پشاور: صوبہ خیبرپختونخواہ کےدارالحکومت پشاور میں سرچ آپریشن کےدوران 385 جرائم پیشہ افراد کو گرفتار کرکے اسلحہ ومنشیات برآمد کرلی گئی۔
تفصیلات کےمطابق پشاور میں سرچ اینڈ اسٹرائیک آپریشن کےدوران پولیس نے اشتہاریوں سمیت 385 جرائم پیشہ افراد کو گرفتار اور ان کے قبضے سے اسلحہ ومنشیات برآمد کرلی۔
پولیس حکام کے مطابق آپریشن میں ملزمان کے قبضے سے 56 پستول ، 10 کلاشنکوف، 3 عدد 9 ایم ایم پستول، ایک رپیٹر ، سیکڑوں کارتوس، شراب کی 53 بوتلیں اور78 کلو گرام چرس برآمد کر لی گئی۔
پولیس کا کہنا ہےکہ سرچ آپریشن کےدوران غیر قانونی رہائش کے الزام میں 63 گرفتار افراد کے خلاف مقدمات درج کرلیے گئے۔
یاد رہے کہ گزشتہ روزکراچی میں قانون نافذ کرنے والے اداروں نے کارروائیوں کے دوران 33 افراد کو گرفتار کیاگیا تھا۔
پشاور: پولیس آپریشن میں کمانڈر سمیت 2 ’دہشت گرد‘ ہلاک
واضح رہےکہ گزشتہ ماہ پشاورمیں پولیس نے خفیہ اطلاع پر آپریشن کرتے ہوئے 2 مبینہ دہشت گردوں کو ہلاک کردیا تھا جبکہ دہشت گردوں کی فائرنگ کے نتیجے میں 5 اہلکار زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
پشاور: صوبہ خیبرپختونخواہ کےدارالحکومت پشاورمیں پولیس اور سیکورٹی فورسز کی مشترکہ کارروائی کےدوران دودہشت گرد ہلاک جبکہ 5 اہلکار زخمی ہوگئے۔
تفصیلات کےمطابق پشاور کے علاقے چمکنی شاہ پور میں عمارت میں موجود دہشت گردوں کے خلاف حساس اداروں کی اطلاع پر پولیس اور سیکورٹی فورسز نےمشترکہ کارروائی کی۔
سی سی پی او طاہر خان کاکہناہےکہ پولیس اور سیکورٹی فورسز سے مقابلےدوران 2 دہشت گرد ہلاک ہوئے جبکہ ایک دہشت گرد کے فرار ہونے کی اطلاع ہے جس کا تعاقب جاری ہے۔
سی سی پی اوکےمطابق فلورمل میں بظاہرخودکش جیکٹس،آئی ای ڈیزتیارکی جاتی تھیں۔ فلورمل وسیع رقبےپرمشتمل ہے،سرچنگ جاری ہے۔
طاہرخان کےمطابق کارروائی میں 6دستی بم،4پستول،4کلاشنکوف برآمدہوئی اوراس کےعلاوہ خودکش جیکٹ بنانےکاسامان بڑی تعدادمیں برآمدہوا۔
سی سی پی او کا کہناہےکہ 600سےزائدڈیٹونیٹرز،پرائماکارڈ،بڑی تعدادمیں ٹائمرزبرآمدہوئے۔انہوں نے کہاکہ دہشت گردوں کےزیراستعمال متعددٹیلی فونز ملےہیں۔
سی سی پی او پشاور کےمطابق موبائل فونزسےممکنہ ٹارگٹ کی ویڈیوزبھی ملی ہیں۔ اس کےعلاوہ فلورمل سےمتعدددستاویزات بھی ملی ہیں۔
اس سے قبل ایس ایس پی آپریشنزکا کہناتھاکہ دہشت گردوں کے خلاف کارروائی کےدوران فائرنگ کےتبادلے کے نتیجے میں 3دہشت گرد ہلاک جبکہ دو اہلکار زخمی ہوئے۔
واضح رہےکہ گزشتہ روز کوئٹہ میں آئی جی آفس کے سامنے شہدا چوک پر زور دار دھماکے کے نتیجے میں 13افراد جاں بحق 12زخمی ہوگئےتھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
سری نگر: مقبوضہ کشمیر میں بھارتی فوج نے ریاستی دہشت گردی کا مظاہرہ کرتے ہوئے بارہمولا اور پلوامہ میں11 کشمیری نوجوانوں کو شہید کردیا۔
