ARYNews.tv | Urdu – Har Lamha Bakhabar

Tag: ائیرپورٹ

  • ائیرپورٹ کی پارکنگ فیس میں ہوشربا اضافہ کردیا گیا

    ائیرپورٹ کی پارکنگ فیس میں ہوشربا اضافہ کردیا گیا

    (27 اگست 2025): اسلام آباد اور جناح انٹرنیشنل ایئرپورٹ پر پارکنگ فیس میں ہوشربا اضافہ کردیا گیا ہے۔

    تفصیلات کے مطابق کراچی اور اسلام آباد ائیرپورٹ کی پارکنگ فیس میں اضافہ کردیا گیا، ابتدائی تین گھنٹوں کی پارکنگ فیس 100 روپے سے بڑھا کر 120 روپے کردی گئی۔

    ذرائع کا کہنا ہے کہ اس قبل پارکنگ فیس 100 روپے تھی جبکے ابتدائی تین گھنٹوں کے بعد فی گھنٹہ 50 روپے چارج کیے جاتے تھے اب ابتدائی 3 گھنٹوں کے بعد فی گھنٹہ چارجز 70 روپے کردئیے گئے۔

    بھاری فیس وصول کرنے کے باوجود پارکنگ کی جگہ پر نہ تو کوئی شیڈ میسر ہے اور نہ ہی گاڑی کے کسی نقصان کی ذمہ داری لی جاتی ہے، اضافی فیس پر سول ایوی ایشن حکام موقف دینے سے گریزاں ہیں اور چپ سادھ لی ہے۔

    اس سے قبل سندھ حکومت نے عوام کو بڑا ریلیف دیتے ہوئے کراچی کے 25 ٹاؤنز میں شہری سڑکوں سے پارکنگ فیس کے مکمل خاتمے کا اعلان کیا تھا۔

    صوبائی حکومت نے پارکنگ فیس مکمل ختم کرنے کا نوٹیفکیشن جاری کرتے ہوئے شہر کی تمام سڑکوں پر چارجڈ پارکنگ فیس لینے پر مکمل طور پر پابندی عائد کر دی۔

    پارکنگ فیس اب صرف پلازہ، پلاٹس یا مخصوص کونسلز کے مخصوص علاقوں میں لی جائے گی، تمام ٹاؤن میونسپل کارپوریشنز کو فیس ختم کرنے اور فوری عمل درآمد کی ہدایات جاری کر دی گئی ہے، غیر قانونی طور پر شہریوں سے پارکنگ فیس لینے والوں کے خلاف کارروائی کی جائے گی۔

  • کپل شرما بھی کرن جوہر کے نقشِ قدم پر؟ ویڈیو نے سب کو حیران کردیا

    کپل شرما بھی کرن جوہر کے نقشِ قدم پر؟ ویڈیو نے سب کو حیران کردیا

    بھارت کے معروف کامیڈین و اداکار کپل شرما نے وزن کم کرکے سب کو حیران کردیا۔

    رپورٹس کے مطابق کامیڈین کپل شرما نے بدھ کی ممبئی ایئرپورٹ پر نظر آئے جس کی ویڈیو تیزی سے سوشل میڈیا پر وائرل ہورہی ہے، جس میں کپل وزن میں کمی کے بعد پہلے سے کہیں زیادہ دبلے نظر آرہے ہیں۔

     ممبئی ائیرپورٹ کی ویڈیو میں دیکھا جاسکتا ہے کہ کپل شرما ٹی شرٹ میں موجود ہیں، ویڈیو دیکھ کر مداح بھی حیران رہ گئے اور بعض نے پریشانی کا اظہار کیا۔

    بھارتی میڈیا کا اس حوالے سے کہنا ہے کہ کپل شرما نے اکشے کمار کی فٹنس سے متاثر ہو کر جم جانا شروع کیا اور وہ روزانہ صبح سویرے اٹھ کر جم جاتے ہیں۔

    رپورٹس کے مطابق فروری سے کپل شرما سخت ٹریننگ لے رہے ہیں، روزانہ دو گھنٹے جم میں ورزش کرتے ہیں اور اس کے ساتھ ساتھ کک باکسنگ کی بھی تربیت حاصل کر رہے ہیں۔

    دوسری جانب کپل شرما کے نئے روپ پر مداحوں نے بھی دلچسپ تبصرے کیے ہیں، کسی نے لکھاکہ طبیعت ٹھیک نہیں کیا کپل کی؟

    ایک اور صارف نے کہا کہ لگتا ہے کپل بھی کرن سے متاثر ہوکر ان کے نقش قدم چل رہے ہیں، ایک اور صارف نے کہا کہ آج کل ایسے کیسے ہوگئے؟

