پاک بھارت جنگ کے دوران مودی کی ناقص پالیسیوں پر بھارت کے ہر طبقے سے آوازیں اٹھنا شروع ہو چکی ہیں، معرکہ بُنْيَانٌ مَّرْصُوْص کے بعد بھارتی فوج کے سابق افسران جنگ کی بجائے سفارتی کاری کے حق میں بولنے لگے ہیں۔
بھارتی فوج کے سابق آرمی چیف جنرل منوج نراونے نے پاکستان بھارت میں جنگ بندی پر اٹھتے سوالات کو غیر ذمہ دارانہ قرار دے دیا ہے، انھوں نے کہا تمام تصفیہ طلب مسائل کا حل بات چیت ہے۔
سابق بھارتی آرمی چیف کے بیان سے واضح تاثر ملتا ہے کہ؛ ’’پاکستان اور بھارت کو بھی مسئلہ کشمیر پر جنگ کی بجائے بات چیت کرنا چاہیے۔‘‘ اس سے قبل امریکی صدر ڈونلڈ ٹرمپ واضح طور پر پاکستان اور بھارت میں مسئلہ کشمیر میں ثالثی کی پیش کش کر چکے ہیں۔
بھارت کے سابق آرمی چیف منوج نروانے کہا ہے کہ ’’جنگ ایک سنجیدہ اور تلخ حقیقت ہے، نہ کہ کوئی رومانوی کہانی اور نہ ہی بالی ووڈ فلم، بطور فوجی میری اوّلین ترجیح سفارتی کاری ہوگی، کیوں کہ جنگ کے اثرات صرف میدان جنگ تک محدود نہیں رہتے، جنگ کے اثرات معصوم شہریوں، خصوصاً بچوں پر پڑتے ہیں جو پوسٹ ٹرامیٹک سٹریس ڈس آرڈر (پی ٹی ایس ڈی) کا شکار ہوتے ہیں۔‘‘
سابق بھارتی آرمی چیف نے کہا جنگ کی حمایت کرنے والوں کو متاثرہ خاندانوں کی حالت زار پر بھی نظر رکھنی چاہیے، ملک کی قومی سلامتی صرف حکومت یا فوج کا نہیں بلکہ ہر شہری کا مشترکہ فریضہ ہے۔
دفاعی ماہرین کا کہنا ہے کہ سابق بھارتی آرمی چیف کے یہ بیانات اس بات کی غمازی کرتے ہیں کہ جنگ کسی مسئلے کا حل نہیں، اور جنگ سے جڑے جذباتی اور انسانی پہلوؤں کو نظر انداز نہیں کیا جانا چاہیے، سابق بھارتی آرمی چیف کے بیان سے واضح اشارہ ملتا ہے کہ دیرپا امن کے لیے مسئلہ کشمیر کو سفارتی کاری سے حل کیا جائے۔
پاکستان کے معروف ہدایت کار نے بھارتی جنگی جارحیت کے جواب میں پاک فوج کے کامیاب اور تاریخی آپریشن بنیان مرصوص پر فلم بنانے کا عندیہ دیا ہے۔
پہلگام فالس فلیگ آپریشن کی آڑ میں مودی کی 7 مئی کی رات کو شروع ہونے والی جنگی جارحیت کو خاک میں ملانے والے پاک فوج کے تاریخی اور کامیاب آپریشن بنیان مرصوص آج دنیا بھر میں موضوع بحث ہے اور ماہرین پاک فوج کی افادیت، مہارت کا کھلے عام اقرار کر رہے ہیں۔
ایسے میں پاکستان کے معروف ہدایت کار نبیل قریشی نے پاک فضائیہ کے آپریشن بنیان مرصوص پر فلم بنانے کا عندیہ دیا ہے اور کہا ہےکہ وہ اس آپریشن میں اہم کردار ادا کرنے والے ایئر وائس مارشل اورنگزیب احمد پر فلم بنانے کا سوچ رہے ہیں۔
نبیل قریشی کے اس اشارے کے بعد اب سوشل میڈیا پر اس بات پر رائے دی جا رہی ہے کہ آپریشن بنیان مرصوص کے ہیرو ایئر وائس مارشل اورنگزیب احمد کا کردار کون سا پاکستانی اداکار بہتر طور پر ادا کر سکتا ہے۔
صارفین کی جانب سے جن معروف پاکستانی اداکاروں کے نام اس اہم کردار کی ادائیگی کے لیے سامنے آئے ہیں۔ ان میں سہر فہرست فواد خان ہیں، کیونکہ کئی صارفین کے خیال میں وہ اورنگزیب احمد کافی مشابہت رکھتے ہیں۔
چونکہ معاملہ پاک بھارت جنگ کا ہے اس لیے کئی صارفین فواد خان کے نام پر اعتراض کرتے ہوئے کہہ رہے ہیں کہ فواد خان نے کئی بھارتی فلموں میں کام کیا ہے۔
اس لیے دفاع وطن کے لیے اپنی تمام صلاحیتیں بروئے کار لانے والے ایئر وائس مارشل اورنگزیب کا کردار کسی ایسے اداکار کو دیا جائے جس نے کبھی بھارت کے ساتھ کام نہ کیا ہو۔