کشمیر میڈیا سروس کے مطابق مقبوضہ کشمیر کے ضلع بارہ مولا کے علاقے رام پور اور اُڑی میں بھارتی افواج نے حریت پسندوں کے خلاف آپریشن کیا جس میں 11کشمیری شہید ہوگئے۔
کشمیر میڈیا سروس کےمطابق آپریشن کےدوران مشہور کشمیری حریت پسند برہان وانی کے جانشین سبزار بھٹ بھی اس جھڑپ میں شہید ہوگئے۔
دوسری جانب ترال میں ہی کشمیری عوام نے بھارتی فوج کے بڑھتے ہوئے مظالم اور ریاستی دہشت گردی کے خلاف شدید احتجاج کیا۔
قابض افواج نے پرامن مظاہرین کو منتشر کرنے کے لیے ان کے خلاف طاقت کا استعمال کیا جس پر مظاہرین اور سیکورٹی اہلکاروں میں شدید جھڑپیں ہوئی جن میں درجنوں افراد زخمی ہوگئے۔
ترال کے علاقے سائیموح میں بھارتی پولیس نے رہائشی عبدالرشید میر کا گھر نذر آتش کردیا اور مسجد کی بے حرمتی کرتے ہوئے کھڑکیوں کے شیشے توڑ دیے۔
کراچی: سیکورٹی فورسز کی ملک کےمختلف شہروں میں کارروائیوں کےدوران 14افراد کو گرفتار کرکےبھاری مقدار میں بارودی مواد برآمد کرلیا۔
تفصیلات کےمطابق سندھ کےشہر جیکب آباد میں پولیس اور حساس ادارے کی مشترکہ کارروائی میں ریلوے ٹریک پربم دھماکوں میں ملوث 3دہشت گردوں کو گرفتار کرکےان کے قبضے سے دھماکہ خیز مواد برآمد کرلیا۔
پولیس حکام کےمطابق دہشت گردوں میں ہنگو خان،کریم خان کریم ڈنو اور بالاج شامل ہیں۔
پولیس کا کہناہےکہ دہشت گرد 2015 میں نورواہ ڈسٹرکٹ جیل کےقریب دھماکوں میں ملوث ہیں اور بلوچستان سے اندورن سندھ تخریب کاری کے لیے داخل ہورہے تھے۔
دوسری جانب سیکیورٹی فورسز نےوزیر آبادمیں سرچ آپریشن کرتے ہوئے 4 مشتبہ افراد کو گرفتارکرکے6کلاشنکوف اور 1300 گولیاں برآمد کرلیں۔
سیکیورٹی فورسزنے برآمد ہونےوالااسلحہ اپنی تحویل میں لیتے ہوئے زیرِحراست ملزمان کو نامعلوم مقام پر منتقل کردیا۔
ادھر کراچی کے علاقے چینسر گوٹھ میں رات گئے قانون نافذ کرنے والے ادارے نے کارروائی کےدوران منشیات کے اڈے سے 7مشتبہ افراد کو حراست میں لےکر منشیات برآمد کرلی۔
واضح رہےکہ دوروز قبل کراچی میں رینجرز نے مختلف علاقوں میں کارروائیاں کرتے ہوئے القاعدہ برصغیر کے دو ارکان سمیت دس ملزمان کو گرفتار کیا تھا۔۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
راولپنڈی: ملک بھر میں جاری آپریشن ردالفساد کےدوران سیکورٹی اداروں کی کارروائیوں میں پانچ دہشت گرد ہلاک جبکہ 35افراد کوگرفتار کرلیاگیا۔
تفصیلات کےمطابق صوبہ پنجاب کے شہر جہانیاں میں محکمہ انسداد دہشت گردی پولیس کی کارروائی میں تین دہشت گرد ہلاک ہوگئے۔ملزمان کے قبضے سے دستی بم،کلاشنکوف،پسٹل گولیاں اور حساس تنصیبات کے نقشے برآمد ہوئے۔
دوسری جانب کراچی کےعلاقےلیاری میں مقابلے کے دوران بابالا ڈلا گروپ کےدو گنگسٹرز امین ڈینی اور عدنان لنگڑا ہلاک ہوگئے۔
