Tag: آگ

شکاگو: امریکی ریاست شکاگو کے اوہیئرایئرپورٹ پر امریکی ایئرلائن کے طیارے میں اڑنے سے قبل آگ لگ گئی جس کے نتیجے میں آٹھ افراد زخمی ہوگئے۔

تفصیلات کےمطابق فیڈرل ایوی ایشن ایڈمنسٹریشن کا کہناہے کہ امریکی ریاست شکاگوکے ہوائی اڈے پر بوئنگ طیارہ767شگاکو سے میامی کے لیےمقامی وقت کے مطابق ڈھائی بجے اڑنے لگا تو اس کا ایک پہیہ پھٹ گیا جس سے اس کا انجن بری طرح متاثرہوا۔

امریکی ایئرلائن کا کہناتھا کہ آتشزدگی کے اس حادثے میں سات مسافر اور عملے کا ایک رکن زخمی ہو گئے اور انہیں اسپتال لے جایا گیا۔حادثے کے وقت جہاز پر 161 مسافر اور عملے کے9 افراد سوار تھے۔

ہوائی کمپنی نےنے اپنے بیان میں کہا کہ ہم اپنے مسافروں اور عملے کی دیکھ بھال کر رہے ہیں اور مسافروں کو اسی شام دوسرے جہازوں کے ذریعے میامی بھیج دیا جائے گا۔

دوسری جانب اسی روز کوریئر کمپنی فیڈایکس کے ایک جہاز میں فلوریڈا کے شہر فورٹ لاڈرڈیل میں اس وقت آگ لگی جب اترتے وقت جہاز کے لینڈنگ گیئر نے کام کرنے چھوڑ دیا۔

ایتھنز: یونان میں لیبوس کے جزیرے پر موجود موریا کیمپ کو4000 سے زائد پناہ گزینوں سے اس وقت خالی کروانا پڑا جب شدید آگ نے وہاں کے ٹینٹ اور گھروں میں تباہی مچا دی۔

تفصیلات کےمطابق اس واقعے میں کسی بھی شخص کے زخمی ہونے کی اطلاع موصول نہیں ہوئی جبکہ بعد میں کچھ پناہ گزینوں کو کیمپ میں واپسی کی اجازت بھی دے دی گئی۔

پولیس تاحال یہ تفتیش کر رہی ہے کہ کیا آگ جان بوجھ کر لگائی گئی،مگر ایک امدادی کارکن کا کہنا ہے کہ خواراک کے معاملے پر جھگڑے کے بعد آگ لگی۔

سوئس امدادی ادارے ایس اے او کے ایک کارکن ارس ولاسپولوس کا کہنا ہے کہ آگ لگنے کے باعث 30 فیصد کیمپ جل گئے۔

خیال رہے کہ رہے کہ لیسبوس میں 3600 پناہ گزینوں کی گنجائش ہے تاہم اقوامِ متحدہ کے مطابق وہاں 5600 پناہ گزین رہ رہے ہیں۔

واضح رہے کہ اس جزیرے پر پناہ کی تلاش میں آنے والے افراد تب تک مقیم رہنے پر مجبور ہوتے ہیں جب تک انھیں پناہ دیے جانے کے حوالے سے کارروائی مکمل نہ ہو جائے۔

ایریزونا: امریکی ریاست ایریزونا کے شہر فیونکس میں ایک چھوٹے طیارے نے مکان کی چھت پر لینڈنگ کی ہے تاہم اس میں سوار پائلٹ اور چار سکائی ڈائیورز سمیت مکان کے رہائشی محفوظ رہے۔

تفصیلات کے مطابق امریکہ کی ریاست ایریزونا کے شہر فیونکس میں چھوٹے طیارت نے مکان کی چھت پر لینڈنگ کی جس میں طیارے میں سوار تمام افراد سمیت مکان میں رہنے والے بھی بچ گئے۔

آگ بھجانے والے محکمے کے حکام کا کہنا ہے کہ تمام افراد طیارے کے مکان کے ساتھ ٹکرانے سے قبل ہی کودنے میں کامیاب ہوگئے تھے۔اس وقت مکان میں دو افراد موجود تھے۔دونوں افراد کو کسی قسم کے زخم نہیں آئے۔

پولیس کا کہنا ہے کہ تمام چار سکائی ڈائیورز محفوظ رہے تاہم پائلٹ کو آگ کے باعث معمولی زخم آئے جس کے لیے انہیں اسپتال لے جایاگیا۔

ایسا خیال کیا جا رہا ہے کہ یہ چھوٹا طیارہ اسکائی ڈائیورز کو آئینی تقریب کے لیے لے کر جا رہا تھا۔یہ تقریب امریکی آئین سے متعلق منعقد کی جاتی ہے۔

کیلیفورنیا : امریکہ کی ریاست کیلیفورنیا کے جنوبی علاقوں میں بھڑک اٹھنے والی آگ پر تاحال قابو نہیں پایا جاسکا.

تفصیلات کے مطابق کیلیفورنیا کے جنوبی علاقوں میں آگ بجھانے کا عملہ آگ بجھانے کی کوششوں میں مصروف ہے اور ان کا کہنا ہے کہ آگ کی نوعیت شدید ترین ہے.

لاس اینجلس کے قریب لگی اس جنگل کی آگ کی وجہ سے 82 ہزار افراد کو علاقہ خالی کردینے کا حکم جاری کیا گیا ہے.

اس آگ کو بلیو کٹ فائر کا نام دیا گیا ہے اور اس نے متعدد مکانات تباہ کر دیے ہیں اور کیلیفونیا اور نیواڈا کے درمیان ٹرانسپورٹ کا نظام بھی متاثر کیا ہے.

*کیلی فورنیا:جنگلات میں لگی خوفناک آگ، 3 افراد گرفتار

آگ منگل کو خشک سالی کے شکار ایک پہاڑی راستے پر لگی اور ایک دن میں تقریبا 47 مربع میل کے علاقے میں پھیل گئی.آگ کو بجھانے کے لیے 1300 فائرفائٹرز کوششیں کر رہے ہیں.

آگ بجھانے کے عملے کے کمانڈر مائک واکوسکی کا کہنا ہے کہ انہوں نے گزشتہ 40 برسوں میں اس سے شدید آگ کبھی نہیں دیکھی.

تاحال کسی کے ہلاک ہونے کی مصدقہ اطلاعات نہیں ہیں تاہم سرغ رساں کتوں کی مدد سے تباہ ہونے والی جگہوں پر تلاش جاری ہے.

حکام کا کہنا ہے کہ وہ اس بارے میں کچھ نہیں کہہ سکتے کہ آگ سے کتنے مکانات تباہ ہوئے تاہم خدشہ ظاہر کیا جارہا ہے ان کی تعداد سینکڑوں میں ہوسکتی ہے.