیولیٹ میٹرریکارڈ کی گئی ہے

۔دنیا کے آلودہ ترین شہروں میں بھارت کا دارالحکومت دہلی پہلے نمبر پر ہے جس کی فضا میں آلودگی تین سوتیراسی پرٹیکیولیٹ میٹر ریکارڈ ہوئی۔

خیال رہے اسموگ کے تدارک کے لئے محکمہ ٹرانسپورٹ اور سیف سٹی بھی ایکٹو ہو گے، دھواں چھوڑتی گاڑیوں اور شہر میں کوڑے کرکٹ کو آگ لگانے والوں کے خلاف کریک ڈاون شروع کردیا ہے۔

سیف سٹی کی نشاندہی پر لاہور میں 60 سے زائد دھواں چھوڑتی گاڑیوں کو بھاری جرمانے اور کوڑے کرکٹ کو آگ لگانے والے 15 افراد کو گرفتار کروایا۔

دوسری جانب صوبائی وزیر ٹرانسپورٹ ابراہیم حسن مراد کا کہنا ہے کہ دھواں چھوڑنے والی گاڑیوں کے خلاف کریک ڈاؤن شروع کردیا گیا ہے، دھواں چھوڑنے والی گاڑیوں کا سات ہزار روپے تک کا چالان کیا جائے گا ۔

لاہور میں آلودگی کی شرح اوسطاً 345 جبکہ شہر کا آلودہ ترین علاقہ کینٹ پولو گراونڈ ہے جہاں کا ایئر کوالٹی انڈیکس 472 ریکارڈ کیا گیا، ڈی ایچ اے فیز 8 میں 460، بھٹہ چوک 447, شملہ پہاڑی 428 اور گلبرگ میں آلودگی کی شرح 417 ریکارڈ کی گئی۔

لاہور :فضائی آلودگی کے لحاظ سے آج بھی لاہور شہر دنیا کے آلودہ ترین شہروں میں پہلے نمبر پر آگیا ہے۔

تفصیلات کے مطابق صوبائی دارلحکومت لاہور میں اسموگ کے بادل چھائے ہوئے ہیں ، جس کے باعث شہر کا ائیرکوالٹی انڈیکس کی شرح خطرناک حدتک پہنچ گئی ہے۔

فضائی آلودگی کے لحاظ آج بھی لاہور دنیا کا آلودہ ترین شہر قرار دے دیا گیا، جہاں مجموعی ایئرکوالٹی انڈیکس کی شرح498 تک جاپہنچی ، جبکہ بھارت کے شہر دہلی کا 279 شرح کے ساتھ دوسرا نمبر ہے۔

شہریوں کا کہنا ہے کہ لاہورمیں اسموگ سےآنکھوں میں جلن،گلےکی خراش کی شکایت ہورہی ہے۔

درجہ بندی کے مطابق 151سے200 درجے تک آلودگی مضر صحت ہے، 201سے 300 درجے تک آلودگی انتہائی مضر صحت ہے، 301سے زائد درجہ ، خطرناک آلودگی کو ظاہر کرتا ہے۔

فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔

فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔

خیال رہے سرما کی آمد کیساتھ ہی لاہور سمیت پنجاب کے میدانی علاقوں میں دھند کا سلسلہ شروع ہوگیا، جس سے حدنگاہ کم ہونے کے باعث ٹریفک کی روانی متاثرہے۔

شدیددھند کے باعث موٹروے ایم ٹو لاہور سے شیخو پورہ تک بند کرنا پڑی ، موٹروے پولیس نےشہریوں کو محتاط ڈرائیونگ، فوگ لائٹس کے استعمال اورغیرضروری سفرنہ کرنے کی ہدایت جاری کردی ہے۔