ادھر کراچی میں گلشن اقبال،شاہ فیصل،بلدیہ،نیلم کالونی اورشاہ رسول کالونی سےسترہ ملزمان کودھرلیا گیا۔اس کے علاوہ لیاقت پور،دنیا پور میں سرچ آپریشن کےدوران 5اشتہاریوں سمیت 10افراد کو گرفتار کرلیاگیا۔
وفاقی دارالحکومت اسلام آباد میں مغوی کےبدلے ایک کروڑ تاوان لینے والےسات ملزمان گرفتارکرلیے گئےجن سے اسلحہ لینڈ کروزراوردوسری گاڑیاں برآمد ہوئی ہیں۔ملزمان افغانستان کی سم استعمال کرکےڈیل کرتےتھے۔
واضح رہےکہ اٹک سے سنگین وارداتوں میں ملوث اشتہاری ملزم ساجدکوڈرامائی انداز میں گرفتارکے نامعلوم مقام پر منتقل کردیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
ملک بھر میں سیکیورٹی فورسز کا آپریشن رد الفساد جاری ہے۔ سکھر میں سی ٹی ڈی کی کارروائی میں دہشت گرد مارا گیا۔ مختلف کارروائیوں میں افغانیوں سمیت درجنوں مشتبہ افراد کو گرفتار کرلیا گیا۔
تفصیلات کے مطابق دہشت گردوں اور سہولت کاروں کی تلاش کے لیے سیکیورٹی فوسز کا شہر شہر آپریشن رد الفساد جاری ہے۔
صوبہ سندھ کے شہر سکھر میں محکمہ انسداد دہشت گردی کی کارروائی میں ایک دہشت گرد ہلاک ہوگیا۔ کارروائی کے دوران 2 دہشت گرد فرار ہونے میں کامیاب ہوگیا۔
دوسری جانب صوبہ پنجاب کے شہر ملتان کے مختلف علاقوں میں پولیس اور حساس اداروں نے سرچ آپریشن کیا۔ سرچ آپریشن کے دوران سینکڑوں لوگوں کی بائیو میٹرک تصدیق کی گئی۔
راولپنڈی کے علاقے روات میں پولیس اور رینجرز نے مشترکہ سرچ آپریشن کیا۔ کارروائی کے دوران گھروں کی تلاشی اور کرایہ داروں کی چیکنگ کی گئی۔
صوبہ خیبر پختونخواہ کے شہر سوات میں پولیس کے سرچ آپریشن کے دوران 11 افغانیوں سمیت 53 مشتبہ افراد کو گرفتار کیا گیا۔ ملزمان سے اسلحہ بھی برآمد کیا گیا۔
ایبٹ کے علاقے دھمتوڑ سے حساس اداروں اور پولیس نے آئی پی جی کے 22 گولے برآمد کیے۔ گولے پلاسٹک میں ڈال کر زمین میں دبائے گئے تھے۔
کوہاٹ میں پولیس نے انڈس ہائی وے پر اسلحے سے بھری گاڑی پکڑ لی۔ ایک شخص کو حراست میں لے لیا گیا۔
وطن عزیز سے فسادیوں کے خاتمے اور ان کے سہولت کاروں کو نیست و نابود کرنے کے لیے آپریشن رد الفساد جاری ہے۔ کراچی، پشاور، لیاقت پور، صادق آباد سمیت مختلف شہروں سے درجنوں مبینہ فسادی دھر لیے گئے۔
فسادیوں کو نیست و نابود اور صفحہ ہستی سے مٹا دینے کے لیے ملک بھر میں آپریشن رد الفساد جاری ہے۔
کراچی کے مختلف علاقوں سے پولیس کی کارروائیوں میں 14 مشتبہ افراد دھر لیے گئے جن سے اسلحہ اور منشیات برآمد ہوئے۔
پشاور کے علاقے گلبرگ میں پولیس نے سرچ آپریشن کرتے ہوئے 8 مشتبہ افراد کو حراست میں لیا۔ ملزمان سے پستول اور چرس برآمد کی گئی۔ بالا ماڑی سے 9 افراد کو حراست میں لیا گیا۔
دریا آباد میں کچے کے علاقے میں پولیس کے سرچ آپریشن میں 24 مشتبہ افراد حراست میں لیے گئے۔ لیاقت پور کے مختلف علاقوں سے پولیس نے 9 مشتبہ افراد کو حراست میں لے کر اسلحہ اور منشیات برآمد کرلی۔