    کپل کے ایک اور پرستار نے لکھا کہ وہ اچھا لگ رہا ہے، ایک شخص نے تبصرہ کیا بھئی سب اتنے پتلے کیسے ہو رہے ہیں، ہمیں بھی بتادو۔

  • ائیرپورٹ پر خاتون کے بیگ سے کروڑوں مالیت کے زہریلے مینڈک برآمد

    ائیرپورٹ پر خاتون کے بیگ سے کروڑوں مالیت کے زہریلے مینڈک برآمد

    کولمبیا کے بوگوٹا ائیرپورٹ پر خاتون کے بیگ سے 3 کروڑ 60 لاکھ کے زہریلے مینڈک برآمد ہوگئے جس کے بعد خاتون کو گرفتار کرلیا گیا۔

    غیرملکی میڈیا کے مطابق کولمبیا کے بوگوٹا ائیرپورٹ پر خاتون کے بیگ سے 130 زہریلے مینڈک برآمد ہوئے جن کی مالیت 3 کروڑ 60 روپے ہے، پولیس نے جنگلی حیات کی اسمگلنگ کے الزام میں خاتون کو گرفتار کرلیا۔

    حکام کے مطابق،خاتون کا تعلق برازیلین سے ہے وہ براستہ پاناما ساؤ پالو جا رہیں تھیں، خاتون نے دعویٰ کیا کہ مینڈک انہیں جنوبی کولمبیا کی ایک مقامی برادری کی جانب سے تحفے کے طور پر دیے گئے تھے۔

    مقامی پولیس کا اس حوالے سے کہنا ہے کہ بلیک مارکیٹ میں ایک مینڈک کی قیمت تقریباً 1,000 ڈالر ہے۔ مینڈکوں کو چھوٹے کنستروں میں انتہائی نامناسب حالات میں چھپا کر رکھا گیا تھا جس کی وجہ سے وہ پانی کی کمی کا شکار تھے۔

  • کمبوڈیا سے آنے والا مطلوب ملزم ائیرپورٹ سے گرفتار

    کمبوڈیا سے آنے والا مطلوب ملزم ائیرپورٹ سے گرفتار

    کراچی: ایف آئی اے انٹر پول نے کمبوڈیا سے آنے والے ملزم کو لاہور ائیرپورٹ پر گرفتار کر لیا۔

    تفصیلات کے مطابق ایف آئی اے انٹرپول پاکستان نے کارروائی کے دوران کمبوڈیا سے آنے والے ملزم کو لاہور ائیرپورٹ پر گرفتار کر لیا گیا۔

    ترجمان ایف آئی اے کے مطابق ملزم ریڈ نوٹس پر بہاولنگرپولیس کو مطلوب تھا، ملزم ڈکیتی کی متعدد وارداتوں میں ملوث تھا۔

    ایف آئی اے امیگریشن لاہور نے ملزم کو متعلقہ پولیس کے حوالے کر دیا۔

  • سری لنکن کرکٹ ٹیم پاکستان پہنچ گئی

    سری لنکن کرکٹ ٹیم پاکستان پہنچ گئی

    اسلام آباد: سری لنکن کرکٹ ٹیم پاکستان پہنچ گئی ہے، اسلام آباد ایئر پورٹ پر پاکستان کرکٹ بورڈ کے حکام نے مہمان ٹیم کا استقبال کیا۔

    تفصیلات کے مطابق سری لنکن کرکٹ ٹیم غیر ملکی پرواز ای کے 612 کے ذریعے پاکستان پہنچ گئی ہے، ایئر پورٹ پر پی سی بی حکام نے مہمانوں کا استقبال کیا، پاکستان میں 10سال بعد ٹیسٹ کرکٹ کی واپسی ہوئی ہے۔

    سری لنکن ٹیم پاکستان میں 2 ٹیسٹ میچ کھیلے گی، ٹیسٹ میچز کی سیریز کا پہلا میچ 11 سے 15 دسمبر کو کھیلا جائے گا، راولپنڈی میں ٹیسٹ کرکٹ کا میلہ 15 دسمبر تک رہے گا، سری لنکا اور پاکستانی ٹیم منگل کو پریکٹس میچ کھیلیں گی، پریکٹس میچ کے بعد دونوں ٹیموں کے کپتان پریس کانفرنس کریں گے۔

