Tag: ائیر کوالٹی انڈیکس

لاہور : صوبائی دارلحکومت لاہور میں ائیرکوالٹی انڈیکس پھر 1000 سے تجاوزکرگیا، آئندہ تین روز میں اسموگ کی صورتحال بدترین ہونے کا خدشہ ہے۔

تفصیلات کے مطابق بھارت سے آنے والی ہواؤں کے باعث لاہور آج بھی زہریلی فضا کی لپیٹ میں ہے اور دنیا کے آلودہ ترین شہروں میں سرفہرست ہے۔

باغوں کے شہر کا ائیر کوالٹی انڈیکس خطر ناک حد کو چھوگیا، صبح کے وقت شہرکا اے کیو آئی ایک ہزار سے تجاوزکرگیا۔

محکمہ محولیات صحت کا کہنا ہے کہ بھارت کی اسموگ آلودہ ہوائیں پاکستان کے علاقوں کو متاثرکر رہی ہیں، آئندہ تین روز تیزہوائوں سے اسموگ کی صورتحال بدترین ہونے کا خدشہ ہے۔

لاہور میں اسموگ سے ایک ماہ کے دوران ایک لا کھ سے زائد شہری آنکھوں اور گلے کےانفیکشن سے متاثر ہوچکے ہیں۔

لاہورمیں مشرقی ہواؤں کےباعث 12 گھنٹے میں موسمیاتی تبدیلی کی پیش گوئی کی گئی ہے، سیکریٹری تحفظ ماحولیات راجہ جہانگیر انور نے بتایا کہ موسمیاتی تبدیلی سےلاہور کے اے کیو آئی میں اضافے کا امکان ہے، اسموگ کی صورت آج دوپہر 12 بجے تک رہنے کا خدشہ ہے۔

سیکریٹری تحفظ ماحولیات نے کہا کہ عوام بلاضرورت گھروں سے باہر جانے سے اجتناب کریں، شہری ماسک کا استعمال اور احتیاطی تدابیر اپنائیں، عوام گھروں کے دروازے اور کھڑکیاں بندرکھیں۔

لاہور : آلودگی کے اعتبار سے لاہور دنیا میں پہلے نمبر پر براجمان ہے ، جہاں ائیر کوالٹی انڈیکس مجموعی طور دو سو تیس ریکارڈ کیا گیا۔

تفصیلات کے مطابق لاہور میں فضائی آلودگی کا راج برقرار ہے ، جہاں ائیر کوالٹی انڈیکس مجموعی طور دو سو تیس ہو گیا ہے، جس کے باعث فضائی آلودگی میں بھی لاہور دنیا کے شہروں میں سر فہرست ہے۔

شارع قائداعظم پر ایئرکوالٹی 424 سے تجاوزکر گیا جبکہ ڈی ایچ اے کے علاقے کا ایئرکوالٹی انڈیکس 343 ، کینٹ کے علاقے کا ایئر کوالٹی انڈیکس 313ریکارڈ کیا گیا اور مال روڈ کے علاقے کا ایئر کوالٹی انڈیکس 400 پہنچ گیا ہے۔

لاہور میں سردی میں اضافہ ہوگیا ہے اور شہر کا موجودہ درجہ حرارت 10سینٹی گریڈ ریکارڈ کیا گیا۔

پنجاب حکومت نے پھر سے انسداد سموگ اقدامات کرنے پر غور شروع کر دیا ہے اور شہریوں کوماسک کااستعمال کرنےکی ہدایت کی ہے۔