@nabeelqureshi Fawad Khan may not be the right fit for this role, especially considering his past efforts to appeal to the Indian entertainment industry. This opportunity should be reserved for those who have consistently stood by Pakistan and shown unwavering support for the… pic.twitter.com/Ebv7aX0kDV
— Dr Tehmina Aslam Ranjha (@TA_Ranjha) May 12, 2025
دوسری جانب نبیل قریشی کی جانب سے اس موضوع پر فلم بنانے کے عندیہ کے بعد صارفین اپنے اپنے پسندیدہ اداکاروں کو ایئر وائس مارشل اورنگزیب کے کردار میں دیکھنے کے خواہشمند ہیں اور ان کے نام تجویز کر رہے ہیں۔
واضح رہےکہ پہلگام فالس فلیگ آپریشن کی آڑ میں بھارت نے 7 مئی کی شب کو پاکستان پر بزدلانہ حملہ کیا۔ پاک فوج نے آپریشن بنیان مرصوص کے ذریعہ بھارتی کے جنگی جنون کو چند گھنٹوں میں گھٹنے ٹیکنے اور جنگ بندی کرنے پر مجبور کر دیا۔
بھارت کے خلاف پاک فضائیہ کی شاندار کامیابی کے بعد ایئر وائس مارشل اورنگزیب احمد سوشل میڈیا پر چھائے ہوئے ہیں اور تمام سوشل میڈیا پلیٹ فارمز پر بس انکی تصاویر اور ویڈیوز شیئر کی جا رہی ہیں۔
ایئر وائس مارشل کی جاندار اور دبنگ پریس بریفنگ، اعتماد سے بھرپور انداز اور بھارت پر طنز بھرے جملے نے قوم کے دل جیت لیے ہیں۔
بھارت کے خلاف چھ صفر کی برتری کے جملے نے سوشل میڈیا پر نہ صرف میمز کی بھرمار کر دی ہے بلکہ انہیں سماجی رابطوں کی سائٹ ایکس پر ٹاپ ٹین ٹرینڈز میں بھی شامل کر دیا ہے۔
دنیا بھر میں معروف اسکالر مفتی تقی عثمانی نے کہا ہے کہ سندور غلامی کی علامت ہے، ہمارا آپریشن بنیان مرصوص یعنی آہنی دیوار تھا۔
تفصیلات کے مطابق پاک افواج کی بھارت کے خلاف زبردست کامیابی کے بعد مفتی تقی عثمانی نے بھی اس کی ستائش کی ہے، انھوں نے کہا کہ بھارت کو 1965 کے بعد دھول چٹادی، ہماری افواج نے ہمیں خوشی کا دن دکھایا۔
مفتی تقی عثمانی نے کہا کہ بھارت نے آپریشن سندور شروع کیا، سندورعورت لگاتی ہے، بھارت کا آپریشن عورتوں کا تھا۔
انھوں نے کہا کہ عرصہ دراز سے مسلمان مایوسی کا شکار تھے، مسلمانوں کے پاس مایوسی کی خبریں آتی تھیں، پاکستان کا ہر شہری خوشی کے جذبات سے لبریز ہے۔
اللہ نے ہمیں اپنے سے 5 گنا بڑے دشمن پر فتح نصیب فرمائی، دنیا اعتراف کررہی ہے پاکستانی فوج، شاہینوں نے اپنی برتری کا سکہ منوایا، اللہ کا شکرادا کرنے کےلیے آج ہم یہاں جمع ہیں۔
مفتی تقی عثمانی نے کہا کہ تمام مکاتب فکر اور جماعتوں کے لوگ یہاں جمع ہیں، پاکستان اسلام کے نام پر بنا ہے، پاکستانی قوم ناقابل شکست ہے۔
پاکستان شوبز شخصیات نے ’آپریشن بنیان مرصوص‘ شروع کرنے پر پاک فوج کے ساتھ یکجہتی کا اظہار کیا ہے۔
بھارتی جارحیت اور حملوں کے بعد پاکستان کی جانب سے ’آپریشن بنیان مرصوص‘ شروع کرنے پر شوبز شخصیات نے پاک فوج کے ساتھ اظہار یکجہتی کرتے ہوئے دونوں ممالک سے امن کے اقدامات کرنے کی اپیل کردی۔
پاکستان کی جانب سے جوابی آپریشن کے بعد پاکستان شوبز شخصیات نے پاک فوج سے اظہار یکجہتی کرتے ہوئے انہیں بہادری پر سلام بھی پیش کیا۔
