Tag: آکسیجن سلنڈر

کرکٹ کی تاریخ کے دوران کرکٹرز نے ناقابل یقین لگن کا مظاہرہ کیا ہے، اور قابل ذکر کارنامے انجام دیے لیکن اس کھیل سے عقیدت کی ایسی بھی کہانیاں جڑی ہیں جو شائقین کو بالکل حیران کر دیتی ہیں۔

سوشل میڈیا پلیٹ فارمز پر ایسے ہی ایک غیر معمولی واقعے سے متعلق ایک ویڈیو وائرل ہو رہی ہے، جس میں ایک معمر کرکٹر کو اپنی پیٹھ پر آکسیجن سلنڈر اٹھائے کھیل کھیلتے ہوئے دکھایا گیا ہے۔

اگرچہ کرکٹ سے جنون نئی بات نہیں لیکن بیماری میں کرکٹ کھیلنا بلاشبہ ایک بالکل نئی بات ہے، اسکاٹ لینڈ میں 83 سالہ بزرگ ایلکس اسٹیل بیمار ہونے کے باجود کلب میچ کھیلنے گراؤنڈ پہنچ جاتے ہیں۔

اسکاٹ لینڈ کے کرکٹر ایلکس سٹیل کے لیے کرکٹ زندگی گزارنے کا ایک طریقہ ہے، انسٹاگرام پر شیئر کی گئی ایک ویڈیو میں 1967 میں فرسٹ کلاس ڈیبیو کرنے والے 83 سالہ بوڑھے کو حال ہی میں کلب کی سطح پر کھیلتے ہوئے اپنی کمر پر آکسیجن سلنڈر کے ساتھ اسٹمپ کے پیچھے دیکھا گیا۔

For Scotland cricketer Alex Steele, #cricket is a way of living. In a video shared on Instagram, the 83-year-old, who made his first class debut in 1967, was recently seen behind the stumps with an #oxygencylinder on his back playing at club level.https://t.co/2aEbweGy1H pic.twitter.com/6tRCPsBVyV

— Khaleej Times (@khaleejtimes) August 8, 2023

ایلکس اسٹیل نے آکسیجن سلنڈر پہن کر وکٹ کیپنگ کی، میچ کی ویڈیو سوشل میڈیا پر شیئر کرتے ہوئے لکھا گیا ہے کہ ’کچھ لوگ بوڑھا ہونے پر کرکٹ چھوڑ دیتے ہیں، اور لیجنڈز بوڑھا ہونا روک دیتے ہیں جب وہ کرکٹ کھیلتے ہیں۔‘

ویڈیو دیکھنے کے بعد صارفین بزرگ شہری کی خوب تعریف کررہے ہیں اوران کا مزید حوصلہ بھی بڑھا رہے ہیں۔ دراصل ایلکس اسٹیل سانس کے انفیکشن میں مبتلا ہیں، ان کی زندگی میں تب ایک اہم موڑ آیا تھا جب انھیں 2020 میں ایڈیوپیتھک پلمونری فائبروسس نامی بیماری کی تشخیص ہوئی۔

ڈاکٹروں نے ان سے کہا تھا کہ ان کی زندگی اب ایک سے پانچ سال تک رہ گئی ہے، اس سے زیادہ وہ جی نہیں پائیں گے، لیکن ایلکس نے اپنا جذبہ جوان رکھا ہے اور تشخیص کے تین سال بعد بھی کلب کرکٹ میں آکسیجن سلنڈر کے ساتھ حصہ لے رہے ہیں۔