کیلیفورنیا: امریکی ریاست کیلیفورنیا کے ساحل پر ایک کشتی میں آگ لگنے سے آٹھ افراد جان کی بازی ہار گئے۔
تفصیلات کے کیلیفورنیا کے ساحل پر کشتی پر آگ اس وقت لگی جب وہ سنٹاکروز جزیرے سے چند میٹر کے فاصلے پر لنگر انداز ہوئی تھی، آگ لگنے کے وقت کشتی میں 39 افراد سوار تھے۔
امریکی حکام کے مطابق آتشزدگی کے باعث کشتی تباہ ہوچکی ہے، حادثے میں 8 افراد ہلاک ہوگئے ہیں جبکہ دیگر مسافروں کی تلاش کے لیے ریسکیو آپریشن جاری ہے
کوسٹ گارڈ کی سیکٹر کمانڈر کیپٹن مونیکا روچسٹر کا کہنا ہے کہ کوسٹ گارڈ سروسز کو ساڑھے تین بجے مقامی وقت کے مطابق ہنگامی مے ڈے کال سنائی دی جس میں کہا گیا تھا کہ کشتی کو آگ نے اپنی لپیٹ میں لے لیا ہے۔
کیپٹن مونیکا روچسٹر کے مطابق کشتی میں حفاظتی ضوابط کی مکمل تعمیل کی گئی تھی اور اس سے قبل اس کے متعلق کسی خلاف ورزی کی شکایت نہیں تھی۔
کیلیفورنیا میں چھوٹا طیارہ حادثے کا شکار، 5 افراد ہلاک
یاد رہے کہ گزشتہ سال اگست میں امریکی ریاست کیلیفورنیا میں چھوٹا مسافر طیارہ اڑان بھرنے کے فوراً بعد 1.6 کلومیٹر کے فاصلے پر شاپنگ مال میں گرکر تباہ ہوگیا تھا، جس کے نتیجے میں 5 افراد ہلاک ہوگئے تھے۔