پاکستان فلم انڈسٹری کے اداکار شان شاہد نے سوشل میڈیا ویب سائٹ ایکس پر پاکستان اور بھارت کے درمیان جاری حالیہ کشدگی پر کہا کہ میں نے بھارت میں کبھی کام نہیں کیا اور ہمیشہ لوگوں کی توجہ پاکستان کے لیے بھارت میں موجود نفرت کی جانب دلوائی۔
شان شاہد نے لکھا کہ میں نے پاکستانی فنکاروں کے وہاں جاکر کام کرنے اور بھارتی فنکاروں کے یہاں آکر کام کتنے کی ہمیشہ مخالفت کی ہے کیوں کہ پیسہ انسان کی عزت نفس اور وطن کی عزت سے بڑھ کر نہیں ہوتا۔
اداکارہ ہانیہ عامر نے پاک فوج کی جانب سے بھارتی جارحیت کا جواب دینے پر اظہار اطمینان کرتے ہوئے پاکستان زندہ آباد کی پوسٹ کی۔
دوسری جانب فہد مصطفیٰ نے آپریشن بنیان مرصوص پر پاک فوج سے اظہار یکجہتی کرتے ہوئے پاکستان زندہ آباد کی پوسٹ کی۔
اداکارہ کنزہ ہاشمی نے بھی پاک فوج سے اظہار یکجہتی کرتے ہوئے ’آپریشن بنیان مرصوص‘ شروع کیے جانے پر اظہار اطمینان کیا اور لکھا کہ پہلے بھارتیوں کا شور تھا اور ہم نے خاموشی میں فیصلے کیے۔
اداکار عمران عباس نے بھی آپریشن بنیان مرصوص شروع کرنے پر اظہار اطمینان کیا اور بھارتی جارحیت کا جواب دینے پر پاک فوج کا شکریہ ادا کرتے ہوئے آپریشن بنیان مرصوص کی حمایت کی۔
واضح رہے کہ پاک فوج نے 9 اور 10 مئی کی درمیانی شب بھارتی جارحیت اور بار بار سرحدی خلاف ورزیوں پر ’آپریشن بنیان مرصوص‘ شروع کیا تھا۔
پاک فوج کے مطابق آپریشن کے دوران بھارت میں ادھم پور، پٹھان کوٹ، آدم پور ایئربیس، کئی ایئرفیلڈز، براہموس اسٹوریج سائٹ اور ایس 400 میزائل دفاعی نظام سمیت متعدد اہداف کو تباہ کردیا گیا۔
سری نگر : آپریشن بنیان مرصوص میں افواج پاکستان کی جوابی کارروائی میں ایڈیشنل ڈپٹی کمشنر راجوڑی راج کمار تھاپا مارا گیا، راج کمار کشمیری مسلمانوں کیلئے دہشت کی علامت تھا۔
تفصیلات کے مطابق پاکستان کابھارت کےخلاف آپریشن بُنْيَانٌ مَّرْصُوْص کا آغاز ہوا تو بھارت کا جنگی غرور مٹی میں مل گیا۔
راجوڑی میں افواج پاکستان کی جوابی کارروائی میں ایڈیشنل ڈپٹی کمشنر راج کمار تھاپا ماراگیا ، بھارتی حکومت کی پشت پناہی میں راج کمار دہشت گردوں کا سہولت کار تھا۔
حکومتی اعلیٰ عہدے کی آڑ میں ایڈیشنل ڈی سی راج کمار کا دہشتگردوں کیساتھ گٹھ جوڑتھا، وہ کشمیری مسلمانوں کیلئے دہشت کی علامت تھا اور اعلیٰ فوجی بریفنگز میں موجود ہوتا تھا۔
چیف منسٹر عمر عبداللہ نے سوشل میڈیا ایکس پر راجوری قصبے میں ایڈیشنل ڈپٹی کمشنر راج کمار تھاپا کی پاکستان حملے میں ہلاکت کی تصدیق کردی۔
Devastating news from Rajouri. We have lost a dedicated officer of the J&K Administration Services. Just yesterday he was accompanying the Deputy CM around the district & attended the online meeting I chaired. Today the residence of the officer was hit by Pak shelling as they…
اطلاعات کے مطابق صبح تقریباً 5.30 بجے ایک گولہ ان کی رہائش گاہ پر گرا، جموں و کشمیر کے وزیر اعلیٰ عمر عبداللہ نے تھاپا کی موت پر صدمے اور غم کا اظہار کیا۔
حکومتی اہلکاروں نے بی بی سی کو بتایا کہ ہندوستان کے زیر انتظام کشمیر کے جموں شہر میں کم از کم دو مزید افراد ہلاک ہو گئے ہیں، دونوں عام شہری ہیں۔
بھارت کی اشتعال انگیزی پر پاکستان کی بھرپور جوابی کارروائیون میں لائن آف کنٹرول پر بھارت کی متعدد پوسٹیں مکمل تباہ کردیں۔
