لاہور: پنجاب حکومت کا پولیس اہلکاروں کے ساتھ بھونڈامذاق،طاہرالقادری کی وطن واپسی پر بے نظیرانٹرنیشنل ائیرپورٹ پرہنگامہ آرائی کے دوران زخمی ہونے والے پولیس اہلکاروں کو دئیے جانے والے چیک ڈس آنر ہوگئے۔تفصیلات کے مطابق علامہ طاہرالقادری کی لاہور آمد کے موقع پرپاکستان عوامی تحریک کے کارکنوں کے ہاتھوں زخمی ہونے والے پولیس اہلکاروں کوپنجاب حکومت نے ذہنی اذیت میں مبتلا کردیا۔
وزیراعلیٰ پنجاب شہباز شریف نے نیک نامی کیلئےفوری طورپراسپتالوں میں زیرعلاج چالیس پولیس اہلکاروں میں تین لاکھ روپے کے امدادی چیک تقسیم کیے ، لیکن جب پولیس اہلکارچیک کیش کرانے گئے توان کی آنکھیں آنکھیں کھلی کی کھلی رہ گئیں کیوں کہ سرکار کی جانب سے دیئے چیک ڈس آنر ہوچکے تھے۔پولیس اہلکاروں نے حکام بالا کومعاملے سے آگاہ کیاتو انہیں خاموش رہنے اورآواز اٹھانے کی صورت میں مبینہ طورپر نوکری سے برخاست کی دھمکی دے دی گئی۔
