ریاض : سعودی حکام نے سیاحت کے فروغ کے لیے پہلی بار سیاحتی ویزا پالیسی کا اعلان کردیا ، کل سے ٹورسٹ آئن لائن ویزا کے لیے اپلائے کر سکیں گے۔
تفصیلات کے مطابق سعودی حکومت نے پہلی بار سیاحتی ویزے کا اعلان کرتے ہوئے کہا آن لائن سیاحتی ویزہ 49 ممالک کے لیے ہوگا، سیاحتی ویزے کا بنیادی مقصد ملک کی معیشت کو پروان چڑھانا ہے، اس اقدام سے دنیا کو سعودی عرب کی خوبصورتی کو دیکھنے کے لئے راہیں کھلیں گی۔
امریکہ، کینیڈا، برطانیہ، نیوزی لینڈ، جنوبی کوریا، اٹلی ، آئس لینڈ، فرانس، ناروے، اسپین، یونان، نیدرلینڈز، رومانیہ، کروشیا اور سویڈن، ڈنمارک، ایسٹونیا، فن لینڈ، سنگاپور، ملائشیا، قازقستان، روس، آسٹریا، بیلجیم، پولینڈ، چین، ہانگ کانگ، جنوبی کوریا اور بلغاریہکے شہری سعودی ٹورسٹ ویزا پالیسی سے فائدہ اٹھا سکیں گے۔
سعودی ٹورازم چیف احمد الخطیب کا کہنا تھا کہ سیاحتی ویزے میں بہت سارے ورثے اور آثار قدیمہ والے مقامات ہیں جب کہ مدینہ منورہ اور مقدس مقامات پر سیاحتی ویزے پر آنے والوں کے لیے پابندی ہوگی کیونکہ یہ فی الحال مسلمان زائرین تک ہی محدود ہیں۔
ذرائع کا کہنا ہے کہ اس اقدام سے دنیا کو سعودی عرب کی خوبصورتی کو دیکھنے کے لئے راہیں کھلیں گی اور تیل کی غیر آمدنی میں اضافہ ہوگا تاکہ اس کی خوشحالی میں اہم کردار ادا کیا جاسکے۔ یہ کنگڈم کے وژن 2030 کی امنگوں کے مطابق بھی ہے۔
سیاح سعودی عرب پہنچنے پر ویزا 30 منٹ کے اندر یا “ویزا آن ویزا پہنچنے” کے عمل کے ذریعے الیکٹرانک پلیٹ فارم کے ذریعے حاصل کرسکیں گے ، ویزا حاصل کرنے کے لئے واپسی کا ٹکٹ یا ہوٹل کی بکنگ کی ضرورت نہیں ہوگی۔
مزید پڑھیں : سعودی عرب کا 27 ستمبر سے نیا سیاحتی ویزا پالیسی شروع کرنے کا ارادہ
سعودی حکومت کا کہنا تھا کہ امید ہے کہ 2030 تک سیاحت کی مجموعی ملکی پیداوار میں 10 فیصد تک شراکت ہوگی جو اس وقت 3 فیصد ہے جبکہ سیاحت کے شعبے میں 10 لاکھ نوکریاں پیدا ہونے کی بھی توقع کی جارہی ہے۔
اس سے قبل 2017 میں سعودی ولی عہد نے بحیرہ احمر کے 50 جزیروں اور دیگر قدیم مقامات کو عیش و آرام کی ریزورٹس میں تبدیل کرنے کے لئے ایک ارب ڈالر کے منصوبے کا بھی اعلان کیا تھا۔