پاکستان نے بھارت کو منہ توڑ جواب دیتے ہوئے ایل او سی پر بھارت کی متعدد پوسٹیں مکمل تباہ کردیں ، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا
پاک فوج نے پھکلیاں سیکٹر میں بھی بھارتی پوسٹیں مکمل تباہ کین ، ایل اوسی پر افواج پاکستان کی توپوں نے بھارتی توپوں کوخاموش کرا دیا۔
بھارتی پوسٹوں کی تباہی کے مناظر کی ویڈیوز بھی سامنے آرہی ہے۔
یاد رہے پاکستان نے بھارتی جارحیت کا جواب نماز فجر کی آذانوں کے ساتھ آپریشن بُنۡیَانٌ مَّرْصُوْص شروع کرکے دیا۔
پاکستان کے فتح 1میزائل سسٹم نے اہداف کو چن چن کر نشانہ بنایا اور دشمن کے متعدد ٹھکانے تباہ کرکے بھاری نقصان پہنچایا، جس کی ویڈیوز بھی جاری کردی گئیں۔
آدم پور ایئرفیلڈ کو تباہ کردیا گیا، آدم پور ایئر فیلڈ سے امرتسر میں سکھوں ،پاکستان ،افغاستان پر میزائل داغےگئےتھے۔
برنالہ اورپٹھان کوٹ ایئربیس بھی ملیامیٹ کردی گئی جبکہ سورت گڑھ اور بھٹنڈہ کی ایئرفیلڈز اور اکھنور کی ایوی ایشن بیس تباہ کردی ۔
ادھم پور میں نہ صرف ایئربیس تباہ کی بلکہ بطور ثبوت ویڈیو بھی جاری کردی ، جس میں ایئربیس کو تباہ ہوتےدیکھا جاسکتا ہے۔
پاکستان کی جوابی کارروائی میں بھارتی دفاعی نظام کے بھی پرخچے اڑادیے گئے، پاک فضائیہ کے جےایف 17 تھنڈر نے آدم پورمیں بھارت کا جدید ترین ایئر ڈیفنس سسٹم ایس 400سسٹم زمین بوس کردیا، اس سسٹم کی مالیت تقریباً 1.5 بلین ڈالر تھی۔
پاک فوج نے دشمن کی عسکری تنصیبات اور سپلائی لائن پر بھی کاری ضرب لگائی اور بھمبر گلی میں بریگیڈ ہیڈکوارٹر کے جی ٹاپ بھی خاک میں ملادیا گیا۔
اڑی میں سپلائی ڈپو اور نگروٹا میں براہموس اسٹوریج سائٹ بھسم کردی گئی جبکہ دہرنگیاری میں آرٹلری گن پوزیشن ملیا میٹ کردیا گیا ۔۔
مقبوضہ کشمیر کے علاقے نوشہرہ اور راجوڑی میں پاکستان میں دہشت گردی کرانیوالے بھارتی ملٹری انٹیلی جنس کے تربیتی مراکز بھی صفحہ ہستی سے مٹادیے گئے۔
آپریشن بُنۡیَانٌ مَّرْصُوْص میں پاکستانی ڈرونز نے بھارتی دارالحکومت دہلی اور مودی کی ریاست گجرات پر پروازیں کیں۔
اسلام آباد: پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
تفصیلات کے مطابق بھارت کا ملٹری سیٹلائٹ جیم کر دیا گیا ہے، سائبر حملے میں بھارت کا ملٹری سیٹلائٹ ناکارہ ہو گیا ہے، جب کہ پچھلے کئی گھنٹوں سے دہلی میں پاکستانی ڈرونز کی پروازیں بھی جاری ہیں، جس سے بھارتی شہریوں میں خوف و ہراس پھیل گیا ہے، مودی کی ریاست گجرات میں بھی پاکستانی ڈرونز کی 3 گھنٹے سے پروازیں جاری ہیں۔
پی اے ایف سائبر ٹیم نے شان دار کارنامہ سرانجام دیتے ہوئے جموں و کشمیر میں بھارتی ایئر فورس کی نارتھ ایئر کمانڈ پر سائبر حملے کیے ہیں، ٹیم نے بھارتی فضائیہ کا سائبر نیٹ ورک مسلسل ڈاؤن کر دیا ہے۔ ادھر بھارتی وزیر اعظم اور بی جے پی کی آفیشل ویب سائٹ بھی ہیک کر لی گئی ہے۔
آپریشن بُنۡیَانٌ مَّرْصُوْص
واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔
پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔
اسلام آباد: وزیر اعظم شہباز شریف نے نیشنل کمانڈ اتھارٹی کی میٹنگ طلب کر لی۔
تفصیلات کے مطابق وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا، این سی اے اجلاس کی صدارت وزیر اعظم شہباز شریف کریں گے۔
