ARYNews.tv | Urdu – Har Lamha Bakhabar

Tag: آگ

  • برازیل کے فٹبال کلب میں آگ لگنے سے 10 افراد ہلاک

    برازیل کے فٹبال کلب میں آگ لگنے سے 10 افراد ہلاک

    ریوڈی جنیرو: برازیل کے شہر ریوڈی جنیرو کے فٹبال کلب میں آگ لگنے کے نتیجے میں 10 افراد ہلاک ہوگئے۔

    تفصیلات کے مطابق ریوڈی جنیرو کے مشہور فٹبال کلب فلیمینگو میں لگنے والی آگ کے باعث 10 افراد جھلس کر ہلاک جبکہ 3 زخمی ہوگئے۔

    غیرملکی خبررساں ادارے کے مطابق آگ فٹبال کلب کے احاطے میں موجود عمارت میں اس وقت لگی جب کھلاڑی اپنے کمروں میں سو رہے تھے۔

    افسوس ناک حادثے میں ہلاک ہونے والے کھلاڑیوں کی عمریں 14 سے 17 سال کے درمیان بتائی جا رہی ہیں۔

    پولیس حکام کا کہنا ہے کہ ہلاک ہونے والوں کی شناخت نہیں ہوسکی تاہم واقعے کی تحقیقات کا آغاز کردیا گیا ہے۔

    دوسری جانب برازیلین اسٹار فٹبالرز پیلے اور رونالڈینو نے واقعے پر افسوس کا اظہار کرتے ہوئے اسے برازیلین فٹبال کے لیے دکھ کا دن قرار دیا ہے۔

    برازیل کے 200 سال پرانے میوزیم میں آتشزدگی

    یاد رہے کہ گزشتہ سال ستمبر میں برازیل کے شہر ریو ڈی جنیرو میں قائم ملک کے 200 سال قدیم نیشنل میوزیم میں اچانک آگ بھڑک اٹھی تھی جس نے دیکھتے ہی دیکھتے پوری عمارت کو اپنی لپیٹ میں لے لیا تھا۔

    برازیل کے صدر مائیکل ٹیمر نے سماجی رابطے کی ویب سائٹ ٹویٹر پراپنے پیغام میں نیشنل میوزیم میں آگ لگنے کے واقعے کو برازیل کے لیے افسوس ناک دن قرار دیا ہے۔

  • پیرس: رہائشی عمارت میں آتشزدگی‘ ہلاکتوں کی تعداد 10 ہوگئی

    پیرس: رہائشی عمارت میں آتشزدگی‘ ہلاکتوں کی تعداد 10 ہوگئی

    پیرس: فرانس کے دارالحکومت پیرس میں واقع بلڈنگ میں آگ لگ گئی جس کے نتیجے میں 10  افراد ہلاک جبکہ درجنوں زخمی ہوگئے۔

    تفصیلات کے مطابق پیرس میں واقع آٹھ منزلہ عمارت کی ساتویں اور آٹھویں منزل پر آگ لگنے سے متعدد افراد ہلاک جبکہ 6 فائرفائٹرز سمیت 30 سے زائد افراد زخمی ہوچکے ہیں۔

    ریسکیو حکام کے مطابق آگ پرقابو پانے کے لیے 250 فائرفائٹرز نے ریسکیو آپریشن میں حصہ لیا۔ آتشزدگی کے واقعے میں زخمی والے افراد کو طبی امداد کے لیے اسپتال منتقل کردیا گیا ہے جہاں ایک زخمی کی حالت تشویش ناک ہے۔

    پیرس پولیس حکام کا کہنا ہے کہ فوری طور آگ لگنے کی وجہ سامنے نہیں آسکی تاہم اس حوالے سے تحقیقات کا آغاز کردیا گیا ہے۔

    پیرس: بیکری میں گیس دھماکا، چار افراد ہلاک

    یاد رہے کہ گزشتہ ماہ پیرس میں واقع عمارت میں زور دار دھماکے بعد آگ بھڑک اٹھی تھی، واقعے میں چار افراد ہلاک جبکہ 20 سے زائد افراد زخمی ہوگئے تھے۔

    فرانس کی لیون یونیورسٹی میں دھماکے، تین افراد زخمی

    واضح رہے کہ 17 جنوری 2019 کو فرانسیسی شہر لیون کے شمال میں واقع لیون یونیورسٹی کے ویلربینی کیمپس کی سائنس لائبری میں ہونے والے دھماکوں کے نتیجے میں 3 افراد زخمی ہوگئے تھے۔

