Tag: آڈیو لیکس

اسلام آباد : اسلام آباد ہائیکورٹ نے سابق چیف جسٹس ثاقب نثار کے بیٹے کی آڈیو لیک پر خصوصی کمیٹی میں طلبی کیخلاف حکم امتناع میں توسیع کردی۔

اے آر وائی نیوز کے نمائندے حسین احمد چوہدری کے مطابق اسلام آباد ہائی کورٹ میں سابق چیف جسٹس ثاقب نثار کے بیٹے کی آڈیولیک پرخصوصی کمیٹی میں طلبی کیخلاف کیس کی سماعت ہوئی۔

اسلام آبادہائیکورٹ کےجسٹس بابرستارنےکیس کی سماعت کی ، عدالتی معاون اٹارنی جنرل اور چوہدری اعتزاز احسن عدالت میں پیش ہوئے تاہم دیگرعدالتی معاون رضا ربانی ، مخدوم علی خان اورمحسن شاہنواز رانجھا پیش نہ ہوئے۔

جسٹس بابرستار نے اٹارنی جنرل سےمکالمے میں کہا کہ کچھ قانونی نکات ہیں ان پرآپ کی معاونت چاہیے ہوگی، عدالت نے کچھ سوالات اٹھائے ان کے جوابات کیلئے آپ کو بلایاہے۔

اٹارنی جنرل نے بتایا کہ وفاقی حکومت نےمبینہ آڈیو لیکس کےمعاملےپرکمیشن قائم کیا، عدالت نےجوسوالات اٹھائےوہ سپریم کورٹ کےسامنےبھی ہیں، سپریم کورٹ نے بھی ان سوالات پر فیصلہ سنانا ہے۔

جس پر جسٹس بابر ستار نے ریمارکس دیے آپ ہمارے 5سوالات پر ہی معاونت کریں، معاملہ بالآخرسپریم کورٹ میں ہی جانا ہے، ہوسکتا ہے ہم کوئی فیصلہ دیں تووہ سپریم کورٹ کےلیےمعاونت ہو۔

اٹارنی جنرل نے کہا کہ معاملہ سپریم کورٹ میں بھی زیرسماعت ہے، استدعا ہے کہ جوسوالات سپریم کورٹ میں زیربحث ہیں ان پر فیصلے کا انتظار کرلیا جائے۔

دوران سماعت سردارلطیف کھوسہ کا کہنا تھا کہ یہ پاکستان کے25کروڑ عوام کے بنیادی حقوق کا معاملہ ہے، حکومت چیف جسٹس کی مشاورت کے بغیر کیسے جوڈیشل کمیشن بنا سکتی ہے؟ حکومت کو چاہئے تھا کہ چیف جسٹس سےمشاورت کرتی اور وہ ججز نامزد کرتے۔

جسٹا بابر ستار نے اٹارنی جنرل سے استفسار کیا کہ آپ کو عدالتی سوالات کے جواب دینے میں کتنا وقت چاہیےہوگا؟ آپ کو 4ہفتےکاٹائم دیتےہیں، وکیل نے کہا کہ سپریم کورٹ اس حوالے سےکنسرن ہے چیف جسٹس کواعتمادمیں لیےبغیرججزکوکمیشن میں شامل کیا گیا۔

اسلام آبادہائیکورٹ نے ثاقب نثارکےبیٹےکی خصوصی کمیٹی میں طلبی کےخلاف حکم امتناع میں توسیع کرتے ہوئے اٹارنی جنرل کو 2 ہفتےمیں جواب جمع کرانے کی ہدایت کردی۔

اسلام آباد ہائی کورٹ نے ہدایت کی اٹارنی جنرل جواب کی کاپیاں فریقین کو بھی فراہم کریں بعد ازاں سماعت 16 اگست تک ملتوی کردی گئی۔

اسلام آباد : وزیر دفاع خواجہ آصف نے آڈیو لیکس ہونے سے متعلق کہا ہے کہ فون سے کوئی ڈیوائس لگانے کی ضرورت نہیں، برطانیہ میں بیٹھے ہیکرز بھی یہ کام آسانی سے کرسکتے ہیں۔

تفصیلات کے مطابق وزیر دفاع خواجہ آصف نے قومی اسمبلی میں اظہارخیال کرتے آڈیو لیک ہونے کا طریقہ بتاتے ہوئے کہا کہ آڈیو ٹیپس کے بارے میں یہ تاثرغلط ہے کہ فون سے کوئی ڈیوائس لگا کر ریکارڈنگ کی جاتی ہے۔

خواجہ آصف کا کہنا تھا کہ ہیکرز دنیا میں کہیں بھی بیٹھ کرفون ہیک کرتےہیں ، آج کل تو برطانیہ میں بیٹھ کر بھی پاکستان کا فون ہیک ہوسکتاہے اور تمام گفتگو اور پیغامات ریکارڈ پر آسکتے ہیں۔

خواجہ آصف کا کہنا تھا کہ امریکا میں ایسا ہوسکتا ہے تو یہاں بھی ہوسکتا ہے۔

انھوں نے مزید کہا تھا کہ عدلیہ پارلیمان کو ڈکٹیٹ نہیں کرسکتی آئین نےپارلیمان کی کوک سےجنم لیاہے وہ کیس ابھی پروسس سےگزر رہا تھا اس پر نوٹس لے لیا گیا تجویز کیا جو اختیارات سپریم کورٹ میں ایکسرسائز کیے جا رہے ہیں اس میں انصاف ہو، ایسی صورتحال زیادہ دیر چلنا پاکستان کی آئینی حیثیت کیلئے نقصان دہ ہے۔

ان کا کہنا تھا کہ ہمیں تو کہہ رہے ہیں ڈکٹیٹ نہ کریں مگر عملدرآمد سپریم کورٹ پر بھی ہے جس شخص نے ہائی کورٹ میں درخواست دی وہ خود آڈیولیکس میں ملوث ہے کمیشن کا ہیڈ سینئرترین سپریم کورٹ کاجج کو بنایا گیا۔