    یہ بھی پڑھیں:  سری لنکا کے خلاف ٹیسٹ سیریز: 16 رکنی قومی اسکواڈ کا اعلان

    دوسری طرف ذرایع نے بتایا ہے کہ پاک سری لنکا ٹیسٹ کرکٹ سیریز کے لیے پاکستان کرکٹ ٹیم کے تمام کھلاڑِی بھی اسلام آباد پہنچ گئے ہیں، قومی ٹیم کے کھلاڑی اسلام آباد کے مقامی ہوٹل میں موجود ہیں، پاکستانی کھلاڑیوں نے میٹنگ میں میچ کے حوالے سے اہم مشاورت کی۔

    خیال رہے کہ قومی کرکٹ ٹیم کل راولپنڈی کرکٹ اسٹیڈیم میں اپنا پریکٹس میچ کھیلے گی، راولپنڈی کرکٹ اسٹیڈیم میں سیکورٹی کے تمام انتظامات پاک فوج کے سپرد کیے گئے ہیں، شایقین کرکٹ کے لیے اسلام آباد کے مختلف مقامات پر ٹکٹس دستیابی کی سہولت فراہم کی گئی ہے۔

    اسلام آباد میں ایف ٹین مرکز، ایکسپریس سینٹر، امانت پلازہ، ایف ایٹ مرکز، راِئل ان پلازہ، آب پارہ مارکیٹ، خیابان سہروردی اور جی ایٹ مرکز، ایگزیکٹو کمپلیکس میں ٹکٹس دستیاب ہوں گے۔ جب کہ راولپنڈی میں صدر، کھنہ ایکسپریس سینٹر، فضائیہ کالونی، سکیم تھری، کمرشل مارکیٹ، سکستھ روڈ، رائل سینٹر، چاندی چوک، بلال پلازہ پر ٹکٹس دستیاب ہوں گے۔

  • بارش : ائیرپورٹ کے کارگو شیڈ میں پڑا سامان بھیگ کر تباہ ، ایکسپورٹرز کو لاکھوں کا نقصان

    بارش : ائیرپورٹ کے کارگو شیڈ میں پڑا سامان بھیگ کر تباہ ، ایکسپورٹرز کو لاکھوں کا نقصان

    کراچی : شہر میں ہونے والی بارشوں میں حفاظتی انتظامات نہ ہونے کے باعث کروڑوں روپے مالیت کا ایکسپورٹ ہونے والا سامان بھیگ کر خراب ہوگیا جس کے باعث مالک کو بھاری نقصان برداشت کرنا پڑا۔

    تفصیلات کے مطابق ائیرپورٹ کے کارگو شیڈ میں بارش کے پانی کی وجہ سے ایکسپورٹرز کا سامان بھیگ گیا، سول ایوی ایشن اتھارٹی کی جانب سے ویدر الرٹ جاری ہونے کے باوجود متعلقہ ایئرلائنز نے انتظامات نہیں کیے تھے۔

    اس حوالے سے ذرائع کا کہنا ہے کہ کارگو شیڈ میں سامان کو ڈھانپا نہیں گیا اور حفاظتی اقدامات نہ ہونے کی وجہ سے کارگو ایکسپورٹ کو نقصان پہنچا، شیڈ کے اطراف ترپال نہیں ڈالے گئے تھے جس کی وجہ سے بارش کے پانی نے سامان کو متاثر کیا۔

    ایئرپورٹ منیجر کا کہنا ہے کہ کارگو سامان کو پلاسٹک اور ترپال سے ڈھانپنا ایئرلائنز کی ذمہ داری ہے، سی اے اے نے کارگو شیڈ بناکر دیے ہیں لہٰذا سامان کی رکھوالی اور اس کی حفاظت کرنا ایئرلائنز پر عائد ہوتی ہے۔

  • پاکستانی شہری ترکی کے ائیرپورٹ سے لاپتہ

    پاکستانی شہری ترکی کے ائیرپورٹ سے لاپتہ

    لاہور:  پاکستانی شہری نظر حسین استبول کے ائیرپورٹ پراسرار طور پر لاپتہ ہوگیا وہ پاکستان سے روزگار کے سلسلے میں رومان جارہا تھا۔

    نمائندہ اے آر وائی کے مطابق پاکستانی نوجوان ترکی ائیرلائن کے ذریعے لاہور ائیرپورٹ سے بذریعہ استنبول رومان جارہا تھا کہ اچانک ائیرپورٹ پہنچنے کے بعد اُس کا رابطہ اہل خانہ سے منتقطع ہوگیا۔

    والد فاروق نظر کے مطابق میرا بیٹا 20 روز قبل لاہور سے رومان جانے کے لیے روانہ ہوا اور استنبول ائیرپورٹ تک وہ اہل خانہ سے رابطے میں رہا مگر اُس کے بعد سے رابطہ بالکل منقطع ہوگیا۔