نیشنل کمانڈ اتھارٹی پاکستان کے ایٹمی ہتھیاروں کے آپریشنل کنٹرول کی ذمہ دار و نگران ہے، وزیر اعظم شہباز شریف نیشنل کمانڈ اتھارٹی کے چیئرمین ہیں، خارجہ، داخلہ، دفاع اور خزانے کے وفاقی وزرا اس کمیٹی کے اراکین ہیں۔
کمیٹی میں چیئرمین جوائنٹ چیفس آف اسٹاف کمیٹی اور تینوں مسلح افواج کے سربراہ بھی شامل ہیں، ڈی جی ایس پی ڈی اور ڈی جی آئی ایس آئی بھی کمیٹی کے رکن ہیں۔
آپریشن بُنۡیَانٌ مَّرْصُوْص
واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔
پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔
اسلام آباد: آپریشن بنيان مرصوص کے تحت پاکستان کے جوابی وار جاری ہیں، بیش تر بھارتی ویب سائیٹس ہیک کر لی گئی ہیں، بھارتی وزیر اعظم نریندر مودی کی و یب سائٹ بھی ہیک کر لی گئی۔
تفصیلات کے مطابق بھارتی وزیر اعظم نریندر مودی کی آفیشل ویب سائٹ بھی ہیک کر لی گئی، جب کہ بھارت کا ملٹری سیٹلائٹ بھی جیم کر کے ناکارہ بنا دیا گیا ہے۔
پاکستان سائبر اٹیک ٹیم نے بھارتی مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا ہے، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا۔
پاکستانی سائبر حملے کے نتیجے میں ریاست میں بجلی مکمل طور پر بند ہو گئی ہے، اس حملے کے نتیجے میں مہاراشٹر اسٹیٹ کے تمام کمرشل اور ڈومیسٹک میٹرز کا ریکارڈ اڑا دیا گیا ہے۔
پاکستانی سائبر حملے میں بیش تر بھارتی ویب سائٹس کو ہیک کر لیا گیا ہے، بی جے پی کی آفیشل ویب سائٹ کو ہیک کر لیا گیا، ہیک کی گئی ویب سائٹس میں کرائم ریسرچ انویسٹگیشن ایجنسی، ماہا نگر ٹیلی کمیونیکیشن کمپنی لمیٹڈ، بھارت ارتھ موورز لمیٹڈ، آل انڈیا نیول ٹیکنیکل سپروائزری اسٹاف ایسوسی ایشن شامل ہیں۔
ہیک کی گئی سائٹس کا مکمل مواد اڑا دیا گیا ہے، ہیک کی گئی مزید ویب سائٹس میں ہندوستان ایروناٹکس لمیٹڈ، بارڈر سیکہورٹی فورسز، یونیک آئڈنٹیفیکش اتھارٹی آف انڈیا کا ڈیٹا لیک کر دیا ہے، ڈیٹا لیک سائٹس میں انڈین ایئر فورس، مہاراشٹر الیکشن کمیشن اور دیگر شامل ہیں، اس کے علاوہ 2500 سے زائد سرویلنس کیمرے بھی ہیک کر لیے گئے ہیں۔
راولپنڈی : بھارت کی جانب سے مسلسل جارحیت کے بعد جوابی کارروائی کرتے ہوئے پاکستان نے ’’ آپریشن بنیان مرصوص ‘‘ جاری ہے، کارروائی کا آغاز صبح اذان فجر کے بعد کیا گیا۔
اس حوالے سے سیکیورٹی ذرائع کا کہنا ہے کہ پاکستان نے بھارتی جارحیت پر باقاعدہ جوابی کارروائی شروع کردی ہے، اس وقت پاکستان کی بھارت کےخلاف کارروائی جاری ہے، بھارت کے آپریشن سندور کے جواب میں پاکستان نے اپن اس کارروائی کو ’’ آپریشن بنیان مرصوص ‘‘ کا نام دیا ہے۔
عربی زبان کے ان الفاظ کا مطلب ’سیسہ پلائی ہوئی دیوار‘ ہے ، اس وقت پاک فوج کی جانب سے بھرپور کارروائی کرتے ہوئے ’’ آپریشن بنیان مرصوص ‘‘ کے تحت بمباری کا سلسلہ جاری ہے، پاکستان بھر میں فضائی دفاعی نظام مکمل طور پر فعال ہے۔
بھارت کا ادھم پور ایئربیس اور پٹھان کوٹ میں ایئر فیلڈ تباہ
پاکستانی افواج نے بھرپور جوابی وار کرتے ہوئے ایئربیس ادھم پور کو تباہ کردیا اس کے علاوہ پاکستان کی جانب سے پٹھان کوٹ میں ایئر فیلڈ کو تباہ کردیا گیا ہے۔اس کے علاوہ بھارت کے علاقے بیاس میں براہموس میزائل اسٹوریج سائٹ بھی تباہ کردی گئی۔
بھارت کا بریگیڈ ہیڈ کوارٹر اور سپلائی ڈپو ملیا میٹ
