اسلام آباد : ایک ہفتے کے دوران آٹے کا 20 کلو کا تھیلا 300 روپے تک مہنگا کردیا، کراچی کے شہری ملک میں سب سے مہنگا آٹا خریدنے پر مجبور ہے۔
تفصیلات کے مطابق ملک بھر میں ایک ہفتے کےدوران آٹے کی قیمتوں میں بڑا اضافہ ہوگیا۔
ایک ہفتے کے دوران آٹے کا 20 کلو کا تھیلا 300 روپے تک مہنگا ہوا اور کراچی کے شہری ملک میں سب سے مہنگا آٹا خریدنے پر مجبور ہوگئے۔
ادارہ شماریات نے کہا کہ کراچی میں 20 کلو آٹے کی قیمت میں 300 روپے تک اضافہ کے بعد آٹے کے 20 کلو تھیلے کی قیمت 2900 روپے تک پہنچ گئی۔
ادارہ شماریات کا کہنا تھا کہ سکھر میں آٹے کے تھیلے کی قیمت میں 140 روپے تک اضافہ ہوا جبکہ حیدرآباد میں 20 کلو آٹے کی قیمت 1960 روپے ہوگیا۔
خضدار میں آٹے کے 20 کلو تھیلے کی قیمت 2720 روپے، کوئٹہ میں آٹے کے تھیلے کی قیمت 2650، بنوں 2550، سکھر میں 2520 روپے تک پہنچ گئی۔
گوجرانوالہ میں آٹے کا تھیلا 2533، پشاور 2450روپے، ملتان میں 2320 روپے ، جڑواں شہروں میں 1295 روپے، سیالکوٹ، فیصل آبادمیں 1295 روپے میں دستیاب ہے۔
