Tag: آن لائن لون ایپ

اسلام آباد :  وفاقی تحقیقاتی ادارے (ایف آئی اے) نے آن لائن لون ایپ سے شہری کی خودکشی کے واقعے پر  لون ایپ کے اکاؤنٹ بلاک کرنے کیلئے متعلقہ کمپنیز سے رجوع کر لیا۔

تفصیلات کے مطابق آن لائن لون ایپ کی دھمکیوں سے تنگ شہری کی خودکشی کے واقعے کی تحقیقات میں اہم پیش رفت ہوئی۔

وفاقی تحقیقاتی ادارے (ایف آئی اے) نے آن لائن لون ایپ سے راولپنڈی میں شہری کی موت کے واقعے پر آن لائن ایپ کے چاروں سیل دفاتر کے ریکارڈ کو تحقیقات کا حصہ بنا دیا۔

ایف آئی اے نے لون ایپ کے اکاؤنٹ بلاک کرنے کیلئے متعلقہ کمپنیز سے رجوع کر لیا ، ترجمان نے بتایا کہ لون ایپ کے اکاؤنٹ بلاک کرنے کیلئے کمیونی کیشن کمپنیوں سے رجوع کیا گیا ، ایپ کمپنیوں کے دفاتر میں شامل ملازمین کا ریکارڈ بھی موصول ہو گیا ہے۔

فناشنل فراڈمیں استعمال ہونیوالی سمز کے ریکارڈ کیلئے پی ٹی اےکو خطوط لکھ دیئے ہیں ، اس معاملے کی ایڈیشنل ڈائریکٹر سائبر کرائم کی سربراہی میں ٹیم 19افراد کیخلاف تحقیقات کر رہی ہے۔

خیال رہے کہ راولپنڈی میں گزشتہ دنوں محمود مسعود نامی شخص نے ایک آن لائن کمپنی سے 13 ہزار قرض لینے کے بعد اس کی ادائیگی نہ کرنے پر خودکشی کرلی تھی، جس کے بعد سے کارروائی جاری ہے۔

راولپنڈی : آن لائن لون ایپ کی کی دھمکیوں سے دلبرداشتہ ہوکر خودکشی کرنے والے مسعود کے خاندان نے آن لائن ایپ کیخلاف ایف آئی اے سے رجوع کرنے کا اعلان کردیا۔

تفصیلات کے مطابق راولپنڈی میں آن لائن ایپ کی بلیک میلنگ سےتنگ آکرخودکشی کرنے والے محمد مسعود کے خاندان نے آن لائن لون ایپس کے خلاف ایف آئی اے سائبر کرائم میں جانے کا اعلان کردیا۔

والد کا کہنا ہے کہ یہ آن لائن کمپنیاں بلیک میل کرتی ہیں، قرض کا سود کا کاروبار بند ہونا چاہیئے اور سودی نظام کے خاتمے کے لیے کارروائی ہونی چاہیے۔

اس سے قبل آن لائن لون ایپ کےنمائندے کی مسعود کے بھانجے سے فون پر گفتگو بھی سامنے آگئی ہے ، نمائندہ دھمکیاں دے رہا ہے۔

آن لائن ایپ نمائندہ کا کہنا تھا کہ مذاق بنارکھاہےم تم سب فراڈیے ہو، سب باہر نکلو گے، ساری معلومات ہیں ہمارے پاس۔

گذشتہ روز راولپنڈی میں ایک شخص نےآن لائن ایپ کی بلیک میلنگ سےتنگ آکرخود کشی کرلی تھی۔

محمد مسعود نے اپنے آخری پیغام میں بیوی سے معافی مانگی اور کہا بہت سارے لوگوں کے سود کے پیسے دینے ہیں اس کے سوا کوئی اور راستہ نہیں ۔

آن لائن ایب کے ایجنٹ کی آڈیو سامنے آئی تھی ، جس میں میں واضح سنا جاسکتا ہے ایجنٹ اہل خانہ کو دھکمیاں دیں۔