Tag: آگ

کراچی: شہرقائد کے علاقے 2 منٹ چورنگی کے قریب گاڑی میں آگ لگ گئی جس کے نتیجے میں 6 افراد جھلس کر جاں بحق اور5 زخمی ہوگئے۔

تفصیلات کے مطابق کراچی کے دو مختلف علاقوں میں گاڑی میں آتشزدگی کا واقعہ پیش آیا۔ دو منٹ چورنگی کے قریب گاڑی میں لگنے والی آگ نے 6افراد کی زندگیاں نگل لیں، جبکہ پانچ زخمی ہوگئے۔

ریسکیوذرائع کا کہنا ہے کہ جاں بحق ہونے والوں میں میاں بیوی اور 4بچے بھی شامل ہیں، آگ گاڑی اور رکشے میں ٹکر کے بعد لگی۔ پولیس اور ریسکیو کی ٹیمیں جائے واقعہ پر پہنچ گئیں، متعلقہ اداروں نے کارروائی کا آغاز کردیا۔

دوسری جانب گلستان جوہر بلاک 18میں چلتی گاڑی میں آگ لگ گئی، آتشزدگی کے باعث قریب سے گزرنے والی گاڑی بھی لپیٹ میں آگئی۔ اطلاع کے باوجود فائربریگیڈ عملہ ابھی تک نہیں پہنچا۔ آگ لگنے کی ابتدائی وجہ شارٹ سرکٹ بتائی جاتی ہے۔

کراچی میں ایک گھنٹے کے دوران آتشزدگی کے 2 واقعات

یاد رہے کہ گزشتہ ماہ 28 دسمبر کو شہر قائد میں ایک گھنٹے کے دوران آتشزدگی کے دو واقعات پیش آئے تھے، سیفی کالج کے قریب آئل ڈپو میں آگ لگہ جب کہ سہراب گوٹھ میں مسافر بس میں اچانک آگ بھڑک اٹھی تھی۔

کراچی: فش ہاربر میں واقع ہوٹل میں آگ لگ گئی، خوف ناک آتش زدگی کے باعث بھڑکتے شعلوں نے قریب کھڑی لانچوں کو بھی لپیٹ میں لے لیا، کروڑوں روپے کی مالیت کی 9 کشتیاں جل کر راکھ ہو گئیں۔

تفصیلات کے مطابق کراچی فش ہاربر میں واقع ہو ٹل میں خوف ناک آتش زدگی کے باعث نو لانچیں جل کر راکھ ہو گئیں، فشریز حکام کا کہنا ہے کہ آگ سے ہوٹل اور 9 لانچیں مکمل طور پر جل گئی ہیں۔

آگ بھجانے کے لیے کے پی ٹی، نیوی اور کے ایم سی کے 12 فائر ٹینڈر موقع پر پہنچ گئے تھے، پاک بحریہ کی امدادی ٹیم اور 4 فائر ٹینڈرز نے بھی آگ بجھانے میں حصہ لیا، شدید کوششوں کے بعد فش ہاربر پر ہوٹل میں لگی آگ پر قابو پا لیا گیا ہے اور اب کولنگ جاری ہے، آگ لگنے کی وجہ معلوم نہیں ہو سکی ہے۔

فش ہاربر سیکورٹی انچارج کا کہنا تھا کہ جلنے والی لانچیں کروڑوں روپے مالیت کی تھیں، آگ کی شدت بہت زیادہ تھی، جس کے باعث نقصان بہت زیادہ ہوا، کے پی ٹی حکام کو کو کئی بار شکایت کی گئی ہے کہ یہاں سے ہوٹلوں کو ختم کیا جائے لیکن نہیں کیا گیا۔

فشری سیکورٹی حکام کے مطابق لانچوں پر لگی چربی اور چونا فوراً آگ پکڑتا ہے، اس لیے لانچوں تک آگ پہنچتے ہی آگ میں مزید شدت آ گئی، اور کشتیاں جل کر راکھ ہو گئیں۔

ذرایع کے مطابق آگ فش ہاربر پر کالا پانی کے مقام پر برتھ نمبر 5 میں لگی، ہوا تیز ہونے کے باعث آگ برتھ کے آس پاس پھیل گئی اور مزید لانچوں کو اپنی لپیٹ میں لیا، ریسٹورنٹ میں لگی آگ نے قریب موجود تیل کے ڈرموں کو بھی لپیٹ میں لے لیا تھا۔