    اُن کا کہنا تھا کہ ہم نے ترکی کے شہر استنبول میں واقع پاکستانی سفارت خانے پر رابطہ کرنے کی کوشش کی مگر کوئی شنوائی نہ ہوسکے البتہ ترکش ائیرلائن جواب دیا کہ نظر حسین نے ائیرپورٹ پہنچنے پر بورڈنگ نہیں کروائی اور نہ ائیرپورٹ پر اُس کا کوئی ریکارڈ موجود ہے۔

    نظر حسن کے صاحبزادے نے والد دس برس سے اٹلی کے شہر روم میں محنت مزدوری کررہے تھے اور وہ گزشتہ دنوں چھٹیوں پر پاکستان آئے ہوئے تھے، استنبول ائیرپورٹ کی انتظامیہ گمشدگی کے حوالے سے کوئی تعاون نہیں کررہی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • استنبول میں 200 پاکستانی محصور، وزیراعظم کا واپس لانے کا حکم

    استنبول میں 200 پاکستانی محصور، وزیراعظم کا واپس لانے کا حکم

    اسلام آباد: وزیراعظم نواز شریف نے نے اے آر وائی نیوزکی خبر کا نوٹس لیتے ہوئے استبنول میں پھنسے ہوئے پاکستانیوں کو واپس واطن لانے کا حکم جاری کردیا، ان کے لیے طیارہ آج روانہ ہوگاامید ہے رات بارہ بجے کے بعد وہ وطن پہنچ جائیں گے

    اے آر وائی نیوز نے استنبول میں پاکستانی باشندوں کے محصور ہونے کی خبر نشر کی تھی جس کا وزریراعظم نے نوٹس لیا اور ہم وطنوں کو فوری واپس لانے کی ہدایت دی۔


    100 Pakistani stranded at Istanbul airport by arynews

    وزیراعظم نواز شریف نے ہدایت دی ہے کہ ہم وطنوں کو واپس لانے کے لیے اگر خصوصی پروازوں کی ضرورت ہے تو انتظامات کیے جائیں کوئی کسر نہپں چھوڑی جائے،ہدایات پر عمل کرتے ہوئے استنبول میں محصور شدہ پاکستانیوں کی واپسی کے لیے پاکستان قومی ایئر لائن نے منصوبہ ترتیب دے دیا جس کے تحت 150 محصور طیاروں کو وطن واپس لانے کے لیے طیارہ آج ترکی روانہ ہوگااور رات بارہ بجے کے بعد کسی بھی وقت پاکستانی باشندے وطن میں ہوں گے۔

    چیئرمین پی آئی اے اعظم سہگل کا کہنا ہے کہ ترکی میں غیر یقینی صورتحال کے سبب مشکلات کا سامنا ہے، طیارے کی گرائونڈ ہینڈلنگ اور فیول کے لیے کوششیں کی جارہی ہیں، پاکستانیوں کی واپسی کے لیے وزارت خارجہ سے رابطے میں ہیں۔

    اطلاعات ہیں کہ ترکی میں اس وقت 150 سے زائد پاکستانی پھنسے ہوئے ہیں۔ وہاں محصور پاکستانیوں کا کہنا ہے کہ ایئرپورٹ انتظامیہ ہمیں کچھ نہیں بتارہی۔

    200 پاکستانی محصور ہیں، ترک پریس اتاشی

    ترکی کے پریس اتاشی عبدالاکبر نے اے آر وائی نیوز سے بات کرتے ہوئے تصدیق کی کہ اس وقت ایئرپورٹ پر دوسو کے قریب پاکستانی محصور ہیں، استنبول ایئرپورٹ پر فلائٹس کا شیڈول متاثر ہوا تھا لیکن اب فلائٹس کا شیڈول بحال ہوچکا۔ انہوں نے یقین دلایا کہ پاکستانی باشندوں کی واپسی کے لیے جو کچھ کرسکے کریں گے۔

    اس حوالے سے ترکش ایئرلائن نے کہا ہے کہ مسافروں کو لینے کے لیے ہمارا طیارہ ٹی کے 708 روانہ ہورہا ہے جو آج رات مسافروں کو ساڑھے بارہ بجے لے وطن پہنچ جائے گا۔

