Tag: آکسفورڈ شائر

آکسفورڈ: برطانیہ کی کاؤنٹی آکسفورڈ شائر میں بھی ٹیئر 4 کے نفاذ کا اعلان کردیا گیا، سیکریٹری ہیلتھ نے شہریوں کو کرسمس پر محتاط رویہ اپنانے کی اپیل کی ہے۔

بین الاقوامی میڈیا کے مطابق برطانیہ کی کاؤنٹی آکسفورڈ شائر میں بھی ٹیئر 4 فور کے نفاذ کا اعلان کردیا گیا، ٹیئر 4 باکسنگ ڈے ہفتہ سے شروع ہوگا۔

سیکریٹری ہیلتھ کے مطابق کرونا وائرس بہت تیزی سے پھل رہا ہے اور اس کے لیے فوری اقدامات ضروری ہیں، سیکریٹری ہیلتھ نے شہریوں کو کرسمس پر محتاط رویہ اپنانے کی اپیل کی ہے۔

سیکریٹری کا کہنا ہے کہ حکومتی ہدایات پر سختی سے عمل درآمد کروایا جائے گا۔

خیال رہے کہ برطانیہ میں کرونا وائرس کی نئی قسم سامنے آنے کے بعد لندن اور جنوبی انگلینڈ میں ٹیئر 4 کی سخت پابندیاں لاگو ہو چکی ہیں جن کے تحت لوگوں کے اپنے اپنے علاقوں سے باہر نکلنے پر پابندی ہے۔

اس کے علاوہ ٹیئر 4 سے نیچے کے ٹیئر کے کسی بھی علاقے سے ٹیئر 4 علاقوں میں داخلے پر پابندی ہے۔

دوسری جانب ویلز اس وقت مکمل طور پر لاک ڈاؤن کی زد میں ہے جبکہ اسکاٹ لینڈ میں 26 دسمبر کی شب لاک ڈاؤن لاگو کر دیا جائے گا۔

اب تک یورپ میں فرانس، جرمنی، اٹلی، ہالینڈ، ڈنمارک، بیلجیئم، آسٹریا، بلغاریہ اور جمہوریہ آئر لینڈ نے برطانیہ آنے جانے والی پروازوں پر پابندی عائد کردی ہے۔ اس کے علاوہ کینیڈا، ترکی، ہانگ کانگ، ایران، اسرائیل، کویت اور مراکش سمیت چند جنوبی امریکی ممالک نے بھی برطانیہ آنے جانے والی پروازوں پر پابندیاں لگا دی ہیں۔