  • بارسلونا: بادالونا کی رہائشی عمارت میں آتشزدگی‘ 2 پاکستانی جاں بحق

    بارسلونا: بادالونا کی رہائشی عمارت میں آتشزدگی‘ 2 پاکستانی جاں بحق

    بارسلونا: بادالونا کےعلاقے سانت روک کی 10 منزلہ رہائشی عمارت میں آگ لگنے کے نتیجے میں 2 پاکستانی جاں بحق جبکہ ایک زخمی ہوگیا۔

    تفصیلات کے مطابق اسپین میں پاکستانی قونصل جنرل علی عمران کا کہنا ہے کہ بادالونا کی 10 منزلہ رہائشی عمارت میں آگ لگنے سے 2 پاکستانی جان کی بازی ہار گئے جبکہ تیسرا زخمی ہوگیا۔

    قونصل جنرل علی عمران کے مطابق جاں بحق افراد میں زاہد اورعبدالرزاق شامل ہیں جبکہ زخمی پاکستانی شہری تنویراحمد مقامی اسپتال میں زیرعلاج ہے۔

    بادالونا کی رہائشی عمارت میں لگنے والی آگ پرقابو پالیا گیا

    یاد رہے کہ 4 روز قبل بادالونا کے علاقے سانت روک میں علی الصبح رہائشی عمارت میں لگنے والی آگ پرقابو پالیا گیا تھا۔

    مقامی میڈیا کے مطابق آگ کی شدت اس قدر زیادہ تھی کہ دھوئیں کے بادل اٹھتے نظر آرہے تھے اور آگ کھڑکیوں سے سے باہر دور تک جا رہی تھی، آگ لگنے کی وجہ ابھی تک معلوم نہ ہوسکی۔

    بادالونا کے میئرایلکس نے آگ کے نتیجے میں ہونے والے جانی نقصان پر انتہائی دکھ اور افسوس کا اظہار کرتے تین دن کے سوگ کا اعلان کیا تھا۔

    واضح رہے کہ گزشتہ سال جولائی میں اسپین کے شہر بارسلونا کے ایک میوزک فیسٹول میں آتش بازی سے خوفناک آگ لگ گئی تھی، تاہم کوئی جانی نقصان نہیں ہوا تھا۔

  • کراچی: اسکول وین میں آگ لگ گئی، 14 بچے جھلس کر زخمی

    کراچی: اسکول وین میں آگ لگ گئی، 14 بچے جھلس کر زخمی

    کراچی: صوبہ سندھ کے دارالحکومت کراچی میں اسکول وین میں اچانک آگ بھڑک اٹھی، حادثے میں وین میں سوار 14 بچے جھلس کر زخمی ہوگئے۔

    تفصیلات کے مطابق واقعہ کراچی کے علاقے اورنگی ٹاؤن میں پیش آیا جہاں نجی اسکول کی وین میں آگ لگ گئی۔

    عینی شاہدین کے مطابق بچے ناظم آباد کے نجی اسکول میں پڑھتے ہیں، آگ لگنے سے پہلے گاڑی اچانک ریت میں پھنس کر رک گئی تھی۔

    عینی شاہدین کا کہنا ہے کہ گاڑی رکنے کے بعد ڈرائیور اور کچھ بچوں نے نیچے اتر کر گاڑی کو دھکا لگایا، اسی دوران ڈرائیور کے ساتھ والی سیٹ سے چنگاریاں نکلیں اور آگ بھڑک اٹھی۔

    افسوسناک واقعے میں وین میں موجود تمام 14 بچے جھلس کر زخمی ہوگئے۔ زخمی بچوں کو فوری طور پر اسپتال منتقل کر دیا گیا۔

    پولیس کا کہنا ہے کہ وین میں آگ شارٹ سرکٹ کے باعث لگی، وین میں سلنڈر ٹھیک حالت میں موجود ہے۔ فائر بریگیڈ کی گاڑی نے آگ پر قابو پالیا ہے۔

    دوسری جانب سول اسپتال کے انچارج برنس وارڈ ڈاکٹر احمر کا کہنا ہے کہ جھلسنے والے 5 بچے سول اسپتال کے برنس وارڈ لائے گئے، 3 بچوں کو فوری طبی امداد کے بعد گھر بھیج دیا گیا۔

