کراچی : ائیر پورٹس پر بیرون ملک نوکری پر جانیوالے نوجوانوں کو آف لوڈ کئے جانے کا انکشاف سامنے آیا، پاکستان اووسیز ایمپلائمنٹ پروموٹرز ایسوسی ایشن نے حکومت معاملے کا فوری نوٹس لینے کا مطالبہ کردیا۔
تفصیلات کے مطابق پاکستان اووسیز ایمپلائمنٹ پروموٹرز ایسوسی ایشن نائب چئیرمین عدنان پراچہ کی جانب سے بیان میں کہا گیا ہے کہ بیرون ملک نوکری پر جانے والوں کے پاس ورک ویزا اور پروٹیکٹر کی اسٹیمپ بھی ہوتی ہے ، لیکن ائیر پورٹس پر بیرون ملک نوکری پر جانے والوں کو آف لوڈ کیا جارہا ہے۔
عدنان پراچہ کا کہنا تھا کہ ٹکٹ نان رفنڈ ہوتے ہیں جس سے ان کو بھاری مالی نقصانات ہونے کے علاوہ بیرون ملک کمپنیوں کی شکایات بھی بڑھ رہی ہیں۔
انھوں نے بتایا کہ اووسیز ایمپلائمنٹ پروموٹرز ایک معاہدے کے زریعے نوجوانوں کو ورک ویزے پر بھجتے ہیں اور بیرون ملک پاکستانی ورکز سالانہ 33 سے 34 ارب ڈالر کی قیمتی زرمبادلہ بھیج رہے ہیں۔
عدنان پراچہ نے حکومت سے اپیل کی وزیر اعظم اور وفاقی وزیز داخلہ سے اس معاملے کا فوری نوٹس لینے کا مطالبہ کرتے ہیں، بیرون ملک ملازمت کے لیے جانے والوں کی مشکلات فوری حل کرائی جائیں۔
