اسلام آباد: ایف آئی اے نے کارروائی کرتے ہوئے جعلی اے ایس آئی کو گرفتار کرلیا۔
تفصیلات کے مطابق ایف آئی اے سائبر کرائم سرکل نے راولپنڈی میں کارروائی کرتے ہوئے جعلی اے ایس آئی کو گرفتار کرلیا۔
ترجمان ایف آئی اے کے مطابق گرفتار ملزم آن لائن جنسی ہراسگی میں ملوث ہے، ملزم خود کو ایف آئی اے اہلکار ظاہر کر کے جنسی ہراساں کرتا تھا۔
ایف آئی اے ترجمان کے مطابق ملزم محمد جابر کو جناح گارڈن سے گرفتار کیا گیا، ملزم کے موبائل سے قابل اعتراض مواد برآمد کر لیا گیا۔
اسلام آباد : آن لائن جنسی ہراسگی میں ملوث 2 ملزمان کو گرفتار کرلیا گیا ، ملزمان نے کمسن بچی کی قابل اعتراض تصاویر وائرل کیں۔
تفصیلات کے مطابق سائبر کرائم سرکل اسلام آباد نے کارروائی کرتے ہوئے آن لائن جنسی ہراسگی میں ملوث 2 ملزمان گرفتار کرلئے۔
ترجمان ایف آئی اے کا کہنا تھا کہ گرفتار ملزمان کے نام طیب شہزاد اور ذیشان حیدر بتائے گئے ہیں، ملزمان نے کمسن بچی کی قابل اعتراض تصاویر وائرل کیں۔
ترجمان کا کہنا تھا کہ ملزمان کے موبائل سے مذکورہ واٹس ایپ اکاونٹ برآمد کر لیا گیا ہے جبکہ موبائل سے کمسن بچی کا قابل اعتراض مواد بھی برآمد کیا ہے۔
ترجمان کے مطابق ملزمان کو اسلام آباد سے گرفتار کیا گیا ، ملزمان قابل اعتراض مواد کی آڑ میں متاثرہ کو بلیک میل کرنے میں ملوث تھے۔
ایف آئی اے نے بتایا کہ ملزمان نے متاثرہ بچی کا قابل اعتراض مواد واٹس ایپ کے ذریعے شئیر کیا تاہم گرفتار ملزمان سے تفتیش کا آغاز کر دیا گیا ہے۔
اسلام آباد: ایف آئی اے سائبر کرائم سرکل ایبٹ آباد نے آن لائن جنسی ہراسگی میں ملوث ملزم کو گرفتار کرلیا۔
اےآر وائی نیوز کے مطابق وفاقی تحقیقاتی ایجنسی (ایف آئی اے)سائبر کرائم سرکل نے ایبٹ آباد کی کارروائی کرتے ہوئے آن لائن جنسی ہراسگی میں ملوث ملزم کو حویلیاں سے گرفتار کرلیا۔
ترجمان ایف آئی اے کے مطابق ملزم نے خاتون کی قابل اعتراض تصاویر واٹس ایپ کے ذریعے شئیر کیں، ملزم کی شناخت سعد کے نام سے ہوئی ہے، گرفتار ملزم شکایت کنندہ کو بلیک میل کرنے میں بھی ملوث تھا۔
ترجمان کے مطابق ملزم نے متاثرہ کے گھر والوں کو جنسی طور پر ہراساں کرنے کے بھی دھمکی آمیز پیغامات بھیجے، ملزمان دھمکی آمیز پیغامات کے لئے مختلف واٹس ایپ نمبرز کا استعمال کرتا تھا۔
ترجمان ایف آئی کے مطابق ملزم کے قبضے سے موبائل فون، واٹس ایپ اکاونٹ اور سمز برآمد کر لی گئی ہے، ابتدائی تفتیش کے مطابق ملزم گزشتہ کئی ماہ سے شکایت کنندہ کو ہراساں کر رہا تھا جبکہ ملزم کے خلاف مقدمہ درج کر لیا گیا۔