    انچارج کے مطابق برنس وارڈ میں موجود دونوں بچوں کی حالت خطرے سے باہر ہے۔

    وزیر تعلیم کا نوٹس

    وزیر تعلیم سندھ سردار شاہ نے اسکول وین میں آگ لگنے کا نوٹس لیتے ہوئے ڈائریکٹر پرائیوٹ اسکولز کو فوری طور پر زخمی بچوں کی عیادت کی ہدایت کردی۔

    وزیر تعلیم نے سیکریٹری اسکولز سے رپورٹ بھی طلب کرلی۔ انہوں نے کہا کہ اسکول وین میں آگ لگنے کی انکوائری کروائی جائے۔

  • گجرانوالہ: آتشزدگی کا واقعہ، دو افراد جھلس کر زخمی، لاکھوں روپے مالیت کا سامان جل گیا

    گجرانوالہ: آتشزدگی کا واقعہ، دو افراد جھلس کر زخمی، لاکھوں روپے مالیت کا سامان جل گیا

    گجرانوالہ: پنجاب کے بازار میں آتشزدگی کے باعث لاکھوں روپے مالیت کا سامان جل گیا، جبکہ دو افراد جھلس کر زخمی بھی ہوئے۔

    تفصیلات کے مطابق پنجاب کے شہر گجرانوالہ کے لنڈا بازار میں کپڑے کی دکانوں میں آگ لگ گئی جس کے باعث دو افراد جھلس کر زخمی ہوگئے، تاہم فائر ٹینڈرز نے آگ پر قابو پالیا۔

    ریسکیو حکام کا کہنا ہے کہ آگ پر قابو پالیا گیا ہے، ریسکیو کے پانچ فائر ٹینڈرز نے آپریشن میں حصہ لیا، آگ شارٹ سرکٹ کے باعث لگی۔

    حکام کے مطابق گجرانوالہ کے لنڈا بازار میں شارٹ سرکٹ کے باعث آگ نے تیرہ دکانوں کو لپیٹ میں لے لیا، جس کے نتیجے میں دکانوں میں موجود لاکھوں روپے مالیت کا کپڑا اور سامان جل گیا۔

    نیو کراچی گارمنٹس فیکڑی میں خوفناک آتشزدگی

    ریسکیو کی پانچ گاڑیوں نےآگ بجھانے کیلئے آپریشن میں حصہ لیا اور دو گھنٹے کےآپریشن کے بعد آگ پرقابو پالیا گیا، ریسکیو آپریشن کے دوران علاقہ کی بجلی بھی منقطع کردی گئی تھی، اندھیرے میں ریسکیو اہلکاروں کو آپریشن میں مشکلات کا سامنا رہا۔

    یاد رہے کہ ایک برس قبل کراچی کے صنعتی علاقے گورنگی انڈسٹریل ایریا میں مرتضی چورنگی کے قریب پلاسٹک فیکٹری میں خوفناک آتشزدگی کے باعث لاکھوں کا پلاسٹک جل کر خاکستر ہوگیا تھا۔

    ذرائع کے مطابق فیکٹری میں اچانک آگ بھڑک اٹھی تھی، جس نے دیکھتے ہی دیکھتے عمارت کے کئی حصوں کو اپنی لیپٹ میں لے لیا تھا۔

  • مقبوضہ کشمیرمیں بھارتی فوج نے کشمیری نوجوان کے گھر کو آگ لگا دی

    مقبوضہ کشمیرمیں بھارتی فوج نے کشمیری نوجوان کے گھر کو آگ لگا دی

    سری نگر: مقبوضہ کشمیر میں سرچ آپریشن کے دوران بھارتی فوج نے کشمیری نوجوان کے گھر کو آگ لگا دی۔

    تفصیلات کے مطابق مقبوضہ کشمیر میں بھارت کی ریاستی دہشت گردی جاری ہے، پلواما میں بھارتی فوج نے ناکہ بندی کرکے سرچ آپریشن کے دوران ایک گھرکو آگ لگا دی۔

    مقبوضہ کشمیرمیں گزشتہ روز 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال تھی، ٹرانسپورٹ اور کاروباری مراکز بند رہے۔

    مقبوضہ کشمیرمیں بھارتی فوج کی فائرنگ‘ 6 کشمیری شہید

    خیال رہے کہ دو روز قبل مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 6 کشمیری نوجوانوں کو شہید کردیا تھا۔

    پاکستان کی کشمیری رہنما حفیظ اللہ میر کے قتل کی شدید مذمت

    ترجمان دفترخارجہ نے کشمیری رہنما میرحفیظ اللہ کے قتل کی شدید مذمت کرتے ہوئے کہا تھا کہ کشمیری رہنما کا قتل افسوس ناک ہے۔

