اسلام آباد: عمران خان خان نے حلقہ این اے ایک سو بائیس میں مبینہ دھاندلی پر اسپیکر قومی اسمبلی ایاز صادق سے استعفی کا مطالبہ کر دیا۔کہتے ہیں ایاز صادق اپنی اخلاقی ساکھ کھو چکے ہیں۔
تحریک انصاف کے چیئرمین عمران خان نے اپنے ایک بیان میں کہا ہے کہ اسپیکر قومی اسمبلی ووٹوں کی تصدیق کی بجائے عدالتوں کے پیچھے چھپ رہے ہیں، اسپیکر قومی اسمبلی سرادر ایاز صادق اپنی اخلاقی ساکھ کھو چکے ہیں،حلقہ این اے ایک سو بائیس کے ووٹوں کی تصدیق تک اسپیکر قومی اسمبلی کو اپنے عہدے سے استعفی دے دینا چاہئے۔
اسلام آباد :چار سیٹوں کی بات پرانی ہوئی اب بات پورے الیکشن کی ہوگی ،عمران خان نےدو ہزار تیرہ کے پورے انتخابی عمل کی ایف آئی آر کاٹ دی۔ عمران خان نے پورے انتخابی عمل کے آڈٹ کا مطالبہ کیا ہے، اسلام آباد میں پریس کانفرنس میں عمران خان کا کہنا تھا کہ پہلے وہ چار حلقوں کی بات کر رہے تھے لیکن پورے الیکشن کے آڈٹ کا مطالبہ کرتے ہیں،.
عمران خان نے یہ دعویٰ بھی کیا کہ وہ نادراکے ان تین ا فسران کے نام بھی میڈیا کو دے سکتے ہیں جو سی سی ٹی وی کیمرے بند کر کے نتائج تبدیل کرتے رہے ،عمران خان کا کہنا تھاکہ مسلم لیگ ن نے اپنی کرسی بچانے کیلئے فوج کی سیکورٹی کو دائو پر لگا دیا ہے، عمران خان نے کہا تمام سیاسی جماعتوں نے انتخابی عمل پر تحفظات کا اظہار کیا ہے اور جب افغانستان میں اسی لاکھ ووٹوں کی دوبارہ گنتی ہو سکتی ہے تو پاکستان میں کیوں نہیں؟