    استنبول ایئرپورٹ پر سفارتخانے کے دو اہلکار تعینات

    دفتر خارجہ کے ترجمان زکریا نفیس نے کہا ہے کہ استنبول ایئرپورٹ پر موجود تمام پاکستانی خیریت سے ہیں، ایئرپورٹ پر سفارت خانے کے دو افسران تعینات کردیے ہیں جو پاکستانیوں کی  ہر ممکن مدد کریں گے اور ان کی روانگی تک ایئرپورٹ پر موجود رہیں گے۔

  • ورلڈٹی ٹوئنٹی میں پاکستان کی انٹری،پاکستان ٹیم کولکتہ پہنچ گئی

    ورلڈٹی ٹوئنٹی میں پاکستان کی انٹری،پاکستان ٹیم کولکتہ پہنچ گئی

    کولکتہ: ورلڈٹی ٹوئنٹی میں پاکستان کی انٹری،آفریدی الیون کولکتہ پہنچ گئی پاکستانی ٹیم کے اردگرد سیکورٹی اہلکاروں کاحصار،شائقین دوردور صحافیوں کوبھی آفریدی الیون سے بات کرنے کی اجازت نہیں دی گئی۔

    پاکستان ٹیم کی بھارت آمد کا سبھی کو انتظار تھا نجی پرواز کے ذریعے گرین شرٹس کولکتہ پہنچ گئی، کولکتہ کا ائیرپورٹ ْقلعہ کا منظر پیش کررہا تھا، پاکستانی ٹیم کے لئے پولیس اور فورسز کے سخت سیکورٹی حصار اور بم پروف بس کا بندوست کیا گیا جس میں پاکستان ٹیم ائیر پورٹ سے ہوٹل کے لیے روانہ ہوئی۔

    فیلڈ کی طرح ایرپورٹ پر بھی شاہد آفریدی نے لیڈ کیا،ٹیم کا استقبال مقامی حکومت نے کیا،کھلاڑیوں کو ائیرپورٹ پر کسی سے بات کرنے کی اجازت بھی نہیں دی گئی۔ قومی ٹیم سکیورٹی حسار میں تاج ہوٹل پہنچادیا گیا، ہوٹل کا ایک فلور پاکستان ٹیم کیلئے وقف ہے۔

    ورلڈ ٹی ٹوئنٹی میں قومی ٹیم ایک وارم اپ میچ چودہ مارچ کو سری لنکا کیخلاف ایڈن گارڈنز کولکتہ میں کھیلے گی، ورلڈ ٹوئنٹی کا پہلا میچ کوالیفائر ٹیم سے بدھ کو ہوگا۔

     

  • پاکستان واپس آکر اپنی جدوجہد جاری رکھوں گا، طاہرالقادری

    پاکستان واپس آکر اپنی جدوجہد جاری رکھوں گا، طاہرالقادری

    لاہور: ڈاکٹر طاہر القادری نے علاج کے لئے امریکہ روانگی سے قبل میڈیا سے گفتگو کر تے ہو ئے کہا کہ ڈاکٹر کی اجازت سے بلا تاخیر پاکستان واپس آوں گا اور پاکستان واپس آکر اپنی جدوجہد جاری رکھوں گا۔

    ڈاکٹر طاہر القادری کا امریکا روانہ ہو نے کیلئے اپنے گھر سے ائیرپورٹ کیلئے نکل گئے ہیں اس موقع پر انھوں نے میڈیا سے گفتگو کرتے ہوئے کہنا تھا کہ وہ گزشتہ بتیس سال سے دل کے عارضہ میں مبتلا ہیں اور بلڈ پریشر کا مرض دل کے علاج میں رکاوٹ بن رہا ہے، وقت کے ساتھ ساتھ دوائیں اور مرض بھی بڑھتا گیا، اللہ مجھے صحتیابی عطا کرے گا۔

    طاہر القادری کا کہنا تھا سانحہ لاہور کے شہدا کا خون رائیگاں نہیں جا ئیگا، حکومت اور عوامی تحریک کے مذاکرات میں دیت سےمتعلق کوئی تجویز زیر غور نہیں تھی اور دیت سے متعلق جس نے بھی کہا جھوٹ ہے۔

    عوامی تحریک کے سربراہ کا کہنا تھا کہ وہ جے آئی ٹی کو مسترد کر چکے ہیں اور ایک فیصد بھی قبول نہیں کریں گے۔ طاہر القادری نے کہا کہ سانحے کی چھپائی گئی رپورٹ منظرعام پر آنے سے نئے راستے کھلیں گے۔

    ڈاکٹر طاہرالقادری کا مزید کہنا تھا کہ نظام بدلنے کی کوئی جدوجہد پاکستان عوامی تحریک کے بغیر کامیاب نہیں ہو سکتی ہے۔