پاکستان نے بھارت کا بریگیڈ ہیڈ کوارٹر ’کے جی ٹاپ‘ تباہ کردیا اس کے علاوہ پاکستان نے اُڑی میں بھارت کے سپلائی ڈپو کو بھی ملیا میٹ کردیا۔
تازہ ترین اطلاعات کے مطابق اس وقت بھارت میں متعدد اہداف کو کامیابی سے نشانہ بنایا جا رہا ہے، سیکیورٹی ذرائع کا کہنا ہے کہ پاکستان کی جانب سے راولپنڈی میں بھارتی ڈرونز کو گرایا جارہا ہے۔
بھارت کا ادھم پور ائیر فیلڈ تباہ، کئی شہر بجلی سے محروم
ہندوستان کی بجلی تنصیبات پر بڑا سائبر اٹیک کیا گیا ہے، پاکستان نے سائبر اٹیک کرکے ہندوستان کے70 فیصد بجلی گرڈ کو ناکارہ کر دیا، بھارت کے کئی شہر بجلی سے محروم ہوگئے، اس کے علاوہ بھارت کا ادھم پور ائیر فیلڈ تباہ کردیا گیا، یاد رہے کہ ادھم پور ایئر فیلڈ سے امرتسر میں سکھوں، پاکستان اور افغاستان پر میزائل داغے گئے تھے۔
ایک ڈرون سمیت براہموس اسٹوریج سائٹ بھی تباہ
سیالکوٹ کے علاقے برتھ کے قریب ایک اور بھارتی ڈرون مار گرایا گیا،اس کے علاوہ پاکستان نے دہرنگیاری میں بھارتی آرٹلری گن پوزیشن تباہ کردی۔
آپریشن بنیان مرصوص میں بھارت میں متعدد اہداف کو کامیابی سے نشانہ بنایا جارہا ہے، پاک افواج نے نگروٹا میں براہموس اسٹوریج سائٹ کو بھی تباہ کر دیا، نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں۔
بھارت کی سورت گڑھ ائیرفیلڈ تباہ
تازہ ترین اطلاعات کے مطابق بھارت کی سورت گڑھ ائیرفیلڈ تباہ کردی گئی، اس کے علاوہ بھارت کے دارالحکومت نئی دہلی میں پاکستانی ڈرونز کی پروازیں جاری ہیں۔
بھارت کا مہنگا ترین ایس 400 سسٹم تباہ
پاک فضائیہ نے ادھم پور میں بھارت کا ایس 400 سسٹم تباہ کر دیا، جے ایف 17 تھنڈر کے ہائپر سونک میزائلوں سے ایس 400 سسٹم کو تباہ کیا گیا اس ایئر ڈیفنس سسٹم کی مالیت تقریباً 1.5 بلین ڈالر ہے۔
بھارت کیخلاف آپریشن کا آغاز اذان فجر کے بعد ہوا
سکیورٹی ذرائع کا کہنا ہے کہ فجر کے وقت اذان کے فوری بعد دشمن کے خلاف آپریشن ‘بنیان مرصوص’ کا آغاز کیا گیا اور بھارت پر فتح میزائل فائر کیا گیا۔
سکیورٹی ذرائع کے مطابق پاکستان کی جوابی کارروائی میں فتح ٹو گائیڈڈ راکٹ سسٹم کا استعمال کیا گیا ہے، فتح ٹو گائیڈڈ راکٹ سسٹم 400 کلومیٹر تک اپنے ہدف کو نشانہ بنانے کی صلاحیت رکھتا ہے۔
آپریشن بنیان مرصوص کے تحت بھارت میں مختلف اہداف کو نشانہ بنایا جارہا ہے، بھارت کے علاقے بیاس میں براہموس میزائل اسٹوریج سائٹ تباہ کردی گئی۔
بھارت نے مزید کارروائی کی تو معاشی اہداف نشانے پر ہوں گے
پاکستانی جواب میں بھارت کی مزید کارروائی پر پاکستان کا دوٹوک ردعمل بھی تیار ہے، پاکستان کی سیاسی اور عسکری قیادت نے فیصلہ کیا ہے کہ اگر بھارت نے مزید جارحیت کی تو وہاں ہائی ویلیو اہداف کو نشانہ بنایا جائے گا۔
پاکستان کی سیاسی و عسکری قیادت نے سختی سے متنبہ کیا ہے کہ بھارت کے جوابی حملے کی صورت میں بھارت کے معاشی اہداف بھی نشانے پر ہوں گے، بھارت نے اب اگر کوئی حرکت کی تو اس کے نتائج سنگین بھگتنا ہوں گے
اس کے علاوہ بھارت کی جانب سے کوٹلی آزاد کشمیر میں ایل او سی پر بھارت کی جانب سے اشتعال انگیزی کی گئی جس کے بعد پاک فوج نے بھرپور جوابی کارروائی کی۔
اطلاعات کے مطابق ’آپریشن بنیان مرصوص‘ میں بھارت میں متعدد اہداف کو نشانہ بنایا جا رہا ہے، بھارت کے وہ تمام فوجی اڈے جہاں سے گزشتہ روز پاکستان کے عوام اور مساجد پر حملے کئے گئے تھے پہلے ان کو تباہ کیا جارہا ہے۔
