آکسفورڈ: ماضی میں کنزرویٹو پارٹی کے مرکزی رہنما رہنے والے ولیم ہیگ کو آکسفورڈ یونیورسٹی کا چانسلر منتخب کرلیا گیا۔
چانسل منتخب ہونے کی دوڑ میں ولیم ہیگ 50 فیصد سے زیادہ ووٹ لے کرسرفہرست رہے، ولیم ہیگ برطانیہ کے سابق وزیرخارجہ کے عہدے پر بھی براجمان رہ چکے ہیں، ایک دور میں ولیم ہیگ برطانوی سیاسی جماعت کنزرویٹو پارٹی کے مرکزی لیڈر بھی رہ چکے ہیں۔
مشہور و معروف آکسفورڈ یونیورسٹی کی 800 سالہ تاریخ میں لارڈ ولیم کو 160 ویں چانسلر بننے کا اعزاز حاصل ہوا، وہ آئندہ برس کےآغاز میں اس معتبر عہدے پر براجمان ہونگے۔
انھیں 10 برس کے لیے چانسلرکا عہدہ سنبھالنے کا موقع ملے گا، ولیم نے 50 فیصد سے زائد ووٹ حاصل کرتے ہوئے اپنے مدمقابل 4 امیدواروں کو شکست دی۔
خیال رہے کہ پابند سلاسل بانی پی ٹی آئی نے بھی آکسفورڈ یونیورسٹی کی چانسلر شپ کے لیے کاغذات جمع کروائے تھے، تاہم یونیورسٹی نے حتمی فہرست میں پی ٹی آئی رہنما کا نام شامل نہیں کیا تھا۔