    یاد رہے کہ کشمیری رہنما میرحفیظ اللہ گزشتہ ماہ ہی بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

    کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا تھا۔

  • کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا : امریکی ریاست کیلی فورنیا میں لگنے والی آگ سے 87 افراد ہلاک ہوگئے، حکام نے بارش کے بعد بدترین آگ پرقابو پالیا۔

    تفصیلات کے مطابق امریکی ریاست کیلی فورنیا کے جنگلات میں لگنے والی آگ پر 17 روز بعد قابو پا لیا گیا، آتشزدگی سے 87 افراد جان کی بازی ہار گئے۔

    آتشزدگی سے 14 ہزار سے زائد مکانات جل کرراکھ کا ڈھیر بن گئے جن میں ہالی ووڈ ستاروں کے عالیشان گھر بھی شامل ہیں، آگ کے شعلوں کی لپیٹ میں آکرایک لاکھ 53 ہزارایکڑرقبہ متاثر ہوا۔

    جنگلات میں لگنے والی آگ پر قابو پانے کے لیے ایک ہزار سے زائد فائر فائٹرز2 ہفتے تک مصروف رہے، ہیلی کاپٹرز نے بھی آپریشن میں حصہ لیا۔

    امریکی میڈیا کے مطابق آتشزدگی سے 87 افراد ہلاک ہوئے جبکہ 474 افراد لاپتہ ہیں جن میں سے بیشتر کے زندہ بچنے کے امکانات کم ہیں۔

    کیلی فورنیا کے شمالی اور جنوبی علاقوں کے جنگلات میں 8 نومبر کو آگ لگی تھی جسے کیلی فورنیا کی تاریخ کی سب سے بڑی آگ قرار دیا گیا ہے۔

    یاد رہے کہ گزشتہ ہفتے 17 نومبرکو امریکی صدر ڈونلڈ ٹرمپ نے ریاست کیلی فورنیا کا دورہ کیا تھا اور آگ کی تباہ کاریوں کا بھی جائزہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کراچی: سسرالیوں کے ہاتھوں مبینہ جلائی گئی خاتون اسپتال میں دم توڑ گئی

    کراچی: سسرالیوں کے ہاتھوں مبینہ جلائی گئی خاتون اسپتال میں دم توڑ گئی

    کراچی : شہرقائد میں سسرالیوں کے ہاتھوں مبینہ جلائی جانے والی خاتون دو روز بعد زخموں کی تاب نہ لاتے ہوئے اسپتال میں چل بسی۔

    تفصیلات کے مطابق کھوکھراپار کے علاقے سے دو روز قبل سول اسپتال کے برنس وارڈ لائی جانے والی خاتون سلمیٰ دم توڑ گئی۔

    سلمیٰ کے اہل خانہ نے الزام لگایا ہے کہ سسرالیوں نے اسے پٹرول چھڑک کرآگ لگائی جس سے اس کے جسم کا 75 فیصد حصہ جھلس گیا تھا۔

    اہل خانہ کا کہنا ہے کہ سلمیٰ کا شوہر اسے تشدد کا نشانہ بنایا کرتا تھا، کچھ عرصہ قبل سلمیٰ کو زہردے کرقتل کرنے کی کوشش بھی کی تھی۔

    سلمیٰ کے اہلِ خانہ نے الزام عائد کیا ہے کہ پولیس ان کے ساتھ کوئی تعاون نہیں کررہی۔

    فیصل آباد: شوہر کے ہاتھوں مبینہ جلائی گئی خاتون اسپتال میں دم توڑ گئی

    دوسری جانب فیصل آباد کے علاقے شاداب کالونی میں 3 روز قبل شوہر کے ہاتھوں مبینہ جلائی گئی خاتون اسپتال میں دم توڑ گئی تھی۔

    فیروزوالا میں سسرالیوں کےہاتھوں جلائی جانے والی خاتون دم توڑ گئی

    یاد رہے کہ رواں سال 25 مارچ کو صوبہ پنجاب کے شہر شیخوپورہ میں سسرالیوں کے ہاتھوں جلائی جانے والی خاتون میواسپتال میں جان کی بازی ہار گئی تھی۔

  • کیلی فورنیا کے جنگلات میں آگ لگنے سے ہلاکتوں کی تعداد 71 ہوگئی

    کیلی فورنیا کے جنگلات میں آگ لگنے سے ہلاکتوں کی تعداد 71 ہوگئی

    کیلی فورنیا : امریکی ریاست کیلی فورنیا کے جنگلات میں لگنے والی آگ تاحال بے قابو ہے، ہلاکتوں کی تعداد 71 تک پہنچ گئی۔