بھارتی وزیر اعظم کی ویب سائٹ ہیک کر لی گئی
بیش تر بھارتی ویب سائیٹس ہیک کر لی گئی ہیں، بھارتی وزیر اعظم نریندر مودی کی و یب سائٹ بھی ہیک کر لی گئی جب کہ بھارت کا ملٹری سیٹلائٹ بھی جیم کر کے ناکارہ بنا دیا گیا ہے۔
پاکستان سائبر اٹیک ٹیم نے بھارتی مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا ہے، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا۔
امریکی وزیر خارجہ کا آرمی چیف اور اسحاق ڈار سے رابطہ
پاکستان کے آرمی چیف جنرل عاصم منیر سے امریکی وزیر خارجہ مارکو روبیو نے فون پر رابطہ کیا، امریکا کی جانب سے ایک بار پھر پاک بھارت کشیدگی کم کرنے اور مذاکرات کے لیے تعاون کی پیش کش کی گئی۔
امریکی وزیر خارجہ مارکو روبیو نے کہا فریقین کشیدگی میں کمی کے لیے اقدامات کریں، ترجمان امریکی محکمہ خارجہ نے کہا مارکو روبیو نے تعمیری بات چیت کے لیے مدد کی پیش کش کی ہے۔
اسحاق دار نے امریکی ہم منصب سے کہاکہ گیند اب بھارت کے کورٹ میں ہے، اگر بھارت نے صورتحال کو مزید بڑھایا تو پاکستان نہیں رکے گا۔ بھارت اب حملہ کرے گا تو زیادہ سخت جواب دیا جائے گا۔
وزیر اعظم نے نیشنل کمانڈ اتھارٹی کی میٹنگ طلب کر لی
آپریشن بنیان مرصوم کے بعد وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا ہے، جس کی صدارت وزیراعظم شہباز شریف کریں گے۔
دہلی میں پاکستانی ڈرونز کی پروازیں جاری
سکیورٹی ذرائع کے مطابق پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
چین کی پاکستان اور بھارت سے تحمل کا مظاہرہ کرنے کی اپیل
چین نے پاکستان اور بھارت سے تحمل کا مظاہرہ کرنے کی اپیل کرتے ہوئے کہا کشیدگی ختم کرنے کیلئے تعمیری کردار ادا کرنے کو تیار ہے، کشیدگی میں کمی لائیں اور سیاسی ذرائع سے پرامن حل کے راستے پر واپس آئیں۔
جی سیون ملکوں کا پاکستان اور بھارت سے مطالبہ
پاکستان کی جانب سے اپنے دفاع کا استعمال کرتے ہوئے آپریشن کے آغاز کے بعد جی سیون ملکوں نے پاکستان اور بھارت سے کشیدگی میں کمی کا مطالبہ کرتے ہوئے کہا کہ دونوں ممالک تحمل کا مظاہرہ کریں۔
جی سیون ممالک نے پُرامن نتائج کیلئے دونوں ممالک کو براہ راست بات کرنے پر زور دیتے ہوئے کہا کہ صورتحال کا قریب سے جائزہ لے رہے ہیں، مسئلے کے تیز اور دیرپا سفارتی حل کیلئے حمایت کا اظہار کرتے ہیں۔
ایل او سی پر بھارت کی متعدد پوسٹیں مکمل تباہ
پاکستان فوج ایل او سی پر بھارت کی متعدد پوسٹیں مکمل تباہ کردیں، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا، پاک فوج نے پھکلیاں سیکٹر میں بھی بھارتی پوسٹیں مکمل تباہ کیں، ایل اوسی پر افواج پاکستان کی توپوں نے بھارتی توپوں کو خاموش کرا دیا۔
پاکستان نے بھارت کی سرسہ ائیرفیلڈ کو تباہ کردیا
سکیورٹی ذرائع کے مطابق راجوڑی میں پاکستان میں دہشتگردی کروانے والا بھارتی ملٹری انٹیلیجینس کا تربیتی مرکز تباہ کردیا گیا جس کی تصدیق انڈین میڈیا نے خود کی ہے۔
بھارتی فوج کا فوجی تنصیبات کونقصان پہنچنے کا اعتراف
