اے آر وائی ڈیجیٹل کے ڈرامہ سیریل ’آپا شمیم‘ کا اختتام ’شمیم باجی‘ کے انتقال پر ہوا جبکہ کشف ڈاکٹر بن گئیں۔
اے آر وائی ڈیجیٹل کے ڈرامہ سیریل ’آپا شمیم‘ میں فائزہ حسن، سلیم شیخ، زوہا توقیر، راحت غنی، سجاد پال، منور سعید، احمد رندھاوا، راشد فاروقی، نوین نقوی ودیگر نے اداکاری کے جوہر دکھائے۔
آج اے آر وائی ڈیجیٹل کی آخری قسط نشر ہوئی جس میں دکھایا گیا کہ آپا شمیم کو فالج ہوجاتا ہے اور وہ بسر پر آجاتی ہیں، عبدالباری اور کشف ان کی دیکھ بھال کرتے لیکن وہ انتقال کرجاتی ہیں جبکہ ڈاکٹر بن جاتی ہیں۔
فائزہ حسن کی اداکاری کو مداحوں کی جانب سے خوب سراہا جارہا ہے۔
آپا شمیم کی اداکاری نے مداحوں کو جذباتی کردیا اور شائقین ڈرامے کے اختتام کی تعریف کررہے ہیں، ایک صارف نے لکھا کہ ’اللہ سب کو ہدایت دے اس سے پہلے کہ وہ آپا شمیم جیسے انجام کا سامنا کریں۔‘
مداحوں کا خیال تھا کہ ’آپا شمیم‘ کا اختتام سبق پر مبنی ہے، ایک مداح نے لکھا کہ ’ظالم لوگوں کے لیے موت ہی حتمی حقیقت ہے، آخرکار ہر ایک کو اپنے اعمال کا خمیازہ بھگتنا پڑتا ہے۔‘
علاوہ ازیں ڈرامے کی مرکزی کردار زوہا توقیر نے بھی انسٹاگرام پر ڈرامے کی کاسٹ کے ساتھ تصاویر شیئر کیں اور پہلے ڈرامے میں ساتھ دینے پر فائزہ گیلانی، فہد شیخ ودیگر کا شکریہ ادا کیا۔
زوہا توقیر نے ڈرامے کے ہدایت کار ذیشان علی زیدی کا بھی شکریہ ادا کیا۔
View this post on Instagram