    تفصیلات کے مطابق کیلی فورنیا کے جنگلات میں لگنے والی آگ کے باعث اموات کی تعداد 71 ہوگئی ہے جبکہ 7 ہزار سے زائد مکانات جل کر راکھ کا ڈھیر بن چکے ہیں۔

    فائر بریگیڈ حکام کا کہنا ہے کہ آگ نے ایک لاکھ 75 ہزار ایکڑ رقبے کو اپنی لپیٹ میں لے رکھا ہے، آگ بجھانے میں مزید 3 سے 4 ہفتے لگ سکتے ہیں۔

    کیلی فورنیا حکام کے مطابق دو لاکھ افراد کو محفوظ مقامات پر منتقل کر دیا گیا ہے، تیز ہواؤں کے باعث آگ بجھانے میں شدید مشکلات کا سامنا ہے۔

    کیلی فورنیا کے جنگلات میں 16 مقامات پر آگ لگی ہوئی ہے، حکام نے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہے۔

    کیلی فورنیا کے جنگلات میں لگنے والی آگ سے 5 افراد ہلاک

    یاد رہے کہ رواں سال 29 جولائی کو امریکی ریاست کیلی فورنیا کے جنگلات میں لگنے والی آگ سے دو فائر فائٹرز سمیت 5 افراد ہلاک ہوگئے تھے۔

    جنگلات میں لگنے والی آگ پر قابو پانے کے لیے تین ہزار چار سو فائر فائٹرز اور 17 ہیلی کاپٹر نے آپریشن میں حصہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کیلی فورنیا کے جنگلات میں آگ لگنے سے ہلاکتوں کی تعداد 44 ہوگئی

    کیلی فورنیا کے جنگلات میں آگ لگنے سے ہلاکتوں کی تعداد 44 ہوگئی

    کیلی فورنیا: امریکی ریاست کیلی فورنیا کے جنگلات میں لگنے والی آگ کے نتیجے میں ہلاکتوں کی تعداد 44 ہوگئی۔

    تفصیلات کے مطابق امریکی ریاست کیلی فورنیا کے جنگلات میں لگنے والی آگ کے نتیجے میں ہلاکتوں کی تعداد 44 تک جا پہنچی ہے، تیز ہواؤں کے باعث آگ کو پھیلنے سے روکنے میں مشکلات کا سامنا ہے۔

    جمعرات کو وسطی لاس اینجلس سے شروع ہونے والی آگ بڑھتے بڑھتے آج 35 ہزار ایکڑ تک پھیل کر ہائی وے 101 کے ساحلی علاقے کے نزدیک پہنچ گئی ہے۔

    ڈھائی لاکھ سے زائد افراد کو محفوظ مقامات پر منتقل کردیا گیا ہے، فائر فائٹرز آگ پر قابو پانے کی کوششوں میں مصروف ہیں۔

    غیرملکی میڈیا کے مطابق کیلی فورنیا کے بیوٹ کاؤنٹی کے جنگلات میں ایک کیمپ سے لگنے والی آگ نے دیکھتے دیکھتے ہزاروں ایکڑ کو اپنی لپیٹ میں لے لیا۔

    کیلی فورنیا حکام کے مطابق آگ لگنے کے باعث 800 گھر اور عمارتیں جل گئیں، دو لاکھ افراد کو محفوظ مقامات پر منتقل کر دیا گیا۔

    فائر بریگیڈ حکام کا کہنا ہے کہ آگ نے ایک لاکھ 75 ہزار ایکڑ رقبے کو اپنی لپیٹ میں لے رکھا ہے، آگ بجھانے میں مزید 3 سے 4 ہفتے لگ سکتے ہیں۔

    کیلی فورنیا کے جنگلات میں 16 مقامات پر آگ لگی ہوئی ہے، حکام نے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہے۔

    کیلی فورنیا کے جنگلات میں لگنے والی آگ سے 5 افراد ہلاک

    یاد رہے کہ رواں سال 29 جولائی کو امریکی ریاست کیلی فورنیا کے جنگلات میں لگنے والی آگ سے دو فائر فائٹرز سمیت 5 افراد ہلاک ہوگئے تھے۔

    جنگلات میں لگنے والی آگ پر قابو پانے کے لیے تین ہزار چار سو فائر فائٹرز اور 17 ہیلی کاپٹر نے آپریشن میں حصہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