لاہور:صوبہ پنجاب کےدارالحکومت لاہور میں پولیس نے کارروائیوں کےدوران ڈکیٹی اور چوری کی واردتوں میں ملوث آٹھ ملزمان کوگرفتار کرلیا۔
تفصیلات کےمطابق لاہور میں ڈکیتی اور چوری کی بڑھتی ہوئی وارداتوں کے خلاف کینٹ ڈویژن پولیس نے مختلف تھانوں کی حدود میں کریک ڈاﺅن کرکےآٹھ ملزمان کو گرفتار کر لیا۔
پولیس نےچار ملزمان کو لاہور کے علاقے ہربنس پورہ،دو ڈیفنس اے اوردوکو باغبان پورہ پولیس نے گرفتار کیا،جبکہ ملزمان کے قبضے سے بھاری مقدار میں نقدی،اسلحہ اور موبائل فونزبرآمد کر لیےگئے۔
پولیس حکام کا کہنا ہے کہ تمام افراد کے خلاف چوری اور ڈکیتی کی دفعات کے تحت مقدمے درج کر لیے گئے ہیں۔
واضح رہے کہ اس سے قبل لاہور میں امن وامان کی صورتحال کو برقرار رکھنے کے لیے پولیس کی جانب سے سرچ آپریشن کیا گیاتھاجس میں 20سے زائد مشتبہ افراد کو حراست میں لیا گیا۔