بھارتی فوج نے پاکستانی جوابی حملے میں فوجی تنصیبات کو نقصان پہنچنے کا اعتراف کیا ہے، نئی دہلی میں ترجمان بھارتی فوج صوفیہ قریشی نے پریس کانفرنس کرتے ہوئے کہا پاکستان نے پٹھانکوٹ، ادھم پور، بھوج اور آدم پورٹ میں واقع اسٹریٹجک ایئر بیسز پر میزائل حملے کیے ہیں، حملوں سے فوجی تنصیبات سمیت پنجاب کے ایئر بیس اسٹیشن کو نقصان پہنچا ہے۔
بھارت فوج کی ترجمان نے کہا کہ یہ ایک بے مثال اور مربوط حملہ تھا، ہم تصدیق کرتے ہیں کہ پاکستان نے ہماری 26 تنصیبات کو نشانہ بنایا، جن میں فرنٹ لائن ایئربیس بھی شامل ہیں، ہم نے اس "جارحیت کا نوٹس لیا” ہے لیکن اس بات کا اعادہ کیا کہ بھارت تناؤ نہیں چاہتا۔
سیاسی رہنماؤں نے وزیر اعظم کو مکمل تعاون اور یکجہتی کا یقین دلا دیا
وزیر اعظم نے موجودہ صورتحال میں سیاسی جماعتوں کے رہنماؤں بلاول بھٹو زرداری، بیرسٹر گوہر خان، مولانا فضل الرحمان، خالد مقبول صدیقی، حافظ نعیم الرحمان، خالد حسین مگسی اور چوہدری سالک سے ٹیلیفونک رابطہ کیا۔
اس موقع پر شہباز شریف نے کہا کہ افواج پاکستان نے بھارتی جارحیت کا آج مربوط طریقے سے طاقتور جواب دیا، بھارت نے پاکستان پر میزائل اور ڈرون حملے کیے، بھارتی جارحانہ اقدامات کے باوجود پاکستان نے انتہائی تحمل سے کام لیا۔
امریکی وزیر خارجہ کا بھارتی ہم منصب جے شنکر سے رابطہ
مطابق امریکی وزیرخارجہ مارکو روبیو نے جے شنکر سے گفتگو میں دونوں ممالک کو کشیدگی کم کرنے اور براہ راست رابطے بحال کرنے کے طریقے تلاش کرنے کی ضرورت پر زور دیا۔
امریکی وزیر خارجہ نے کہا کہ پاکستان اور بھارت کشیدگی کم کرنے کا طریقہ کار نکالیں اور دونوں ممالک آپس میں بات چیت کا راستہ کھول کر کشیدگی کم کریں۔
سعودی وزیرخارجہ کا پاکستانی ہم منصب سے رابطہ
سعودی وزیرخارجہ نے پاکستان اور بھارت کے وزرائے خارجہ سے رابطہ کیا ہے، سعودی وزیر خارجہ نے بھی دونوں ممالک سے کشیدگی کم کرنے پر زور دیا ہے۔
سعودی وزیر خارجہ نے کہا کہ سعودی عرب خطے میں امن اور استحکام کا خواہاں ہے، دونوں ممالک کے ساتھ قریبی اور دوستانہ روابط ہیں۔
بھارت کا شیخ زید انٹرنیشنل ایئر پورٹ پر بزدلانہ حملہ
گزشتہ شب بھارتی بزدلانہ حملے کے نتیجے میں شیخ زید انٹرنیشنل ایئر پورٹ کو نقصان پہنچا ہے، بھارت نے پاکستان اور متحدہ عرب امارات کی دوستی کی علامت کو نشانہ بنایا ہے۔
شیخ زید ایئر پورٹ 1993 میں تعمیر کیا گیا تھا، جس کا نام شیخ زید بن سلطان النہیان کے نام پر رکھا گیا، بھارت نے گزشتہ روز ننکانہ صاحب کو بھی نشانہ بنانے کی کوشش کی تھی، جنگی جنون میں مبتلا بھارت کی جانب سے انتہائی شرمناک عمل جاری ہے۔
پاکستان کی جوابی کارروائی میں فتح 1 گائیڈڈ راکٹ سسٹم کا استعمال
سیکیورٹی ذرائع کا کنا ہے کہ پاکستان کی اس جوابی کارروائی میں فتح 1 میزائل سسٹم کا نہایت کام یابی سے استعمال کیا گیا ہے۔
فتح 1 گائیڈڈ راکٹ سسٹم 120 کلومیٹر تک ہدف کو نشانہ بنانے کی صلاحیت رکھتا ہے، فتح 1 میزائل جدید نیوی گیشن سسٹم، برق رفتار اور مؤثر نیوی گیشن خصوصیات سے لیس ہے، یہ انتہائی درستگی سے اہداف کو نشانہ بنانے کی صلاحیت کا حامل ہے۔
پاکستان اور بھارت کے درمیان پہلا ٹیلیفونک رابطہ، برطانوی میڈیا
برطانوی میڈیا کا کہنا ہے کہ بھارت کے آپریشن سندور اور پاکستان کے آپریشن بنیان موصوم کے بعد پاکستان اور بھارت کے درمیان پہلا ٹیلیفونک رابطہ ہوا ہے، دونوں ممالک کے درمیان بڑھتی کشیدگی کے بعد یہ پہلا رابطہ ہے۔