ٹبہ سلطان پور سے 3 مشتبہ افراد حراست میں لیے گئے۔ صادق آباد کے مختلف علاقوں سے 11 مشتبہ افراد جبکہ کبیر والا میں 12 مشتبہ افراد دھر لیے گئے۔
ملک کے مختلف شہروں میں آپریشن رد الفساد کے دوران درجنوں جرائم پیشہ افراد کو گرفتار کرلیا گیا۔ ملزمان سے اسلحہ، شناختی کارڈ، موبائل فون اور سمیں برآمد ہوئیں۔
تفصیلات کے مطابق دہشت گردوں کے خلاف شکنجہ لمحہ بہ لمحہ تنگ کیا جارہا ہے۔ ملک بھر میں آپریشن رد الفساد کے تحت کارروائیاں جاری ہیں۔
صوبہ پنجاب کے دارالحکومت لاہور کے اقبال ماڈل ٹاؤن میں پولیس نے مشترکہ سرچ آپریشن کیا جس میں 40 سے زائد مشتبہ افراد گرفتار کرلیے گئے۔ 200 سے زائد افراد کے کوائف چیک کیے گئے۔
جلال پور بھٹیاں میں پولیس کے ٹارگٹڈ آپریشن میں 11 ملزمان گرفتار کرلیے گئے۔ ملزمان سے بڑی تعداد میں اسلحہ بھی برآمد ہوا۔
پتوکی میں تھانہ سٹی پولیس نے کارروائی کے دوران مختاری گینگ کے 3 اراکین کو گرفتار کرلیا۔ ملزمان سے اسلحہ، نقدی، زیورات، موبائل فون، درجنوں شناختی کارڈ اور سمیں برآمد ہوئیں۔
بھکر میں پولیس نے کارروائی کے دوران جعلی نوٹ بنانے والا ملزم گرفتار کرلیا۔ ملزم سے پرنٹنگ مشین اور لاکھوں کی جعلی کرنسی برآمد ہوئی۔
احمد آباد : بھارت کے علاقے احمد آباد میں سونے کے معروف تاجر کے لاپتہ بیٹے کا معمہ حل ہوگیا ہے جس پر والدین پریشان اور اہل محلہ حیران ہیں۔
تفصیلات کے مطابق بھارت کے علاقے احمد آباد میں مشہور سونے کے تاجر کے بیٹے کی پر اسرار گمشدگی نے سراسمیگی پھیلا دی تھی جس کا ڈراپ سین ہو گیا ہے۔
والدین کا کہنا ہے کہ ہم نے بیٹے کی گمشدگی کی اطلاع تھانے میں درج کرادی تھی جس پر چند روز بعد تھانے سے فون آیا کہ آپ کا گمشدہ بیٹا مل گیا ہے اور اس وقت ایک اسپتال میں موجود ہے جہاں وہ تبدیلیء جنس کے آپریشن کے بعد لڑکا سے لڑکی بن گیا ہے۔
پولیس کا کہنا ہے کہ شائم نامی لڑکے نے اپنے بیان میں بتایا کہ میں اپنی مرضی سے تبدیلی جنس کا آپریشن کروانے کے لیے گھر سے لاپتہ ہوا تھا کیوں کہ میری اس خواہش پر والدین ناراضگی کا اظہار کرتے اور کبھی میرا آپریشن نہیں ہونے دیتے۔
اعلیٰ تعلیم یافتہ شائم نے اپنے بیان میں پولیس کو بتایا کہ اسے شروع سے ہی یہ محسوس ہوتا تھا کہ اسے لڑکا نہیں بلکہ لڑکی ہونا چاہیے تھا اور شاید غلطی سے لڑکی کی روح کسی لڑکے کے مجسمے میں جا بسی ہے جس کا اظہار میں نے اپنے والدین سے بھی کیا تھا اور ان سے تبدیلی جنس کا آپریشن کروانے کی اجازت بھی مانگی تھی۔
لیکن والدین نے سخت ردعمل دیتے ہوئے اس بات کو ماننے سے یکسر انکار کردیا جس کے بعد میں نے خود ہی آپریشن کرانے کی منصوبہ بندی کی اور موقع دیکھ کر اپنے گھر والوں کو اطلاع دیئے بغیر چپ چاپ اسپتال منتقل ہوگیا جہاں پہلے ہی تمام انتظامات مکمل تھے اور ڈاکٹرز کی ماہر ٹیم نے آپریشن کا آغاز کیا جو بہ احسن طریقے سے تکمیل کو پہنچا جس کے بعد میں نے پولیس کو اطلاع دی۔
میڈیا سے بات کرتے ہوئے جنس تبدیل کروانے والے شائم نے بتایا کہ والدین اور چھوٹی بہنیں ابھی اس حقیقیت کا سامنے کرنے سے قاصر نظر آتی ہیں تاہم میری پوری کوشش ہے کہ وہ مجھے اس تبدیلی کے ساتھ دل سے قبول کر لیں اور ہماری زندگی دوبارہ نارمل طریقے سے گذر بسر ہونے لگے۔
صوابی : خیبرپختونخوا کےڈسٹرکٹ صوابی میں سیکیورٹی فورسز کے آپریشن میں فائرنگ کے تبادلے میں کیپٹن اور ایک فوجی اہلکار شہید جبکہ جوابی کارروائی میں 5 دہشت گرد مارے گئے، شہدا کی نماز جنازہ ادا کردی گئی۔
تفصیلات کےمطابق خیبرپختونخوا کے علاقے صوابی میں سیکیورٹی فورسز کے آپریشن میں پاک فوج کے کیپٹن جنید اور سپاہی امجد نے جام شہادت نوش کیا جبکہ فورسز سے فائرنگ کے تبادلے میں 5 دہشت گرد ہلاک ہوئے۔
پاک فوج کے کیپٹن جنید اور سپاہی امجد کی نماز جنازہ میں کورکمانڈر پشاور اور سول و عسکری حکام نے شرکت کی۔ اس سےقبل پاکستان میں وفاق کے زیرانتظام قبائلی علاقے مہمند ایجنسی کے پانچ شہدا نائیک ثنا اللہ، نائیک صفدر، سپاہی الطاف، سپاہی انوار، سپاہی نیک محمد کی نماز جنازہ بھی پشاور گیریژن میں ادا کی گئی۔
سپاہی نیک محمد کی نماز جنازہ ان کے آبائی علاقے عمر کوٹ میں ادا کی گئی، صدر پاکستان، آرمی چیف اور جوائنٹ چیف آف اسٹاف کمیٹی کی جانب سے پھول چڑھائے گئے، شہید کو پورے فوجی اعزاز کے ساتھ سپرد خاک کردیا گیا۔
اس موقع پر گفتگو کرتے ہوئے شہید نیک محمد کے والد کا کہنا تھا کہ وہ دوسرے ملک کی سلامتی کی خاطر دوسرے بیٹوں کو بھی وطن پر قربان کرنے کیلئے تیار ہیں، شہید کے عزیز و اقارب اور اہل محلہ کا کہنا تھا کہ ہمیں نیک محمد کی شہادت پر فخر ہے۔
پاک فوج کے شعبہ تعلقات عامہ آئی ایس پی آر کےمطابق صوابی میں سیکیورٹی فورسز کی جانب سے کیا جانے والا آپریشن انٹیلی جنس کی بنیاد پر کیا گیا۔
پاک فوج کےسربراہ جنرل قمر جاوید باجوہ کا کہنا ہے کہ شہدا کا خون رائیگاں نہیں جائے گا۔ انہوں نے کہا کہ دہشت گردوں کو ختم کرکے دم لیا جائے گا۔
آرمی چیف جنرل قمر جاوید باجودہ نے کہا کہ دہشت گردوں کو ان کے برپا کردہ فساد کا حساب دینا ہوگا۔
خیال رہےکہ اس سےقبل اتوار اور پیر کی درمیانی شب پاکستان میں وفاق کے زیرانتظام قبائلی علاقے مہمند ایجنسی میں افغانستان سے دہشت گردوں کے3پاکستانی چیک پوسٹوں پرحملےمیں 5اہلکار شہید جبکہ 10دہشت گرد مارے گئےتھے۔
یاد رہےکہ پاک فوج کے سربراہ جنرل قمر جاوید باجوہ نےگزشتہ روزمہمند ایجنسی میں دہشت گردوں کا حملہ ناکام بنانے پر پاک فوج کے جوانوں اور شہیدوں کو زبردست انداز میں خراج تحسین پیش کیاتھا۔
